ОБЕДНИЦА (изобразительные) Неделя 8 по Пасхе. День Святой Троицы. Пятидесятница. ЧАС ДЕВЯТЫЙ.
12 ию́ня 2022 гóда. День Святóй Трóицы. Недéля 8-я по Пáсхе. Пятидеся́тница. Вся слýжба прáздника (по Трióди) для домáшнего (келéйного) совершéнiя.
Прéжде глагóли часы. Аще имаши произволение то чти утреню с каноном и первым часом, аще же ни, токмо часы.
ЧИН ОБЕДНИЦЫ
Первый антифон (Пс.18)
Хор, стих 1: Небесá повéдают/ слáву Бóжiю.
Хор: Молúтвами Богорóдицы, Спáсе, спасú нас.
Стих 1: Небесá повéдают слáву Бóжiю,/ творéнiе же рукý Егó возвещáет твердь.
Молúтвами Богорóдицы, Спáсе, спасú нас.
Стих 2: День дни отрыгáет глагóл,/ и нощь нóщи возвещáет рáзум.
Молúтвами Богорóдицы, Спáсе, спасú нас.
Стих 3: Во всю зéмлю изы́де вещáнiе их,/ и в концы́ вселéнныя глагóлы их.
Молúтвами Богорóдицы, Спáсе, спасú нас.
Слáва Отцý и Сы́ну и Святóму Дýху/ и ны́не и при́сно и во вéки векóв. Ами́нь.
Молúтвами Богорóдицы, Спáсе, спасú нас.
Второй антифон (Пс.19)
Стих 1: Услы́шит тя Госпóдь/ в день печáли.
Хор: Спасú ны Утéшителю Благíй/ пою́щiя Ти: аллилýїа.
Стих 1: Услы́шит тя Госпóдь в день печáли,/ защи́тит тя и́мя Бóга Iáковля.
Спасú ны Утéшителю Благíй/ пою́щiя Ти: аллилýїа.
Стих 2: Пóслет ти пóмощь от Святáго,/ и от Сióна застýпит тя.
Спасú ны Утéшителю Благíй/ пою́щiя Ти: аллилýїа.
Стих 3: Даст ти Госпóдь по сéрдцу твоемý,/ и весь совéт твой испóлнит.
Спасú ны Утéшителю Благíй/ пою́щiя Ти: аллилýїа.
Слáва Отцý и Сы́ну и Святóму Дýху и ныне и при́сно и во вéки векóв. Аминь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрiстé Бóже, смéртїю смерть попрáвый,/ Еди́н Сый Святы́я Трóицы,/ спрославля́емый Отцý и Святóму Дýху, спасѝ нас.
Третий антифон (Пс.20)
Стих 1: Гóсподи, си́лою Твоéю возвесели́тся царь.
Тропáрь Пятидеся́тницы, глас 8: Благословéн есú, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
Стих 1: Гóсподи, си́лою Твоéю возвесели́тся царь, и о спасéнiи Твоéм возрáдуется зелó.
Благословéн есú, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
Стих 2: Желáнiе сéрдца егó дал еси́ емý, и хотéнiя устнý егó нéси лиши́л егó.
Благословéн есú, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
Стих 3: Я́ко предвари́л еси́ егó благословéнiем благосты́нным, положи́л еси́ на главé егó венéц от кáмене чéстна.
Благословéн есú, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
Тропари и кондаки
Тропáрь Пятидеся́тницы, глас 8: Благословéн еси́, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Кондáк Пятидеся́тницы, глас 8: Егдá снизшéд язы́ки слiя́,/ разделя́ше язы́ки Вы́шнiй,/ егдá же óгненныя язы́ки раздая́ше,/ в соединéнiе вся призвá,// и соглáсно слáвим Всесвятáго Дýха.
Вместо Трисвятого
Хор: Ели́цы во Хрiстá крести́стеся,/ во Хрiстá облекóстеся.// Аллилýіа. (Трижды)
Хор: Слáва Отцу и Сыну и Святóму Духу, и ныне и присно и во вéки векóв. Аминь.
