Недeля 15 по Пятидесятнице, по Воздвижении. ОБЕДНИЦА (Изобразительные). Глас 6. Вмч. Евстафия
3 октября́ 2021 гóда. Недéля 15 по Пятидеся́тнице, по Воздви́жении. Великому́ченика Евстáфия. Попрáзднство Воздви́жения Честнáго и Животворя́щего Крестá Госпóдня. Глас 6. Служба прáздника для домáшнего (келéйного) совершéния. Служба мирски́м чи́ном.
Прежде глаголи часы
ЧИН ОБЕДНИЦЫ
Глагóли сице: Благослови, душé моя, Гóспода,/ благословéн еси Гóсподи.
Псалом 102
Благослови, душé моя, Гóспода,/ и вся внутренняя моя имя святóе Егó./ Благослови, душé моя, Гóспода,/ и не забывáй всех воздаяний Егó,/ очищáющаго вся беззакóния твоя,/ исцеляющаго вся недуги твоя,/ избавляющаго от истлéния живóт твой,/ венчáющаго тя милостию и щедрóтами,/ исполняющаго во благих желáние твоé:/ обновится яко óрля юность твоя./ Творяй милостыни Госпóдь,/ и судьбу всем обидимым./ Сказá пути Своя Моисéови,/ сыновóм Изрáилевым хотéния Своя:/ Щедр и Милостив Госпóдь,/ Долготерпелив и Многомилостив./ Не до концá прогнéвается,/ нижé во век враждует,/ не по беззакóнием нáшим сотворил есть нам,/ нижé по грехóм нáшым воздáл есть нам./ Яко по высотé небéсней от земли,/ утвердил есть Госпóдь милость Свою на боящихся Егó./ Елико отстоят востóцы от зáпад,/ удáлил есть от нас беззакóния нáша./ Якоже щéдрит отéц сыны,/ ущéдри Госпóдь боящихся Егó./ Яко Той познá создáние нáше,/ помяну, яко персть есмы./ Человéк, яко травá дние eгó,/ яко цвет сéльный, тако оцветéт,/ яко дух прóйде в нем,/ и не будет, и не познáет ктому мéста своегó./ Милость же Госпóдня от вéка и до вéка на боящихся Егó,/ и прáвда Егó на сынéх сынóв, хранящих завéт Егó, и пóмнящих зáповеди Егó творити я./ Госпóдь на Небеси уготóва Престóл Свой,/ и Цáрство Егó всéми обладáет./ Благословите Гóспода вси Ангели Егó,/ сильнии крéпостию, творящии слóво Егó, услышати глас словéс Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся делá Егó,/ на всяком мéсте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душé моя, Гóспода,/ и вся внутренняя моя имя святóе Егó./ Благословéн еси, Гóсподи.
Слáва Отцу и Сыну и Святóму Духу.
Псалом 145
Хвали, душé моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в зéмлю свою./ В той день погибнут вся помышлéния eгó./ Блажéн, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Чтец (на 12, стихи́ры воскрéсные, глас 6): Помяни́ мя, Бóже Спáсе мой, егдá прии́деши во Цáрствии Твоéм, и спаси́ мя, я́ко Еди́н Человеколю́бец.
Хор: Блажéни плáчущии,/ яко тии утéшатся.
Чтец: Дрéвом Адáма прельсти́вшагося, дрéвом крéстным пáки спасл еси́ и разбóйника, вопию́ща: помяни́ мя, Гóсподи, во Цáрствии Твоéм.
На 10. Хор: Блажéни крóтции,/ яко тии наслéдят зéмлю.
Чтец: Áдова вратá и вереи́ сокруши́вый, Жизнодáвче, воскреси́л еси́ вся, Спáсе, вопию́щия: слáва востáнию Твоемý.
Хор: Блажéни áлчущии и жáждущии прáвды,/ яко тии насытятся.
Чтец: Помяни́ мя, и́же смерть плени́вый погребéнием Твои́м, и воскресéнием Твои́м рáдости вся испóлнивый, я́ко Благоутрóбен.
На 8. Хор: Блажéни милостивии,/ яко тии помиловани будут.
