ОБЕДНИЦА (Изобразительные) Неделя 20 по Пятидесятнице. Мчч. Маркиана и Мартирия. Глас 3.
7 ноября́ 2021 гóда. Недéля 20 по Пятидеся́тнице. Мчч. Маркиáна и Мартúрия. Глас 3. Служба прáздника для домáшнего (келéйного) совершéния. Служба мирскúм чúном.
Прéжде глагóли часы
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Господь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Его на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Хор: Блажéни áлчущии и жáждущии прáвды,/ яко тии насытятся.
На 8. Хор: Блажéни милостивии,/ яко тии помиловани будут.
Чтец (воскрéсные, глас 3): Отвéргша, Христé, зáповедь Твою́, прáотца Адáма из рая́ изгнáл еси́: разбóйника же щéдре исповéдавша Тя на крестé, вонь всели́л еси́, зовýща: помяни́ мя, Спáсе, во цáрствии Твоéм.
Хор: Блажéни чистии сéрдцем,/ яко тии Бóга узрят.
Чтец: Согрéшших нас смéртною осуди́л еси́ кля́твою, Живодáвче и Гóсподи, тéлом же Твои́м, безгрéшне Влады́ко, пострадáв, смéртныя оживи́л еси́ зовýщия: помяни́ и нас во цáрствии Твоéм.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Воскрéс из мéртвых, совоскреси́л еси́ нас от страстéй воскресéнием Твои́м, Гóсподи: смéртную же всю си́лу погуби́л еси́, Спáсе. Сегó рáди вéрою Ти зовéм: помяни́ и нас во цáрствии Твоéм.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Триднéвным Твои́м погребéнием, и́же во áде умерщвлéнныя, я́ко Бог, оживотвори́вый, совоздви́гл еси́, и нетлéние всем, я́ко Благ, источи́л еси́ нам, вéрою зовýщим всегдá: помяни́ и нас во цáрствии Твоéм.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец: Миронóсицам женáм пéрвее яви́лся еси́,/ воскрéс из мéртвых, Спáсе,/ возопи́в: éже рáдуйтеся,/ и тéми другóм Твои́м возвещáеши востáние Твоé, Христé./ Сегó рáди вéрою Ти зовéм:// помяни́ и нас во цáрствии Твоéм.
Хор: Рáдуйтеся и веселитеся,/ яко мзда вáша мнóга на небесéх.
Чтец: На горé Моисéй рýце распростéр, прообразовáше крест, Амали́ка победи́вый: мы же вéрою тогó на бéсы орýжие крéпкое приéмше, вси зовéм: помяни́ и нас во цáрствии Твоéм.
Хор: Слáва Отцу и Сыну и Святóму Духу.
Чтец (Трóичен): Отцá и Сы́на, и Дýха Святáго воспои́м, вéрнии,/ Еди́наго Бóга, Еди́наго Гóспода,/ я́ко от Еди́наго бо Сóлнца Трисия́ннаго есть Трóица,/ и просвещáет вся зовýщия:// помяни́ и нас во Цáрствии Твоéм.
Хор: И ныне и присно и во вéки векóв. Аминь.
Чтец (Богорóдичен): Рáдуйся, двéре Бóжия,/ Éюже прóйде воплóщься, Создáтель, запечáтану сохрани́в Тя./ Рáдуйся, óблаче лéгкий, Божéственный дождь нося́й Христá,/ рáдуйся, Лéствице и Престóле Небéсный.// Рáдуйся, Горó Бóжия Честнáя, Тýчная, Несекóмая.
Тропари и кондаки
Тропáрь воскрéсный, глас 3: Да веселя́тся небéсная,/ да рáдуются земнáя;/ я́ко сотвори́ держáву мы́шцею Своéю Госпóдь,/ попрá смéртию смерть,/пéрвенец мéртвых бысть;/ из чрéва áдова избáви нас,// и подадé ми́рови вéлию ми́лость.
Тропáрь мчч. Маркиáна и Мартúрия, глас 4: Мýченицы Твои́, Гóсподи,/ во страдáниих свои́х венцы́ прия́ша нетлéнныя от Тебé, Бóга нáшего:/ имýще бо крéпость Твою́,/ мучи́телей низложи́ша,/ сокруши́ша и дéмонов немощны́я дéрзости./ Тех моли́твами// спаси́ дýши нáша.
Слáва Отцу и Сыну и Святóму Духу.
