ОБЕДНИЦА (Изобразительные) Неделя 21 по Пятидесятнице. Глас 4. Безсрeбреников Космы и Дамиaна.
14 ноября́ 2021 гóда. Недéля 21 по Пятидеся́тнице. Безсрéбреников и чудотвóрцев Космы́ и Дамиáна Аси́йских. Глас 4. Служба прáздника для домáшнего (келéйного) совершéния. Служба мирски́м чи́ном.
Прéжде глагóли часы
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Господь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Его на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Чтец (стихиры воскрéсные, глас 4):Дрéвом Адáм рая бысть изселéн; дрéвом же крéстным разбóйник в рай вселися. Ов убо вкуш, зáповедь отвéрже Сотвóршаго; ов же сраспинáем, Бóга исповéда Таящагося, помяни мя, вопия, во Цáрствии Твоéм.
Хор: Блажéни áлчущии и жáждущии прáвды,/ яко тии насытятся.
Чтец: Вознесыйся на Крест, смéртную разрушивый силу, и заглáдивый, яко Бог, éже на ны рукописáние, Гóсподи, разбóйниче покаяние и нам подáждь, Едóне Человеколюбче, вéрою служáщим, Христé Бóже наш, и вопиющим Ти: помяни и нас во Цáрствии Твоéм.
На 8. Хор: Блажéни милостивии,/ яко тии помиловани будут.
Чтец: Рукописáние нáше на Крестé копиéм раздрáл еси, и вменився в мéртвых, тáмошняго мучителя связáл еси, избáвивый всех от уз áдовых воскресéнием Твоим, имже просветихомся, Человеколюбче Гóсподи, и вопиéм Ти: помяни и нас во Цáрствии Твоéм.
Хор: Блажéни чистии сéрдцем,/ яко тии Бóга узрят.
Чтец: Распныйся и воскресый яко Силен из грóба триднéвен, и первоздáннаго Адáма воскресивый, Едине Безсмéртне: и менé на покаяние обратитися, Гóсподи, сподóби от всегó сéрдца моегó, и тéплою вéрою присно взывáти Ти: помяни мя, Спáсе, во Цáрствии Твоéм.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Нас рáди, Иже безстрáстен, стрáстный бысть человéк, и вóлею на Крестé пригвождéйся, нас совоскреси, тéмже и слáвим со Крестóм страсть и воскресéние, имиже возсоздáхомся, имиже и спасáемся, взывáюще: помяни и нас во Цáрствии Твоéм.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Воскрéсшаго из мéртвых, и áдову держáву пленившаго, и видима женáми миронóсицами, рáдуйтеся, глагóлющаго, вéрнии умóлим, от истлéния избáвити души нáша, зовуще всегдá разбóйника благоразумнаго глáсом к Нему: помяни и нас во Цáрствии Твоéм.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (безсрéбреников, глас 4): Мир поéт вáша, святи́и, мнóгая благодея́ния/ и чудéс мнóжества, чудотвóрцы и врáчеве,/ А́нгел всех равностоя́тели.
Хор: Рáдуйтеся и веселитеся,/ яко мзда вáша мнóга на небесéх.
Чтец: Вас обои́х, светодáтелей, мóлим,/ звезд на высотé лежáщих Цéркве тáйно, Космó и Дамиáне,/ сердцá вéрных озари́те.
Хор: Слáва Отцу и Сыну и Святóму Духу.
Чтец: Се совокупи́вшеся лю́дие, святи́и, отвсю́ду/ вáша воспéти вели́кия дáры внутрь цéркве вáшея,/ но всех молéния испóлните.
Хор: И ныне и присно и во вéки векóв. Аминь.
Чтец (Богорóдичен): Святáя Влады́чице Чи́стая,/ Пресвятóе Слóво воплоти́вшая слóвом,/ безсловéсных мя страстéй, пою́ща Тя благочéстно/ Божéственными словесы́, избáви, Пренепорóчная.
Тропари и кондаки
Тропáрь воскрéсный, глас 4: Свéтлую Воскресéния прóповедь/ от А́нгела увéдевша Госпóдни учени́цы/ и прáдеднее осуждение отвéргша,/ апóстолом хвáлящася глагóлаху:/ испровéржеся смерть,/ воскрéсе Христóс Бог,// дáруяй ми́рови вéлию ми́лость.
Тропáрь безсрéбреников, глас 8: Святи́и безсрéбреницы и чудотвóрцы, Космó и Дамиáне,/ посети́те нéмощи нáша:// ту́не прия́сте, ту́не дади́те нам.
Слáва Отцу и Сыну и Святóму Духу.
