Недeля 19 по Пятидесятнице. ОБЕДНИЦА (Изобразительные). Глас 2. Апостола и евангелиста Луки.
31 октября́ 2021 гóда. Недéля 19 по Пятидеся́тнице. Апóстола и евангелúста Лукú. Глас 2. Служба прáздника для домáшнего (келéйного) совершéния. Служба мирскúм чúном.
Прéжде глагóли часы
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святое Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Господь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззаконием нáшим сотворил есть нам,/ ниже по грехом нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Его на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Чтец (на 10, стихúры воскрéсные, глас 2): Глас Ти принóсим разбóйничь, и мóлимся: помяни нас, Спáсе, во Цáрствии Твоéм.
Хор: Блажéни áлчущии и жáждущии прáвды,/ яко тии насытятся.
Чтец: Крест Тебé принóсим в прощéние прегрешéний: егóже нас рáди приял еси, Человеколюбче.
На 8. Хор: Блажéни милостивии,/ яко тии помиловани будут.
Чтец: Покланя́емся Твоемý, Влады́ко, погребéнию и востáнию: и́миже от тлéния избáвил еси́ мир, Человеколю́бче.
Хор: Блажéни чистии сéрдцем,/ яко тии Бóга узрят.
Чтец: Смéртию Твоéю, Гóсподи, пожéрта бысть смерть: и Воскресéнием Твои́м, Спáсе, мир спасл еси́.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Мvронóсицы срéтил еси́, воскрéс от грóба, и ученикóм возвести́л еси́, рещи́ Твоé востáние.
Хор: Блажéни изгнáни прáвды рáди,/ яко тех есть Цáрство Небéсное.
Чтец: И́же во тьме спя́щии Тя, свет, ви́девше, в преиспóднейших áдовых, Христé, воскресóша.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (Апóстола Лукú, глас 8): Возсия́в, я́ко сóлнце, проповéданием,/ Цéркве укрáсил еси́, Лукó, утверждéние,/ прéлести мглу теплотóю вéры истáив, всеблажéнне.
Хор: Рáдуйтеся и веселитеся,/ яко мзда вáша мнóга на небесéх.
Чтец: Скрижáли изсéкл еси́ Боголéпныя от кáмене, пребогáте, Бóжия воплощéния,/ оскóрд имéя Божéственный язы́к твой и устá Богодухновéнная.
Хор: Слáва Отцу и Сыну и Святóму Духу.
Чтец: Во óблак всесвéтлый входя́й/ и óблаком покрывáемь,/ прия́л еси́, премýдре, Нóвый Закóн,/ пéрстом Дýха пи́санный на сéрдцы твоéм.
Хор: И ныне и присно и во вéки векóв. Аминь.
Чтец (Богорóдичен): Несть непорóчны, я́ко Ты, Влады́чице,/ и несть пречи́сты, пáче Тебé, Всенепорóчная:/ во чрéве бо Бóга Слóва вмести́ла еси́,/ Еди́наго Многоми́лостиваго.
Тропари и кондаки
Тропáрь воскрéсный, глас 2: Егдá снизшéл еси́ к смéрти, Животé Безсмéртный,/ тогдá ад умертви́л еси́ блистáнием Божествá./ Егдá же и умéршыя от преиспóдних воскреси́л еси́,/ вся Си́лы Небéсныя взывáху:// Жизнодáвче, Христé Бóже наш, слáва Тебé.
Тропáрь Апóстола Лукú, глас 5: Апóстольских дея́ний сказáтеля/ и Евáнгелия Христóва свéтла списáтеля,/ Лукý препéтаго, слáвна сýща Христóве Цéркви,/ пéсньми свящéнными святáго апóстола похвáлим,/ я́ко врачá сýща, человéческия нéмощи,/ естествá недýги и я́зи душ исцеля́юща// и моля́щася непрестáнно за дýши нáша.
Слáва Отцу и Сыну и Святóму Духу.
Кондáк Апóстола Лукú, глас 2: И́стиннаго благочéстия проповéдника/ и тайн неизречéнных ри́тора,/ звездý церкóвную, Лукý Божéственнаго восхвáлим:/ Слóво бо егó избрá, с Пáвлом мýдрым язы́ков учи́теля,// Един вéдый сердéчная.
И ныне и присно и во вéки векóв. Аминь.