Кондáк мчч. Маркиáна и Мартúрия, глас 4: Подви́гшеся дóбре от младéнства,/ Маркиáне с мýдрым Марти́рием,/ отстýпника Áрия низложи́сте,/ неврéдно сохрáнше Правослáвную вéру,/ Пáвлу послéдующе, мýдрому учи́телю,/ тéмже с ним обретóсте живóт,// я́ко Трóицы побóрницы изря́днейшии.
И ныне и присно и во вéки векóв. Аминь.
Кондáк воскрéсный, глас 3: Воскрéсл еси́ днесь от грóба, Щéдре,/ и нас возвéл еси́ от врат смéртных;/ днесь Адáм ликýет, и рáдуется Éва,/ вкýпе же и прорóцы с патриáрхи воспевáют непрестáнно// Божéственную держáву влáсти Твоея́.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 3
Чтец: Проки́мен, глас трéтий, псалóм Дави́дов. Пóйте Бóгу нáшему, пóйте, пóйте Царéви нáшему, пóйте.(Пс.46:7)
Хор: Пóйте Бóгу нáшему, пóйте,/ пóйте Царéви нáшему, пóйте.(Пс.46:7)
Чтец: Вси язы́цы восплещи́те рукáми, воскли́кните Бóгу глáсом рáдования.(Пс.46:2)
Хор: Пóйте Бóгу нáшему, пóйте,/ пóйте Царéви нáшему, пóйте.(Пс.46:7)
Прокимен мучеников, глас 4
Чтец: Прокимен, глас четвéртый: Ди́вен Бог во святы́х Свои́х, Бог Изрáилев.(Пс.67:36А)
Хор: Ди́вен Бог во святы́х Свои́х,/ Бог Изрáилев.(Пс.67:36А)
АПОСТОЛ
Чтец: К Галáтом послáния святáго апóстола Пáвла чтéние.
(Гал.зач.200): Брáтие, сказýю вам, Благовествовáние благовещéнное от менé, я́ко несть по человéку. Ни бо аз от человéка прия́х é, нижé научи́хся, но явлéнием Иисýс Христóвым. Слы́шасте бо моé житиé иногдá в жидóвстве, я́ко попремнóгу гони́х Цéрковь Бóжию и разрушáх ю́, и преспевáх в жидóвстве пáче мнóгих свéрстник мои́х в рóде моéм, и́злиха ревни́тель сый отéческих мои́х предáний. Егдá же благоволи́ Бог, Избрáвый мя от чрéва мáтере моея́ и призвáвый благодáтию Своéю, яви́ти Сы́на Своегó во мне, да благовествýю Егó во язы́цех, áбие не приложи́хся плóти и крóви, ни взыдóх во Иерусали́м к прéдним менé апóстолом, но идóх во Арави́ю, и пáки возврати́хся в Дамáск. Потóм же по триéх лéтех взыдóх во Иерусали́м согля́дати Петрá, и пребы́х у негó дний пятьнáдесять. Инóго же от апóстол не ви́дех, тóкмо Иáкова брáта Госпóдня.
[Русский синодальный перевод](Братия, возвещаю вам, что Евангелие, которое я благовествовал, не есть человеческое, ибо и я принял его и научился не от человека, но через откровение Иисуса Христа. Вы слышали о моем прежнем образе жизни в Иудействе, что я жестоко гнал Церковь Божию, и опустошал ее, и преуспевал в Иудействе более многих сверстников в роде моем, будучи неумеренным ревнителем отеческих моих преданий. Когда же Бог, избравший меня от утробы матери моей и призвавший благодатью Своею, благоволил открыть во мне Сына Своего, чтобы я благовествовал Его язычникам, - я не стал тогда же советоваться с плотью и кровью, и не пошел в Иерусалим к предшествовавшим мне Апостолам, а пошел в Аравию, и опять возвратился в Дамаск. Потом, спустя три года, ходил я в Иерусалим видеться с Петром и пробыл у него дней пятнадцать. Другого же из Апостолов я не видел никого, кроме Иакова, брата Господня.(1:11-19)
(Еф.зач.224Б (от полý): Брáтие, еди́ному комýждо нас дадéся благодáть по мéре даровáния Христóва. Тéмже глагóлет: возшéд на высотý, плени́л еси́ плен, и дадé дая́ния человéком. А éже взы́де, что есть, áще не тóчию я́ко и сни́де прéжде в дóльнейшия страны́ земли́? Сшéдый, Той есть и возшéдый превы́ше всех небéс, да испóлнит вся́ческая. И Той дал есть óвы ýбо Апóстолы, óвы же прорóки, óвы же Благовéстники, óвы же пáстыри и учи́тели, к совершéнию святы́х, в дéло служéния, в созидáние Тéла Христóва, дóндеже дости́гнем вси во единéние вéры и познáния Сы́на Бóжия, в мýжа совершéнна, в мéру вóзраста исполнéния Христóва.