Кондáк безсрéбреников, глас 2: Благодáть прии́мше исцелéний,/ простирáете здрáвие су́щим в ну́ждах,/ врáчеве, чудотвóрцы преслáвнии,/ но вáшим посещéнием рáтников дéрзости низложи́те,// мир исцеля́юще чудесы́.
И ныне и присно и во вéки векóв. Аминь.
Кондáк воскрéсный, глас 4: Спас и Избáвитель мой/ из грóба, яко Бог, воскреси от уз земнорóдныя,/ и вратá áдова сокруши,/ и яко Владыка// воскрéсе триднéвен.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 4
Чтец: Проки́мен, глас четвéртый, псалóм Дави́дов. Яко возвеличишася делá Твоя, Гóсподи, вся премудростию сотворил еси.
Хор: Яко возвеличишася делá Твоя, Гóсподи,/ вся премудростию сотворил еси.
Чтец: Благослови душé моя, Гóспода, Гóсподи Бóже мой, возвеличился еси зелó.
Хор: Яко возвеличишася делá Твоя, Гóсподи,/ вся премудростию сотворил еси.
Прокимен безсребренников, глас 4
Чтец: Проки́мен, глас тóйже: Святы́м, и́же суть на земли́ Егó,/ удиви́ Госпóдь вся хотéния Своя́ в них.
Хор: Святы́м, и́же суть на земли́ Егó,/ удиви́ Госпóдь вся хотéния Своя́ в них.
АПОСТОЛ
Чтец: К Галáтом послáния святáго апóстола Пáвла чтéние.
(Гал.зач.203): Брáтие, увéдевше я́ко не оправди́тся человéк от дел закóна, но тóкмо вéрою Иису́с Христóвою, и мы во Христá Иису́са вéровахом, да оправди́мся от вéры Христóвы, а не от дел закóна, занé не оправди́тся от дел закóна вся́ка плоть. А́ще ли, и́щуще оправди́тися о Христé, обретóхомся и сáми грéшницы, Христóс у́бо греху́ ли служи́тель? Да не бу́дет. А́ще бо, я́же разори́х, сия́ пáки созидáю, престу́пника себé представля́ю. Аз бо закóном закóну умрóх, да Бóгови жив бу́ду. Христóви сраспя́хся. Живу́ же не ктому́ аз, но живéт во мне Христóс. А éже ны́не живу́ во плóти, вéрою живу́ Сы́на Бóжия, возлюби́вшаго менé и предáвшаго Себé по мне.
[Русский синодальный перевод](Братья, однако же, узнав, что человек оправдывается не делами закона, а только верою в Иисуса Христа, и мы уверовали во Христа Иисуса, чтобы оправдаться верою во Христа, а не делами закона; ибо делами закона не оправдается никакая плоть. Если же, ища оправдания во Христе, мы и сами оказались грешниками, то неужели Христос есть служитель греха? Никак. Ибо если я снова созидаю, что разрушил, то сам себя делаю преступником. Законом я умер для закона, чтобы жить для Бога. Я сораспялся Христу, и уже не я живу, но живет во мне Христос. А что ныне живу во плоти, то живу верою в Сына Божия, возлюбившего меня и предавшего Себя за меня.(2:16-20)
(1Кор.зач.153): Брáтие, вы естé тéло Христóво и у́ди от чáсти. И óвы у́бо положи́ Бог в Цéркви, пéрвее апóстолы, вторóе прорóки, трéтие учи́тели, потóм же си́лы, тáже даровáния исцелéний, заступлéния, правлéния, рóди язы́ков. Едá вси апóстоли? Едá вси прорóцы? Едá вси учи́тели? Едá вси си́лы? Едá вси даровáния и́мут исцелéний? Едá вси язы́ки глагóлют? Едá вси сказу́ют? Ревну́йте же даровáний бóльших, и ещé по превосхождéнию путь вам показу́ю. А́ще язы́ки человéческими глагóлю и áнгельскими, любвé же не и́мам, бых я́ко медь звеня́щи, или́ кимвáл звяцáяй. И áще и́мам прорóчество и вем тáйны вся, и весь рáзум, и áще и́мам всю вéру, я́ко и гóры преставля́ти, любвé же не и́мам, ничтóже есмь. И áще раздáм вся имéния моя́, и áще предáм тéло моé, во éже сжещи́ é, любвé же не и́мам, никáя пóльза ми есть. Любы́ долготерпи́т, милосéрдствует, любы́ не зави́дит, любы́ не превознóсится, не горди́тся, ни безчи́нствует, не и́щет своя́ си, не раздражáется, не мы́слит зла, не рáдуется о непрáвде, рáдуется же о и́стине; вся лю́бит, всему́ вéру éмлет, вся уповáет, вся терпи́т. Любы́ николи́же отпáдает.
