Неделя после Богоявления. Попразднство Богоявления. Свт.Феофана. Глас 6. ОБЕДНИЦА (Изобразительные)
23 января́ 2022 гóда. Недéля 31 по Пятидеся́тнице, пóсле Богоявлéния. Попрáзднство Богоявлéния. Свт. Феофáна, Затвóрника Вы́шенского. Глас 6. Воскрéсная прáздничная слýжба для домáшнего (келéйного) совершéния. Слýжба мирскúм чúном.
Прéжде глагóли часы
ЧИН ОБЕДНИЦЫ
Глагóли сúце: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внýтренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недýги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Госпóдь,/ и судьбý всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помянý, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не бýдет, и не познáет ктомý мéста своегó./ Милость же Госпóдня от вéка и до вéка на боящихся Егó,/ и прáвда Егó на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Áнгели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слýги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцý и Сыну и Святóму Дýху, и ныне и присно и во вéки векóв. Аминь.
Благослови, душé моя, Гóспода,/ и вся внýтренняя моя имя святóе Егó./ Благословéн еси, Гóсподи.
Слáва Отцý и Сыну и Святóму Дýху.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моемý, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и прúсно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцý и Святóму Дýху, спаси нас.
И поем Блаженны с тропарями из Октоиха
Хор: Во Цáрствии Твоéм помянú нас, Гóсподи,/ егда приúдеши, во Цáрствии Твоéм.
На 12. Хор: Блажéни нúщии дýхом,/ яко тех есть Цáрство Небéсное.
Чтец (стихúры воскрéсные, глас 6): Помяни́ мя, Бóже Спáсе мой, егдá прии́деши во Цáрствии Твоéм, и спаси́ мя, я́ко Еди́н Человеколю́бец.
Хор: Блажéни плáчущии,/ яко тúи утéшатся.
Чтец: Дрéвом Адáма прельсти́вшагося, дрéвом крéстным пáки спасл еси́ и разбóйника, вопию́ща: помяни́ мя, Гóсподи, во Цáрствии Твоéм.
На 10. Хор: Блажéни крóтции,/ яко тúи наслéдят зéмлю.
Чтец: Áдова вратá и вереи́ сокруши́вый, Жизнодáвче, воскреси́л еси́ вся, Спáсе, вопию́щия: слáва востáнию Твоемý.
Хор: Блажéни áлчущии и жáждущии прáвды,/ яко тúи насытятся.
Чтец: Помяни́ мя, и́же смерть плени́вый погребéнием Твои́м, и воскресéнием Твои́м рáдости вся испóлнивый, я́ко Благоутрóбен.
На 8. Хор: Блажéни мúлостивии,/ яко тúи помúловани бýдут.
Чтец (стихúры Богоявлéния, глас 2): Сшéдшимся без числá лю́дем от Иоáнна крести́тися, сам посредé их ста./ Провозгласи́ же предстоя́щим:/ кто показá, непокори́вии, гнéва вам уклони́тися, хотя́щаго бы́ти?/ Плоды́ достóйны Христý сотвори́те:// Предстоя́й бо ны́не мир дáрует.
Хор: Блажéни чúстии сéрдцем,/ яко тúи Бóга ýзрят.
Чтец: Сшéдшимся без числá лю́дем от Иоáнна крести́тися, сам посредé их ста./ Провозгласи́ же предстоя́щим:/ кто показá, непокори́вии, гнéва вам уклони́тися, хотя́щаго бы́ти?/ Плоды́ достóйны Христý сотвори́те:// Предстоя́й бо ны́не мир дáрует.
Хор: Блажéни миротвóрцы,/ яко тúи сынове Бóжии нарекýтся.
На 6. Чтец: Дéлатель и Зижди́тель, посредé стоя́й, я́ко Еди́н всех сердцá испытýет,/ чисти́тельную же лопáту рукóю приéм,/ всеми́рное гумнó всемýдре разлучáет, неплóдие паля́,// благоплóдным вéчный живóт дáрует.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Дéлатель и Зижди́тель, посредé стоя́й, я́ко Еди́н всех сердцá испытýет,/ чисти́тельную же лопáту рукóю приéм,/ всеми́рное гумнó всемýдре разлучáет, неплóдие паля́,// благоплóдным вéчный живóт дáрует.
Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец (Святúтеля Феофáна, глас 8): Шéл еси тéсным путéм ко спасéнию,/ крóткий Крóткому взывáя непрестáнно:/ мне прилепля́тися Бóгови блáго есть.
Хор: Рáдуйтеся и веселúтеся,/ яко мзда вáша мнóга на небесéх.
Чтец: И́стины Христóвы вожделéв,/ скóрби и оби́ды рáдостно терпéл еси́, помышля́я непрестáнно,/ я́коже венéц без побéды, тáкожде побéда без пóдвига не бывáет.
