ВСЕНОЩНОЕ БДЕНИЕ.УТРЕНЯ Рождество Господа и Бога и Спаса нашего Иисуса Христа, Служба мирским чином
7 января́ 2022 гóда. Рождествó Гóспода и Бóга и Спáса нáшего Iисýса Хрїстá. Прáздничная слýжба для домáшнего (келéйнаго) совершéнiя. Послéдованiе ýтрени.
УТРЕНЯ
Начáло зри здесь ( великое повечерие)
ШЕСТОПСАЛМИЕ
Слáва в вы́шних Бóгу, и на землѝ мир, в человéцех благоволéнiе. (трúжды) Гóсподи, устнé моѝ отвéрзеши, и устá моя́ возвестя́т хвалý Твою́. (двáжды)
Псалом 3
Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Аз уснýх, и спах, востáх, я́ко Госпóдь застýпит мя.
Псалом 37
Гóсподи, да не я́ростiю Твоéю обличи́ши менé, нижé гнéвом Твои́м накáжеши менé. Яко стрéлы Твоя́ унзóша во мне, и утверди́л есѝ на мне рýку Твою́. Несть исцелéнiя в плóти моéй от лицá гнéва Твоегó, несть ми́ра в костéх мои́х от лицá грех мои́х. Яко беззакóнiя моя́ превзыдóша главý мою́, я́ко брéмя тя́жкое отяготéша на мне. Возсмердéша и согни́ша рáны моя́ от лицá безýмiя моегó. Пострадáх и слякóхся до концá, весь день сéтуя хождáх. Яко ля́двiя моя́ напóлнишася поругáнiй, и несть исцелéнiя в плóти моéй. Озлóблен бых и смири́хся до зелá, рыкáх от воздыхáнiя сéрдца моегó. Гóсподи, пред Тобóю все желáнiе моé и воздыхáнiе моé от Тебé не утаи́ся. Сéрдце моé смятéся, остáви мя си́ла моя́, и свет óчiю моéю, и той несть со мнóю. Дрýзи моѝ и и҆́скреннiи моѝ пря́мо мне прибли́жишася и стáша, и бли́жнiи моѝ отдалéче менé стáша и нуждáхуся и҆́щущiи дýшу мою́, и и҆́щущiи злáя мне глагóлаху сýетная и льсти́вным весь день поучáхуся. Аз же я́ко глух не слы́шах и я́ко нем не отверзáяй уст свои́х. И҆ бых я́ко человéк не слы́шай и не имы́й во устéх свои́х обличéнiя. Яко на Тя, Гóсподи, уповáх, Ты услы́шиши, Гóсподи Бóже мой. Яко рех: да не когдá порáдуют ми ся вразѝ моѝ: и внегдá подвижáтися ногáм мои́м, на мя велерéчеваша. Яко аз на рáны готóв, и болéзнь моя́ предо мнóю есть вы́ну. Яко беззакóнiе моé аз возвещý и попекýся о гресé моéм. Вразѝ же моѝ живýт и укрепи́шася пáче менé, и умнóжишася ненави́дящiи мя без прáвды. Воздаю́щiи ми злáя возблагáя оболгáху мя, занé гоня́х благосты́ню. Не остáви менé, Гóсподи Бóже мой, не отступѝ от менé. Вонмѝ в пóмощь мою́, Гóсподи спасéнiя моегó.
Не остáви менé, Гóсподи Бóже мой, не отступѝ от менé. Вонмѝ в пóмощь мою́, Гóсподи спасéнiя моегó.
Псалом 62
Бóже, Бóже мой, к Тебé ýтренюю, возжадá Тебé душá моя́, коль мнóжицею Тебé плоть моя́, в земли́ пýсте и непрохóдне, и безвóдне. Тáко во святéм яви́хся Тебé, ви́дети си́лу Твою́ и слáву Твою́. Я́ко лýчши ми́лость Твоя́ пáче живóт, устнé мои́ похвали́те Тя. Тáко благословлю́ Тя в животé моéм, о и҆́мени Твоéм воздежý рýце моѝ. Я́ко от тýка и мáсти да испóлнится душá моя́, и устнáма рáдости восхвáлят Тя устá моя́. Áще поминáх Тя на постéли моéй, на ýтренних поучáхся в Тя. Я́ко был есѝ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прiя́т десни́ца Твоя́. Тíи же всýе искáша дýшу мою́, вни́дут в преиспóдняя землѝ, предадя́тся в рýки орýжiя, чáсти ли́совом бýдут. Царь же возвесели́тся о Бóзе, похвáлится всяк клены́йся И҆м, я́ко загради́шася устá глагóлющих непрáведная.