[Русский синодальный перевод](Братия, каждому же из нас дана благодать по мере дара Христова. Посему и сказано: восшед на высоту, пленил плен и дал дары человекам. А «восшел» чтó означает, как не то, что Он и нисходил прежде в преисподние места земли? Нисшедший, Он же есть и восшедший превыше всех небес, дабы наполнить все. И Он поставил одних Апостолами, других пророками, иных Евангелистами, иных пастырями и учителями, к совершению святых, на дело служения, для созидания Тела Христова, доколе все придем в единство веры и познания Сына Божия, в мужа совершенного, в меру полного возраста Христова;(4:7-13)
Аллилуиарий воскресный, глас 3
Чтец: Аллилýиа, аллилýиа, аллилýиа, Глас трéтий.
Хор: Аллилýиа, аллилýиа, аллилýиа.
Чтец:На Тя, Гóсподи, уповáх, да не постыжýся во век.
Хор: Аллилýиа, аллилýиа, аллилýиа.
Чтец: Бýди ми в Бóга Защи́тителя и в дом прибéжища, éже спасти́ мя.
Хор: Аллилýиа, аллилýиа, аллилýиа.
Аллилуиарий мучеников
Чтец: Глас четверты́й: Воззвáша прáведнии, и Госпóдь услы́ша их, и от всех скорбéй их избáви их.
Хор: Аллилýиа, аллилýиа, аллилýиа.
Чтец: Мнóги скóрби прáведным, и от всех их избáвит я́ Госпóдь.
Хор: Аллилýиа, аллилýиа, аллилýиа.
ЕВАНГЕЛИЕ
От Луки́ Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.83): Речé Госпóдь при́тчу сию́: человéк нéкий бе богáт, и облачáшеся в порфи́ру и ви́ссон, веселя́ся на вся дни свéтло. Нищь же бе нéкто, и́менем Лáзарь, и́же лежáше пред враты́ егó гнóен и желáше насы́титися от крупи́ц пáдающих от трапéзы богáтаго, но и пси приходя́ще облизáху гной егó. Бысть же умрéти ни́щему и несéну бы́ти Áнгелы на лóно Авраáмле, ýмре же и богáтый, и погребóша егó. И во áде возвéд óчи свои́, сый в мýках, узрé Авраáма издалéча, и Лáзаря на лóне егó, и той возглáшь, и речé: óтче Авраáме, поми́луй мя и посли́ Лáзаря, да омóчит конéц пéрста своегó в водé и устуди́т язы́к мой, я́ко страждý во плáмени сем. Речé же Авраáм: чáдо, помяни́, я́ко восприя́л еси́ благáя твоя́ в животé твоéм, и Лáзарь тáкожде злáя, ны́не же зде утешáется, ты же стрáждеши. И над всéми си́ми междý нáми и вáми прóпасть вели́ка утверди́ся, я́ко да хотя́щии прейти́ отсю́ду к вам не возмóгут, ни и́же оттýду, к нам прехóдят. Речé же: молю́ тя ýбо, óтче, да пóслеши егó в дом отцá моегó. И́мам бо пять брáтия, я́ко да засвидéтельствует им, да не и ти́и прии́дут на мéсто сиé мучéния. Глагóла емý Авраáм: и́мут Моисéа и прорóки, да послýшают их. Он же речé: ни, óтче Авраáме, но áще кто от мéртвых и́дет к ним, покáются. Речé же емý: áще Моисéа и прорóки не послýшают, ни áще кто от мéртвых воскрéснет, не и́мут вéры.
