Предпразднство Богоявления. Пророка Малахии. Глас 5. ОБЕДНИЦА (Изобразительные) 16 января 2022 года
16 января́ 2022 г. Недéля 30 по Пятидеся́тнице, пéред Богоявлéнием. Предпрáзднство Богоявлéния. Прорóка Малахúи. Глас 5. Воскрéсная прáздничная слýжба для домáшнего (келéйного) совершéния. Слýжба мирскúм чúном.
Прéжде глагóли часы
ЧИН ОБЕДНИЦЫ
Глагóли сúце: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внýтренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недýги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Госпóдь,/ и судьбý всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помянý, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не бýдет, и не познáет ктомý мéста своегó./ Милость же Госпóдня от вéка и до вéка на боящихся Егó,/ и прáвда Егó на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Áнгели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слýги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцý и Сыну и Святóму Дýху, и ныне и присно и во вéки векóв. Аминь.
Благослови, душé моя, Гóспода,/ и вся внýтренняя моя имя святóе Егó./ Благословéн еси, Гóсподи.
Слáва Отцý и Сыну и Святóму Дýху.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моемý, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и прúсно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцý и Святóму Дýху, спаси нас.
И поем Блаженны с тропарями из Октоиха
Хор: Во Цáрствии Твоéм помянú нас, Гóсподи,/ егда приúдеши, во Цáрствии Твоéм.
Хор: Блажéни нúщии дýхом,/ яко тех есть Цáрство Небéсное.
Хор: Блажéни плáчущии,/ яко тúи утéшатся.
На 10. Хор: Блажéни крóтции,/ яко тúи наслéдят зéмлю.
Чтец (стихиры воскрéсные, глас 5): Разбóйник на крестé Бóга Тя бы́ти вéровав, Христé,/ исповéда Тя чи́сте от сéрдца,// помяни́ мя, Гóсподи, вопия́, во Цáрствии Твоéм.
Хор: Блажéни áлчущии и жáждущии прáвды,/ яко тúи насытятся.
Чтец: И́же на Дрéве Крéстнем/ жизнь процвéтшаго рóду нáшему,/ и изсуши́вша ю́же от дрéва кля́тву,// я́ко Спáса и Содéтеля соглáсно воспои́м.
На 8. Хор: Блажéни мúлостивии,/ яко тúи помúловани бýдут.
Чтец: Смéртию Твоéю, Христé, смéртную разруши́л еси́ си́лу, и совоздви́гл еси́ и́же от вéка умéршыя, Тя́ пою́щыя и́стиннаго Бóга и Спáса нáшего.
Хор: Блажéни чúстии сéрдцем,/ яко тúи Бóга ýзрят.
Чтец: На грóб Твóй, Христé, пришéдшя жены́ честны́я, искáху Тя́, Жизнодáвче, миропомáзати, и яви́ся и́м áнгел вопия́: воскрéсе Госпóдь.
Хор: Блажéни миротвóрцы,/ яко тúи сынове Бóжии нарекýтся.
На 6. Чтец: Распéншу Ти ся, Христé, посредé двою́ осуждéнною разбóйнику,/ еди́н ýбо хýля Тя, осуждéн бысть прáведне:// други́й же исповéдая Тя, в рай всели́ся.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Ко апóстолов ли́ку пришéдша жены́ честны́я,/ возопи́ша: Христóс воскрéсе,// я́ко Влады́це и Содéтелю Тому́ поклони́мся.
Хор: Блажéни естé, егда понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец (Безплóтных, глас 8): Крéпостию постáвил еси́, Безсмéртне, си́льныя,/ совершáющия всесвятýю Твою́ вóлю,// Тебé в вы́шних всегдá предстоя́щия.
Хор: Рáдуйтеся и веселúтеся,/ яко мзда вáша мнóга на небесéх.
Чтец: Таи́нники Твоегó вочеловéчения и честнáго востáния,// Áнгельския чиноначáльники, Христé, за ны приими́ моля́щияся.
Хор: Слáва Отцý и Сыну и Святóму Дýху.
Чтец: Áнгелы пристáвил еси́ храни́тели человéком, я́ко Благоутрóбен,// служи́тели же показáл еси́, Христé, спасéния Твои́х угóдников.