На ýтренних поучáхся в Тя. Яко был есѝ Помóщник мой, и в крóве крилý Твоéю возрáдуюся. Прильпé душá моя́ по Тебé, менé же прiя́т десни́ца Твоя́.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 раза)
Гóсподи, поми́луй. (3 раза)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Псалом 87
Гóсподи Бóже спасéнiя моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнiю моемý, я́ко испóлнися зол душá моя́, и живóт мой аду прибли́жися. Привменéн бых с низходя́щими в ров, бых я́ко человéк без пóмощи, в мéртвых свобóдь, я́ко я́звеннiи спя́щiи во грóбе, и҆́хже не помянýл еси́ ктомý, и тíи от руки́ Твоея́ отриновéни бы́ша. Положи́ша мя в рóве преиспóднем, в тéмных и сéни смéртней. На мне утверди́ся я́рость Твоя́, и вся вóлны Твоя́ навéл еси́ на мя. Удáлил еси́ знáемых мои́х от менé, положи́ша мя мéрзость себé: прéдан бых и не исхождáх. Очи мои́ изнемогóсте от нищеты́, воззвáх к Тебé, Гóсподи, весь день, воздéх к Тебé рýце мои́. Едá мéртвыми твори́ши чудесá? И҆ли́ врáчеве воскреся́т, и исповéдятся Тебé? Едá повéсть кто во грóбе ми́лость Твою́, и и҆́стину Твою́ в поги́бели? Едá познáна бýдут во тьме чудесá Твоя́, и прáвда Твоя́ в земли́ забвéнней? И҆ аз к Тебé, Гóсподи, воззвáх и ýтро моли́тва моя́ предвари́т Тя. Вскýю, Гóсподи, отрéеши дýшу мою́, отвращáеши лицé Твоé от менé? Нищ есмь аз, и в трудéх от ю́ности моея́; вознéс же ся, смири́хся, и изнемогóх. На мне преидóша гнéви Твои́, устрашéнiя Твоя́ возмути́ша мя, обыдóша мя я́ко водá, весь день одержáша мя вкýпе. Удáлил еси́ от менé дрýга и и҆́скренняго, и знáемых моих от страстéй.
Гóсподи Бóже спасéнiя моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнiю моемý.
Псалом 102
Благословѝ, душé моя, Гóспода, и вся внýтренняя моя и҆́мя святóе Егó. Благословѝ, душé моя, Гóспода, и не забывáй всех воздая́нїй Егó, очищáющаго вся беззакóнїя твоя́, исцеля́ющаго вся недýги твоя́, избавля́ющаго от истлéнiя живóт твой, венчáющаго тя ми́лостїю и щедрóтами, исполня́ющаго во благи́х желáнїе твоé: обновится я́ко óрля юность твоя́. Творя́й ми́лостыни Госпóдь, и судьбý всем оби́димым. Сказá путѝ Своя́ Моисéови, сыновóм Iзрáилевым хотéнїя Своя́: Щедр и Ми́лостив Госпóдь, Долготерпели́в и Многоми́лостив. Не до концá прогнéвается, нижé во век враждýет, не по беззакóнїем нáшим сотвори́л есть нам, нижé по грехóм нáшым воздáл есть нам. Я́ко по высотé небéсней от землѝ, утверди́л есть Госпóдь ми́лость Свою́ на боя́щихся Егó. Ели́ко отстоят востóцы от зáпад, удáлил есть от нас беззакóнїя нáша. Я́коже щéдрит отéц сы́ны, ущéдри Госпóдь боя́щихся Егó. Я́ко Той познá создáнїе нáше, помянý, яко персть есмы́. Человéк, яко травá днíе eгó, яко цвет сéльный, тáко оцветéт, яко дух прóйде в нем, и не бýдет, и не познáет ктомý мéста своегó. Ми́лость же Госпóдня от вéка и до вéка на боя́щихся Егó, и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я. Госпóдь на Небесѝ уготóва Престóл Свой, и Цáрство Егó всéми обладáет. Благослови́те Гóспода вси Áнгели Егó, си́льнїи крéпостїю, творя́щїи слóво Егó, услышати глас словéс Егó. Благослови́те Гóспода вся Си́лы Егó, слýги Егó, творя́щїи вóлю Егó. Благослови́те Гóспода вся делá Егó, на вся́ком мéсте влады́чества Егó, благослови́, душé моя́, Гóспода.
На вся́ком мéсте влады́чества Егó, благослови́, душé моя́, Гóспода.