Чтец (прáздника, глас 4): Воздвизáему Дрéву,/ окроплéну Крóвию воплóщшагося Слóва Бóга,/ пóйте, Небéсныя Си́лы;/ земны́х воззвáние прáзднующе, лю́дие,/ поклони́теся Христóву Крестý,// и́мже ми́ру востáние во вéки.
Хор: Блажéни чистии сéрдцем,/ яко тии Бóга узрят.
Чтец: Воздвизáему Дрéву,/ окроплéну Крóвию воплóщшагося Слóва Бóга,/ пóйте, Небéсныя Си́лы;/ земны́х воззвáние прáзднующе, лю́дие,/ поклони́теся Христóву Крестý,// и́мже ми́ру востáние во вéки.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Земнорóднии, длáньми, строи́телие благодáти,/ Крест, на нéмже стоя́ше Христóс Бог, возноси́те священнолéпно/ и копиé, Бóжия Слóва Тéло пробóдшее,/ да ви́дят язы́цы вси спасéние Бóжие,// слáвяще Егó во вéки.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Божéственным судóм предызбрáннии, весели́теся,/ христиáнстии вéрнии цáрие,/ хвали́теся победонóсным орýжием,/ приéмше от Бóга Крест честны́й:/ в сем бо колéна брáней, дéрзости и́щуще,// разсыпáются во вéки.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (Предпрáзднства, глас 4): Я́вльшагося ты Христá вожделéл еси́, слáвне,/ и совокупи́лся еси́ Томý любóвию,/ я́ко яви́лся еси́, мýчениче, укрáшен,// багряни́цею твои́х кровéй удобря́емь.
Хор: Рáдуйтеся и веселитеся,/ яко мзда вáша мнóга на небесéх.
Чтец: Я́вльшагося ты Христá вожделéл еси́, слáвне,/ и совокупи́лся еси́ Томý любóвию,/ я́ко яви́лся еси́, мýчениче, укрáшен,// багряни́цею твои́х кровéй удобря́емь.
Хор: Слáва Отцу и Сыну и Святóму Духу.
Чтец (трóичен): Потéкл еси́, послéдуя Христóвым стопáм Божéственным,/ и óбщник показáлся еси́ Страстéй Тогó и Цáрствия,// всесовершéнно, вседомóвно, мýчениче, венчавáемь.
Хор: И ныне и присно и во вéки векóв. Аминь.
Чтец (Богорóдичен): Глагóлы Гаврии́ла, Дéво Всенепорóчная,/ ны́не имýще, вопиéм:/ рáдуйся, еди́на Мáти благословéнная;// рáдуйся, двéре, Прáвды Сóлнце имýщая.
Тропари и кондаки
Тропáрь воскрéсный, глас 6: Áнгельския Си́лы на грóбе Твоéм,/ и стрегýщии омертвéша;/ и стоя́ше Мари́я во грóбе,/ и́щущи Пречи́стаго Тéла Твоегó./ Плени́л еси́ ад, не искуси́вся от негó;/ срéтил еси́ Дéву, дáруяй живóт.// Воскресы́й из мéртвых, Гóсподи, слáва Тебé.
Тропáрь прáздника, глас 1: Спаси́, Гóсподи, лю́ди Твоя́/ и благослови́ достоя́ние Твоé,/ побéды грядýщему рýсскому Царю́ и правослáвным христиáнам на сопроти́вныя дáруя// и Твоé сохраня́я Крестóм Твои́м жи́тельство.
Тропáрь мýчеников, глас 4: Мýченицы Твои́, Гóсподи,/ во страдáниих свои́х венцы́ прия́ша нетлéнныя от Тебé, Бóга нáшего:/ имýще бо крéпость Твою́,/ мучи́телей низложи́ша,/ сокруши́ша и дéмонов немощны́я дéрзости./ Тех моли́твами// спаси́ дýши наша.
Кондáк воскрéсный, глас 6: Живоначáльною длáнию/ умéршия от мрáчных удóлий,/ Жизнодáвец воскреси́в всех Христóс Бог,/ воскресéние подадé человéческому рóду:/ есть бо всех Спаси́тель,// Воскресéние и Живóт, и Бог всех.
