ОБЕДНИЦА (Изобразительные). Глас 3. Недeля 28 по Пятидесятнице, перед Рождеством Христовым. 2 января
2 января́ 2022 г. Недéля 28 по Пятидеся́тнице, пéред Рождествóм Христóвым, святы́х отéц. Предпрáзднство Рождествá Христóва. Прáведного Иоáнна Кронштáдтского. Глас 3. Воскрéсная прáздничная Слýжба Октóиха и святы́х отéц совершáется в соединéнии со слýжбой Прáведного Иоáнна Кронштáдтского, для домáшнего (келéйного) совершéния. Слýжба мирскúм чúном.
Прéжде глагóли часы
ЧИН ОБЕДНИЦЫ
Глагóли сúце: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внýтренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недýги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Госпóдь,/ и судьбý всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помянý, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не бýдет, и не познáет ктомý мéста своегó./ Милость же Госпóдня от вéка и до вéка на боящихся Егó,/ и прáвда Егó на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Áнгели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слýги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцý и Сыну и Святóму Дýху, и ныне и присно и во вéки векóв. Аминь.
Благослови, душé моя, Гóспода,/ и вся внýтренняя моя имя святóе Егó./ Благословéн еси, Гóсподи.
Слáва Отцý и Сыну и Святóму Дýху.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моемý, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и прúсно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцý и Святóму Дýху, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
На 12. Хор: Блажéни нищии дýхом,/ яко тех есть Цáрство Небéсное.
Чтец (стихúры воскрéсные, глас 3): Отвéргша, Христé, зáповедь Твою́, прáотца Адáма из рая́ изгнáл еси́: разбóйника же щéдре исповéдавша Тя на крестé, вонь всели́л еси́, зовýща: помяни́ мя, Спáсе, во цáрствии Твоéм.
Хор: Блажéни плáчущии,/ яко тии утéшатся.
Чтец: Согрéшших нас смéртною осуди́л еси́ кля́твою, Живодáвче и Гóсподи, тéлом же Твои́м, безгрéшне Влады́ко, пострадáв, смéртныя оживи́л еси́ зовýщия: помяни́ и нас во цáрствии Твоéм.
На 10. Хор: Блажéни крóтции,/ яко тии наслéдят зéмлю.
Чтец: Воскрéс из мéртвых, совоскреси́л еси́ нас от страстéй воскресéнием Твои́м, Гóсподи: смéртную же всю си́лу погуби́л еси́, Спáсе. Сегó рáди вéрою Ти зовéм: помяни́ и нас во цáрствии Твоéм.
Хор: Блажéни áлчущии и жáждущии прáвды,/ яко тии насытятся.
Чтец: Триднéвным Твои́м погребéнием, и́же во áде умерщвлéнныя, я́ко Бог, оживотвори́вый, совоздви́гл еси́, и нетлéние всем, я́ко Благ, источи́л еси́ нам, вéрою зовýщим всегдá: помяни́ и нас во цáрствии Твоéм.
На 8. Хор: Блажéни милостивии,/ яко тии помиловани бýдут.
Чтец (стихúры отцéв, глас 6): Ю́же по óбразу слáву и по подóбию Бóжию вéрно соблюдáюще,/ златáго óбраза плáмень огнéм духóвным страдáльчески угаси́ша óтроцы, пою́ще:// Еди́наго Гóспода знáем.
Хор: Блажéни чистии сéрдцем,/ яко тии Бóга ýзрят.
Чтец: Мýдростию обложéни и Дýха си́лою, óтроцы/ мудрецы́ Вавилóнския пленéннии посрами́ша и дéрзостне взывáху:// несть свят, рáзве Тебé, Гóсподи Человеколю́бче.
Хор: Блажéни миротвóрцы,/ яко тии сынове Бóжии нарекýтся.
На 6. Чтец: Рáдуется и сликовствýет с детьми́ и прорóки закóн/ и предъигрáет Госпóдню Божéственному пришéствию днесь,// и Авраáм рáдуется, я́ко от сéмене егó ви́де Гóспода воплощáема.