Псалом 142
Гóсподи, услы́ши моли́тву мою́, внуши́ молéнiе моé во и҆́стине Твоéй, услы́ши мя в прáвде Твоéй и не вни́ди в суд с рабóм Твои́м, я́ко не оправди́тся пред Тобóю всяк живы́й. Яко погнá враг дýшу мою́, смири́л есть в зéмлю живóт мой, посади́л мя есть в тéмных, я́ко мéртвыя вéка. И҆ уны́ во мне дух мой, во мне смятéся сéрдце моé. Помянýх дни дрéвнiя, поучи́хся во всех дéлех Твои́х, в творéнiих рукý Твоéю поучáхся. Воздéх к Тебé рýце мои́, душá моя́, я́ко земля́ безвóдная Тебé. Скóро услы́ши мя, Гóсподи, исчезé дух мой, не отврати́ лицá Твоегó от менé, и уподóблюся низходя́щым в ров. Слы́шану сотвори́ мне заýтра ми́лость Твою́, я́ко на Тя уповáх. Скажи́ мне, Гóсподи, путь вóньже пойдý, я́ко к Тебé взях дýшу мою́. И҆зми́ мя от враг мои́х, Гóсподи, к Тебé прибегóх. Научи́ мя твори́ти вóлю Твою́, я́ко Ты еси́ Бог мой. Дух Твой Благíй настáвит мя на зéмлю прáву. И҆́мене Твоегó рáди, Гóсподи, живи́ши мя, прáвдою Твоéю изведéши от печáли дýшу мою́. И҆ ми́лостiю Твоéю потреби́ши враги́ моя́ и погуби́ши вся стужáющыя души́ моéй, я́ко аз раб Твой есмь.
Услы́ши мя, Гóсподи, в прáвде Твоéй и не вни́ди в суд с рабóм Твои́м. Услы́ши мя, Гóсподи, в прáвде Твоéй и не вни́ди в суд с рабóм Твои́м.
Дух Твой Благíй настáвит мя на зéмлю прáву.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
БОГ ГОСПОДЬ, глас 4
Чтец: Бог Госпóдь, и яви́ся нам, благословéн Гряды́й во И҆́мя Госпóдне.(Пс.117:27А,26А)
Чтец: И҆сповéдайтеся Гóсподеви, я́ко благ, я́ко в век ми́лость Егó.(Пс.135:1/106:1)
Хор: Бог Госпóдь, и явúся нам, благословéн Гряды́й во И҆́мя Госпóдне.
Чтец: Обышéдше обыдóша мя и и҆́менем Госпóдним противля́хся и҆м.(Пс.117:11)
Хор: Бог Госпóдь, и явúся нам, благословéн Гряды́й во И҆́мя Госпóдне.
Чтец: Не умрý, но жив бýду и повéм делá Госпóдня.(Пс.117:17)
Хор: Бог Госпóдь, и явúся нам, благословéн Гряды́й во И҆́мя Госпóдне.
Чтец: Кáмень, Егóже небрегóша зи́ждущiи, Сей бысть во главý ýгла, от Гóспода бысть Сей, и есть ди́вен во очесéх нáших. (Пс.117:22-23)
Хор: Бог Госпóдь, и явúся нам, благословéн Гряды́й во И҆́мя Госпóдне.
Тропáрь прáздника, глас 4: Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!(2раза)
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Хор: Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
Кафизма девятнадцатая
[Псалом 134]Хвали́те и́мя Госпóдне, хвали́те, раби́ Гóспода, стоя́щии во хрáме Госпóдни, во двóрех дóму Бóга нáшего. Хвали́те Гóспода, я́ко Благ Госпóдь, пóйте и́мени Егó, я́ко добрó: я́ко Иáкова избрá Себé Госпóдь, Изрáиля в достоя́ние Себé. Я́ко аз познáх, я́ко Вéлий Госпóдь, и Госпóдь наш над всми бóги. Вся ели́ка восхотé Госпóдь, сотвори́ на небеси́ и на земли́, в моря́х и во всех бéзднах. Возводя́ óблаки от послéдних земли́, мóлнии в дождь сотвори́, изводя́й вéтры от сокрóвищ Свои́х. И́же порази́ пéрвенцы Еги́петския, от человéка до скотá. Послá знáмения и чудесá посредé Тебé, Еги́пте, на фараóна и на вся рабы́ eгó. И́же порази́ язы́ки мнóги и изби́ цари́ крéпки: Сиóна, царя́ Аморрéйска, и Óга, царя́ Васáнска, и вся цáрствия Ханаáнска, и дадé зéмлю их достоя́ние, достоя́ние Изрáилю, лю́дем Свои́м. Гóсподи, и́мя Твоé в век и пáмять Твоя́ в род и род: я́ко суди́ти и́мать Госпóдь лю́дем Свои́м, и о рабéх Свои́х умóлится. И́доли язы́к, сребрó и злáто, делá рук человéческих. Устá и́мут, и не возлагóлют, óчи и́мут, и не ýзрят, ýши и́мут, и не услы́шат, нижé бо есть дух во устéх их. Подóбни им да бýдут творя́щии я́, и вси надéющиися на ня. Дóме Изрáилев, благослови́те Гóспода, дóме Аарóнь, благослови́те Гóспода, дóме Леви́ин, благослови́те Гóспода. Боя́щиися Гóспода, благослови́те Гóспода. Благословéн Госпóдь от Сиóна, живы́й во Иерусали́ме.
