ЧАСЫ ТРЕТИЙ, ШЕСТЫЙ И ДЕВЯТЫЙ. Неделя 25 по Пятидесятнице. Мученика Парамона. Глас 8
12 декабря́ 2021 г. Недéля 25 по Пятидеся́тнице. Му́ченика Парамóна. Глас 8. Служба прáздника для домáшнего (келéйного) совершéния. Служба мирски́м чи́ном.
ЧАС ТРЕТИЙ
Молитвами святых отéц нáших, Гóсподи Иисусе Христé, Бóже наш, помилуй нас, аминь.
Слáва Тебе, Бóже наш, слáва Тебé.
Царю Небéсный, Утéшителю, Душе Истины, Иже вездé сый и вся исполняяй, Сокрóвище благих и жизни Подáтелю, прииди́ и всели́ся в ны, и очи́сти ны от всякия сквéрны, и спаси, Блáже, Души нáша.
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святи́тся Имя Твоé, да приии́дет Цáрствие Твоé, да будет вóля Твоя, яко на небеси́ и на земли́. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи́ нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Гóсподи, помилуй, (12 раз.)
Слáва Отцу и Сыну и Святóму Духу, и ныне и присно и во вéки векóв, аминь.
Прииди́те, поклони́мся Царéви нáшему Бóгу.
Прииди́те, поклони́мся и припадéм Христу, Царéви нáшему Бóгу.
Прииди́те, поклони́мся и припадéм Самому Христу, Царéви и Бóгу нáшему.
Псалом 16
Услыши, Гóсподи, прáвду мою, вонми молéнию моему, внуши молитву мою не во устнáх льстивых. От лицá Твоегó судьбá моя изыдет, óчи мои да видита правоты. Искусил еси сéрдце моé, посетил еси нóщию, искусил мя еси и не обрéтеся во мне непрáвда. Яко да не возглагóлют устá моя дел человéческих, за словесá устéн Твоих аз сохраних пути жéстоки. Соверши́ стопы моя во стезях Твоих, да не подвижутся стопы моя. Аз воззвáх, яко услышал мя еси, Бóже, приклони ухо Твоé мне, и услыши глагóлы моя. Удиви́ ми́лости Твоя, спасáяй уповáющия на Тя от противящихся деснице Твоéй. Сохрани мя, Гóсподи, яко зéницу ока, в крóве крилу Твоéю покрыеши мя. От лицá нечестивых острáстших мя, врази мои душу мою одержáша. Тук свой затвориша, устá их глагóлаше гордыню. Изгонящии мя ныне обыдóша мя, óчи свои возложиша уклонити на зéмлю. Объяша мя яко лев готóв на лов, и яко скимен обитáяй в тáйных. Воскресни, Гóсподи, предвари я и запни им, избáви душу мою от нечестиваго, оружие Твоé от враг руки Твоея. Гóсподи, от мáлых от земли раздели я в животé их, и сокровéнных Твоих испóлнися чрéво их, насытишася сынóв, и остáвиша остáнки младéнцем своим. Аз же прáвдою явлюся лицу Твоему, насыщуся, внегдá яви́ти ми ся слáве Твоéй.
Псалом 24
К Тебé, Гóсподи, воздвигóх душу мою, Бóже мой, на Тя уповáх, да не постыжуся во век, ниже да посмеют ми ся врази́ мои; Ибо вси терпящии Тя не постыдятся. Да постыдятся беззакóннующии вотщé. Пути Твоя, Гóсподи, скажи ми, и стезям Твоим научи мя. Настáви мя на истину Твою и научи мя, яко Ты еси Бог Спас мой, и Тебé терпéх весь день. Помяни щедрóты Твоя, Гóсподи, и милости Твоя, яко от вéка суть. Грех юности моея и невéдения моегó не помяни, по милости Твоéй помяни мя Ты рáди блáгости Твоея, Гóсподи. Благ и прав Госпóдь, сегó рáди законоположит согрешáющим на пути. Настáвит крóткия на суд, научит крóткия путéм Своим. Вси путиé Госпóдни милость и истина, взыскáющым завéта Егó и свидéния Егó. Рáди имене Твоегó, Гóсподи, и очисти грех мой, мног бо есть. Кто есть человéк бояйся Гóспода; законоположит ему на пути, егóже извóли. Душá его во благих водворится, и сéмя егó наслéдит зéмлю. Держáва Госпóдь боящихся Егó и завéт Егó явит им. Очи мои выну ко Гóсподу, яко Той истóргнет от сéти нóзе мои. Призри на мя и помилуй мя, яко единорóд и нищ есмь аз. Скóрби сéрдца моегó умнóжишася, от нужд моих изведи мя. Виждь смирéние моé и труд мой, и остáви вся грехи моя. Виждь враги моя, яко умнóжишася, и ненавидéнием непрáведным возненавидеша мя. Сохрани́ душу мою и избáви мя, да не постыжуся, яко уповáх на Тя. Незлóбивии и прáвии прилепляхуся мне, яко потерпéх Тя, Гóсподи. Избáви, Бóже, Изрáиля от всех скорбéй егó.