Хор: Во Хрiстá облекóстеся.
Хор: Ели́цы во Хрiстá крести́стеся,/ во Хрiстá облекóстеся.// Аллилýіа.
ПРОКИМЕН
Чтец: Проки́мен, глас осьмы́й. Во всю зéмлю изы́де вещáнiе их, и в концы́ вселéнныя глагóлы их.
Хор: Во всю зéмлю изы́де вещáнiе их,/ и в концы́ вселéнныя глагóлы их.
Чтец: Небесá повéдают слáву Бóжiю, творéнiе же рукý Егó возвещáет твердь.
Хор: Во всю зéмлю изы́де вещáнiе их,/ и в концы́ вселéнныя глагóлы их.
Чтец: Во всю зéмлю изы́де вещáнiе их.
Хор: И концы́ вселéнныя глагóлы их.
АПОСТОЛ
Чтец: Дея́нiй святы́х апóстол чтéнiе.
(Деян.зач.3): Во дни óны, егдá скончавáшася днíе Пятьдеся́тницы, бéша вси апóстоли единодýшно вкýпе. И бысть внезáпу с небесé шум, я́ко носи́му дыхáнiю бýрну, и испóлни весь дом, идéже бяху седяще: и яви́шася им разделéни языцы я́ко óгненни, сéде же на еди́нем кóемждо их. И испóлнишася вси Дýха Свята и начáша глагóлати иными языки, я́коже Дух даяше им провещавáти. Бяху же во Iерусали́ме живýщiи iудéе, мýжiе благоговéйнiи, от всегó языка, и́же под небесéм. Бывшу же глáсу семý, сни́деся нарóд и смятéся, я́ко слышаху еди́н кíйждо их свои́м языком глагóлющих их. Дивляхуся же вси и чудяхуся, глагóлюще друг ко дрýгу: не се ли, вси сíи суть глагóлющiи галiлéане? И кáко мы слышим кíйждо свой язык наш, в немже роди́хомся, пáрфяне и ми́дяне и еламíте, и живущiи в Месопотáмiи, во Iудéи же и Каппадокíи, в Пóнте и во Асíи, во Фригíи же и Памфилíи, во Еги́пте и странáх Ливи́и, я́же при Киринíи, и приходящии ри́мляне, иудéе же и пришéлцы, кри́тяне и арáвляне, слышим глагóлющих их нáшими языки вели́чия Бóжiя?
[Русский синодальный перевод]При наступлении дня Пятидесятницы все они были единодушно вместе. И внезапно сделался шум с неба, как бы от несущегося сильного ветра, и наполнил весь дом, где они находились. И явились им разделяющиеся языки, как бы огненные, и почили по одному на каждом из них. И исполнились все Духа Святаго, и начали говорить на иных языках, как Дух давал им провещевать. В Иерусалиме же находились Иудеи, люди набожные, из всякого народа под небом. Когда сделался этот шум, собрался народ, и пришел в смятение, ибо каждый слышал их говорящих его наречием. И все изумлялись и дивились, говоря между собою: сии говорящие не все ли Галилеяне? Как же мы слышим каждый собственное наречие, в котором родились. Парфяне, и Мидяне, и Еламиты, и жители Месопотамии, Иудеи и Каппадокии, Понта и Асии, Фригии и Памфилии, Египта и частей Ливии, прилежащих к Киринее, и пришедшие из Рима, Иудеи и прозелиты, критяне и аравитяне, слышим их нашими языками говорящих о великих делах Божиих? (2:1-11)
Аллилуарий
Чтец: Аллилýіа, аллилýіа, аллилýіа, глас пéрвый
Хор: Аллилýіа, аллилýіа, аллилýіа.
Чтец: Слóвом Госпóдним небесá утверди́шася, и Дýхом уст Егó вся си́ла их.
Хор: Аллилýіа, аллилýіа, аллилýіа.
Чтец: С небесé призрé Госпóдь, ви́де вся сы́ны человéческiя.
Хор: Аллилýіа, аллилýіа, аллилýіа.