[Русский синодальный перевод](Братья, и вы - тело Христово, а порознь - члены. И иных Бог поставил в Церкви, во-первых, Апостолами, во-вторых, пророками, в-третьих, учителями; далее, иным дал силы чудодейственные, также дары исцелений, вспоможения, управления, разные языки. Все ли Апостолы? Все ли пророки? Все ли учители? Все ли чудотворцы? Все ли имеют дары исцелений? Все ли говорят языками? Все ли истолкователи? Ревнуйте о дарах бо́льших, и я покажу вам путь еще превосходнейший. Если я говорю языками человеческими и ангельскими, а любви не имею, то я - медь звенящая или кимвал звучащий. Если имею дар пророчества, и знаю все тайны, и имею всякое познание и всю веру, так что могу и горы переставлять, а не имею любви, - то я ничто. И если я раздам все имение мое и отдам тело мое на сожжение, а любви не имею, нет мне в том никакой пользы. Любовь долготерпит, милосердствует, любовь не завидует, любовь не превозносится, не гордится, не бесчинствует, не ищет своего, не раздражается, не мыслит зла, не радуется неправде, а сорадуется истине; все покрывает, всему верит, всего надеется, все переносит. Любовь никогда не перестает, хотя и пророчества прекратятся, и языки умолкнут, и знание упразднится.(12:27-13:8)
Аллилуиарий воскресный, глас 4
Чтец: Аллилу́иа, аллилу́иа, аллилу́иа, Глас четвéртый. Наляцы, и успевáй, и цáрствуй истины рáди, и крóтости, и прáвды.
Хор: Аллилуиа, аллилуиа, аллилуиа.
Чтец: Возлюбил еси прáвду и возненавидел еси беззакóние.
Хор: Аллилуиа, аллилуиа, аллилуиа.
Аллилуиарий безсребренников
Чтец: Глас вторы́й: Се что добрó, или́ что краснó,/ но е́же жи́ти брáтии вку́пе.
Хор: Аллилу́иа, аллилу́иа, аллилу́иа.
ЕВАНГЕЛИЕ
От Луки́ Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.38): Во врéмя óно: пришéдшу Iисýсу во странý Гадари́нску, я́же есть об он пол Галiлéи. Изшéдшу же Емý на зéмлю, срéте Егó муж нéкiй от грáда, и҆́же имя́ше бéсы от лет мнóгих, и в ри́зу не облачáшеся, и во хрáме не живя́ше, но во гробéх. Узрéв же Iисýса и возопи́в, припадé к Немý, и глáсом вéлiим речé: что мне и Тебé, Iисýсе Сы́не Бóга Вы́шняго? Молю́ся Ти, не мýчи менé. Повелé ýбо дýхови нечи́стому изы́ти от человéка, от мног бо лет восхищáше егó, и вязáху егó ýзы желéзны и пýты, стрегýще егó, и растерзáя ýзы, гони́мь бывáше бéсом сквозé пусты́ни. Вопроси́ же егó Iисýс, глагóля: что ти есть и҆́мя? Он же речé: легеóн, я́ко бéси мнóзи внидóша вонь. И моля́ху Егó, да не повели́т им в бéздну ити́. Бе же ту стáдо свинéй мнóго пасóмо в горé, и моля́ху Егó, да повели́т им в ты вни́ти. И повелé им. Изшéдше же бéси от человéка, внидóша во свинiя́, и устреми́ся стáдо по брéгу в éзеро, и истопé. Ви́девше же пасýщiи бы́вшее, бежáша, и возвести́ша во грáде и в сéлех. Изыдóша же ви́дети бы́вшее, и прiидóша ко Iисýсови и обретóша человéка седя́ща, из негóже бéси изыдóша, оболчéна и смы́сляща, при ногý Iисýсову, и убоя́шася. Возвести́ша же им ви́девшiи, кáко спасéся бесновáвый. И моли́ Егó весь нарóд страны́ Гадари́нскiя отити́ от них, я́ко стрáхом вéлiим одержи́ми бéху. Он же влез в корáбль, возврати́ся. Моля́шеся же Емý муж, из негóже изыдóша бéси, дабы́ с Ним был. Отпусти́ же егó Iисýс, глагóля: возврати́ся в дом твой и повéдай, ели́ка ти сотвори́ Бог. И и҆́де, по всемý грáду проповéдая, ели́ка сотвори́ емý Iисýс.