Хор: Слáва Отцý и Сыну и Святóму Дýху.
Чтец (Трóичен): Слáву и вся сокрóвища ми́ра презрéл еси́,/ неуклóнно шéствуя к гóрнему ми́ру,/ и ны́не рáдостию áнгельскою рáдуешися, óтче наш, святи́телю Феофáне.
Хор: И ныне и прúсно и во вéки векóв. Амúнь.
Чтец (Богорóдичен): Кто Тебé не ублажи́т, Пресвятáя Дéво?/ Кто ли не воспоéт Твоегó Пречи́стаго Рождествá?/ Моли́, Чи́стая, Всеблажéнная, Сы́на Твоегó и Бóга поми́ловатися душáм нáшим.
Тропари и кондаки
Тропáрь воскрéсный, глас 6: Áнгельския Си́лы на грóбе Твоéм,/ и стрегýщии омертвéша;/ и стоя́ше Мари́я во грóбе,/ и́щущи Пречи́стаго Тéла Твоегó./ Плени́л еси́ ад, не искуси́вся от негó;/ срéтил еси́ Дéву, дáруяй живóт.// Воскресы́й из мéртвых, Гóсподи, слáва Тебé.
Тропáрь Богоявлéния, глас 1: Во Иoрдáне крещáющуся Тебé, Гóсподи,/ Трóйческое яви́ся поклонéние:/ Роди́телев бо глас свидéтельствоваше Тебé,/ возлю́бленнаго Тя Сы́на именýя,/ и Дух в ви́де голуби́не/ извéствоваше словесé утверждéние./ Явлéйся Христé Бóже// и мир просвещéй, слáва Тебé.
Тропáрь Святúтеля Феофáна, глас 8: Правослáвия настáвниче,/ благочéстия учи́телю и чистоты́,/ Вы́шинский подви́жниче, святи́телю Феофáне богомýдре,/ писáньми твои́ми Слóво Бóжие изъясни́л еси́/ и всем вéрным путь ко спасе́нию указáл еси́,// моли́ Христá Бóга спасти́ся душáм нáшим.
Кондáк воскрéсный, глас 6: Живоначáльною длáнию/ умéршия от мрáчных удóлий,/ Жизнодáвец воскреси́в всех Христóс Бог,/ воскресéние подадé человéческому рóду:/ есть бо всех Спаси́тель,// Воскресéние и Живóт, и Бог всех.
Слáва Отцý и Сыну и Святóму Дýху.
Кондáк Святúтеля Феофáна, глас 4: Богоявлéнию тезоимени́тый,/ святи́телю Феофáне,/ учéными Твои́ми мнóги лю́ди просвети́л еси́,/ со Áнгелы ны́не предстоя́ Престóлу Святы́я Трóицы,/ моли́ непрестáнно о всех нас.
И ныне и прúсно и во вéки векóв. Амúнь.
Кондáк Богоявлéния, глас 4: Яви́лся еси́ днесь вселéнней,/ и свет Твой, Гóсподи, знáменася на нас,/ в рáзуме пою́щих Тя:/ пришéл еси́ и яви́лся еси́,// Свет Непристýпный.
Трисвятое
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас. (Трúжды)
Хор: Слáва Отцý и Сыну и Святóму Дýху, и ныне и присно и во вéки векóв, аминь.
Хор: Святы́й Безсмéртный, помилуй нас.
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас.
Прокимен недели по Богоявлении, глас 1
Чтец: Проки́мен, глас пéрвый, псалóм Дави́дов: Бýди, Гóсподи, ми́лость Твоя́ на нас,/ я́коже уповáхом на Тя.
Хор: Бýди, Гóсподи, мúлость Твоя́ на нас,/ я́коже уповáхом на Тя.
Чтец: Рáдуйтеся, прáведнии, о Гóсподе, прáвым подобáет похвалá.
Хор: Бýди, Гóсподи, мúлость Твоя́ на нас,/ я́коже уповáхом на Тя.
Прокимен Святителя, глас 1
Чтец: Прокимен, глас пéрвый, псалóм Дави́дов: Устá моя́ возглагóлют премýдрость, и поучéние сéрдца моегó рáзум.
Хор: Устá моя́ возглагóлют премýдрость, и поучéние сéрдца моегó рáзум.
АПОСТОЛ
Чтец:Ко Ефесéем послáния святáго апóстола Пáвла чтéние.