Псалом 50
Помилуй мя, Бóже, по велицей милости Твоéй, и по мнóжеству щедрóт Твоих очисти беззакóние моé. Наипаче омый мя от беззакóния моегó, и от греха моегó очисти мя. Яко беззакóние моé аз знаю и грех мой предо мнóю есть выну. Тебе Единому согреших, и лукавая пред Тобóю сотворих; яко да оправдишися во словесéх Твоих и победиши, внегда судити Ти. Се бо в беззакóниих зачат есмь, и во гресéх роди мя мати моя. Се бо истину возлюбил еси, безвéстная и тайная премудрости Твоея явил ми еси. Окропиши мя иссóпом и очи́щуся, омыеши мя, и паче снéга убелюся. Слуху моему даси радость и весéлие, возрадуются кóсти смирéнныя. Отврати лице Твое от грех моих, и вся беззакóния моя очисти. Сердце чисто созижди во мне, Бóже, и дух прав обнови во утрóбе моéй. Не отвéржи мене от лица Твоегó, и Духа Твоегó Святаго не отыми от менé. Воздаждь ми радость спасéния Твоегó, и Духом Владычним утверди́ мя. Научу беззакóнныя путем Твоим, и нечести́вии к Тебе обратятся. Избави мя от кровéй, Бóже, Бóже спасéния моегó, возрадуется язык мой правде Твоéй. Гóсподи, устнé мои отвéрзеши, и уста моя возвестят хвалу Твою. Яко аще бы восхотéл еси жéртвы, дал бых убо, всесожжéния не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнием Твои́м Сиóна, и да сози́ждутся стéны Иерусали́мския. Тогда благоволи́ши жéртву правды, возношéние и всесожегáемая; тогда возложáт на олтáрь Твой тельцы.
Слáва Отцу и Сыну и Святóму Духу, и ныне и присно и во вéки векóв. Аминь.
Аллилуиа, аллилуиа, аллилуиа, слáва Тебé Бóже. (3 раза)
Гóсподи, помилуй. (3 раза)
Слáва Отцу и Сыну и Святóму Духу.
Тропáрь воскрéсный, глас 8: С высоты снизшéл еси, Благоутрóбне, погребéние приял еси триднéвное, да нас свободиши страстéй, Животé и Воскресéние нáше, Гóсподи, слáва Тебé!
И ныне и присно и во вéки векóв. Аминь.
Богорóдичен: Богорóдице, Ты еси Лозá истинная, возрастившая нам Плод Животá, Тебе мóлимся, молися Владычице, со святыми Апóстолы, помиловати души нáша.
Госпóдь Бог благословéн, благословéн Госпóдь день дне, поспешит нам Бог спасéний нáших, Бог наш, Бог спасáти.(Пс.67:20-21)
Посем Трисвятое по Отче наш
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДAК
Кондáк воскрéсный, глас 8: Воскрéс из грóба, умéршыя воздви́гл еси́, и Адáма воскреси́л еси́, и Е́ва лику́ет во Твоéм Воскресéнии, и мирсти́и концы́ торжеству́ют éже из мéртвых востáнием Твои́м, Многоми́лостиве.
Гóсподи, помилуй. (40 раз)
Иже на всякое врéмя и на всякий час, на небеси и на земли покланяемый и слáвимый Христе Бóже, долготерпеливе, многомилостиве, многоблагоутрóбне, Иже прáведныя любяй, и грéшныя милуяй, Иже вся зовый ко спасéнию обещáния рáди будущих благ; Сам, Гóсподи, приими и нáша в час сей молитвы, и испрáви живóт наш к зáповедем Твоим; души нáша освяти, телесá очисти, помышлéния испрáви, мысли очисти, и избáви нас от всякия скóрби, зол и болéзней; огради нас святыми Твоими Ангелы, да ополчéнием их соблюдáеми и наставляеми, достигнем в соединéние вéры, и в рáзум неприступныя Твоея слáвы, яко благословéн еси во вéки векóв, аминь.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв. Аминь.