Хор: Блажéни изгнáни прáвды рáди,/ яко тех есть Цáрство Небéсное.
Чтец (Богорóдичен): Зачáтие без стрáсти,/ прия́тие пáче слóва прóйде Рождествá Твоегó, Богорóдице:/ прорóки бо проповéданное пáче естествá тáинство нам яви́ся,// Слóво Бóжие, Сый Бог.
Хор: Блажéни естé, егда понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец (Прáведного Иоáнна, глас 8): Оживля́я дýшу непрестáнною ко Гóсподу моли́твою,/ си́це взывáл еси́, Иоáнне Богомýдре:/ Гóсподи, даждь ми люби́ти вся́каго человéка, я́ко самáго себé./ сию́ добродéтель помози́ и нам стяжáти.
Хор: Рáдуйтеся и веселитеся,/ яко мзда вáша мнóга на небесéх.
Чтец: Призывáя и́мя Бóжие во спасéние твоé,/ спасéнию мнóгих послужи́л еси́./ Да пребýдем и мы в единéнии с Бóгом и в любви́ междý собóю,/ мóлимтися, óтче Иоáнне.
Хор: Слáва Отцý и Сыну и Святóму Дýху.
Чтец: Рáзум богопросвещéнный стяжáл еси́, Иоáнне премýдре,/ о Святéй Трóице богослóвствуя, рекл еси́:/ высотá и́стины сея́ животвóрна душé, в простотé сéрдца вéрующей.
Хор: И ныне и прúсно и во вéки векóв. Аминь.
Чтец (Богорóдичен): Избáвителя нáшего неизречéнно рóждшая, Пресвятáя Дéво,/ бýди нам грéшным прибéжище спасéния/ и вéчныя жи́зни Ходáтаица.
Тропари и кондаки
Тропáрь воскрéсный, глас 3: Да веселя́тся небéсная,/ да рáдуются земнáя;/ я́ко сотвори́ держáву мы́шцею Своéю Госпóдь,/ попрá смéртию смерть,/пéрвенец мéртвых бысть;/ из чрéва áдова избáви нас,// и подадé ми́рови вéлию ми́лость.
Тропáрь отцéв, глас 2: Вéлия вéры исправлéния:/ во истóчнице плáмене, я́ко на водé упокоéния,/ святи́и триé óтроцы рáдовахуся,/ и прорóк Дании́л львом пáстырь, я́ко овцáм, явля́шеся.// Тех моли́твами, Христé Бóже, спаси́ ду́ши нáша.
Тропáрь предпрáзднства, глас 4: Готóвися, Вифлеéме,/ отвéрзися всем, Едéме,/ красýйся, Евфрáфо,/ я́ко дрéво животá в вертéпе процветé от Дéвы:/ рай бо Óноя чрéво яви́ся мы́сленный,/ в нéмже Божéственный сад,/ от негóже я́дше, жи́ви бýдем,/ не, я́коже Адáм, ýмрем.// Христóс раждáется прéжде пáдший возстáвити óбраз.
Тропáрь Прáведного Иоáнна, глас 1: Правослáвныя вéры побóрниче,/ земли́ Росси́йския печáльниче,/ пáстырем прáвило и óбразе вéрным,/ покая́ния и жи́зни во Христé проповéдниче,/ Божéственных Тáин благоговéйный служи́телю/ и дерзновéнный о лю́дех моли́твенниче,/ óтче прáведный Иоáнне,/ цели́телю и преди́вный чудотвóрче,/ грáду Кронштáдту похвалó/ и Цéркве нáшея украшéние,/ моли́ всеблагáго Бóга// умири́ти ми́р и спасти́ дýши нáша.
Кондáк отцéв, глас 1: Весели́ся, Вифлеéме, Евфрáфо, готóвися:/ се бо Áгница, Пáстыря вели́каго во утрóбе нося́щи, éже роди́ти тщи́тся,/ Егóже зря́ще, Богонóснии отцы́ веселя́тся,// с пáстырьми пою́ще Дéву доя́щую.