Слáва Отцу и Сыну и Святóму Духу.
Кондáк великомýченика, глас 2: Стрáсти Христóвы я́ве подражáв/ и Сегó испи́в усéрдно чáшу,/ óбщник, Евстáфие, и слáвы снаслéдник был еси́,/ от Самáго всех Бóга// приéмля с высоты́ божéственное оставлéние.
И ныне и присно и во вéки векóв. Аминь.
Кондáк прáздника, глас 1: Вознесы́йся на Крест вóлею, тезоимени́тому Твоемý нóвому жи́тельству щедрóты Твоя́ дáруй, Христé Бóже, возвесели́ нас си́лою Твоéю, побéды дая́ нам на супостáты, посóбие имýщим Твоé орýжие ми́ра непобеди́мую побéду.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен недели по Воздвижении, глас 7
Чтец: Прокимен, глас седьмы́й. Возноси́те Гóспода Бóга нáшего/ и поклоня́йтеся поднóжию нóгу Егó, я́ко свя́то есть.
Хор: Возноси́те Гóспода Бóга нáшего/ и поклоня́йтеся поднóжию нóгу Егó, я́ко свя́то есть.
Чтец: Госпóдь воцари́ся, да гнéваются лю́дие.
Хор: Возноси́те Гóспода Бóга нáшего/ и поклоня́йтеся поднóжию нóгу Егó, я́ко свя́то есть.
Прокимен, глaс 4
Чтец: Прокимен, глас четвéртый: Святы́м, и́же суть на земли́ Егó,/ удиви́ Госпóдь вся хотéния Своя́ в них.
Хор: Святы́м, и́же суть на земли́ Егó,/ удиви́ Госпóдь вся хотéния Своя́ в них.
АПОСТОЛ
Чтец: К Галáтом послáния святáго апóстола Пáвла чтéние.
(Гал.зач.203): Брáтие, увéдевше я́ко не оправди́тся человéк от дел закóна, но тóкмо вéрою Иисýс Христóвою, и мы во Христá Иисýса вéровахом, да оправди́мся от вéры Христóвы, а не от дел закóна, занé не оправди́тся от дел закóна вся́ка плоть. Áще ли, и́щуще оправди́тися о Христé, обретóхомся и сáми грéшницы, Христóс ýбо грехý ли служи́тель? Да не бýдет. Áще бо, я́же разори́х, сия́ пáки созидáю, престýпника себé представля́ю. Аз бо закóном закóну умрóх, да Бóгови жив бýду. Христóви сраспя́хся. Живý же не ктомý аз, но живéт во мне Христóс. А éже ны́не живý во плóти, вéрою живý Сы́на Бóжия, возлюби́вшаго менé и предáвшаго Себé по мне.
[Русский православный перевод]однако же, узнав, что человек оправдывается не делами закона, а только верою в Иисуса Христа, и мы уверовали во Христа Иисуса, чтобы оправдаться верою во Христа, а не делами закона; ибо делами закона не оправдается никакая плоть. Если же, ища оправдания во Христе, мы и сами оказались грешниками, то неужели Христос есть служитель греха? Никак. Ибо если я снова созидаю, что разрушил, то сам себя делаю преступником. Законом я умер для закона, чтобы жить для Бога. Я сораспялся Христу, и уже не я живу, но живет во мне Христос. А что ныне живу во плоти, то живу верою в Сына Божия, возлюбившего меня и предавшего Себя за меня.