[Псалом 135]Исповéдайтеся Гóсподеви, я́ко благ, я́ко в век ми́лость Егó. Исповéдайтеся Бóгу богóв, я́ко в век ми́лость Егó. Исповéдайтеся Гóсподеви господéй, я́ко в век ми́лость Егó. Сотвóршему чудесá вéлiя еди́ному, я́ко в век ми́лость Егó. Сотвóршему небесá рáзумом, я́ко в век ми́лость Егó. Утверди́вшему зéмлю на водáх, я́ко в век ми́лость Егó. Сотвóршему свети́ла вéлiя еди́ному, я́ко в век ми́лость Егó. Сóлнце во óбласть дне, я́ко в век ми́лость Егó. Лунý и звéзды во óбласть нóщи, я́ко в век ми́лость Егó. Порази́вшему Еги́пта с пéрвенцы eгó, я́ко в век ми́лость Егó, и извéдшему Iзрáиля от среды́ их, я́ко в век ми́лость Егó. Рукóю крéпкою и мы́шцею высóкою, я́ко в век ми́лость Егó. Раздéльшему Чермнóе мóре в разделéнiя, я́ко в век ми́лость Егó. И провéдшему Iзрáиля посредé eгó, я́ко в век ми́лость Егó. И истря́сшему фараóна и си́лу eгó в мóре Чермнóе, я́ко в век ми́лость Егó. Провéдшему лю́ди Своя́ в пусты́ни, я́ко в век ми́лость Егó. Порази́вшему цари́ вéлiя, я́ко в век ми́лость Егó, и уби́вшему цари́ крéпкiя, я́ко в век ми́лость Егó: Сióна, царя́ Аморрéйска, я́ко в век ми́лость Егó, и Óга, царя́ Васáнска, я́ко в век ми́лость Егó. И дáвшему зéмлю их достоя́нiе, я́ко в век ми́лость Егó. Достоя́нiе Iзрáилю, рабý Своемý, я́ко в век ми́лость Егó. Я́ко во смирéнiи нáшем помянý ны Госпóдь, я́ко в век ми́лость Егó. И избáвил ны есть от врагóв нáших, я́ко в век ми́лость Егó. Дая́й пи́щу вся́кой плóти, я́ко в век ми́лость Егó. Исповéдайтеся Бóгу Небéсному, я́ко в век ми́лость Егó.
[Псалом 136]На рекáх Вавилóнских, тáмо седóхом и плáкахом, внегдá помянýти нам Сióна. На вéрбiих посредé eгó обéсихом оргáны нáша. Я́ко тáмо вопроси́ша ны плéншiи нас о словесéх пéсней и вéдшiи нас о пéнiи: воспóйте нам от пéсней Сióнских. Кáко воспоéм песнь Госпóдню на земли́ чуждéй? А́ще забýду тебé, Iерусали́ме, забвéна бýди десни́ца моя́. Прильпни́ язы́к мой гортáни моемý, áще не помянý тебé, áще не предложý Iерусали́ма, я́ко в начáле весéлiя моегó. Помяни́, Гóсподи, сы́ны Едóмскiя, в день Iерусали́мль глагóлющыя: истощáйте, истощáйте до основáнiй eгó. Дщи Вавилóня окая́нная, блажéн и́же воздáст тебé воздая́нiе твоé, éже воздалá еси́ нам. Блажéн и́же имéт и разбiéт младéнцы твоя́ о кáмень.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýiа, аллилýiа, аллилýiа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
[Псалом 137]Исповéмся Тебé, Гóсподи, всем сéрдцем мои́м, и пред Áнгелы воспою́ Тебé, я́ко услы́шал еси́ вся глагóлы уст мои́х. Поклоню́ся ко хрáму святóму Твоемý и исповéмся и́мени Твоемý о ми́лости Твоéй и и́стине Твоéй, я́ко возвели́чил еси́ над всем и́мя Твоé святóе. Вóньже áще день призовý Тя, скóро услы́ши мя: умнóжиши мя в души́ моéй си́лою Твоéю. Да исповéдятся Тебé, Гóсподи, вси цáрие зéмстии, я́ко услы́шаша вся глагóлы уст Твои́х, и да воспою́т в путéх Госпóдних, я́ко вéлия слáва Госпóдня, я́ко Высóк Госпóдь, и смирéнныя призирáет, и высóкая издалéча весть. Áще пойдý посредé скóрби, живи́ши мя, на гнев враг мои́х простéрл еси́ рукý Твою́, и спасé мя десни́ца Твоя́. Госпóдь воздáст за мя. Гóсподи, ми́лость Твоя́ во век, дел рукý Твоéю не прéзри.