ЕВАНГЕЛИЕ
От Iоáнна Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Ин.зач.27): В послéднiй день вели́кiй прáздника стояше Iисýс и звáше, глагóля: áще кто жáждет, да прiидет ко Мне и пiéт: вéруяй в Мя, я́коже речé Писáнiе, рéки от чрéва егó истекýт воды живы. Сié же речé о Дýсе, Егóже хотяху прiимáти вéрующiи во и́мя Егó: не у бо бе Дух Святы́й, я́ко Iисýс не у бе прослáвлен. Мнóзи же от нарóда слышaвше слóво, глагóлаху: Сей есть вои́стинну прорóк. Друзíи глагóлаху: Сей есть Хрiстóс. Ѻ́вiи же глагóлаху: едá от Галилéи Хрiстóс прихóдит? Не Писáнiе ли речé, я́ко от сéмене Дави́дова и от Вифлеéмскiя вéси, идéже бе Дави́д, Хрiстóс прiидет? Рáспря ýбо бысть в нарóде Егó рáди. Нéцыи же от них хотяху яти Егó: но никтóже возложи́ Нань руце. Прiидóша же слуги́ ко архiерéом и фарiсéом: и рéша им тíи: почтó не приведóсте Егó? Отвещáша слуги́: николи́же тáко есть глагóлал человéк, я́ко Сей Человéк. Отвещáша ýбо им фарiсéе: едá и вы прельщéни бысте? Едá кто от князь вéрова в Онь, или́ от фарiсéй? Но народ сей, и́же не весть закóна, прóкляти суть. Глагóла Нiкодим к ним, и́же пришéдый к Немý нóщiю, един сый от них: Едá закóн наш сýдит человéку, áще не слышит от негó прéжде и разумéет, что творит? Отвещáша и рекóша емý: едá и ты от Галiлéи еси́? испытáй и виждь, я́ко прорóк от Галiлéи не прихóдит. Пáки же им Iисýс речé глагóля: Аз есмь свет мíру: ходяй по Мне не и́мать ходи́ти во тьме, но и́мать свет живóтный.
[Русский синодальный перевод]В последний же великий день праздника стоял Иисус и возгласил, говоря: кто жаждет, иди ко Мне и пей. Кто верует в Меня, у того, как сказано в Писании, из чрева потекут реки воды живой. Сие сказал Он о Духе, Которого имели принять верующие в Него: ибо еще не было на них Духа Святаго, потому что Иисус еще не был прославлен. Многие из народа, услышав сии слова, говорили: Он точно пророк. Другие говорили: это Христос. А иные говорили: разве из Галилеи Христос придет? Не сказано ли в Писании, что Христос придет от семени Давидова и из Вифлеема, из того места, откуда был Давид?Итак произошла о Нем распря в народе. Итак служители возвратились к первосвященникам и фарисеям, и сии сказали им: для чего вы не привели Его? Служители отвечали: никогда человек не говорил так, как Этот Человек. Фарисеи сказали им: неужели и вы прельстились? Уверовал ли в Него кто из начальников, или из фарисеев? Но этот народ невежда в законе, проклят он. Никодим, приходивший к Нему ночью, будучи один из них, говорит им: судит ли закон наш человека, если прежде не выслушают его и не узнают, что он делает? На это сказали ему: и ты не из Галилеи ли? рассмотри и увидишь, что из Галилеи не приходит пророк. Опять говорил Иисус к народу и сказал им: Я свет миру; кто последует за Мною, тот не будет ходить во тьме, но будет иметь свет жизни(Ин.7:37-52.8:12).
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Отцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Отцá, Вседержителя, Творцá нéбу и земли, ви́димым же всем и неви́димым. И во Еди́наго Гóспода Iисýса Хрiста, Сы́на Бóжiя, Единорóднаго, И҆́же от Отцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Отцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Отцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Отцá исходя́щаго, И҆́же со Отцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрiстé, Сы́не Бóжiй, поми́луй нас. Ами́нь.