Честнéйшую Херувим и слáвнейшую без сравнéния Серафим, без истлéния Бóга Слóва рóждшую, сущую Богорóдицу, Тя величáем.
Именем Госпóдним Гóсподи, благослови.
Молитвами святых отéц нáших, Гóсподи Иисусе Христé, Бóже наш, помилуй нас, аминь.
Молитва святаго Мардария
Владыко Бóже Отче Вседержителю, Гóсподи Сыне Единородный Иисусе Христе, и Святый Душе, Едино Божествó, Едина Сила, помилуй мя грешнаго, и имиже веси судьбами спаси мя недостóйнаго раба Твоегó, яко благословен еси во веки векóв, аминь.
ЧАС ШЕСТЫЙ
Приидите, поклонимся Царéви нáшему Бóгу.
Приидите, поклонимся и припадéм Христу, Царéви нáшему Бóгу.
Приидите, поклонимся и припадéм Самому Христу, Царéви и Бóгу нáшему.
Псалом 53
Бóже, во имя Твое спаси мя, и в силе Твоей суди ми. Бóже, услыши молитву мою, внуши глагóлы уст моих. Яко чуждии востáша на мя и крепцыи взыскáша душу мою, и не предложиша Бóга пред собóю. Се бо Бог помогает ми, и Господь заступник души моей. Отвратит злая врагóм моим, истиною Твоею потреби их. Вóлею пожру Тебе, исповемся имени Твоему, Гóсподи, яко блáго; Яко от всякия печáли избáвил мя еси, и на враги моя воззре óко мое.
Псалом 54
Внуши, Бóже, молитву мою и не презри моления моегó. Вонми ми и услыши мя: возскорбех печáлию моею и смятóхся. От глáса врáжия и от стужения грешнича, яко уклониша на мя беззакóние и во гневе враждовáху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине, и полещу, и почию; Се удалихся бегая и водворихся в пустыни. Чаях Бóга спасáющаго мя от малодушия и от бури. Потопи Гóсподи, и раздели языки их: яко видех беззакóние и пререкание во граде. Днем и нóщию обыдет и по стенáм егó: беззаконие и труд посреде егó и непрáвда. И не оскуде от стогн его лихва и лесть. Яко аще бы враг поносил ми, претерпел бых убо, и аще бы ненавидяй мя на мя велеречевал, укрыл бых ся от негó. Ты же человече равнодушне, владыко мой и знаемый мой; Иже купно наслаждался еси со мнóю брáшен, в дому Бóжии ходихом единомышлением. Да приидет же смерть на ня, и да снидут во ад живи, яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бóга. Простре руку свою на воздаяние, оскверниша завет Егó. Разделишася от гнева лица Егó, и приближишася сердцá их, умякнуша словесá их пáче елеа, и та суть стрелы. Возверзи на Гóспода печáль твою, и Той тя препитáет, не даст в век молвы прáведнику. Ты же, Бóже, низведеши их во студенец истления, мужие кровей и льсти не преполовят дней своих. Аз же, Гóсподи, уповáю на Тя.
Псалом 90
Живый в пóмощи Вышняго, в крóве Бóга Небеснаго водворится. Речет Гóсподеви: заступник мой еси и прибежище мое, Бог мой, и уповáю на Негó. Яко Той избавит тя от сети лóвчи, и от словесе мятежна; Плещмá Своима осенит тя, и под криле Егó надеешися: оружием обыдет тя истина Егó. Не убоишися от стрáха нощнáго, от стрелы летящия во дни; От вещи во тме преходяшия, от сряща и беса полуденнаго. Падет от страны твоея тысяща, и тма одесную тебе, к тебе же не приближится; Обáче очима твоима смóтриши, и воздаяние грешников узриши. Яко Ты, Гóсподи, уповáние мое, Вышняго положил еси прибежище твое. Не приидет к тебе зло, и рáна не приближится телеси твоему; Яко Ангелом Своим заповесть о тебе, сохранити тя во всех путех твоих. На рукáх вóзмут тя, да не когдá преткнеши о камень нóгу твою; На áспида и василиска наступиши, и попереши льва и змия. Яко на Мя уповá, и избавлю и: покрыю и, яко познá имя Мое. Воззовет ко Мне, и услышу егó: с ним есмь в скóрби, изму егó, и прослáвлю егó; Долготóю дней испóлню егó, и явлю ему спасение Мое.