[Псалом 138]Гóсподи, искуси́л мя еси́ и познáл мя еси́. Ты познáл еси́ седáние моé и востáние моé. Ты разумéл еси́ помышлéния моя́ издалéча: стезю́ мою́ и ýже моé Ты еси́ изслéдовал, и вся пути́ моя́ прови́дел еси́. Я́ко несть льсти в язы́це моéм: се, Гóсподи, Ты познáл еси́. Вся послéдняя и дрéвняя: Ты создáл еси́ мя, и положи́л еси́ на мне рýку Твою́. Удиви́ся рáзум Твой от менé, утверди́ся, не возмогý к немý. Кáмо пойдý от Дýха Твоегó? И от лицá Твоегó кáмо бежý? Áще взы́ду на нéбо - Ты тáмо еси́, áще сни́ду во ад - тáмо еси́. Áще возмý крилé мои́ рáно и вселю́ся в послéдних мóря - и тáмо бо рукá Твоя́ настáвит мя и удержи́т мя десни́ца Твоя́. И рех: едá тма поперéт мя, и нощь просвещéние в слáдости моéй? Я́ко тма не помрачи́тся от Тебé, и нощь, я́ко день, просвети́тся, я́ко тма ея́, тáко и свет ея́. Я́ко Ты создáл еси́ утрóбы моя́, восприя́л мя еси́ из чрéва мáтере моея́. Исповéмся Тебé, я́ко стрáшно удиви́лся еси́: чýдна делá Твоя́, и душá моя́ знáет зелó. Не утаи́ся кость моя́ от Тебé, ю́же сотвори́л еси́ в тáйне, и состáв мой в преиспóдних земли́. Несодéланное моé ви́десте óчи Твои́, и в кни́зе Твоéй вси напи́шутся, во днех сози́ждутся и никтóже в них. Мне же зелó чéстни бы́ша дрýзи Твои́, Бóже, зелó утверди́шася влады́чествия их. Изочтý их, и пáче пескá умнóжатся; востáх, и ещé есмь с Тобóю. Áще избиéши грéшники, Бóже, мýжие кровéй, уклони́теся от менé. Я́ко ревни́ви естé в помышлéниих, прии́мут в суетý грáды Твоя́. Не ненави́дящыя ли Тя, Гóсподи, возненави́дех, и о вразéх Твои́х истáях? Совершéнною нéнавистию возненави́дех я́, во враги́ бы́ша ми. Искуси́ мя, Бóже, и увéждь сéрдце моé, истяжи́ мя и разумéй стези́ моя́, и виждь, áще путь беззакóния во мне, и настáви мя на путь вéчен.
[Псалом 139]Изми́ мя, Гóсподи, от человéка лукáва, от мýжа непрáведна избáви мя, и́же помы́слиша непрáвду в сéрдце, весь день ополчáху брáни, изостри́ша язы́к свой, я́ко змии́н, яд áспидов под устнáми их. Сохрани́ мя, Гóсподи, из руки́ грéшничи, от человéк непрáведных изми́ мя, и́же помы́слиша запя́ти стопы́ моя́. Скры́ша гóрдии сеть мне, и у́жы препя́ша сеть ногáма мои́ма. При стези́ соблáзны положи́ша ми. Рех Гóсподеви: Бог мой еси́ Ты, внуши́, Гóсподи, глас молéния моегó. Гóсподи, Гóсподи, си́ло спасéния моегó, осени́л еси́ над главóю моéю в день брáни. Не предáждь менé, Гóсподи, от желáния моегó грéшнику: помы́слиша на мя, не остáви менé, да не когдá вознесýтся. Главá окружéния их, труд устéн их покры́ет я́. Падýт на них ýглия óгненная, низложи́ши я́ в страстéх, и не постоя́т. Муж язы́чен не испрáвится на земли́: мýжа непрáведна злáя уловя́т во истлéние. Познáх, я́ко сотвори́т Госпóдь суд ни́щым и месть убóгим. Обáче прáведнии исповéдятся и́мени Твоемý, и вселя́тся прóвии с лицéм Твои́м.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 140]Гóсподи, воззвáх к Тебé, услы́ши мя: вонми́ глáсу молéния моегó, внегдá воззвáти ми к Тебé. Да испрáвится моли́тва моя́, я́ко кади́ло пред Тобóю, воздея́ние рукý моéю - жéртва вечéрняя. Положи́, Гóсподи, хранéние устóм мои́м, и дверь ограждéния о устнáх мои́х. Не уклони́ сéрдце моé в словесá лукáвствия, непщевáти вины́ о гресéх, с человéки дéлающими беззакóние, и не сочтýся со избрáнными их. Накáжет мя прáведник ми́лостию и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéниих их. Пожéрты бы́ша при кáмени судии́ их: услы́шатся глагóли мои́, я́ко возмогóша. Я́ко тóлща земли́ просéдеся на земли́, расточи́шася кóсти их при áде. Я́ко к Тебé, Гóсподи, Гóсподи, óчи мои́: на Тя уповáх, не отыми́ дýшу мою́. Сохрани́ мя от сéти, ю́же состáвиша ми, и от соблáзн дéлающих беззакóние. Падýт во мрéжу свою́ грéшницы: еди́н есмь аз, дóндеже прейдý.
[Псалом 141]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролию́ пред Ним молéние моé, печáль мою́ пред Ним возвещý. Внегдá исчезáти от менé дýху моемý: и Ты познáл еси́ стези́ моя́: на пути́ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты еси́ уповáние моé, часть моя́ еси́ на земли́ живы́х. Вонми́ молéнию моемý, я́ко смири́хся зелó, избáви мя от гоня́щих мя, я́ко укрепи́шася пáче менé. Изведи́ из темни́цы дýшу мою́, исповéдатися и́мени Твоемý. Менé ждут прáведницы, дóндеже воздáси мне.