[русский синодальный перевод](Некоторый человек был богат, одевался в порфиру и виссон и каждый день пиршествовал блистательно. Был также некоторый нищий, именем Лазарь, который лежал у ворот его в струпьях и желал напитаться крошками, падающими со стола богача, и псы, приходя, лизали струпья его. Умер нищий и отнесен был Ангелами на лоно Авраамово. Умер и богач, и похоронили его. И в аде, будучи в муках, он поднял глаза свои, увидел вдали Авраама и Лазаря на лоне его и, возопив, сказал: отче Аврааме! умилосердись надо мною и пошли Лазаря, чтобы омочил конец перста своего в воде и прохладил язык мой, ибо я мучаюсь в пламени сем. Но Авраам сказал: чадо! вспомни, что ты получил уже доброе твое в жизни твоей, а Лазарь - злое; ныне же он здесь утешается, а ты страдаешь; и сверх всего того между нами и вами утверждена великая пропасть, так что хотящие перейти отсюда к вам не могут, также и оттуда к нам не переходят. Тогда сказал он: так прошу тебя, отче, пошли его в дом отца моего, ибо у меня пять братьев; пусть он засвидетельствует им, чтобы и они не пришли в это место мучения. Авраам сказал ему: у них есть Моисей и пророки; пусть слушают их. Он же сказал: нет, отче Аврааме, но если кто из мертвых придет к ним, покаются. Тогда Авраам сказал ему: если Моисея и пророков не слушают, то если бы кто и из мертвых воскрес, не поверят.(16:19-31)
(Мф.зач.34Б (от полý): Во врéмя óно, призвá Иисýс обанáдесять ученики́ Своя́, дадé им власть на дусéх нечи́стых, я́ко да изгóнят их, и цели́ти всяк недýг и вся́ку болéзнь. Дванáдесятих же Апóстолов именá суть сия́: пéрвый Си́мон, и́же нарицáется Петр, и Андрéй брат егó, Иáков Зеведéев и Иоáнн брат егó, Фили́пп и Варфоломéй, Фомá и Матфéй мытáрь, Иáков Алфéев и Леввéй, наречéнный Фаддéй, Си́мон Канани́т и Иýда Искариóтский, и́же и предадé Егó. Сия́ обанáдесять послá Иисýс, заповéда им, глагóля: на путь язы́к не иди́те и во град Самаря́нский не вни́дите. Иди́те же пáче ко овцáм поги́бшим дóму Изрáилева. Ходя́ще же проповéдуйте, глагóлюще, я́ко прибли́жися Цáрствие Небéсное. Боля́щия изцеля́йте, прокажéнныя очищáйте, мéртвыя воскрешáйте, бéсы изгоня́йте, тýне прия́сте, тýне дади́те.
[Русский синодальный перевод]И призвав двенадцать учеников Своих, Он дал им власть над нечистыми духами, чтобы изгонять их и врачевать всякую болезнь и всякую немощь. Двенадцати же апостолов имена суть сии: первый Симон, называемый Петром, и Андрей, брат его, Иаков Зеведеев и Иоанн, брат его, Филипп и Варфоломей, Фома и Матфей мытарь, Иаков Алфеев и Леввей, прозванный Фаддеем, Симон Кананит и Иуда Искариот, который и предал Его. Сих двенадцать послал Иисус, и заповедал им, говоря: на путь к язычникам не ходите, и в город Самарянский не входите; а идите наипаче к погибшим овцам дома Израилева; ходя же, проповедуйте, что приблизилось Царство Небесное; больных исцеляйте, прокаженных очищайте, мертвых воскрешайте, бесов изгоняйте; даром получили, даром давайте.(10:1-8)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Единаго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Марии Дéвы и вочеловéчшася. Распятаго же за ны при Понтийстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Цéрковь. Исповéдую едино крещéние во оставлéние грехóв. Чáю воскресéния мéртвых, и жизни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Óтче наш, Иже еси на небесéх. Да святи́тся Имя Твоé, да приии́дет Цáрствие Твоé, да бýдет вóля Твоя, яко на небеси́ и на земли́. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи́ нас во искушéние, но избáви нас от лукáваго.
Гóсподи, Иисýсе Христé, Сы́не Бóжий, поми́луй нас. Аминь.
КОНДАК
Кондáк воскрéсный, глас 3: Воскрéсл еси́ днесь от грóба, Щéдре,/ и нас возвéл еси́ от врат смéртных;/ днесь Адáм ликýет, и рáдуется Éва,/ вкýпе же и прорóцы с патриáрхи воспевáют непрестáнно// Божéственную держáву влáсти Твоея́.
Гóсподи, помилуй. (12 раз)
И молитву: Всесвятáя Трóице, Единосущная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисус Христóс, во слáву Бóга Отцá, аминь.
Буди имя Госпóдне благословéно от ныне и до вéка. (3 раза)
Слáва Отцу и Сыну и Святóму Дýху, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, сýщую Богорóдицу Тя величáем.
Слáва Отцу и Сыну и Святóму Дýху, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисýсе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.