Слáва Отцý и Сыну и Святóму Дýху.
Кондáк Прáведного Иоáнна, глас 3: Днесь пáстырь Кронштáдтский/ предстои́т Престóлу Бóжию/ и усéрдно мóлит о вéрных/ Христá Пастыреначáльника,/ обетование дáвшаго:/ сози́жду Цéрковь мою́/ и вратá áдова// не одолéют ей.
И ныне и прúсно и во вéки векóв. Амúнь.
Кондáк предпрáзднства, глас 3: Дéва днесь Превéчное Слóво/ в вертéпе грядéт роди́ти неизречéнно:/ ликýй, вселéнная, услы́шавши,/ прослáви со А́нгелы и пáстырьми// хотя́щаго яви́тися Отрочá Млáдо, Превéчнаго Бóга.
Трисвятое
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас. (3 раза)
Хор: Слáва Отцý и Сыну и Святóму Дýху, и ныне и присно и во вéки векóв, аминь.
Хор: Святы́й Безсмéртный, помилуй нас.
Хор: Святы́й Бóже,/ Святы́й Крéпкий,/ Святы́й Безсмéртный, помилуй нас.
Прокимен отцев, глас 4
Чтец: Проки́мен, глас четвéртый, песнь отцéв: Благословéн еси́, Гóсподи Бóже отéц нáших, и хвáльно и прослáвлено И́мя Твоé во вéки.
Хор: Благословéн еси́, Гóсподи Бóже отéц нáших,/ и хвáльно и прослáвлено И́мя Твоé во вéки.
Чтец: Я́ко прáведен еси́ о всех, я́же сотвори́л еси́ нам.
Хор: Благословéн еси́, Гóсподи Бóже отéц нáших,/ и хвáльно и прослáвлено И́мя Твоé во вéки.
Прокимен, глас 7
Чтец: Проки́мен, глас седьмы́й: Возвесели́тся прáведник о Гóсподе и уповáет на негó.
Хор:Возвесели́тся прáведник о Гóсподе и уповáет на негó.
АПОСТОЛ
Чтец: Ко еврéем послáния святáго апóстола Пáвла чтéние.
(Евр.зач.328): Брáтие, вéрою прии́де Авраáм на зéмлю обетовáния, я́коже на чýжду, в крóвы всели́ся со Исаáком и Иáковом, снаслéдникома обетовáния тогóжде. Ждáше бо основáния имýщаго грáда, емýже худóжник и содéтель Бог. Вéрою приведé Авраáм Исаáка искушáемь, и единорóднаго приношáше, обетовáния приéмый. К немýже глагóлано бысть: я́ко о Исаáце наречéт ти ся сéмя. Помы́слив, я́ко и из мéртвых воскреси́ти си́лен есть Бог, тéмже тогó и в при́тчи прия́т. Вéрою о грядýщих благослови́ Исаáк Иáкова и Исáва. Вéрою, Иáков умирáя, коегóждо сы́на Иóсифова благослови́, и поклони́ся на верх жезлá егó. Вéрою, Иóсиф умирáя, о исхождéнии сынóв Изрáилевых пáмятствова, и о костéх свои́х заповéда. Вéрою Моисéй роди́вся сокровéн бысть три мéсяцы от отéц свои́х, занé ви́деша краснó отрочá, и не убоя́шася повелéния царéва. И что ещé глагóлю? Не достáнет бо ми повествýющу лéта о Гедеóне, Варáце же и Сампсóне, и Иеффáи, о Дави́де же и Самуи́ле, и о други́х прорóцех, и́же вéрою победи́ша цáрствия, содéяша прáвду, получи́ша обетовáния, загради́ша устá львов, угаси́ша си́лу óгненную, избегóша óстрея мечá, возмогóша от нéмощи, бы́ша крéпцы во бранéх, обрати́ша в бéгство полки́ чужи́х. Прия́ша жены́ от воскресéния мéртвыя своя́, ини́и же избиéни бы́ша, не приéмше избавлéния, да лýчшее воскресéние улучáт. Друзи́и же ругáнием и рáнами искушéние прия́ша, ещé же и уз, и темни́ц. Кáмением побиéни бы́ша, претрéни бы́ша, искушéни бы́ша, уби́йством мечá умрóша, проидóша в ми́лотех и в кóзиях кóжах, лишéни, скорбя́ще, озлóблени. И́хже не бе достóин весь мир, в пусты́нях скитáющеся, и в горáх, и в вертéпах, и в прóпастех земны́х. И си́и вси послýшествовани бы́вше вéрою, не прия́ша обетовáния, Бóгу лýчшее что о нас предзрéвшу, да не без нас совершéнство прии́мут.