Хор: И ныне и прúсно и во вéки векóв. Амúнь.
Чтец (Богорóдичен): Неизречéнно зачалá еси́ Гóспода и Спáса, Богоневéсто,// избавля́ющаго ны от лю́тых, Тя вои́стинне призывáющия.
Тропари и кондаки
Тропáрь воскрéсный, глас 5: Собезначáльное Слóво Отцý и Дýхови,/ от Дéвы рóждшееся на Спасéние нáше,/ воспои́м, вéрнии, и поклони́мся;/ я́ко благоволи́ Плóтию взы́ти на Крест,/ и смерть претерпéти,/ и воскреси́ти умéршия// слáвным воскресéнием Свои́м.
Тропáрь Предпрáзднства, глас 4: Готóвися, Завулóне,/ и красýйся, Неффали́ме,/ Иордáне рекó, стáни,/ подыми́, взыгрáя, крести́тися грядýща Влады́ку,/ Весели́ся, Адáме с прамáтерию,/ не кры́йта себé, я́коже в раи́ прéжде,/ и́бо, нáги ви́дев вы, яви́ся,/ да облечéт в пéрвую одéжду:// Христóс яви́ся, всю тварь хотя́ обнови́ти.
Кондáк воскрéсный, глас 5: Ко áду, Спáсе мой, сошéл еси́,/ и вратá сокруши́вый я́ко всеси́лен,/ умéрших, я́ко Создáтель, совоскреси́л еси́,/ и смéрти жáло сокруши́л еси́,/ и Адáм от кля́твы избáвлен бысть, Человеколю́бче;/ тéмже вси зовéм:// спаси́ нас, Гóсподи.
Слáва Отцý и Сыну и Святóму Дýху.
Кондáк прорóка Малахúи, глас 4: Прорóчества дарова́нием богатéя, прорóче,/ Христóво предвозвести́л еси́ пришéствие я́ве и ми́рови спасéние,// Егóже сия́нием мир просвети́ся.
И ныне и прúсно и во вéки векóв. Амúнь.
Кондáк Предпрáзднства, глас 4: Во струя́х днесь Иордáнских быв, Госпóдь/ Иоáнну вопиéт:/ не убóйся крести́ти Мя,/ спасти́ бо приидóх// Адáма первоздáннаго.
Трисвятое
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас. (3 раза)
Хор: Слáва Отцý и Сыну и Святóму Дýху, и ныне и присно и во вéки векóв, аминь.
Хор: Святы́й Безсмéртный, помилуй нас.
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас.
Прокимен праздника, глас 6
Чтец: Проки́мен, глас шесты́й, псалóм Дави́дов: Спаси́, Гóсподи, лю́ди Твоя́, и благослови́ достоя́ние Твоé. (Пс.27:9А)
Хор: Спаси́, Гóсподи, лю́ди Твоя́,/ и благослови́ достоя́ние Твоé.
Чтец: К Тебé, Гóсподи, воззовý, Бóже мой, да не премолчи́ши от менé.(Пс.27:1А)
Хор: Спаси́, Гóсподи, лю́ди Твоя́,/ и благослови́ достоя́ние Твоé.
Чтец: Спаси́, Гóсподи, лю́ди Твоя́.
Хор: И благослови́ достоя́ние Твоé.
АПОСТОЛ
Чтец: К Тимофéю послáния святáго апóстола Пáвла чтéние.
(2Тим.зач.298): Чáдо Тимофéе, трезви́ся о всем, злопостражди́, дéло сотвори́ благовéстника, служéние твоé извéстно сотвори́. Аз бо ужé жрен бывáю, и врéмя моегó отшéствия настá. Пóдвигом дóбрым подвизáхся, течéние скончáх, вéру соблюдóх, прóчее ýбо соблюдáется ми венéц прáвды, егóже воздáст ми Госпóдь в день он, прáведный Судия́, не тóкмо же мне, но и всем возлю́бльшым явлéние Егó.
