ОБЕДНИЦА (Изобразительные). Неделя вторая Великаго поста. Святителя Григория Паламы. Глас 6.
20 мáрта 2022 гóда. Недéля вторáя Велúкaго постá. Святúтеля Григóрия Палáмы. Глас 6. Воскрéсная прáздничная слýжба для домáшнего (келéйного) совершéния. Слýжба мирскúм чúном.
Прéжде глагóли часы. Áще имаши произволéние то чти ýтреню с каноном и первым часом, аще же ни, токмо часы.
ЧИН ОБЕДНИЦЫ
Глагóли сúце: Благослови́, душé моя, Гóспода,/ благословéн еси Гóсподи.
Псалом 102
Благослови́, душé моя, Гóспода,/ и вся внýтренняя моя имя святóе Егó./ Благослови́, душé моя, Гóспода,/ и не забывáй всех воздая́ний Егó,/ очищáющаго вся беззакóния твоя́,/ исцеля́ющаго вся недýги твоя́,/ избавля́ющаго от истлéния живóт твой,/ венчáющаго тя ми́лостию и щедрóтами,/ исполня́ющаго во благи́х желáние твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá пути́ Своя́ Моисéови,/ сыновóм Изрáилевым хотéния Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнием нáшим сотвори́л есть нам,/ нижé по грехóм нáшым воздáл есть нам./ Яко по высотé небéсней от земли́,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóния нáша./ Якоже щéдрит отéц сы́ны,/ ущéдри Госпóдь боя́щихся Егó./ Яко Той познá создáние нáше,/ помянý, яко персть есмы́./ Человéк, яко травá дни́е eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небеси́ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнии крéпостию, творя́щии слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щии вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Отцý и Сы́ну и Святóму Дýху, и ны́не и при́сно и во вéки векóв. Аминь.
Благослови́, душé моя, Гóспода,/ и вся внýтренняя моя и́мя святóе Егó./ Благословéн еси, Гóсподи.
Слáва Отцý и Сыну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческия,/ в ни́хже несть спасéния./ Изы́дет дух eгó/ и возврати́тся в зéмлю свою́./ В той день поги́бнут вся помышлéния eгó./ Блажéн, eмýже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ храня́щаго и́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прии́мет/ и путь грéшных погуби́т./ Воцари́тся Госпóдь во век,/ Бог твой, Сиóне, в род и род.
И ныне и прúсно и во вéки векóв. Амúнь.
Единорóдный Сы́не и Слóве Бóжий, Безсмéртен Сый/ и извóливый спасéния нáшего рáди/ воплоти́тися от Святы́я Богорóдицы и Приснодéвы Мари́и,/ непрелóжно вочеловéчивыйся,/ распны́йся же, Христé Бóже, смéртию смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спаси́ нас.
И поем Блаженны с тропарями из Октоиха
Хор: Во Цáрствии Твоéм помянú нас, Гóсподи,/ егдá приúдеши, во Цáрствии Твоéм.
На 12. Хор: Блажéни нúщии дýхом,/ я́ко тех есть Цáрство Небéсное.
Хор: Блажéни плáчущии,/ я́ко тúи утéшатся.
На 10. Хор: Блажéни крóтции,/ я́ко тúи наслéдят зéмлю.
Чтец (стихúры воскрéсные, глас 6): Помяни́ мя, Бóже Спáсе мой, егдá прии́деши во Цáрствии Твоéм, и спаси́ мя, я́ко Еди́н Человеколю́бец.
Хор: Блажéни áлчущии и жáждущии прáвды,/ я́ко тúи насытятся.
Чтец: Дрéвом Адáма прельсти́вшагося, дрéвом крéстным пáки спасл еси́ и разбóйника, вопию́ща: помяни́ мя, Гóсподи, во Цáрствии Твоéм.
На 8. Хор: Блажéни мúлостивии,/ я́ко тúи помúловани бýдут.
Чтец: Áдова вратá и вереи́ сокруши́вый, Жизнодáвче, воскреси́л еси́ вся, Спáсе, вопию́щия: слáва востáнию Твоемý.
Хор: Блажéни чúстии сéрдцем,/ я́ко тúи Бóга ýзрят.
Чтец: Помяни́ мя, и́же смерть плени́вый погребéнием Твои́м, и воскресéнием Твои́м рáдости вся испóлнивый, я́ко Благоутрóбен.
Хор: Блажéни миротвóрцы,/ яко тúи сынове Бóжии нарекýтся.