[Псалом 142]Гóсподи, услы́ши моли́тву мою́, внуши́ молéние моé во и́стине Твое́й, услы́ши мя в прáвде Твоéй и не вни́ди в суд с рабóм Твои́м, я́ко не оправди́тся пред Тобóю всяк живы́й. Я́ко погнá враг дýшу мою́, смири́л есть в зéмлю живóт мой, посади́л мя есть в тéмных, я́ко мéртвыя вéка. И уны́ во мне дух мой, во мне смятéся сéрдце моé. Помянýх дни дрéвния, поучи́хся во всех дéлех Твои́х, в творéниих рукý Твоéю поучáхся. Воздéх к Тебé рýце мои́, душá моя́, я́ко земля́ безвóдная Тебé. Скóро услы́ши мя, Гóсподи, исчезé дух мой, не отврати́ лицá Твоегó от менé, и уподóблюся низходя́щым в ров. Слы́шану сотвори́ мне заýтра ми́лость Твою́, я́ко на Тя уповáх. Скажи́ мне, Гóсподи, путь вóньже пойдý, я́ко к Тебé взях дýшу мою́. Изми́ мя от враг мои́х, Гóсподи, к Тебé прибегóх. Научи́ мя твори́ти вóлю Твою́, я́ко Ты еси́ Бог мой. Дух Твой Благи́й настáвит мя на зéмлю прáву. И́мене Твоегó рáди, Гóсподи, живи́ши мя, прáвдою Твоéю изведéши от печáли дýшу мою́. И ми́лостию Твоéю потреби́ши враги́ моя́ и погуби́ши вся стужáющыя души́ моéй, я́ко аз раб Твой есмь.
Чтец: Слáва Отцý и Сыну и Святóму Дýху и ныне и присно и во вéки векóв. Аминь.
Аллилýиа, аллилýиа, аллилýиа, слáва Тебé Бóже. (Трижды)
Господи, помилуй.(12раз)
СЕДАЛЕН ПРАЗДНИКА, ГЛАС 1
Во я́слех нас рáди безсловéсных положи́лся еси́,/ Долготерпели́ве Спáсе, младéнствовав вóлею;/ пáстырие же Тя воспéша со Áнгелы, зовýще:/ слáва и хвалá на земли́ рождéнному/ и обожи́вшему земнорóдных существó// Христý Бóгу нáшему.
Слáва Отцý и Сыну и Святóму Дýху и ны́не и прúсно и во вéки векóв. Амúнь.
Во я́слех нас рáди безсловéсных положи́лся еси́,/ Долготерпели́ве Спáсе, младéнствовав вóлею;/ пáстырие же Тя воспéша со Áнгелы, зовýще:/ слáва и хвалá на земли́ рождéнному/ и обожи́вшему земнорóдных существó// Христý Бóгу нáшему.
Кафизма двадцатая
[Псалом 143]Благословéн Госпóдь Бог мой, научáяй рýце мои́ на ополчéние, пéрсты моя́ на брань. Ми́лость моя́ и прибéжище моé, Застýпник мой и Избáвитель мой, Защи́титель мой, и на Негó уповáх: повинýяй лю́ди моя́ под мя. Гóсподи, что есть человéк, я́ко познáлся еси́ eмý? Или́ сын человéчь, я́ко вменя́еши eгó? Человéк суетé уподóбися: дни́е eгó я́ко сень прехóдят. Гóсподи, приклони́ небесá, и сни́ди, косни́ся горáм, и воздымя́тся. Блесни́ мóлнию, и разженéши я́, посли́ стрéлы Твоя́, и смятéши я́. Посли́ рýку Твою́ с высоты́, изми́ мя и избáви мя от вод мнóгих, из руки́ сынóв чужди́х, и́хже устá глагóлаша суетý, и десни́ца их - десни́ца непрáвды. Бóже, песнь нóву воспою́ Тебé, во псалти́ри десятострýннем пою́ Тебé, даю́щему спасéние царéм, избавля́юшему Дави́да, рабá Своегó, от мечá лю́та. Избáви мя, и изми́ мя из рýки сынóв чужди́х, и́хже устá глагóлаша суетý, и десни́ца их - десни́ца непрáвды. И́хже сы́нове их я́ко новосаждéния водружéнная в ю́ности своéй. Дщéри их удóбрены, преукрáшены, я́ко подóбие хрáма. Храни́лища их испóлнена, отрыгáющая от сегó в сиé, óвцы их многоплóдны, мнóжащыяся во исхóдищах свои́х, волóве их тóлсти. Несть падéния оплóту, нижé прохóда, нижé вóпля в стóгнах их. Ублажи́ша лю́ди, и́мже сия́ суть. Блажéни лю́дие, и́мже Госпóдь Бог их.