[Русский синодальный перевод](Братья, Верою обитал Авраам на земле обетованной, как на чужой, и жил в шатрах с Исааком и Иаковом, сонаследниками того же обетования; ибо он ожидал города, имеющего основание, которого художник и строитель - Бог. Верою Авраам, будучи искушаем, принес в жертву Исаака и, имея обетование, принес единородного, о котором было сказано: «в Исааке наречется тебе семя». Ибо он думал, что Бог силен и из мертвых воскресить, почему и получил его в предзнаменование. Верою в будущее Исаак благословил Иакова и Исава. Верою Иаков, умирая, благословил каждого сына Иосифова и поклонился на верх жезла своего. Верою Иосиф, при кончине, напоминал об исходе сынов Израилевых и завещал о костях своих. Верою Моисей по рождении три месяца скрываем был родителями своими, ибо видели они, что дитя прекрасно, и не устрашились царского повеления. И что еще скажу? Недостанет мне времени, чтобы повествовать о Гедеоне, о Вараке, о Самсоне и Иеффае, о Давиде, Самуиле и [других] пророках, которые верою побеждали царства, творили правду, получали обетования, заграждали уста львов, угашали силу огня, избегали острия меча, укреплялись от немощи, были крепки на войне, прогоняли полки чужих; жены получали умерших своих воскресшими; иные же замучены были, не приняв освобождения, дабы получить лучшее воскресение; другие испытали поругания и побои, а также узы и темницу, были побиваемы камнями, перепиливаемы, подвергаемы пытке, умирали от меча, скитались в ми́лотях и козьих кожах, терпя недостатки, скорби, озлобления; те, которых весь мир не был достоин, скитались по пустыням и горам, по пещерам и ущельям земли. И все сии, свидетельствованные в вере, не получили обещанного, потому что Бог предусмотрел о нас нечто лучшее, дабы они не без нас достигли совершенства.(11:9-10,32-40)
(Евр.зач.311А): Брáтие, имýще ýбо Архиерéа велика, прошéдшаго небесá, Иисýса Сына Бóжия, да держимся исповéдания. Не имамы бо архиерéа не могýща спострадáти нéмощем нáшим, но искушéна по всяческим по подóбию, рáзве грехá. Да приступáем ýбо с дерзновéнием к престóлу благодáти, яко да приимем милость и благодáть обрящем во благоврéменну пóмощь. Всяк бо первосвящéнник, от человéк приéмлемь, за человéки поставляется на слýжбы яже к Бóгу, да принóсит дáры же и жéртвы о гресéх. Спострадáти могий невéжствующим и заблуждáющим: понéже и той нéмощию обложéн eсть. И сегó рáди дóлжен eсть якоже о людех, тáкоже и о себé приносити за грехи. И никтóже сам о себé приéмлет честь, но звáнный от Бóга, якоже и Аарóн. Тáко и Христóс не Себе прослáви быти первосвящéнника, но Глагóлавый к Немý: Сын Мой eси Ты, Аз днесь родих Тя. Якоже и инде глагóлет: Ты eси свящéнник во век по чину Мелхиседéкову.
