4 ноября 2021 года. Казанской иконы Божией Матери. ОБЕДНИЦА (Изобразительные)
4 ноября́ 2021 гóда. Казáнской икóны Бóжией Мáтери. Служба прáздника для домáшнего (келéйного) совершéния. Служба мирски́м чи́ном.
Прéжде глагóли часы
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Господь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ ниже по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Его на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ уповáние eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Хор: Блажéни áлчущии и жáждущии прáвды,/ яко тии насытятся.
На 8. Хор: Блажéни милостивии,/ яко тии помиловани будут.
Чтец (Богорóдицы, глас 4): Твоя́ песнослóвцы, Богорóдице,/ живы́й и незави́стный Истóчниче,/ лик себé совоку́пльшия, духóвно утверди́,/ в Божéственней Твоéй слáве// венцéв слáвы сподóби.
Хор: Блажéни чистии сéрдцем,/ яко тии Бóга узрят.
Чтец: Христá, Вы́шняго Царя́, о рáдуйся, непоколеби́мая, чи́стая и одушевлéнная палáто,/ рáдуйся, Одиги́трие, рáдуйся:// Тобóю бо неруши́м наш грáд сохраня́ется.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Вмести́ти Егóже не возмóже тварь,/ во утрóбу неискусобрáчную, Одиги́трие Деви́це, телéсно вмести́ла еси́:// тéмже Ти, рáдуйся, поéм, по дóлгу величáюще.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Рáдость многопéтая ми́рови,/ рáдостно Ти пою́ще при́сно, вéчнующия, Чи́стая, рáдости сподобля́емся// Твои́ми мáтерними моли́твами к Рóждшемуся из Тебé, Одиги́трие.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец: Божéственнаго Твоегó Рождествá, Дéво Госпожé, пребогáтая благодáть,/ ю́же дрéвле изглашéнием предалá еси́ пречи́стому Твоему́ óбразу,// неоску́дне дéйствовати вели́кая же и преслáвная во спасéние на Тя надéющимся.
Хор: Рáдуйтеся и веселитеся,/ яко мзда вáша мнóга на небесéх.
Чтец: Идéже прославля́ется святóе и́мя Обрáдованныя Богорóдицы,/ тáмо вся́ческих благи́х истóчницы проливáются;/ прииди́те в чистотé, человéцы,// се бо явлéние Божéственныя Дéвы икóны сказу́ет Цари́цы пришéствие во спасéние всех вéрных.
Хор: Слáва Отцу и Сыну и Святóму Духу.
Чтец: Целéния болéзней, отгнáние же страстéй и душепитáтельное спасéние,/ грехóв прощéние и вéчное избавлéние от пречи́стыя Твоея́ икóны, Влады́чице,// вéрно приходя́ще, приéмлем, Богомáти Всенепорóчная.
Хор: И ныне и присно и во вéки векóв. Аминь.
Чтец: К Тебé, Госпожé, прибегáют рóди правовéрных, прóсят вели́кия ми́лости/ и приéмлют неоску́дно су́щии в неду́зех исцелéние, в страстéх пременéние, в печáлех утешéние./ Источи́ и мне, Влады́чице, кáплю душеспаси́тельную,// да со всéми и аз пою́ Твоé вели́чие.
Тропари и кондаки
Тропáрь Казáнской икóны Бóжией Мáтери, глас 4: Засту́пнице усéрдная,/ Мáти Гóспода Вы́шняго,/ за всех мóлиши Сы́на Твоегó, Христá Бóга нáшего,/ и всем твори́ши спасти́ся,/ в держáвный Твой покрóв прибегáющим./ Всех нас заступи́, о Госпожé Цари́це и Влады́чице,/ и́же в напáстех, и скóрбех, и в болéзнех, обременéнных грехи́ мнóгими,/ предстоя́щих и моля́щихся Тебé умилéнною душéю/ и сокрушéнным сéрдцем,/ пред пречи́стым Твои́м óбразом со слезáми,/ и невозврáтно надéжду иму́щих на Тя/ избавлéния всех зол./ Всем полéзная дáруй/ и вся спаси́, Богорóдице Дéво:// Ты бо еси́ Божéственный покрóв рабóм Твои́м.
Слáва Отцу и Сыну и Святóму Духу и ныне и присно и во вéки векóв. Аминь.
Кондáк Богорóдицы, глас 8: Притецéм, лю́дие, к ти́хому сему́ и дóброму пристáнищу,/ скóрой Помóщнице, готóвому и тéплому спасéнию, покрóву Дéвы,/ ускори́м на моли́тву и потщи́мся на покая́ние:/ источáет бо нам неоску́дныя ми́лости Пречи́стая Богорóдица,/ предваря́ет на пóмощь и избавля́ет от вели́ких бед и зол/ благонрáвныя и богобоя́щияся рабы́ Своя́.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен, глас 3
Чтец: Прокимен, глас трéтий, песнь Богорóдицы: Вели́чит душá Моя́ Гóспода, и возрáдовася дух Мой о Бóзе Спáсе Моéм.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Чтец: Я́ко призрé на смирéние Рабы́ Своея́, се бо отны́не ублажáт Мя вси рóди.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Чтец: Вели́чит душá Моя́ Гóспода.