[Псалом 144]Вознесý Тя, Бóже мой, Царю́ мой, и благословлю́ и́мя Твоé в век и в век вéка. На всяк день благословлю́ Тя и восхвалю́ и́мя Твоé в век и в век вéка. Вéлий Госпóдь и хвáлен зелó, и вели́чию Егó несть концá. Род и род восхвáлят делá Твоя́ и си́лу Твою́ возвестя́т. Великолéпие слáвы святы́ни Твоея́ возглагóлют и чудесá Твоя́ повéдят. И си́лу стрáшных Твои́х рекýт и вели́чие Твоé повéдят. Пáмять мнóжества блáгости Твоея́ отры́гнут и прáвдою Твоéю возрáдуются. Щедр и Ми́лостив Госпóдь, Долготерпели́в и Многоми́лостив. Благ Госпóдь вся́ческим, и щедрóты Егó на всех дéлех Егó. Да исповéдятся Тебé, Гóсподи, вся делá Твоя́, и преподóбнии Твои́ да благословя́т Тя. Слáву Цáрствия Твоегó рекýт, и силу Твою́ возглагóлют, сказáти сыновóм человéческим си́лу Твою́, и слáву великолéпия Цáрствия Твоегó. Цáрство Твоé, Цáрство всех векóв, и влады́чество Твоé во вся́ком рóде и рóде. Вéрен Госпóдь во всех словесéх Свои́х и Преподóбен во всех дéлех Свои́х. Утверждáет Госпóдь вся низпáдающыя и возставля́ет вся низвéрженныя. Óчи всех на Тя уповáют, и Ты даéши им пи́щу во благоврéмении. Отверзáеши Ты рýку Твою́ и исполня́еши вся́кое живóтно благоволéния. Прáведен Госпóдь во всех путéх Свои́х и Преподóбен во всех дéлех Свои́х. Близ Госпóдь всем призывáющым Егó, всем призывáющым Егó во и́стине. Вóлю боя́щихся Егó сотвори́т и моли́тву их услы́шит и спасéт я́. Храни́т Госпóдь вся лю́бящыя Егó и вся грéшники потреби́т. Хвалý Госпóдню возглагóлют устá моя́, и да благослови́т вся́ка плоть и́мя святóе Егó в век и в век вéка.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 145]Хвали́, душé моя́, Гóспода. Восхвалю́ Гóспода в животé моéм, пою́ Бóгу моемý, дóндеже есмь. Не надéйтеся на кня́зи, на сы́ны человéческия, в ни́хже несть спасéния. Изы́дет дух eгó и возврати́тся в зéмлю свою́. В той день поги́бнут вся помышлéния eгó. Блажéн, eмýже Бог Иáковль Помóщник егó, уповáние eгó на Гóспода Бóга своегó, сотвóршаго нéбо и зéмлю, мóре и вся, я́же в них, храня́щаго и́стину в век, творя́щаго суд оби́димым, даю́щаго пи́щу áлчушым. Госпóдь реши́т оковáнныя. Госпóдь умудря́ет слепцы́. Госпóдь возвóдит низвéрженныя. Госпóдь лю́бит прáведники. Госпóдь храни́т пришéльцы, си́ра и вдовý прии́мет и путь грéшных погуби́т. Воцари́тся Госпóдь во век, Бог твой, Сиóне, в род и род.
[Псалом 146]Хвали́те Гóспода, я́ко благ псалóм. Бóгови нáшему да услади́тся хвалéние. Зи́ждай Иерусали́ма Госпóдь, разсéяния Изрáилева соберéт. Исцеля́яй сокрушéнныя сéрдцем и обязýяй сокрушéния их. Исчитáяй мнóжество звезд и всем им именá нарицáяй. Вéлий Госпóдь наш, и вéлия крéпость Егó, и рáзума Егó несть числá, Приéмляй крóткия Госпóдь, смиря́яй же грéшники до земли́. Начни́те Гóсподеви во исповéдании, пóйте Бóгови нáшему в гýслех. Одевáющему нéбо óблаки, уготовля́ющему земли́ дождь, прозябáющему на горáх травý и злак на слýжбу человéком, даю́щему скотóм пи́щу их, и птенцéм врáновым призывáющым Егó. Не в си́ле кóнстей восхóщет, нижé в лы́стех мýжеских благоволи́т. Благоволи́т Госпóдь в боя́щихся Егó и во уповáющих на ми́лость Егó.
[Псалом 147]Похвали́, Иерусали́ме, Гóспода, хвали́ Бóга Твоегó, Сиóне, я́ко укрепи́ вереи́ врат Твои́х, благослови́ сы́ны твоя́ в тебé. Полагáяй предéлы Твоя́ мир, и тýка пшени́чна насыщáяй тя. Посылáяй слóво Своé земли́, до скóрости течéт слóво Егó, даю́щаго снег Свой, я́ко вóлну, мглу, я́ко пéпел, посыпáющаго, метáющаго гóлоть Свой, я́ко хлéбы. Проти́ву лицá мрáза Егó кто постои́т? Пóслет слóво Своé, и истáет я́, дхнет дух Егó, и потекýт вóды. Возвещáяй слóво Своé Иáкову, оправдáния и судьбы́ Своя́ Изрáилеви. Не сотвори́ тáко вся́кому язы́ку, и судьбы́ Своя́ не яви́ им.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй. (Трúжды)
Слáва Отцý и Сыну и Святóму Дýху.