На 6. Чтец: Миронóсицы ко грóбу пришéдша,/ Áнгела зовýща слы́шаху:// Христóс воскрéсе, просвети́вый вся́ческая.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: На дрéве крéстнем пригвозди́вшагося,/ и мир от прéлести избáвльшаго,// соглáсно вси Христá воспои́м.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стихúры Триóди (Святúтеля Григóрия), глас 4): Струи́ Божéственных учéний твои́х сохраня́ющии,/ вся́кия кóзни злослáвных избегáем,/ и вся избивáем твои́ми свящéнными списáньми// полки́ сих Григóрие.
Хор: Рáдуйтеся и веселúтеся,/ я́ко мзда вáша мнóга на Небесéх.
Чтец: Премýдрости бýия злослáвных разруши́л еси́ блажéнне,/ премýдрость Бóжию ипостáсную имéя в сéрдце твоéм,// éюже с шýмом порази́л еси́ гнилáя сих шатáния.
Хор: Слáва Отцý и Сыну и Святóму Дýху.
Чтец: Умертви́в плóти тлéемыя вся́кое сладострáстие премýдре,/ пóстнически оживи́л еси́ души́ твоея́ движéния,// и сию́ Божéственный оргáн Богослóвия показáл еси́.
Хор: И ныне и прúсно и во вéки векóв. Амúнь.
Чтец (Богорóдичен): В рáзуме умá и произволéнии,/ стýдное же и блýдное житиé прилéжно возлюби́х,/ но любóвию Божéственною мя свяжи́,// моли́твами Твои́ми, Дéво Богоневéстная.
Тропари и кондаки
Тропáрь воскрéсный, глас 6: Áнгельския Си́лы на грóбе Твоéм,/ и стрегýщии омертвéша;/ и стоя́ше Мари́я во грóбе,/ и́щущи Пречи́стаго Тéла Твоегó./ Плени́л еси́ ад, не искуси́вся от негó;/ срéтил еси́ Дéву, дáруяй живóт.// Воскресы́й из мéртвых, Гóсподи, слáва Тебé.
Тропáрь Триóди (Святúтеля Григóрия), глас 8: Правослáвия свети́льниче,/ Цéркве утверждéние и учи́телю,/ монáхов добрóто, богослóвов побóрниче непребори́мый,/ Григóрие чудотвóрче, Фессалони́тская похвалó, проповéдниче благодáти,// моли́ся вы́ну спасти́ся душáм нáшим.
Слáва Отцý и Сыну и Святóму Дýху.
Кондáк Триóди (свт. Григóрия), глас 8: Премýдрости свящéнный и Божéственный оргáн,/ богослóвия свéтлую соглáсно трубý,/ воспевáем тя Григóрие богоглагóльниче,/ но я́ко ум Умý пéрвому предстоя́й,/ к Немý ум наш óтче настáви, да зовéм:// рáдуйся проповéдниче благодáти.
И ныне и прúсно и во вéки векóв. Амúнь.
Кондáк Триóди, глас 4: Ны́не врéмя дéлательное яви́ся, при двéрех суд,/ востáнем ýбо постя́щеся,/ принесéм слéзы умилéния,/ ми́лостынями, зовýще:/ согреши́хом пáче пескá морскáго./ Но ослáби Содéтелю всех,// я́ко да прии́мем нетлéнныя венцы́.
Трисвятое
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас. (Трúжды)
Хор: Слáва Отцý и Сыну и Святóму Дýху, и ныне и присно и во вéки векóв, аминь.
Хор: Святы́й Безсмéртный, помилуй нас.
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас.
Проки́мен неде́ли второ́й Вели́каго поста, глас 5:
Чтец: Проки́мен, глас пятый, псалóм Дави́дов: Ты, Гóсподи, сохрани́ши ны, и соблюдéши ны от рóда сегó и во век. (Пс.11:8)
Хор: Ты, Гóсподи, сохранúши ны, и соблюдéши ны/ от рóда сегó и во век.
Чтец: Спаси мя, Гóсподи, я́ко оскудé преподóбный. (Пс.11:2А)
Хор: Ты, Гóсподи, сохранúши ны, и соблюдéши ны/ от рóда сегó и во век.
Прокимен святителя Григо́рия, глас 1:
Чтец: Проки́мен, глас пéрвый: Устá моя возглагóлют премýдрость, и поучéние сéрдца моегó рáзум. (Пс.48:4)
Хор: Устá моя возглагóлют премýдрость,/ и поучéние сéрдца моегó рáзум.
Апостол
Чтец: Ко Еврéем послáния святáго апóстола Пáвла чтéние.