[Русский синодальный перевод](Сын мой Тимофей, трезвись во всем, терпи страдание, совершай дело благовестника, исполни служение твое. Ибо я уже становлюсь жертвенным возлиянием, и время отшествия моего настало. Подвигом добрым я подвизался, бег закончил, веру сохранил. Отныне уготован мне венец праведности, который в День тот воздаст мне Господь, праведный Судия, и не только мне, но и всем, возлюбившим явление Его. (2 Тим 4:5-8)
Аллилуиарий, глас 8
Чтец: Аллилýиа, аллилýиа, аллилýиа, глас осьмы́й.
Хор: Аллилýиа, аллилýиа, аллилýиа.
Чтец: Бóже, ущéдри ны и благослови́ ны, просвети́ лицé Твоé на ны, и поми́луй ны.
Хор: Аллилýиа, аллилýиа, аллилýиа.
Чтец: Познáти на земли путь Твой, во всех языцех спасéние Твоé.
Хор: Аллилýиа, аллилýиа, аллилýиа.
ЕВАНГЕЛИЕ
От Мáрка Святáго Евáнгелия чтéние.
Хор: Слáва Тебé, Гóсподи, слáва Тебé.
(Мк.зач.1): Зачáло Евáнгелия Иисýса Христá, Сы́на Бóжия, я́коже есть пи́сано во прорóцех: се Аз посылáю Áнгела Моегó пред лицéм Твои́м, и́же уготóвит путь Твой пред Тобóю. Глас вопию́щаго в пусты́ни: уготóвайте путь Госпóдень, прáвы твори́те стези́ Егó. Бысть Иоáнн, крестя́й в пусты́ни, и проповéдая крещéние покая́ния во отпущéние грехóв. И исхождáше к немý вся Иудéйская странá и иерусали́мляне, и крещáхуся вси во Иордáне рецé от негó, исповéдающе грехи́ своя́. Бе же Иоáнн оболчéн власы́ вельблýжди, и пóяс усмéн о чреслéх егó, и яды́й акри́ды, и мед ди́вий. И проповéдаше, глагóля: грядéт Крéплий менé, во след менé, Емýже несмь достóин, преклóнься, разреши́ти ремéнь сапóг Егó. Аз ýбо крести́х вы в водé, Той же крести́т вы Дýхом Святы́м.
[Русский синодальный перевод](Начало Евангелия Иисуса Христа, Сына Божия, как написано у пророков: вот, Я посылаю Ангела Моего пред лицом Твоим, который приготовит путь Твой пред Тобою. Глас вопиющего в пустыне: приготовьте путь Господу, прямыми сделайте стези Ему. Явился Иоанн, крестя в пустыне и проповедуя крещение покаяния для прощения грехов. И выходили к нему вся страна Иудейская и Иерусалимляне, и крестились от него все в реке Иордане, исповедуя грехи свои. Иоанн же носил одежду из верблюжьего волоса и пояс кожаный на чреслах своих, и ел акриды и дикий мед. И проповедовал, говоря: идет за мною Сильнейший меня, у Которого я недостоин, наклонившись, развязать ремень обуви Его; я крестил вас водою, а Он будет крестить вас Духом Святым.(Мк.1:1-8)
Хор: Слáва Тебé, Гóсподи, слáва Тебé.
Помяни нас, Гóсподи, егдá прии́деши во Цáрствии Твоéм.
Помяни нас, Владыко, егдá прии́деши во Цáрствии Твоéм.
Помяни нас, Святый, егдá прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцý и Сыну и Святóму Дýху.
Лик святых Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и прúсно и во вéки векóв. Амúнь.
Символ веры
Вéрую во Еди́наго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Мари́и Дéвы и вочеловéчшася. Распятаго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жи́зни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да бýдет вóля Твоя, яко на небеси и на земли. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
КОНДАК
Кондáк Предпрáзднства, глас 4: Во струя́х днесь Иордáнских быв, Госпóдь/ Иоáнну вопиéт:/ не убóйся крести́ти Мя,/ спасти́ бо приидóх// Адáма первоздáннаго.
Гóсподи, помилуй. (12 раз)
И молитву: Всесвятáя Трóице, Единосущная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисýс Христóс, во слáву Бóга Отцá, аминь.
Буди имя Госпóдне благословéно от ныне и до вéка. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, сýщую Богорóдицу Тя величáем.
Слáва Отцý и Сыну и Святóму Дýху, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.