(2Кор.зач.176(под зачáло): Я́ко Бог реки́й из тмы свéту возсия́ти, и́же возсия́ в сердцáх нáших, к просвещéнию рáзума слáвы Бóжия о лицé Иисýс Христóве. И́мамы же сокрóвище сиé в скудéльных сосýдех, да премнóжество си́лы бýдет Бóжия, а не от нас. Во всем скорбя́ще, но не стужáюще си, нечáеми, но не отчаявáеми, гони́ми, но не оставля́еми, низлагáеми, но не погибáюще. Всегдá мéртвость Гóспода Иисýса в тéле нося́ще, да и живóт Иисýсов в тéле нáшем яви́тся. При́сно бо мы живи́и в смерть предаéмся Иисýса рáди, да и живóт Иисýсов яви́тся в мéртвенней плóти нáшей. Тéмже смерть ýбо в нас дéйствует, а живóт в вас. Имýще же тóйже дух вéры, по пи́санному: вéровах, тéмже возглагóлах, и мы вéруем, тéмже и глагóлем, вéдяще, я́ко Воздви́гий Гóспода Иисýса, и нас со Иисýсом воздви́гнет, и предпостáвит с вáми. Вся бо вас рáди, да благодáть умнóжившаяся, мнóжайшими благодарéнии избы́точествит в слáву Бóжию.
[Русский синодальный перевод]потому что Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа. Но сокровище сие мы носим в глиняных сосудах, чтобы преизбыточная сила была приписываема Богу, а не нам. Мы отовсюду притесняемы, но не стеснены; мы в отчаянных обстоятельствах, но не отчаиваемся; мы гонимы, но не оставлены; низлагаемы, но не погибаем. Всегда носим в теле мертвость Господа Иисуса, чтобы и жизнь Иисусова открылась в теле нашем. Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, так что смерть действует в нас, а жизнь в вас. Но, имея тот же дух веры, как написано: я веровал и потому говорил, и мы веруем, потому и говорим, зная, что Воскресивший Господа Иисуса воскресит через Иисуса и нас и поставит перед Собою с вами. Ибо всё для вас, дабы обилие благодати тем бо́льшую во многих произвело благодарность во славу Божию.
(Еф.зач.233): Брáтие, возмогáйте о Гóсподе и в держáве крéпости Егó, облецы́теся во вся орýжия Бóжия, я́ко возмощи́ вам стáти проти́ву кóзнем диáвольским, я́ко несть нáша брань к крóви и плóти, но к начáлом и ко властéм и к миродержи́телем тмы вéка сегó, к духовóм злóбы поднебéсным. Сегó рáди приими́те вся орýжия Бóжия, да возмóжете проти́витися в день лют и вся содéявше стáти. Стáните ýбо препоя́сани чреслá вáша и́стиною, и обóлкшеся в броня́ прáвды, и обýвше нóзе во уготóвание благовествовáния ми́ра, над всéми же восприи́мше щит вéры, в нéмже возмóжете вся стрéлы лукáваго разжжéнныя угаси́ти. И шлем спасéния восприими́те, и мечь духóвный, и́же есть глагóл Бóжий.
[Русский синодальный перевод]Наконец, братия мои, укрепляйтесь Господом и могуществом силы Его. Облекитесь во всеоружие Божие, чтобы вам можно было стать против козней диавольских, потому что наша брань не против крови и плоти, но против начальств, против властей, против мироправителей тьмы века сего, против духов злобы поднебесных. Для сего приимите всеоружие Божие, дабы вы могли противостать в день злой и, все преодолев, устоять. Итак станьте, препоясав чресла ваши истиною и облекшись в броню праведности, и обув ноги в готовность благовествовать мир; а паче всего возьмите щит веры, которым возможете угасить все раскаленные стрелы лукавого; и шлем спасения возьмите, и меч духовный, который есть Слово Божие.(6:10-17)
Аллилуиарий недели по Воздвижении, глас 1
Чтец: Аллилу́иа, аллилу́иа, аллилу́иа, глас пéрвый.
Хор: Аллилу́иа, аллилу́иа, аллилу́иа.
Чтец: Помяни́ сонм Твой, егóже стяжáл еси́ испéрва.
Хор: Аллилу́иа, аллилу́иа, аллилу́иа.
Чтец: Бог же, Царь наш прéжде вéка, содéла спасéние посредé земли́.
Хор: Аллилу́иа, аллилу́иа, аллилу́иа.
Аллилуиарий
Чтец: Глас четверты́й: Воззвáша прáведнии, и Госпóдь услы́ша их, и от всех скорбéй их избáви их.