Слáва Отцу и Сыну и Святóму Духу, и ныне и присно и во вéки векóв. Аминь.
Аллилуиа, аллилуиа, аллилуиа, слава Тебе Боже. (3 раза)
Гóсподи, помилуй. (3 раза)
Слáва Отцу и Сыну и Святóму Духу.
Тропáрь воскрéсный, глас 8: С высоты снизшéл еси, Благоутрóбне, погребéние приял еси триднéвное, да нас свободиши страстéй, Животé и Воскресéние нáше, Гóсподи, слáва Тебé!
И ныне и присно и во вéки векóв. Аминь.
Богорóдичен: Яко не и́мамы дерзновéния за премнóгия грехи́ нáша, Ты Иже от Тебé Рóждшагося моли́, Богорóдице Дéво: мнóго бо мóжет молéние Мáтернее ко благосéрдию Владыки: не прéзри грéшных мольбы, Всечи́стая, яко ми́лостив есть и спасти́ моги́й, Иже и страдáти о нас извóливый.
Скóро да предварят ны щедрóты Твоя, Гóсподи, яко обнищáхом зелó: помози́ нам, Бóже Спáсе наш, слáвы рáди и́мене Твоегó; Гóсподи, избáви нас, и очи́сти грехи́ нáша, и́мене рáди Твоегó.
Посем Трисвятое по Отче наш
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святому Духу, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДAК
Кондáк воскрéсный, глас 8: Воскрéс из грóба, умéршыя воздви́гл еси́, и Адáма воскреси́л еси́, и Е́ва лику́ет во Твоéм Воскресéнии, и мирсти́и концы́ торжеству́ют éже из мéртвых востáнием Твои́м, Многоми́лостиве.
Гóсподи, помилуй. (40 раз)
Иже на всякое врéмя и на всякий час, на небеси и на земли покланяемый и слáвимый Христе Бóже, долготерпеливе, многомилостиве, многоблагоутрóбне, Иже прáведныя любяй, и грéшныя милуяй, Иже вся зовый ко спасéнию обещáния рáди будущих благ; Сам, Гóсподи, приими и нáша в час сей молитвы, и испрáви живóт наш к зáповедем Твоим; души нáша освяти, телесá очисти, помышлéния испрáви, мысли очисти, и избáви нас от всякия скóрби, зол и болéзней; огради нас святыми Твоими Ангелы, да ополчéнием их соблюдáеми и наставляеми, достигнем в соединéние вéры, и в рáзум неприступныя Твоея слáвы, яко благословéн еси во вéки векóв, аминь.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв. Аминь.
Честнéйшую Херувим и слáвнейшую без сравнéния Серафим, без истлéния Бóга Слóва рóждшую, сущую Богорóдицу, Тя величáем.
Именем Госпóдним Гóсподи, благослови.
Молитвами святых отéц нáших, Гóсподи Иисусе Христé, Бóже наш, помилуй нас, аминь.
Таже молитва святаго Великаго Василия
Бóже и Гóсподи сил и всея твáри Содéтелю, Иже за милосéрдие безприклáдныя милости Твоея Единорóднаго Сына Твоегó, Гóспода нáшего Иисуса Христá, низпослáвый на спасéние рóда нáшего, и честным Егó Крестóм рукописáние грех нáших растерзáвый, и победивый тем начáла и влáсти тьмы. Сам, Владыко Человеколюбче, приими и нас, грéшных, благодáрственныя сия и молéбныя молитвы и избáви нас от всякаго всегубительнаго и мрáчнаго прегрешéния и всех озлóбити нас ищущих видимых и невидимых враг. Пригвозди стрáху Твоему плóти нáша и не уклони сердéц нáших в словесá или помышлéния лукáвствия, но любóвию Твоéю уязви души нáша, да, к Тебé всегдá взирáюще и éже от Тебé свéтом наставляеми, Тебé, неприступнаго и присносущнаго зряще Свéта, непрестáнное Тебé исповéдание и благодарéние возсылáем, Безначáльному Отцу со Единорóдным Твоим Сыном и Всесвятым, и Благим, и Животворящим Твоим Духом ныне, и присно, и во вéки векóв, аминь.