Чтец: И ныне и присно и во вéки векóв. Аминь.
[Псалом 148]Хвали́те Гóспода с небéс, хвали́те Егó в вы́шних. Хвали́те Егó, вси Áнгели Егó, хвали́те Егó, вся си́лы Егó. Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и́мя Госпóдне: я́ко Той речé, и бы́ша, Той повелé, и создáшася. Постáви я́ в век и в век вéка, повелéние положи́, и не ми́мо и́дет. Хвали́те Гóспода от земли́, зми́еве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрие и вси скóти, гáди и пти́цы пернáты. Цáрие зéмстии и вси лю́дие, кня́зи и вси судии́ зéмстии, ю́ноши и дéвы, стáрцы с ю́нотами да восхвáлят и́мя Госпóдне, я́ко вознесéся и́мя Тогó Еди́наго, исповéдание Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Изрáилевым, лю́дем, приближáющымся Емý.
[Псалом 149]Воспóйте Гóсподеви песнь нóву, хвалéние Егó в цéркви преподóбных. Да возвесели́тся Изрáиль о Сотвóршем eгó, и сы́нове Сиóни возрáдуются о Царé своéм. Да восхвáлят и́мя Егó в ли́це, в тимпáне и псалти́ри да пою́т Емý. Я́ко благоволи́т Госпóдь в лю́дех Свои́х, и вознесéт крóткия во спасéние. Восхвáлятся преподóбнии во слáве и возрáдуются на лóжах свои́х. Возношéния Бóжия в гортáни их, и мечи́ обою́ду остры́ в рукáх их: сотвори́ти отмщéние во язы́цех, обличéния в лю́дех, связáти цари́ их пу́ты, и слáвныя их ручны́ми окóвы желéзными, сотвори́ти в них суд напи́сан. Слáва сия́ бýдет всем преподóбным Егó.
[Псалом 150]Хвали́те Бóга во святы́х Егó, хвали́те Егó во утвержéнии си́лы Егó. Хвали́те Егó на си́лах Егó, хвали́те Егó по мнóжеству вели́чествия Егó. Хвали́те Егó во глáсе трýбнем, хвали́те Егó во псалти́ри и гýслех. Хвали́те Егó в тимпáне и ли́це, хвали́те Егó во стрýнах и оргáне. Хвали́те Егó в кимвáлех доброглáсных, хвали́те Егó в кимвáлех восклицáния. Вся́кое дыхáние да хвáлит Гóспода.
Чтец: Слáва Отцý и Сыну и Святóму Дýху.
Хор: И ныне и присно и во вéки векóв. Ами́нь.
Аллилýиа, аллилýиа, аллилýиа, слáва Тебé Бóже. (Трúжды)
Гóсподи, помилуй.(12раз)
Седален праздника, глас 3
Превéчнаго и Непостижи́маго,/ Соприсносýщнаго Неви́димому Отцý,/ во утрóбе плóтски носи́ла еси́, Богорóдице,/ еди́но и неслия́нное Трóицы Божествó./ Просия́ благодáть Твоя́ в ми́ре, Всепéтая./ Тéмже непрестáнно вопиéм:// рáдуйся, Чи́стая Дéво Мáти.
Слáва Отцý и Сыну и Святóму Дýху и ныне и прúсно и во вéки векóв. Амúнь.
Превéчнаго и Непостижи́маго,/ Соприсносýщнаго Неви́димому Отцý,/ во утрóбе плóтски носи́ла еси́, Богорóдице,/ еди́но и неслия́нное Трóицы Божествó./ Просия́ благодáть Твоя́ в ми́ре, Всепéтая./ Тéмже непрестáнно вопиéм:// рáдуйся, Чи́стая Дéво Мáти.
Полиелей
Хор: Хвалите Имя Госпóдне, хвалите, раби Гóспода.
Аллилýиа, аллилýиа, аллилýиа.
Благословéн Госпóдь от Сиóна, живый во Иерусалиме.
Аллилýиа, аллилýиа, аллилýиа.
Исповéдайтеся Гóсподеви, яко Благ, яко в век милость Егó.
Аллилýиа, аллилýиа, аллилýиа.
Исповéдайтеся Бóгу Небéсному, яко в век милость Егó.
Аллилýиа, аллилýиа, аллилýиа.
ВЕЛИЧАНИЕ ПРАЗДНИКА
Величáем Тя,/ Живодáвче Хрїстé,/ нас рáди ныне плóтiю рóждшагося// от Безневéстныя и Пречистыя Дéвы Марíи.
Продолжение здесь