Хор: И возрáдовася дух Мой о Бóзе Спáсе Моéм.
АПОСТОЛ
Чтец: К Филипписи́ем послáния святáго апóстола Пáвла чтéние.
(Флп.зач.240): Брáтие, сиé да мýдрствуется в вас, éже и во Христé Иисýсе. И́же во óбразе Бóжии сы́й, не восхищéнием непщевá бы́ти рáвен Бóгу. Но Себé умáлил, зрак рабá прии́м, в подóбии человéчестем быв, и óбразом обрéтеся я́коже человéк. Смири́л Себé, послушли́в быв дáже до смéрти, смéрти же крéстныя. Тéмже и Бог Егó превознесé, и даровá Емý и́мя, éже пáче вся́каго и́мене. Да о и́мени Иисýсове вся́ко колéно поклони́тся Небéсных, и земны́х, и преиспóдних. И всяк язы́к исповéсть, я́ко Госпóдь Иисýс Христóс, в слáву Бóга Отцá.
[Русский синодальный перевод](Ибо в вас должны быть те же чувствования, какие и во Христе Иисусе: Он, будучи образом Божиим, не почитал хищением быть равным Богу; но уничижил Себя Самого, приняв образ раба, сделавшись подобным человекам и по виду став как человек; смирил Себя, быв послушным даже до смерти, и смерти крестной. Посему и Бог превознес Его и дал Ему имя выше всякого имени, дабы пред именем Иисуса преклонилось всякое колено небесных, земных и преисподних, и всякий язык исповедал, что Господь Иисус Христос в славу Бога Отца.(2:5-11)
Аллилуиарий, глас 8
Чтец: Аллилу́иа, аллилу́иа, аллилу́иа, глас осьмы́й.
Хор: Аллилу́иа, аллилу́иа, аллилу́иа.
Чтец: Слы́ши, Дщи, и ви́ждь, и приклони́ у́хо Твоé.
Хор: Аллилу́иа, аллилу́иа, аллилу́иа.
Чтец: Лицу́ Твоему́ помóлятся богáтии лю́дстии.
Хор: Аллилу́иа, аллилу́иа, аллилу́иа.
ЕВАНГЕЛИЕ
От Луки Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.54): Во врéмя óно, вни́де Иисýс в весь нéкую: женá же нéкая и́менем Мáрфа прия́т Егó в дом свой. И сестрá ей бе нарицáемая Мари́я, я́же и сéдши при ногý Иисýсову, слы́шаше слóво Егó. Мáрфа же мóлвяше о мнóзе слýжбе, стáвши же речé: Гóсподи, не брежéши ли, я́ко сестрá моя́ еди́ну мя остáви служи́ти; рцы убо ей, да ми помóжет. Отвещáв же Иисýс, речé ей: Мáрфо, Мáрфо, печéшися и мóлвиши о мнóзе. Еди́но же есть на потрéбу. Мари́я же благýю часть избрá, я́же не оты́мется от нея́. Бысть же егдá глагóлаше сия́, воздви́гши нéкая женá глас от нарóда, речé Емý: блажéно чрéво носи́вшее Тя, и сосцá, яже еси́ ссал. Он же речé: тéмже ýбо блажéни слы́шащии слóво Бóжие, и храня́щии é.
[Русский синодальный перевод](В продолжение пути их пришел Он в одно селение; здесь женщина, именем Марфа, приняла Его в дом свой; у неё была сестра, именем Мария, которая села у ног Иисуса и слушала слово Его. Марфа же заботилась о большом угощении и, подойдя, сказала: Господи! или Тебе нужды нет, что сестра моя одну меня оставила служить? скажи ей, чтобы помогла мне. Иисус же сказал ей в ответ: Марфа! Марфа! ты заботишься и суетишься о многом, а одно только нужно; Мария же избрала благую часть, которая не отнимется у неё. Когда же Он говорил это, одна женщина, возвысив голос из народа, сказала Ему: блаженно чрево, носившее Тебя, и сосцы, Тебя питавшие! А Он сказал: блаженны слышащие слово Божие и соблюдающие его.(Лк.10:38-42,11:27-28)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Единаго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отца Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Марии Дéвы и вочеловéчшася. Распятаго же за ны при Понтийстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Церковь. Исповéдую едино крещéние во оставлéние грехóв. Чáю воскресéния мéртвых, и жизни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк Богорóдицы, глас 8: Притецéм, лю́дие, к ти́хому сему́ и дóброму пристáнищу,/ скóрой Помóщнице, готóвому и тéплому спасéнию, покрóву Дéвы,/ ускори́м на моли́тву и потщи́мся на покая́ние:/ источáет бо нам неоску́дныя ми́лости Пречи́стая Богорóдица,/ предваря́ет на пóмощь и избавля́ет от вели́ких бед и зол/ благонрáвныя и богобоя́щияся рабы́ Своя́.
Гóсподи, помилуй. (12 раз)
И молитву: Всесвятáя Трóице, Единосущная Держáво, Нераздéльное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глагóлю: Един Свят, Един Госпóдь, Иисус Христóс, во слáву Бóга Отцá, аминь.
Буди имя Госпóдне благословéно от ныне и до вéка. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй егó спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, су́щую Богорóдицу Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.