(Евр.зач.304): В начáле Ты, Гóсподи, зéмлю основáл eси́, и делá рукý Твоéю суть небесá. Та поги́бнут, Ты же пребывáеши, и вся, я́коже ри́за, обетшáют. И я́ко oдéжду свиéши их, и изменя́тся: Ты же тóйжде eси, и лéта Твоя́ не оскудéют. Комý же от Ангел речé когдá: седи́ одеснýю Менé, дóндеже положý враги́ Твоя́ поднóжие ног Твои́х? Не вси ли суть служéбнии дýси, в служéние посылáеми за хотя́щих наслéдовати спасéние? Сегó рáди подобáет нам ли́шше внимáти слы́шанным, да не когдá отпадéм. Аще бо глагóланное Áнгелы слóво бысть извéстно, и вся́ко преступлéние и ослушáние прáведное прия́т мздовоздая́ние. Кáко мы убежи́м, о толи́цем неради́вше спасéнии, éже зачáло приéмше глагóлатися от Гóспода, слы́шавшими в нас извести́ся?
[Русский синодальный перевод](В начале Ты, Господи, основал землю, и небеса - дело рук Твоих; они погибнут, а Ты пребываешь; и все обветшают, как риза, и как одежду свернешь их, и изменятся; но Ты тот же, и лета Твои не кончатся. Кому когда из Ангелов сказал Бог: седи одесную Меня, доколе положу врагов Твоих в подножие ног Твоих? Не все ли они суть служебные духи, посылаемые на служение для тех, которые имеют наследовать спасение? Посему мы должны быть особенно внимательны к слышанному, чтобы не отпасть. Ибо, если через Ангелов возвещенное слово было твердо, и всякое преступление и непослушание получало праведное воздаяние, то как мы избежим, вознерадев о толиком спасении, которое, быв сначала проповедано Господом, в нас утвердилось слышавшими от Него. (Евр1:10-2:3)
(Святителя Григóрия: Евр.зач.318А): Брáтие, такóв нам подобáше Архиерéй, преподóбен, незлóбив, безсквéрнен, отлучéн от грéшник и вы́шше Небéс быв. Иже не и́мать по вся дни нýжды, я́коже первосвящéнницы, прéжде о свои́х гресéх жéртвы приноси́ти, потóм же о людски́х: сие бо сотвори́ еди́ною, Себé принéс. Закóн бо человéки поставля́ет первосвящéнники, имýщыя нéмощь, слóво же кля́твенное, éже по закóне, Сына во вéки совершéнна. Глава же о глагóлемых: таковá и́мамы Первосвящéнника, и́же сéде одеснýю Престóла Вели́чествия на Небесéх, святы́м служи́тель и ски́нии и́стинней, ю́же водрузи́ Госпóдь, а не человéк.
[Русский синодальный перевод](Братия, таков и должен быть у нас Первосвященник: святой, непричастный злу, непорочный, отделенный от грешников и превознесенный выше небес, Который не имеет нужды ежедневно, как те первосвященники, приносить жертвы сперва за свои грехи, потом за грехи народа, ибо Он совершил это однажды, принеся в жертву Себя Самого. Ибо закон поставляет первосвященниками людей, имеющих немощи; а слово клятвенное, после закона, поставило Сына, на веки совершенного. Главное же в том, о чем говорим, есть то: мы имеем такого Первосвященника, Который воссел одесную престола величия на небесах и есть служитель святилища и скинии истинной, которую воздвиг Господь, а не человек. (Евр 7:26-8:2)
Аллилуиарий воскресный, глас 6
Чтец: Аллилýиа, аллилýиа, аллилýиа, Глас шесты́й.
Хор: Аллилýиа, аллилýиа, аллилýиа.
Чтец: Живы́й в пóмощи Вы́шняго, в крóве Бóга Небéснаго водвори́тся.(Пс.90:1)
Хор: Аллилýиа, аллилýиа, аллилýиа.
Чтец: Речéт Гóсподеви: застýпник мой еси́, и прибéжище моé, Бог мой, и уповáю на Негó. (Пс.90:2)
Хор: Аллилýиа, аллилýиа, аллилýиа.
Аллилуиарий святителя Григория, глaс 2
Чтец: Глас вторы́й: Устá прáведнаго поучáтся премýдрости, и язы́к егó возглагóлет суд. (Пс.36:30)
Хор: Аллилýиа, аллилýиа, аллилýиа.
Чтец: Закóн Бóга егó в сéрдце егó, и не зáпнутся стопы́ егó. (Пс.36:31)
Хор: Аллилýиа, аллилýиа, аллилýиа.
ЕВАНГЕЛИЕ
От Мáрка Святáго Евáнгелия чтéние.
Хор: Слáва Тебé, Гóсподи, слáва Тебé.