Кондáк воскрéсный, глас 2: Воскрéсл еси́ от грóба, Всеси́льне Спáсе,/ и ад, ви́дев чýдо, ужасéся,/ и мéртвии востáша;/ тварь же ви́дящи срáдуется Тебé,/ и Адáм свесели́тся,// и мир, Спáсе мой, воспевáет Тя при́сно.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 2
Чтец: Проки́мен, глас вторы́й. Крéпость моя́ и пéние моé Госпóдь, и бысть мне во Спасéние.
Хор: Крéпость моя́ и пéние моé Госпóдь,/ и бысть мне во Спасéние.
Чтец: Наказýя наказá мя Госпóдь, смéрти же не предадé мя.
Хор: Крéпость моя́ и пéние моé Госпóдь,/ и бысть мне во Спасéние.
Прокимен Апoстола Луки, глас 3,
Чтец: Прокимен, глас осьмы́й. Во всю зéмлю изы́де вещáние их, и в концы́ вселéнныя глагóлы их.
Хор: Во всю зéмлю изы́де вещáние их,/ и в концы́ вселéнныя глагóлы их.
АПОСТОЛ
Чтец: К Кори́нфяном послáния святáго апóстола Пáвла чтéние.
(2Кор.зач.194): Брáтие, Бог и Отéц Гóспода нáшего Иисýса Христá весть, сый благословéн во вéки, я́ко не лгу. В Дамáсце язы́ческий князь Арéфы царя́ стрежáше Дамáск град, я́ти мя хотя́, и окóнцем в кóшнице свéшен бых по стенé, и избегóх из рукý егó. Похвали́тися же не пóльзует ми: приидý бо в видéния и откровéния Госпóдня. Вем человéка о Христé, прéжде лет четыринáдесяти, áще в тéле, не вем, áще ли кромé тéла, не вем, Бог весть, восхищéна бы́вша таковáго до трéтияго небесé. И вем таковá человéка, áще в тéле, или́ кромé тéла, не вем, Бог весть, я́ко восхищéн бысть в рай, и слы́ша неизречéнны глагóлы, и́хже не леть есть человéку глагóлати. О таковéм похвалю́ся, о себé же не похвалю́ся, тóкмо о нéмощех мои́х. Áще бо восхощý похвали́тися, не бýду безýмен, и́стину бо рекý: щаждý же, да не кáко кто вознепщýет о мне пáче, éже ви́дит мя, или́ слы́шит что от менé. И за премнóгая откровéния да не превозношýся, дадéся ми пáкостник плóти, áггел сатани́н, да ми пáкости дéет, да не превозношýся. О сем трикрáты Гóспода моли́х, да и отстýпит от менé, и речé ми: довлéет ти благодáть Моя́, си́ла бо Моя́ в нéмощи совершáется. Слáдце ýбо похвалю́ся пáче в нéмощех мои́х, да всели́тся в мя си́ла Христóва.
[Русский синодальный перевод]Бог и Отец Господа нашего Иисуса Христа, благословенный во веки, знает, что я не лгу. В Дамаске областной правитель царя Ареты стерег город Дамаск, чтобы схватить меня;*и я в корзине был спущен из окна по стене и избежал его рук. Не полезно хвалиться мне, ибо я приду к видениям и откровениям Господним. Знаю человека во Христе, который назад тому четырнадцать лет (в теле ли - не знаю, вне ли тела - не знаю: Бог знает) восхищен был до третьего неба. И знаю о таком человеке (только не знаю - в теле, или вне тела: Бог знает), что он был восхищен в рай и слышал неизреченные слова, которых человеку нельзя пересказать. Таким человеком могу хвалиться; собою же не похвалюсь, разве только немощами моими. Впрочем, если захочу хвалиться, не буду неразумен, потому что скажу истину; но я удерживаюсь, чтобы кто не подумал о мне более, нежели сколько во мне видит или слышит от меня. И чтобы я не превозносился чрезвычайностью откровений, дано мне жало в плоть, ангел сатаны, удручать меня, чтобы я не превозносился. Трижды молил я Господа о том, чтобы удалил его от меня. Но Господь сказал мне: «довольно для тебя благодати Моей, ибо сила Моя совершается в немощи». И потому я гораздо охотнее буду хвалиться своими немощами, чтобы обитала во мне сила Христова.(11:31-12:9)
(Кол.зач.260Б(от полý): Брáтие, в премýдрости ходи́е ко внéшним, врéмя искупýюще. Слóво вáше да бывáет всегдá во благодáти, сóлию растворéно, вéдети, кáко подобáет вам еди́ному комýждо отвещавáти. А я́же о мне, вся скáжет вам Тихи́к, возлю́бленный брат и вéрен служи́тель, и срабóтник о Гóсподе, егóже послáх к вам на се и́стое, я́ко да разумéет я́же о вас и утéшит сердцá вáша, со Они́симом, вéрным и возлю́бленным брáтом нáшим, и́же есть от вас, вся вам скáжут, я́же зде. Целýет вы Лукá врачь возлю́бленный, и Димáс. Целовáние моéю рукóю Пáвлею. Поминáйте моя́ ýзы. Благодáть со всéми вáми. Ами́нь.