(Еф.зач.224Б): Брáтие, еди́ному комýждо нас дадéся благодáть по мéре даровáния Христóва. Тéмже глагóлет: возшéд на высотý, плени́л еси́ плен, и дадé дая́ния человéком. А éже взы́де, что есть, тóчию я́ко и сни́де прéжде в дóльнейшия страны́ земли́? Сшéдый, Той есть и возшéдый превы́ше всех небéс, да испóлнит вся́ческая. И Той дал есть óвы ýбо Апóстолы, óвы же прорóки, óвы же Благовéстники, óвы же пáстыри и учи́тели, к совершéнию святы́х, в дéло служéния, в созидáние Тéла Христóва, дóндеже дости́гнем вси во единéние вéры и познáния Сы́на Бóжия, в мýжа совершéнна, в мéру вóзраста исполнéния Христóва.
[русский синодальный перевод](Каждому же из нас дана благодать по мере дара Христова. Посему и сказано: восшед на высоту, пленил плен и дал дары человекам. А «восшел» чтó означает, как не то, что Он и нисходил прежде в преисподние места земли? Нисшедший, Он же есть и восшедший превыше всех небес, дабы наполнить все. И Он поставил одних Апостолами, других пророками, иных Евангелистами, иных пастырями и учителями, к совершению святых, на дело служения, для созидания Тела Христова, доколе все придем в единство веры и познания Сына Божия, в мужа совершенного, в меру полного возраста Христова.(гл.4:7-13)
(Евр.зач.318А) Брáтие, такóв нам подобáше Архиерéй, преподóбен, незлóбив, безсквéрнен, отлучéн от грéшник и вы́шше Небéс быв. Иже не и́мать по вся дни нýжды, я́коже первосвящéнницы, прéжде о свои́х гресéх жéртвы приноси́ти, потóм же о людски́х: сие бо сотвори́ еди́ною, Себé принéс. Закóн бо человéки поставля́ет первосвящéнники, имýщыя нéмощь, слóво же кля́твенное, éже по закóне, Сына во вéки совершéнна. Глава же о глагóлемых: таковá и́мамы Первосвящéнника, и́же сéде одеснýю Престóла Вели́чествия на Небесéх, святы́м служи́тель и ски́нии и́стинней, ю́же водрузи́ Госпóдь, а не человéк.
[Русский синодальный перевод](Братия, таков и должен быть у нас Первосвященник: святой, непричастный злу, непорочный, отделенный от грешников и превознесенный выше небес, Который не имеет нужды ежедневно, как те первосвященники, приносить жертвы сперва за свои грехи, потом за грехи народа, ибо Он совершил это однажды, принеся в жертву Себя Самого. Ибо закон поставляет первосвященниками людей, имеющих немощи; а слово клятвенное, после закона, поставило Сына, на веки совершенного. Главное же в том, о чем говорим, есть то: мы имеем такого Первосвященника, Который воссел одесную престола величия на небесах и есть служитель святилища и скинии истинной, которую воздвиг Господь, а не человек. (Евр 7:26-8:2)
Аллилуиарий недели по Богоявлении
Чтец: Аллилýиа, аллилýиа, аллилýиа, глас пéрвый.
Хор: Аллилýиа, аллилýиа, аллилýиа.
Чтец: Ми́лости Твоя́, Гóсподи, во век воспою́, в род и род возвещý и́стину Твою́ усты́ мои́ми.
Хор: Аллилýиа, аллилýиа, аллилýиа.
Чтец: Занé рекл еси́: в век ми́лость сози́ждется, на небесéх уготóвится и́стина Твоя́.
Хор: Аллилýиа, аллилýиа, аллилýиа.
Аллилуарий святителя, глас 2
Чтец: Глас вторы́й: Устá прáведнаго поучáтся премýдрости, и язы́к егó возглагóлет суд.
Хор: Аллилýиа, аллилýиа, аллилýиа.
Чтец: Закóн Бóга егó в сéрдце егó, и не зáпнутся стопы́ егó.
Хор: Аллилýиа, аллилýиа, аллилýиа.
ЕВАНГЕЛИЕ
От Матфéя Святáго Евáнгелия чтéние.
Хор: Слáва Тебé, Гóсподи, слáва Тебé
(Мф.зач.8): Во врéмя óно, слы́шав Иисýс, я́ко Иоáнн прéдан бысть, оты́де в Галилéю, и остáвль Назарéт, пришéд всели́ся в Капернаýм в помóрие, в предéлех Завулóних и Неффали́млих. Да сбýдется речéнное Исáием прорóком, глагóлющим: земля́ Завулóня и земля́ Неффали́мля, путь мóря об он пол Иордáна, Галилéа язы́к, лю́дие седя́щии во тме ви́деша свет вéлий, и седя́щим в странé и сéни смéртней, свет возсия́ им. Оттóле начáт Иисýс проповéдати и глагóлати: покáйтеся, прибли́жися бо Цáрство Небéсное.