(Мк.зач.7): Во врéмя óно, вни́де Иисýс в Капернаýм по днех, и слы́шано бысть, яко в домý eсть. И áбие собрáшася мнóзи, я́коже ктомý не вмещáтися ни при двéрех: и глагóлаше им слóво. И приидóша к Немý, нося́ще разслáбленна (жи́лами), носи́ма четы́рьми. И не могýщим прибли́житися к Немý нарóда рáди, откры́ша покрóв, идéже бе, и прокопáвше свéсиша oдр, на нéмже разслáбленный лежáше. Ви́дев же Иисýс вéру их, глагóла разслáбленному: чáдо, отпущáются тебé греси́ твои́. Бя́ху же нéцыи от кни́жник ту седя́ще, и помышля́юще в сердцáх свои́х: Что Сей тáко глагóлет хулы́? Кто мóжет оставля́ти грехи́, тóкмо eди́н Бог? И áбие разумéв Иисýс дýхом Свои́м, я́ко тáко ти́и помышля́ют в себé, речé им: что сия́ помышля́ете в сердцáх вáших? Что eсть удóбее рещи́ разслáбленному: отпущáются тебé греси́; или́ рещи́: востáни, и возми́ oдр твой, и ходи́? Но да увéсте, я́ко власть и́мать Сын Человéческий на земли́ отпущáти грехи́, (глагóла разслáбленному:) Тебé глагóлю: востáни, и возми́ oдр твой, и иди́ в дом твой. И востá áбие, и взем oдр, изы́де пред всéми: я́ко диви́тися всем, и слáвити Бога, глагóлющим, я́ко николи́же тáко ви́дехом.
[русский синодальный перевод](Через несколько дней опять пришел Он в Капернаум; и слышно стало, что Он в доме. Тотчас собрались многие, так что уже и у дверей не было места; и Он говорил им слово. И пришли к Нему с расслабленным, которого несли четверо; и, не имея возможности приблизиться к Нему за многолюдством, раскрыли кровлю дома, где Он находился, и, прокопав ее, спустили постель, на которой лежал расслабленный. Иисус, видя веру их, говорит расслабленному: чадо! прощаются тебе грехи твои. Тут сидели некоторые из книжников и помышляли в сердцах своих: что Он так богохульствует? кто может прощать грехи, кроме одного Бога? Иисус, тотчас узнав духом Своим, что они так помышляют в себе, сказал им: для чего так помышляете в сердцах ваших? Что легче? сказать ли расслабленному: прощаются тебе грехи? или сказать: встань, возьми свою постель и ходи? Но чтобы вы знали, что Сын Человеческий имеет власть на земле прощать грехи, - говорит расслабленному: тебе говорю: встань, возьми постель твою и иди в дом твой. Он тотчас встал и, взяв постель, вышел перед всеми, так что все изумлялись и прославляли Бога, говоря: никогда ничего такого мы не видали.(Мк.2:1-12)
(Святителя Григория: Ин.зач.36) Речé Госпóдь ко пришéдшим к Немý Иудéем: Аз eсмь дверь. Мнóю áще кто вни́дет, спасéтся; и вни́дет, и изы́дет, и пáжить обря́щет. Тать не прихóдит, рáзве да укрáдет и убиéт и погуби́т: Аз приидóх, да живóт и́мут, и ли́шше и́мут. Аз eсмь пáстырь дóбрый: пáстырь дóбрый дýшу свою́ полагáет за óвцы: А наéмник, и́же несть пáстырь, eмýже не суть óвцы своя́, ви́дит вóлка грядýща, и оставля́ет óвцы, и бéгает. И волк расхи́тит их, и распýдит óвцы. А наéмник бежи́т, я́ко наéмник eсть, и неради́т о oвцáх. Аз eсмь пáстырь дóбрый, и знáю Моя́, и знáют Мя Моя́. Якоже знáет Мя Oтéц, и Аз знáю Oтцá, и дýшу Мою́ полагáю за óвцы. И и́ны óвцы и́мам, я́же не суть от дворá сегó, и ты́я Ми подобáет привести́, и глас Мой услы́шат, и бýдет eди́но стáдо, и eди́н Пáстырь.