[Русский синодальный перевод](Братья, имея Первосвященника великого, прошедшего небеса, Иисуса Сына Божия, будем твердо держаться исповедания нашего. Ибо мы имеем не такого первосвященника, который не может сострадать нам в немощах наших, но Который, подобно нам, искушен во всем, кроме греха. Посему да приступаем с дерзновением к престолу благодати, чтобы получить милость и обрести благодать для благовременной помощи. Ибо всякий первосвященник, из человеков избираемый, для человеков поставляется на служение Богу, чтобы приносить дары и жертвы за грехи, могущий снисходить невежествующим и заблуждающим, потому что и сам обложен немощью, и посему он должен как за народ, так и за себя приносить жертвы о грехах. И никто сам собою не приемлет этой чести, но призываемый Богом, как и Аарон. Так и Христос не Сам Себе присвоил славу быть первосвященником, но Тот, Кто сказал Ему: Ты Сын Мой, Я ныне родил Тебя; как и в другом месте говорит: Ты священник вовек по чину Мелхиседека. (Евр.4:14-5:6)
Аллилуиарий отцев, глас 4
Чтец: Аллилýиа, аллилýиа, аллилýиа, глас четвéртый.
Хор: Аллилýиа, аллилýиа, аллилýиа.
Чтец: Моисéй и Аарóн во иерéех Егó, и Самуи́л в призывáющих И́мя Егó.
Хор: Аллилýиа, аллилýиа, аллилýиа.
Чтец: Призывáху Гóспода, и Той послýшаше их.
Хор: Аллилýиа, аллилýиа, аллилýиа.
Аллилуиарий, глас 4
Чтец: Глас тóйже: Прáведник, я́ко фи́никс, процветéт,/ и я́ко кедр, и́же в Ливáне, умнóжится.
Хор: Аллилýиа, аллилýиа, аллилýиа.
Чтец: Насаждéни в домý Госпóдни, во двóрех Бóга нáшего процветýт.
Хор: Аллилýиа, аллилýиа, аллилýиа.
ЕВАНГЕЛИЕ
От Матфéя Святáго Евáнгелия чтéние.
Хор: Слáва Тебé, Гóсподи, слáва Тебé
(Мф.зач.1): Кни́га родствá Иисýса Христá, Сы́на Дави́дова, Сы́на Авраáмля. Авраáм роди́ Исаáка. Исаáк же роди́ Иáкова. Иáков же роди́ Иýду и брáтию егó. Иýда же роди́ Фарéса и Зáра от Фамáры. Фарéс же роди́ Есрóма. Есрóм же роди́ Арáма. Арáм же роди́ Аминадáва. Аминадáв же роди́ Наассóна. Наассóн же роди́ Салмóна. Салмóн же роди́ Воóза от Рахáвы. Воóз же роди́ Ови́да от Рýфы. Ови́д же роди́ Иессéя. Иессéй же роди́ Дави́да царя́. Дави́д же царь роди́ Соломóна от Ури́ины. Соломóн же роди́ Ровоáма. Ровоáм же роди́ Ави́я. Ави́я же роди́ Áса. Áса же роди́ Иосафáта. Иосафáт же роди́ Иорáма. Иорáм же роди́ Ози́ю. Ози́я же роди́ Иоафáма. Иоафáм же роди́ Ахáза. Ахáз же роди́ Езеки́ю. Езеки́я же роди́ Манасси́ю. Манасси́я же роди́ Амóна. Амóн же роди́ Иоси́ю. Иоси́я же роди́ Иехóнию и брáтию егó, в преселéние Вавилóнское. По преселéнии же Вавилóнстем, Иехóния роди́ Салафи́иля. Салафи́иль же роди́ Зоровáвеля. Зоровáвель же роди́ Авиýда. Авиýд же роди́ Елиаки́ма. Елиаки́м же роди́ Азóра. Азóр же роди́ Садóка. Садóк же роди́ Ахи́ма. Ахи́м же роди́ Елиýда. Елиýд же роди́ Елеазáра. Елеазáр же роди́ Матфáна. Матфáн же роди́ Иáкова. Иáков же роди́ Иóсифа, мýжа Мари́ина, из Нея́же роди́ся Иисýс, глагóлемый Христóс. Всех же родóв от Авраáма до Дави́да, рóдове четыренáдесяте, и от Дави́да до преселéния Вавилóнскаго, рóдове четыренáдесяте, и от преселéния Вавилóнскаго до Христá, рóдове четыренáдесяте. Иисýс Христóво Рождествó си́це бе: обручéнней ýбо бы́вши Мáтери Егó Мари́и Иóсифови, прéжде дáже не сни́тися и́ма, обрéтеся