КОНДАК
Кондáк Пятидеся́тницы, глас 8: Егдá снизшéд язы́ки слiя́,/ разделя́ше язы́ки Вы́шнiй,/ егдá же óгненныя язы́ки раздая́ше,/ в соединéнiе вся призвá,// и соглáсно слáвим Всесвятáго Дýха.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрiстóс, во слáву Бóга Отцá, ами́нь.
Бýди и́мя Госпóдне благословéно от ны́не и до вéка. (3 раза)
Слáва Отцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм имя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша ѝ,/ и от всех скорбéй егó спасé ѝ./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ ѝ./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Вместо Достойно есть (Задостóйник)
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Iрмóс: Рáдуйся Цари́це,/ Матеродéвственная слáво:/ вся́ка бо удобообращáтельная благоглагóливая устá/ витíйствовати не мóгут,/ Тебé пéти достóйно:/ низумевáет же ум всяк, Твоé Рождествó разумéти.// Тéмже Тя соглáсно слáвим.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
И҆́же в ви́денiи óгненных язы́к, с небесé низпослáвый Пресвятáго Дýха на святы́я Своя́ ученики́ и апóстолы, Хрiстóс и́стинный Бог наш, моли́твами Пречи́стыя Своея́ Мáтере, святы́х слáвных и всехвáльных апóстол, и всех святы́х, поми́лует и спасéт нас, я́ко Благíй и Человеколю́бец.
Хор: Аминь. Гóсподи, помилуй. (3 раза)
По сложившейся давней богослужебной практике Русской Церкви, сразу по отпусте Литургии царские врата и завеса закрываются, и совершается великая вечерня, предваряемая 9 часом.
ЧАС ДЕВЯТЫЙ
Моли́твами святы́х отéц нáших, Гóсподи Иисýсе Христé, Бóже наш, поми́луй нас, ами́нь.
Слáва Тебе, Бóже наш, слáва Тебé.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Отцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и́мене Твоегó рáди.
Гóсподи, поми́луй. (трúжды)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрістé, Сы́не Бóжiй, поми́луй нас. Ами́нь.
Гóсподи, поми́луй, (12 раз)
Слáва Отцý и Сыну и Святóму Дýху, и ны́не и при́сно и во вéки векóв, аминь.
Прїиди́те, поклони́мся Царéви нáшему Бóгу.
Прїиди́те, поклони́мся и припадéм Хрїстý, Царéви нáшему Бóгу.
Прїиди́те, поклони́мся и припадéм Самомý Хрїстý, Царéви и Бóгу нáшему.
Псалом 83
Коль возлюбленна селéнiя Твоя́, Гóсподи сил! Желáет и скончавáется душá моя́ во дворы́ Госпóдни, сéрдце моé и плоть моя́ возрáдовастася о Бóзе живе. И҆́бо птица обрéте себé хрáмину, и гóрлица гнездó себé, идéже положи́т птенцы своя́, олтарѝ Твоя, Гóсподи сил, Царю мой и Бóже мой. Блажéни живýщiи в домý Твоéм, в вéки векóв восхвáлят Тя. Блажéн муж, eмýже есть заступлéнiе eго у Тебé; восхождéнiя в сéрдце своéм положѝ, во юдóль плачéвную, в мéсто éже положѝ, и́бо благословéнiе даст законополагáяй. Пóйдут от си́лы в си́лу: яви́тся Бог богóв в Сióне. Гóсподи Бóже сил, услыши моли́тву мою, внушѝ, Бóже Iáковль. Защи́тниче наш, виждь, Бóже, и при́зри на лицé хрiстá Твоегó. Яко лýчше день еди́н во двóрех Твои́х пáче тысящ: извóлих приметáтися в домý Бóга моего пáче, нéже жи́ти ми в селéнiих грéшничих. Яко ми́лость и и́стину любит Госпóдь, Бог благодáть и слáву даст, Госпóдь не лиши́т благих ходящих незлóбiем. Гóсподи Бóже сил, Блажéн человéк уповáяй на Тя.