[Русский синодальный перевод]Со внешними обходитесь благоразумно, пользуясь временем. Слово ваше да будет всегда с благодатию, приправлено солью, дабы вы знали, как отвечать каждому. О мне всё скажет вам Тихик, возлюбленный брат и верный служитель и сотрудник в Господе, которого я для того послал к вам, чтобы он узнал о ваших обстоятельствах и утешил сердца ваши, с Онисимом, верным и возлюбленным братом нашим, который от вас. Они расскажут вам о всем здешнем. Приветствие моею рукою, Павловою. Помните мои узы. Благодать со всеми вами. Аминь.(4:5-9,14,18)
Аллилуиарий, глас 2
Чтец: Аллилýиа, аллилу́иа, аллилу́иа, глас вторы́й.
Хор: Аллилýиа, аллилýиа, аллилýиа.
Чтец: Услы́шит тя Госпóдь в день печáли, защи́тит тя И́мя Бóга Иáковля.
Хор: Аллилýиа, аллилýиа, аллилýиа.
Чтец: Гóсподи, спаси́ царя́ и услы́ши ны, вóньже áще день призовéм Тя.
Хор: Аллилýиа, аллилýиа, аллилýиа.
Аллилуарий Апoстола, глас 1
Чтец: Глас пéрвый. Исповéдят Небесá чудесá Твоя́, Гóсподи.
Хор: Аллилýиа, аллилýиа, аллилýиа.
Чтец: Бог прославля́емь в совéте святы́х.
Хор: Аллилýиа, аллилýиа, аллилýиа.
ЕВАНГЕЛИЕ
От Луки́ Святáго Евáнгелия чтéние.
Хор: Слáва Тебé, Гóсподи, слáва Тебé.
(Лк.зач.35): Речé Госпóдь при́тчу сию́: изы́де сéяй сéяти сéмене своегó, и егдá сéяше, óво падé при пути́, и попрáно бысть, и пти́цы небéсныя позобáша é. А другóе падé на кáмени, и прозя́б ýсше, занé не имéяше влáги. И другóе падé посредé тéрния, и возрастé тéрние, и подави́ é. Другóе же падé на земли́ блáзе, и прозя́б сотвори́ плод стори́цею. Сия́ глагóля, возгласи́: имéяй ýши слы́шати, да слы́шит. Вопрошáху же Егó ученицы́ Егó, глагóлюще: что есть при́тча сия́? Он же речé: вам есть данó вéдати тáйны Цáрствия Бóжия, прóчым же в при́тчах, да ви́дяще не ви́дят и слы́шаще не разумéют. Есть же сия́ при́тча: сéмя есть слóво Бóжие, а и́же при пути́, суть слы́шащии, потóм же прихóдит диáвол и взéмлет слóво от сéрдца их, да не вéровавше спасýтся, а и́же на кáмени, и́же егдá услы́шат, с рáдостию приéмлют слóво, и си́и кóрене не и́мут, и́же во врéмя вéруют, и во врéмя напáсти отпáдают. А éже в тéрнии пáдшее, си́и суть слы́шавшии, и от печáли и богáтства и сластьми́ житéйскими ходя́ще подавля́ются, и не свершáют плодá. А и́же на дóбрей земли́, си́и суть, и́же дóбрым сéрдцем и благи́м слы́шавше слóво, держáт и плод творя́т в терпéнии. Сия́ глагóля, возгласи́: имéяй ýши слы́шати, да слы́шит.