имýщи во чрéве от Дýха Свя́та. Иóсиф же, муж Ея́, прáведен сый и не хотя́ Ея́ обличи́ти, восхотé тай пусти́ти Ю́. Сия́ же емý помы́слившу, се Áнгел Госпóдень во сне яви́ся емý, глагóля: Иóсифе, сы́не Дави́дов, не убóйся прия́ти Мариáм, жены́ твоея́, рóждшее бо ся в Ней от Дýха есть Свя́та. Роди́т же Сы́на, и наречéши и́мя Емý Иисýс. Той бо спасéт лю́ди Своя́ от грех их. Сиé же все бысть, да сбýдется речéнное от Гóспода прорóком, глагóлющим: се Дéва во чрéве прии́мет и роди́т Сы́на, и нарекýт и́мя Емý Емманýил, éже есть сказáемо, с нáми Бог. Востáв же Иóсиф от сна, сотвори́, я́коже повелé емý Áнгел Госпóдень, и прия́т Женý свою́. И не знáяше Ея́, дóндеже роди́ Сы́на Своегó пéрвенца, и наречé и́мя Емý Иисýс.
[Русский синодальный перевод](Родословие Иисуса Христа, Сына Давидова, Сына Авраамова. Авраам родил Исаака; Исаак родил Иакова; Иаков родил Иуду и братьев его; Иуда родил Фареса и Зару от Фамари; Фарес родил Есрома; Есром родил Арама; Арам родил Аминадава; Аминадав родил Наассона; Наассон родил Салмона; Салмон родил Вооза от Рахавы; Вооз родил Овида от Руфи; Овид родил Иессея; Иессей родил Давида царя; Давид царь родил Соломона от бывшей за Уриею; Соломон родил Ровоама; Ровоам родил Авию; Авия родил Асу; Аса родил Иосафата; Иосафат родил Иорама; Иорам родил Озию; Озия родил Иоафама; Иоафам родил Ахаза; Ахаз родил Езекию; Езекия родил Манассию; Манассия родил Амона; Амон родил Иосию; Иосия родил Иоакима; Иоаким родил Иехонию и братьев его, перед переселением в Вавилон. По переселении же в Вавилон, Иехония родил Салафииля; Салафииль родил Зоровавеля; Зоровавель родил Авиуда; Авиуд родил Елиакима; Елиаким родил Азора; Азор родил Садока; Садок родил Ахима; Ахим родил Елиуда; Елиуд родил Елеазара; Елеазар родил Матфана; Матфан родил Иакова; Иаков родил Иосифа, мужа Марии, от Которой родился Иисус, называемый Христос. Итак всех родов от Авраама до Давида четырнадцать родов; и от Давида до переселения в Вавилон четырнадцать родов; и от переселения в Вавилон до Христа четырнадцать родов. Рождество Иисуса Христа было так: по обручении Матери Его Марии с Иосифом, прежде нежели сочетались они, оказалось, что Она имеет во чреве от Духа Святого. Иосиф же муж Ее, будучи праведен и не желая огласить Ее, хотел тайно отпустить Ее. Но когда он помыслил это, - вот Ангел Господень явился ему во сне и сказал: Иосиф, сын Давидов! не бойся принять Марию, жену твою, ибо родившееся в Ней есть от Духа Святого; родит же Сына, и наречешь Ему имя Иисус, ибо Он спасет людей Своих от грехов их. А все это произошло, да сбудется сказанное Господом через пророка, который говорит: вот, Дева во чреве приимет и родит Сына, и нарекут имя Ему Еммануил, что значит: с нами Бог. Встав от сна, Иосиф поступил, как повелел ему Ангел Господень, и принял жену свою, и не знал Ее, как наконец Она родила Сына Своего первенца, и он нарек Ему имя: Иисус. (Мф 1:1-25)