[русский синодальный перевод](Я есмь дверь: кто войдет Мною, тот спасется, и войдет, и выйдет, и пажить найдет. Вор приходит только для того, чтобы украсть, убить и пажить найдет. Вор приходит только для того, чтобы украсть, убить и погубить. Я пришел для того, чтобы имели жизнь и имели с избытком. Я есмь пастырь добрый: пастырь добрый полагает жизнь свою за овец. А наемник, не пастырь, которому овцы не свои, видит приходящего волка, и оставляет овец, и бежит; и волк расхищает овец, и разгоняет их. А наемник бежит, потому что наемник, и нерадит об овцах. Я есмь пастырь добрый; и знаю Моих, и Мои знают Меня. Как Отец знает Меня, так и Я знаю Отца; и жизнь Мою полагаю за овец. Есть у Меня и другие овцы, которые не сего двора, и тех надлежит Мне привести: и они услышат голос Мой, и будет одно стадо и один Пастырь.(Ин.10:9-16)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прии́деши во Цáрствии Твоéм.
Помяни́ нас, Влады́ко, егдá прии́деши во Цáрствии Твоéм.
Помяни́ нас, Святы́й, егдá прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Отцý и Сыну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ныне и прúсно и во вéки векóв. Амúнь.
Символ веры
Вéрую во Еди́наго Бóга Отцá, Вседержителя, Творцá нéбу и земли, ви́димым же всем и неви́димым. И во Еди́наго Гóспода Иисýса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосýщна Отцý, Имже вся быша. Нас рáди человéк и нáшего рáди спасéния сшéдшаго с небéс и воплоти́вшагося от Дýха Свята и Мари́и Дéвы и вочеловéчшася. Распя́таго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седя́ща одеснýю Отцá. И пáки грядýщаго со слáвою суди́ти живым и мéртвым, Егóже Цáрствию не бýдет концá. И в Дýха Святáго, Гóспода, Животворя́щаго, Иже от Отцá исходя́щаго, Иже со Отцéм и Сыном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéние во оставлéние грехóв. Чáю воскресéния мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, я́же в слóве и в дéле, я́же в вéдении и не в вéдении, я́же во дни и в нощи́, я́же во умé и помышлéнии, вся нам прости́, я́ко Благ и Человеколю́бец.
Óтче наш, Иже еси на небесéх. Да святи́тся Имя Твоé, да приии́дет Цáрствие Твоé, да бýдет вóля Твоя, яко на небеси́ и на земли́. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введи́ нас во искушéние, но избáви нас от лукáваго.
Гóсподи, Иисýсе Христé, Сы́не Бóжий, поми́луй нас. Ами́нь.
КОНДАК
Кондáк Триóди (свт. Григóрия), глас 8: Премýдрости свящéнный и Божéственный оргáн,/ богослóвия свéтлую соглáсно трубý,/ воспевáем тя Григóрие богоглагóльниче,/ но я́ко ум Умý пéрвому предстоя́й,/ к Немý ум наш óтче настáви, да зовéм:// рáдуйся проповéдниче благодáти.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утверди́, вразуми́ сéрдце моé, и всю мою отыми́ сквéрну, просвети́ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Иисýс Христóс, во слáву Бóга Отцá, ами́нь.
Бýди и́мя Госпóдне благословéно от ны́не и до вéка. (3 раза)
Слáва Отцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм имя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щий воззвá, и Госпóдь услы́ша и,/ и от всех скорбéй егó спасé и./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святи́и Егó,/ яко несть лишéния боя́щымся Его./ Богáтии обнищáша и взалкáша,/ взыскáющии же Гóспода не лишáтся вся́каго блáга./ Прииди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержи́ язык твой от зла,/ и устнé твои́, éже не глагóлати льсти./ Уклони́ся от зла и сотвори́ блáго,/ взыщи́ ми́ра, и пожени́ и./ Очи Госпóдни на прáведныя,/ и ýши Егó в моли́тву их./ Лицé же Госпóдне на творя́щия злáя,/ еже потреби́ти от земли́ пáмять их./ Воззвáша прáведнии, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящии прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющии на Негó.
Вместо Достойно есть
Хор: О Тебé рáдуется, Благодáтная вся́кая тварь,/ Áнгельский собóр и человéческий род,/ освящéнный хрáме и раю́ словéсный,/ дéвственная похвалó,/ из Нея́же Бог воплоти́ся,/ и Младéнец бысть, прéжде век Сый Бог наш:/ ложеснá бо Твоя престóл сотвори́/ и чрéво Твоé прострáннее Небéс содéла.// О Тебé рáдуется, Благодáтная, вся́кая тварь, слáва Тебé.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благослови́.
ОТПУСТ
Гóсподи, Иисýсе Христé, Сы́не Бóжий, молитвами Пречи́стыя Твоея́ Мáтере, святы́х слáвных и всехвáльных Апóстол, святы́х и прáведных богоотéц Иоаки́ма и Áнны, и всех святы́х, поми́луй и спаси́ нас, яко Благ и Человеколю́бец. Аминь.