[русский синодальный перевод](Речeт Госпoдь притчу сию: вышел сеятель сеять семя свое, и когда он сеял, иное упало при дороге и было потоптано, и птицы небесные поклевали его; а иное упало на камень и, взойдя, засохло, потому что не имело влаги; а иное упало между тернием, и выросло терние и заглушило его; а иное упало на добрую землю и, взойдя, принесло плод сторичный. Сказав сие, возгласил: кто имеет уши слышать, да слышит! Ученики же Его спросили у Него: что бы значила притча сия? Он сказал: вам дано знать тайны Царствия Божия, а прочим в притчах, так что они видя не видят и слыша не разумеют. Вот что значит притча сия: семя есть слово Божие; а упавшее при пути, это суть слушающие, к которым пото́м приходит диавол и уносит слово из сердца их, чтобы они не уверовали и не спаслись; а упавшее на камень, это те, которые, когда услышат слово, с радостью принимают, но которые не имеют корня, и временем веруют, а во время искушения отпадают; а упавшее в терние, это те, которые слушают слово, но, отходя, заботами, богатством и наслаждениями житейскими подавляются и не приносят плода; а упавшее на добрую землю, это те, которые, услышав слово, хранят его в добром и чистом сердце и приносят плод в терпении. Сказав это, Он возгласил: кто имеет уши слышать, да слышит! (8:5-15)
(Лк.зач.51): Речé Госпóдь Свои́м ученикóм: слýшаяй вас, Менé слýшает, и отметáяйся вас, Менé отметáется, отметáяйся же Менé, отметáется Послáвшаго Мя. Возврати́шася же сéдмьдесят с рáдостию, глагóлюще: Гóсподи, и бéси повинýются нам о и́мени Твоéм. Речé же им: ви́дех сатанý я́ко мóлнию с небесé спáдша. Се, даю́ вам власть наступáти на змию́ и на скорпи́ю и на всю си́лу врáжию, и ничесóже вас вреди́т. Обáче о сем не рáдуйтеся, я́ко дýси вам повинýются, рáдуйтеся же, я́ко именá вáша напи́сана суть на небесéх. В той час возрáдовася дýхом Иисýс и речé: исповéдаю Ти ся, Óтче, Гóсподи небесé и земли́, я́ко утаи́л еси́ сия́ от премýдрых и разýмных, и откры́л еси́ та младéнцем, ей, Óтче, я́ко тáко бысть благоволéние пред Тобóю.
[русский синодальный перевод](Слушающий вас Меня слушает, и отвергающийся вас Меня отвергается; а отвергающийся Меня отвергается Пославшего Меня. Семьдесят учеников возвратились с радостью и говорили: Господи! и бесы повинуются нам о имени Твоем. Он же сказал им: Я видел сатану, спадшего с неба, как молнию; се, даю вам власть наступать на змей и скорпионов и на всю силу вражью, и ничто не повредит вам; однако ж тому не радуйтесь, что духи вам повинуются, но радуйтесь тому, что имена ваши написаны на небесах. В тот час возрадовался духом Иисус и сказал: славлю Тебя, Отче, Господи неба и земли, что Ты утаил сие от мудрых и разумных и открыл младенцам. Ей, Отче! Ибо таково было Твое благоволение.(10:16-21)
Хор: Слáва Тебé, Гóсподи, слáва Тебé.
Помяни нас, Гóсподи, егдá приидеши во Цáрствии Твоéм.
Помяни нас, Владыко, егдá приидеши во Цáрствии Твоéм.
Помяни нас, Святый, егдá приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Единаго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христá, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Марии Дéвы и вочеловéчшася. Распятаго же за ны при Понтийстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Церковь. Исповéдую едино крещéние во оставлéние грехóв. Чáю воскресéния мéртвых, и жизни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Óтче наш, Иже еси на небесéх. Да святи́тся Имя Твоé, да приии́дет Цáрствие Твоé, да бýдет вóля Твоя, яко на небеси́ и на земли́. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи́ нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк воскрéсный, глас 2: Воскрéсл еси́ от грóба, Всеси́льне Спáсе,/ и ад, ви́дев чýдо, ужасéся,/ и мéртвии востáша;/ тварь же ви́дящи срáдуется Тебé,/ и Адáм свесели́тся,// и мир, Спáсе мой, воспевáет Тя при́сно.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херуви́м и слáвнeйшую без сравнéния Серафи́м,/ без истлéния Бóга Слóва рóждшую, су́щую Богорóдицу Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисýсе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.