(Мф.зач.11): Речé Госпóдь Свои́м ученикóм: вы естé свет ми́ра, не мóжет град укры́тися верхý горы́ стоя́. Нижé вжигáют свети́льника и поставля́ют егó под спýдом, но на свéщнице, и свéтит всем, и́же в хрáмине суть. Та́ко да просвети́тся свет ваш пред человéки, я́ко да ви́дят вáша дóбрая делá и прослáвят Отцá вáшего, И́же на небесéх. Да не мни́те, я́ко приидóх разори́ти закóн, или́ прорóки: не приидóх разори́ти, но испóлнити. Ами́нь бо глагóлю вам: дóндеже прéйдет нéбо и земля́, иóта еди́на, или́ еди́на чертá не прéйдет от закóна, дóндеже вся бýдут. И́же áще разори́т еди́ну зáповедий сих мáлых и наýчит тáко человéки, мний наречéтся в Цáрствии Небéснем, а и́же сотвори́т и наýчит, сей вéлий наречéтся в Цáрствии Небéснем.
[Русский синодальный перевод]Вы - свет мира. Не может укрыться город, стоящий на верху горы. И, зажегши свечу, не ставят ее под сосудом, но на подсвечнике, и светит всем в доме. Так да светит свет ваш пред людьми, чтобы они видели ваши добрые дела и прославляли Отца вашего Небесного. Не думайте, что Я пришел нарушить закон или пророков: не нарушить пришел Я, но исполнить. Ибо истинно говорю вам: доколе не прейдет небо и земля, ни одна иота или ни одна черта не прейдет из закона, пока не исполнится все. Итак, кто нарушит одну из заповедей сих малейших и научит так людей, тот малейшим наречется в Царстве Небесном; а кто сотворит и научит, тот великим наречется в Царстве Небесном.
Хор: Слáва Тебé, Гóсподи, слáва Тебé.
Помяни нас, Гóсподи, егдá прии́деши во Цáрствии Твоéм.
Помяни нас, Владыко, егдá прии́деши во Цáрствии Твоéм.
Помяни нас, Святый, егдá прии́деши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Немý и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцý и Сыну и Святóму Дýху.
Лик святых Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Еди́наго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисýса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосýщна Отцý, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Дýха Свята и Мари́и Дéвы и вочеловéчшася. Распятаго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одеснýю Отцá. И пáки грядýщаго со слáвою судити живым и мéртвым, Егóже Цáрствию не бýдет концá. И в Дýха Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святýю, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Óтче наш, Иже еси на небесéх. Да святится Имя Твоé, да приидет Цáрствие Твоé, да бýдет вóля Твоя, яко на небеси и на земли. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
КОНДАК
Кондáк отцéв, глас 1: Весели́ся, Вифлеéме, Евфрáфо, готóвися:/ се бо Áгница, Пáстыря вели́каго во утрóбе нося́щи, éже роди́ти тщи́тся,/ Егóже зря́ще, Богонóснии отцы́ веселя́тся,// с пáстырьми пою́ще Дéву доя́щую.
Гóсподи, помилуй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисýс Христóс, во слáву Бóга Отцá, аминь.
Бýди имя Госпóдне благословéно от ныне и до вéка. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкýпе./ Взыскáх Гóспода и услыша мя,/ и от всех скорбéй моих избáви мя./ Приступите к Немý и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Áнгел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послýшайте менé,/ стрáху Госпóдню научý вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и ýши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, сýщую Богорóдицу Тя величáем.
Слáва Отцý и Сыну и Святóму Дýху, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисýсе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.