[Русский синодальный перевод](И приплыли в страну Гадаринскую, лежащую против Галилеи. Когда же вышел Он на берег, встретил Его один человек из города, одержимый бесами с давнего времени, и в одежду не одевавшийся, и живший не в доме, а в гробах. Он, увидев Иисуса, вскричал, пал пред Ним и громким голосом сказал: чтó Тебе до меня, Иисус, Сын Бога Всевышнего? умоляю Тебя, не мучь меня. Ибо Иисус повелел нечистому духу выйти из сего человека, потому что он долгое время мучил его, так что его связывали цепями и узами, сберегая его; но он разрывал узы и был гоним бесом в пустыни. Иисус спросил его: как тебе имя? Он сказал: легион, - потому что много бесов вошло в него. И они просили Иисуса, чтобы не повелел им идти в бездну. Тут же на горе паслось большое стадо свиней; и бесы просили Его, чтобы позволил им войти в них. Он позволил им. Бесы, выйдя из человека, вошли в свиней, и бросилось стадо с крутизны в озеро и потонуло. Пастухи, видя происшедшее, побежали и рассказали в городе и в селениях. И вышли видеть происшедшее; и, придя к Иисусу, нашли человека, из которого вышли бесы, сидящего у ног Иисуса, одетого и в здравом уме; и ужаснулись. Видевшие же рассказали им, как исцелился бесновавшийся. И просил Его весь народ Гадаринской окрестности удалиться от них, потому что они объяты были великим страхом. Он вошел в лодку и возвратился. Человек же, из которого вышли бесы, просил Его, чтобы быть с Ним. Но Иисус отпустил его, сказав: возвратись в дом твой и расскажи, что́ сотворил тебе Бог. Он пошел и проповедовал по всему городу, что сотворил ему Иисус.(8:26-39)
(Мф.зач.34Б (от полу́): Во врéмя óно, призвá Iису́с обанáдесять ученики́ Своя́, дадé им власть на дусéх нечи́стых, я́ко да изгóнят их, и цели́ти всяк неду́г и вся́ку болéзнь. Дванáдесятих же Апóстолов именá суть сия́: пéрвый Си́мон, и́же нарицáется Петр, и Андрéй брат егó, Iáков Зеведéев и Иоáнн брат егó, Фiли́пп и Варфоломéй, Фомá и Матфéй мытáрь, Иáков Алфéев и Леввéй, наречéнный Фаддéй, Си́мон Канани́т и Иу́да Искариóтский, и́же и предадé Егó. Сiя́ обанáдесять послá Iису́с, заповéда им, глагóля: на путь язы́к не иди́те и во град Самаря́нскiй не вни́дите. Иди́те же пáче ко овцáм поги́бшим дóму Iзрáилева. Ходя́ще же проповéдуйте, глагóлюще, я́ко прибли́жися Цáрствiе Небéсное. Боля́щiя изцеля́йте, прокажéнныя очищáйте, мéртвыя воскрешáйте, бéсы изгоня́йте, ту́не прiя́сте, ту́не дади́те.
[Русский синодальный перевод](И призвав двенадцать учеников Своих, Он дал им власть над нечистыми духами, чтобы изгонять их и врачевать всякую болезнь и всякую немощь. Двенадцати же апостолов имена суть сии: первый Симон, называемый Петром, и Андрей, брат его, Иаков Зеведеев и Иоанн, брат его, Филипп и Варфоломей, Фома и Матфей мытарь, Иаков Алфеев и Леввей, прозванный Фаддеем, Симон Кананит и Иуда Искариот, который и предал Его. Сих двенадцать послал Иисус, и заповедал им, говоря: на путь к язычникам не ходите, и в город Самарянский не входите; а идите наипаче к погибшим овцам дома Израилева; ходя же, проповедуйте, что приблизилось Царство Небесное; больных исцеляйте, прокаженных очищайте, мертвых воскрешайте, бесов изгоняйте; даром получили, даром давайте.(10:1-8)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Единаго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Марии Дéвы и вочеловéчшася. Распятаго же за ны при Понтийстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жизни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк воскрéсный, глас 4: Спас и Избáвитель мой/ из грóба, яко Бог, воскреси от уз земнорóдныя,/ и вратá áдова сокруши,/ и яко Владыка// воскрéсе триднéвен.
Гóсподи, помилуй. (12 раз)
И молитву: Всесвятáя Трóице, Единосущная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисус Христóс, во слáву Бóга Отцá, аминь.
Буди имя Госпóдне благословéно от ныне и до вéка. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, су́щую Богорóдицу Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.