Хор: Аллилу́иа, аллилу́иа, аллилу́иа.
Чтец: Мнóги скóрби прáведным, и от всех их избáвит я́ Госпóдь.
Хор: Аллилу́иа, аллилу́иа, аллилу́иа.
ЕВАНГЕЛИЕ
От Мáрка Святáго Евáнгелия чтéние.
Хор: Слáва Тебé, Гóсподи, слáва Тебé.
(Мк.зач.37) Речé Госпóдь: и́же хóщет по Мне ити́, да отвéржется себé, и вóзмет крест свой, и по Мне грядéт. Иже бо áще хóщет дýшу свою́ спасти́, погуби́т ю, а и́же погуби́т дýшу свою́ Менé рáди и Евáнгелия, той спасéт ю. Кáя бо пóльза человéку, áще приобря́щет мир весь, и отщети́т дýшу свою́? Или́ что даст человéк измéну на души́ своéй? Иже бо áще постыди́тся Менé и Мои́х словéс в рóде сем прелюбодéйнем и грéшнем, и Сын Человéческий постыди́тся eгó, eгдá прии́дет во слáве Oтцá Своегó со áнгелы святы́ми. И глагóлаше им: ами́нь глагóлю вам, я́ко суть нéцыи от зде стоя́щих, и́же не и́мут вкуси́ти смéрти, дóндеже ви́дят Цáрствие Бóжие пришéдшее в си́ле.
[Русский православный перевод]И, подозвав народ с учениками Своими, сказал им: кто хочет идти за Мною, отвергнись себя, и возьми крест свой, и следуй за Мною. Ибо кто хочет душу свою сберечь, тот потеряет ее, а кто потеряет душу свою ради Меня и Евангелия, тот сбережет ее. Ибо какая польза человеку, если он приобретет весь мир, а душе своей повредит? Или какой выкуп даст человек за душу свою? Ибо кто постыдится Меня и Моих слов в роде сем прелюбодейном и грешном, того постыдится и Сын Человеческий, когда приидет в славе Отца Своего со святыми Ангелами. И сказал им: истинно говорю вам: есть некоторые из стоящих здесь, которые не вкусят смерти, как уже увидят Царствие Божие, пришедшее в силе.(8:34-9:1)
(Мф.зач.92): И вопроси́ еди́н от них законоучи́тель, искушáя Егó и глагóля: Учи́телю, кáя зáповедь бóльши есть в закóне? Иисýс же речé емý: возлю́биши Гóспода Бóга твоегó всем сéрдцем твои́м, и всéю душéю твоéю, и всéю мы́слию твоéю. Сия́ есть пéрвая и бóльшая зáповедь. Вторáя же подóбна ей: возлю́биши и́скренняго твоегó я́ко сам себé. В сию́ обою́ зáповедию весь закóн и прорóцы ви́сят. Сóбраном же фарисéом, вопроси́ их Иисýс, глагóля: что ся вам мнит о Христé? Чий есть Сын? Глагóлаша Емý: Дави́дов. Глагóла им: кáко ýбо Дави́д Дýхом Гóспода Егó нарицáет, глагóля: речé Госпóдь Гóсподеви моемý, седи́ одеснýю Менé, дóндеже положý враги́ Твоя́ поднóжие ногáма Твои́ма? А́ще ýбо Дави́д нарицáет Егó Гóспода, кáко сын емý есть? И никтóже можáше отвещáти Емý словесé, нижé смéя кто от тогó дне вопроси́ти Егó ктомý.