Псалом 84
Благоволил есѝ, Гóсподи, зéмлю Твою, возвратил еси плен Iáковль: остáвил еси беззакóнiя людéй Твоих, покрыл еси вся грехи их. Укротил есѝ весь гнев Твой, возвратился еси от гнéва я́рости Твоея́. Возвратѝ нас, Бóже спасéнiй нáших, и отврати я́рость Твою от нас. Едá во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживиши ны, и людiе Твои возвеселя́тся о Тебé. Явѝ нам, Гóсподи, милость Твою, и спасéнiе Твоé даждь нам. Услышу, что речéт о мне Госпóдь Бог: яко речéт мир на люди Своя́, и на преподóбныя Своя́, и на обращáющыя сердцá к Немý. Обáче близ боя́щихся Егó спасéнiе Егó, вселити слáву в зéмлю нáшу. Милость и истина сретóстеся, прáвда и мир облобызáстася. И҆́стина от земли возсiя́, и прáвда с Небесé приниче, ибо Госпóдь даст блáгость, и земля́ нáша даст плод свой. Прáвда пред Ним предъидет, и положи́т в путь стопы своя́.
Псалом 85
Приклонѝ, Господи, ýхо Твоé, и услыши мя, яко нищ и убóг есмь аз. Сохранѝ дýшу мою, яко преподóбен есмь: спаси́ рабá Твоегó, Бóже мой, уповáющаго на Тя. Поми́луй мя, Гóсподи, яко к Тебé воззовý весь день. Возвесели дýшу рабá Твоегó, яко к Тебé взях дýшу мою. Яко Ты, Гóсподи, Благ и Крóток, и Многомилостив всем призывáющым Тя. Внуши, Гóсподи, молитву мою, и вонми гласу молéния моегó. В день скóрби моея воззвáх к Тебé, яко услышал мя есѝ. Несть подóбен Тебé в бозéх, Гóсподи, и несть по делóм Твоим. Вси языцы, елики сотворил есѝ, прiидут и поклóнятся пред Тобóю, Гóсподи, и прослáвят имя Твоé, яко Вéлiй есѝ Ты, и творяй чудесá, Ты есѝ Бог един. Настáви мя, Гóсподи, на путь Твой, и пойдý во истине Твоéй; да возвеселится сéрдце моé боятися имене Твоегó. Исповéмся Тебé, Гóсподи Бóже мой, всем сéрдцем моим, и прослáвлю имя Твоé в век: яко милость Твоя вéлiя на мне, и избáвил еси дýшу мою от áда преиспóднейшаго. Бóже, законопрестýпницы востáша на мя, и сонм держáвных взыскáша дýшу мою, и не предложиша Тебé пред собóю. И Ты, Гóсподи Бóже мой, Щéдрый и Милостивый, Долготерпеливый, и Многомилостивый и истинный, призри на мя и помилуй мя, даждь держáву Твою óтроку Твоемý, и спасѝ сына рабы Твоея. Сотворѝ со мнóю знáменiе во блáго, и да видят ненавидящiи мя, и постыдятся, яко Ты, Гóсподи, помóгл ми и утéшил мя есѝ.
И паки: Сотворѝ со мнóю знáменїе во блáго, и да ви́дят ненави́дящїи мя, и постыдятся, яко Ты, Гóсподи, помóгл ми и утéшил мя есѝ.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Аллилýїа, аллилýїа, аллилýїа, слáва Тебѣ̀ Бóже. (трúжды)
Гóсподи, помúлуй. (трúжды)
Слáва Отцý и Сыну и Святóму Дýху.
Тропáрь Пятидеся́тницы, глас 8: Благословéн еси́, Хрiстé Бóже наш,/ И҆́же премýдры ловцы́ явлéй,/ низпослáв им Дýха Святáго,/ и тéми уловлéй вселéнную,// Человеколю́бче, слáва Тебé.
И ныне и прúсно и во вéки векóв. Амúнь.