[Русский синодальный перевод](Услышав же Иисус, что Иоанн отдан под стражу, удалился в Галилею и, оставив Назарет, пришел и поселился в Капернауме приморском, в пределах Завулоновых и Неффалимовых. Да сбудется реченное чрез пророка Исайю, который говорит: земля Завулонова и земля Неффалимова, на пути приморском, за Иорданом, Галилея языческая, народ, сидящий во тьме, увидел свет великий, и сидящим в стране, и тени смертной воссиял свет.С того времени Иисус начал проповедовать и говорить. Покайтесь, ибо приблизилось Царство Небесное.(Мф.4:12-17)
(Ин.зач.36) Речé Госпóдь ко пришéдшим к Немý Иудéем: Аз eсмь дверь. Мнóю áще кто внидет, спасéтся; и внидет, и изыдет, и пáжить обрящет. Тать не прихóдит, рáзве да укрáдет и убиéт и погубит: Аз приидóх, да живóт имут, и лишше имут. Аз eсмь пáстырь дóбрый: пáстырь дóбрый дýшу свою полагáет за óвцы: А наéмник, иже несть пáстырь, eмýже не суть óвцы своя, видит вóлка грядýща, и оставляет óвцы, и бéгает. И волк расхитит их, и распýдит óвцы. А наéмник бежит, яко наéмник eсть, и нерадит о oвцáх. Аз eсмь пáстырь дóбрый, и знáю Моя, и знáют Мя Моя. Якоже знáет Мя Oтéц, и Аз знáю Oтцá, и дýшу Мою полагáю за óвцы. И ины óвцы имам, яже не суть от дворá сегó, и тыя Ми подобáет привести, и глас Мой услышат, и бýдет eдино стáдо, и eдин Пáстырь.
[Русский синодальный перевод](Я есмь дверь: кто войдет Мною, тот спасется, и войдет, и выйдет, и пажить найдет. Вор приходит только для того, чтобы украсть, убить и погубить. Я пришел для того, чтобы имели жизнь и имели с избытком. Я есмь пастырь добрый: пастырь добрый полагает жизнь свою за овец. А наемник, не пастырь, которому овцы не свои, видит приходящего волка, и оставляет овец, и бежит; и волк расхищает овец, и разгоняет их. А наемник бежит, потому что наемник, и нерадит об овцах. Я есмь пастырь добрый; и знаю Моих, и Мои знают Меня. Как Отец знает Меня, так и Я знаю Отца; и жизнь Мою полагаю за овец. Есть у Меня и другие овцы, которые не сего двора, и тех надлежит Мне привести: и они услышат голос Мой, и будет одно стадо и один Пастырь.(Ин.10:9-16)
Хор: Слáва Тебé, Гóсподи, слáва Тебé.
Помяни нас, Гóсподи, егдá прии́деши во Цáрствии Твоéм.
Помяни нас, Владыко, егдá прии́деши во Цáрствии Твоéм.
Помяни нас, Святый, егдá прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Немý и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцý и Сыну и Святóму Дýху.
Лик святых Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и прúсно и во вéки векóв. Амúнь.
Символ веры
Вéрую во Еди́наго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисýса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосýщна Отцý, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Дýха Свята и Мари́и Дéвы и вочеловéчшася. Распятаго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одеснýю Отцá. И пáки грядýщаго со слáвою судити живым и мéртвым, Егóже Цáрствию не бýдет концá. И в Дýха Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святýю, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Óтче наш, Иже еси на небесéх. Да святится Имя Твоé, да приидет Цáрствие Твоé, да бýдет вóля Твоя, яко на небеси и на земли. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
КОНДАК
Кондáк прáздника, глас 4: Яви́лся еси́ днесь вселéнней,/ и свет Твой, Гóсподи, знáменася на нас,/ в рáзуме пою́щих Тя:/ пришéл еси́ и яви́лся еси́,// Свет Непристýпный.
Гóсподи, помилуй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисýс Христóс, во слáву Бóга Отцá, аминь.
Бýди имя Госпóдне благословéно от ныне и до вéка. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкýпе./ Взыскáх Гóспода и услыша мя,/ и от всех скорбéй моих избáви мя./ Приступите к Немý и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Áнгел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послýшайте менé,/ стрáху Госпóдню научý вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и ýши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющии на Негó.
Вместо Достойно есть
Задостóйник Богоявлéния: Величáй, душé моя́,/ Честнéйшую и гóрних вóинств, Дéву Пречи́стую Богорóдицу.
Ирмóс (глас 2): Недоумéет всяк язы́к благохвали́ти по достоя́нию,/ изумевáет же ум и преми́рный пéти Тя, Богорóдице,/ обáче, Благáя сýщи, вéру приими́,/ и́бо любóвь вéси Божéственную нáшу:// Ты бо христиáн еси́ Предстáтельница, Тя величáем.
Слáва Отцý и Сыну и Святóму Дýху, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
И́же во Иордáне крести́тися извóливый от Иоáнна нáшего рáди спасéния, Христóс, И́стинный Бог наш, моли́твами Пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.