[русский синодальный перевод]И один из них, законник, искушая Его, спросил, говоря: Учитель! какая наибольшая заповедь в законе? Иисус сказал ему: возлюби Господа Бога твоего всем сердцем твоим и всею душею твоею и всем разумением твоим: сия есть первая и наибольшая заповедь; вторая же подобная ей: возлюби ближнего твоего, как самого себя; на сих двух заповедях утверждается весь закон и пророки. Когда же собрались фарисеи, Иисус спросил их: чтó вы думаете о Христе? чей Он сын? Говорят Ему: Давидов. Говорит им: кáк же Давид, по вдохновению, называет Его Господом, когда говорит:сказал Господь Господу моему: седи одесную Меня, доколе положу врагов Твоих в подножие ног Твоих? Итак, если Давид называет Его Господом, как же Он сын ему? И никто не мог отвечать Ему ни слова; и с того дня никто уже не смел спрашивать Его.(22:35-46)
(Лк.зач.106): Речé Госпóдь Свои́м ученикóм: внемли́те от человéк, возложáт на вы рýки своя́ и ижденýт, предаю́ще на сóнмища и темни́цы, ведóмы к царéм и влады́кам, и́мене Моегó рáди, прилучи́тся же вам во свидéтельство. Положи́те ýбо на сердцáх вáших, не прéжде поучáтися отвещавáти. Аз бо дам вам устá и премýдрость, éйже не возмóгут проти́витися или́ отвещáти вси противля́ющиися вам. Прéдани же бýдете и роди́тели и брáтиею и рóдом и дрýги, и умертвя́т от вас. И бýдете ненави́дими от всех и́мене Моегó рáди. И влас главы́ вáшея не поги́бнет. В терпéнии вáшем стяжи́те дýшы вáша.
[русский синодальный перевод]Прежде же всего того возложат на вас руки и будут гнать вас, предавая в синагоги и в темницы, и поведут пред царей и правителей за имя Мое; будет же это вам для свидетельства. Итак положите себе на сердце не обдумывать заранее, что отвечать, ибо Я дам вам уста и премудрость, которой не возмогут противоречить ни противостоять все, противящиеся вам. Преданы также будете и родителями, и братьями, и родственниками, и друзьями, и некоторых из вас умертвят; и будете ненавидимы всеми за имя Мое, но и волос с головы вашей не пропадет, - терпением вашим спасайте души ваши.(21:12-19)
Хор: Слáва Тебé, Гóсподи, слáва Тебé.
Помяни нас, Гóсподи, егдá приидеши во Цáрствии Твоéм.
Помяни нас, Владыко, егдá приидеши во Цáрствии Твоéм.
Помяни нас, Святый, егдá приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Единаго Бóга Отцá, Вседержителя, Творцá нéбу и земли, видимым же всем и невидимым. И во Единаго Гóспода Иисуса Христа, Сына Бóжия, Единорóднаго, Иже от Отца Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосущна Отцу, Имже вся быша. Нас рáди человéк и нáшего рáди спасéния сшéдшаго с небéс и воплотившагося от Духа Свята и Марии Дéвы и вочеловéчшася. Распятаго же за ны при Понтийстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седяща одесную Отцá. И пáки грядущаго со слáвою судити живым и мéртвым, Егóже Цáрствию не будет концá. И в Духа Святáго, Гóспода, Животворящаго, Иже от Отцá исходящаго, Иже со Отцéм и Сыном спокланяема и сслáвима, Глагóлавшего прорóки. Во едину Святую, Собóрную и Апóстольскую Церковь. Исповéдую едино крещéние во оставлéние грехóв. Чáю воскресéния мéртвых, и жизни будущаго вéка. Аминь.
Ослáби, остáви, прости Бóже, прегрешéния нáша, вóльная, и невóльная, яже в слóве и в дéле, яже в вéдении и не в вéдении, яже во дни и в нощи, яже во умé и помышлéнии, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк прáздника, глас 1: Вознесы́йся на Крест вóлею, тезоимени́тому Твоемý нóвому жи́тельству щедрóты Твоя́ дáруй, Христé Бóже, возвесели́ нас си́лою Твоéю, побéды дая́ нам на супостáты, посóбие имýщим Твоé орýжие ми́ра непобеди́мую побéду.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Вместо Достойно есть
Задостóйник: Величáй, душé моя́,/ Пречестны́й Крест Госпóдень.
Тáин еси́, Богорóдице, рай,/ невоздéланно возрасти́вший Христá,/ И́мже крéстное живонóсное на земли́ насади́ся Дрéво./ Тем, ны́не возноси́му,// покланя́ющеся Емý, Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, си́лою Честнáго и Животворя́щаго Крестá, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!