Богорóдичен: И҆́же нас рáди рождéйся от Дéвы и распя́тiе претерпéв, Благíй, испровéргiй смéртiю смерть и воскресéнiе явлéй я́ко Бог, не прéзри, я́же создáл еси рукóю Твоéю. Яви́ человеколю́бiе Твоé, Ми́лостиве. Прiимѝ рóждшую Тя Богорóдицу, моля́щуюся за ны. И спасѝ, Спáсе наш, лю́ди отчáянныя.
Не предáждь нас до концá И҆́мене Твоегó рáди, и не разорѝ завéта Твоегó, и не отстáви ми́лости Твоея́ от нас Авраáма рáди, возлю́бленнаго от Тебé, и за Исаáка, рабá Твоегó, и Iзрáиля, святáго Твоегó.
Посем Трисвятое по Отче наш
Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 раза)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Пресвѧтаѧ Трóице, помилуй нас, Гóсподи, очи́сти грехѝ нáшѧ, Владыко, простѝ беззакóния нáшѧ, Святы́й, посетѝ и исцелѝ нéмощи нáшѧ и́мене Твоегó рáди.
Гóсподи, поми́луй. (трúжды)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Ѻ́тче нашъ, И҆́же есѝ на небесѣ́хъ. Да святи́тся И҆́мя Твоé, да прїи́детъ Цáрствїе Твоé, да бýдет вóля Твоѧ̀, ꙗ҆́ко на небесѝ и на землѝ. Хлѣбъ нашъ насýщный даждь намъ днесь, и остáви нам дóлги нáшѧ, я́коже и мы оставлѧ́емъ должникóмъ нáшимъ. И не введѝ нас во искушéнїе, но избáви нас от лукáваго.
Гóсподи, Iисýсе Хрiстé, Сыне Бóжїй, поми́луй нас. Ами́нь.
КОНДAК
Кондáк Пятидеся́тницы, глас 8: Егдá снизшéд язы́ки слiя́,/ разделя́ше язы́ки Вы́шнiй,/ егдá же óгненныя язы́ки раздая́ше,/ в соединéнiе вся призвá,// и соглáсно слáвим Всесвятáго Дýха.
Гóсподи, помúлуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрiстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (трúжды)
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Честнéйшую Херувíм и слáвнейшую без сравнéния Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Моли́твами святых отéц нáших, Гóсподи Iисýсе Хрiстé, Бóже наш, поми́луй нас, ами́нь.
И молитву сию Великаго Василия
Влады́ко Гóсподи, Iисýсе Хрiстé, Бóже наш, долготерпéвый о нáших согрешéнiих и дáже до ны́нешняго часá привeды́й нас, вóньже, на Животворя́щем Дрéве ви́ся, благоразýмному разбóйнику и́же в рай путесотвори́л есѝ вход и смéртiю смерть разруши́л есѝ: очи́сти нас, грéшных и недостóйных раб Твои́х, согреши́хом бо и беззакóнновахом и нéсмы достóйни возвестѝ очесá нáша и воззрéти на высотý Небéсную, занé остáвихом путь прáвды Твоея́ и ходи́хом в вóлях сердéц нáших. Но мóлим Твою́ безмéрную блáгость: пощади́ нас, Гóсподи, по мнóжеству ми́лости Твоея́, и спасѝ нас И҆́мене Твоегó рáди святáго, яко исчезóша в суетé днíе нáши, изми́ нас из рукѝ сопроти́внаго, и остáви нам грехѝ нáша, и умертви́ плотскóе нáше мудровáнiе, да, вéтхаго отложи́вше человéка, в нóваго облецéмся и Тебé поживéм, нáшему Влады́це и Благодéтелю. И тáко, Твои́м послéдующе повелéнiем, в вéчный покóй дости́гнем, идéже есть всех веселя́щихся жили́ще. Ты бо есѝ вои́стинну и́стинное весéлiе и рáдость лю́бящих Тя, Хрiстé Бóже наш, и Тебé славу возсылáем со Безначáльным Твои́м Отцéм, и Пресвяты́м, и Благи́м, и Животворя́щим Твои́м Дýхом, ны́не, и при́сно и во вéки векóв, ами́нь.