И глагóлем зде изобразительные. Аще кто хóщет глагóлет прéжде и девятый час.
ЧАС ДЕВЯТЫЙ
Приидите, поклонимся Царéви нáшему Бóгу.
Приидите, поклонимся и припадéм Христу, Царéви нáшему Бóгу.
Приидите, поклонимся и припадéм Самому Христу, Царéви и Бóгу нáшему.
Псалом 83
Коль возлюбленна селения Твоя, Гóсподи сил! Желáет и скончавáется душá моя во дворы Госпóдни, сердце мое и плоть моя возрáдовастася о Бóзе живе. Ибо птица обрете себе хрáмину, и гóрлица гнездó себе, идеже положит птенцы своя, олтари Твоя, Гóсподи сил, Царю мой и Бóже мой. Блажени живущии в дому Твоем, в веки векóв восхвалят Тя. Блажен муж, eмуже есть заступление eго у Тебе; восхождения в сердце своем положи, во юдóль плачевную, в место еже положи, ибо благословение даст законополагáяй. Пóйдут от силы в силу: явится Бог богóв в Сиóне. Гóсподи Бóже сил, услыши молитву мою, внуши, Бóже Иáковль. Защитниче наш, виждь, Бóже, и призри на лице христá Твоегó. Яко лучше день един во двóрех Твоих пáче тысящ: извóлих приметáтися в дому Бóга моего пáче, неже жити ми в селениих грешничих. Яко милость и истину любит Госпóдь, Бог благодáть и слáву даст, Госпóдь не лишит благих ходящих незлóбием. Гóсподи Бóже сил, Блажен человек уповáяй на Тя.
Псалом 84
Благоволил еси, Господи, землю Твою, возвратил еси плен Иáковль: остáвил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны? Или простреши гнев Твой от рода в род? Боже, Ты обращься оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему. Обаче близ боящихся Его спасение Его, вселити славу в землю нашу. Милость и истина сретостеся, правда и мир облобызастася. Истина от земли возсия, и правда с Небесе приниче, ибо Господь даст благость, и земля наша даст плод свой. Правда пред Ним предъидет, и положит в путь стопы своя.
Псалом 85
Приклони, Господи, ухо Твое, и услыши мя, яко нищ и убог есмь аз. Сохрани душу мою, яко преподобен есмь: спаси рабá Твоего, Боже мой, уповáющаго на Тя. Помилуй мя, Господи, яко к Тебе воззову весь день. Возвесели душу рабá Твоего, яко к Тебе взях душу мою. Яко Ты, Господи, Благ и Кроток, и Многомилостив всем призывающым Тя. Внуши, Господи, молитву мою, и вонми гласу моления моего. В день скорби моея воззвáх к Тебе, яко услышал мя еси. Несть подобен Тебе в бозех, Господи, и несть по делом Твоим. Вси языцы, елики сотворил еси, приидут и поклонятся пред Тобою, Господи, и прославят имя Твое, яко Велий еси Ты, и творяй чудеса, Ты еси Бог един. Настáви мя, Господи, на путь Твой, и пойду во истине Твоей; да возвеселится сердце мое боятися имене Твоего. Исповемся Тебе, Господи Боже мой, всем сердцем моим, и прославлю имя Твое в век: яко милость Твоя велия на мне, и избавил еси душу мою от ада преисподнейшаго. Боже, законопреступницы востáша на мя, и сонм держáвных взыскáша душу мою, и не предложиша Тебе пред собою. И Ты, Господи Боже мой, Щедрый и Милостивый, Долготерпеливый, и Многомилостивый и истинный, призри на мя и помилуй мя, даждь державу Твою отроку Твоему, и спаси сына рабы Твоея. Сотвори со мною знамение во благо, и да видят ненавидящии мя, и постыдятся, яко Ты, Господи, помогл ми и утешил мя еси.
И паки: Сотвори со мною знамение во благо, и да видят ненавидящии мя, и постыдятся, яко Ты, Господи, помогл ми и утешил мя еси.
Слáва Отцу и Сыну и Святóму Духу, и ныне и присно и во вéки векóв. Аминь.
Аллилуиа, аллилуиа, аллилуиа, слава Тебе Боже. (3 раза)
Гóсподи, помилуй. (3 раза)
Слáва Отцу и Сыну и Святóму Духу.
Тропáрь воскрéсный, глас 8: С высоты снизшéл еси, Благоутрóбне, погребéние приял еси триднéвное, да нас свободиши страстéй, Животé и Воскресéние нáше, Гóсподи, слáва Тебé!
И ныне и присно и во вéки векóв. Аминь.
Богорóдичен: Иже нас рáди рождéйся от Дéвы и распятие претерпéв, Благий, испровéргий смéртию смерть и воскресéние явлéй яко Бог, не прéзри, яже создáл еси рукóю Твоéю. Яви человеколюбие Твоé, Милостиве. Приими рóждшую Тя Богорóдицу, молящуюся за ны. И спаси, Спáсе наш, люди отчáянныя.
Не предáждь нас до концá Имене Твоегó рáди, и не разори завéта Твоегó, и не отстáви милости Твоея от нас Авраáма рáди, возлюбленнаго от Тебé, и за Исаáка, рабá Твоегó, и Изрáиля, святáго Твоегó.
Посем Трисвятое по Отче наш
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святому Духу, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДAК
Кондáк воскрéсный, глас 8: Воскрéс из грóба, умéршыя воздви́гл еси́, и Адáма воскреси́л еси́, и Е́ва лику́ет во Твоéм Воскресéнии, и мирсти́и концы́ торжеству́ют éже из мéртвых востáнием Твои́м, Многоми́лостиве.
Гóсподи, помилуй. (40 раз)
Иже на всякое врéмя и на всякий час, на небеси и на земли покланяемый и слáвимый Христе Бóже, долготерпеливе, многомилостиве, многоблагоутрóбне, Иже прáведныя любяй, и грéшныя милуяй, Иже вся зовый ко спасéнию обещáния рáди будущих благ; Сам, Гóсподи, приими и нáша в час сей молитвы, и испрáви живóт наш к зáповедем Твоим; души нáша освяти, телесá очисти, помышлéния испрáви, мысли очисти, и избáви нас от всякия скóрби, зол и болéзней; огради нас святыми Твоими Ангелы, да ополчéнием их соблюдáеми и наставляеми, достигнем в соединéние вéры, и в рáзум неприступныя Твоея слáвы, яко благословéн еси во вéки векóв, аминь.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв. Аминь.
Честнéйшую Херувим и слáвнейшую без сравнéния Серафим, без истлéния Бóга Слóва рóждшую, сущую Богорóдицу, Тя величáем.
Именем Госпóдним Гóсподи, благослови́.
Молитвами святых отéц нáших, Гóсподи Иисусе Христé, Бóже наш, помилуй нас, аминь.
И молитву сию Великаго Василия
Владыко Гóсподи, Иисусе Христé, Бóже наш, долготерпéвый о нáших согрешéниих и дáже до нынешняго часá привeдый нас, вóньже, на Животворящем Дрéве вися, благоразумному разбóйнику иже в рай путесотворил еси вход и смéртию смерть разрушил еси: очисти нас, грéшных и недостóйных раб Твоих, согрешихом бо и беззакóнновахом и нéсмы достóйни возвести очесá нáша и воззрéти на высоту Небéсную, занé остáвихом путь прáвды Твоея и ходихом в вóлях сердéц нáших. Но мóлим Твою безмéрную блáгость: пощади нас, Гóсподи, по мнóжеству милости Твоея, и спаси нас Имене Твоегó рáди святáго, яко исчезóша в суетé дние нáши, изми нас из руки сопротивнаго, и остáви нам грехи нáша, и умертви плотскóе нáше мудровáние, да, вéтхаго отложивше человéка, в нóваго облецéмся и Тебе поживéм, нáшему Владыце и Благодéтелю. И тáко, Твоим послéдующе повелéнием, в вéчный покóй достигнем, идéже есть всех веселящихся жилище. Ты бо еси воистинну истинное весéлие и рáдость любящих Тя, Христé Бóже наш, и Тебé славу возсылáем со Безначáльным Твоим Отцéм, и Пресвятым, и Благим, и Животворящим Твоим Духом, ныне, и присно и во вéки векóв, аминь.
И глагóли обéдницу