Глас 8. Попразднство Преображения. Недeля 9 по Пятидесятнице. ОБЕДНИЦА (Изобразительные) Ап. Матфия
22 áвгуста 2021 гóда. Недéля 9 по Пятидеся́тнице. Попрáзднство Преображéния. Ап. Матфи́я. Глас 8. Служба прáздника для домáшнего (келéйного) совершéния. Служба мирским чином.
Прежде глаголи часы.
ЧИН ОБЕДНИЦЫ
Глагóли сице: Благослови, душе моя, Гóспода,/ благословен еси Гóсподи.
Псалом 102
Благослови, душе моя, Гóспода,/ и вся внутренняя моя имя святое Егó./ Благослови, душе моя, Гóспода,/ и не забывай всех воздаяний Егó,/ очищающаго вся беззакóния твоя,/ исцеляющаго вся недуги твоя,/ избавляющаго от истления живóт твой,/ венчающаго тя милостию и щедрóтами,/ исполняющаго во благих желание твое:/ обновится яко óрля юность твоя./ Творяй милостыни Господь,/ и судьбу всем обидимым./ Сказа пути Своя Моисеови,/ сыновóм Израилевым хотения Своя:/ Щедр и Милостив Госпóдь,/ Долготерпелив и Многомилостив./ Не до конца прогневается,/ ниже во век враждует,/ не по беззаконием нашим сотворил есть нам,/ ниже по грехом нашым воздал есть нам./ Яко по высоте небесней от земли,/ утвердил есть Госпóдь милость Свою на боящихся Егó./ Елико отстоят востóцы от запад,/ удалил есть от нас беззакóния наша./ Якоже щедрит отец сыны,/ ущедри Госпóдь боящихся Егó./ Яко Той позна создание наше,/ помяну, яко персть есмы./ Человек, яко трава дние eгó,/ яко цвет сельный, тако оцветет,/ яко дух прóйде в нем,/ и не будет, и не познает ктому места своегó./ Милость же Госпóдня от века и до века на боящихся Егó,/ и правда Его на сынéх сынóв, хранящих завéт Егó, и пóмнящих заповеди Егó творити я./ Госпóдь на Небеси уготóва Престóл Свой,/ и Царство Егó всеми обладает./ Благословите Гóспода вси Ангели Егó,/ сильнии крепостию, творящии слóво Егó, услышати глас словес Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся дела Егó,/ на всяком месте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душе моя, Гóспода,/ и вся внутренняя моя имя святóе Егó./ Благословен еси, Гóсподи.
Слáва Отцу и Сыну и Святóму Духу.
Псалом 145
Хвали, душе моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажен, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Чтец (на 12, стихиры воскрéсные, глас 8): Помяни́ нас, Христе́ Спа́се ми́ра,/ я́коже разбо́йника помяну́л еси́ на дре́ве:/ и сподо́би всех, Еди́не Ще́дре,// Небе́сному Ца́рствию Твоему́.
Хор: Блажéни плáчущии,/ яко тии утéшатся.
Чтец: Слы́ши, Ада́ме, и ра́дуйся со Е́вою:/ я́ко обнажи́вый пре́жде обоя́,/ и пре́лестию взем вас пле́нники,// Кресто́м Христо́вым упраздни́ся.
На 10. Хор: Блажéни крóтции,/ яко тии наслéдят зéмлю.
Чтец: На дре́ве пригвожде́н быв, Спа́се наш, во́лею,/ я́же от дре́ва кля́твы Ада́ма изба́вил еси́,// воздая́, я́ко Щедр, е́же по о́бразу, и ра́йское селе́ние.
Хор: Блажéни áлчущии и жáждущии прáвды,/ яко тии насытятся.
Чтец: Днесь Христо́с воскре́с от гро́ба,/ всем ве́рным подая́ нетле́ние,// и ра́дость обновля́ет мироно́сицам по стра́сти и Воскресе́нии.
На 8. Хор: Блажéни милостивии,/ яко тии помиловани будут.
Чтец (Преображéния, глас 4): Зако́н в Сина́и писа́нием вообража́я, Христе́ Бо́же,/ во о́блаце, и огни́, и мра́це, и в ви́хре яви́лся еси́ носи́м:/ сла́ва си́ле Твое́й, Го́споди.
Хор: Блажéни чистии сéрдцем,/ яко тии Бóга узрят.
Чтец: Да уве́риши сла́вное строе́ние твое́, Христе́ Бо́же,/ я́ко Сый пре́жде век и То́йже на о́блаце восхожде́ние положи́вый,/ на Фаво́ре неизрече́нно просия́л еси́.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Соглаго́люще, предстоя́ху раболе́пно Тебе́, Влады́це Христу́,/ к ни́мже па́рою огня́ и мра́ка и то́нким хла́дом бесе́довал еси́:/ сла́ва си́ле Твое́й, Го́споди.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Возвеща́ху сла́вное Креста́ ра́ди Твоего́, на Фаво́р прише́дше,/ и́же во огни́ Тя и купине́ дре́вле предви́де́вый Моисе́й/ и взя́тый на колесни́це о́гненней Илия́, Христе́.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (апóстола Матфи́я, глас 8): Бог был еси́ положе́н, едине́нием Боже́ственным обожа́емь,/ и, перводе́лательны от Бо́га лучи́ прии́м, ве́рныя просвети́л еси́/ и зе́млю от мглы и́дольския очи́стил еси́.
Хор: Рáдуйтеся и веселитеся,/ яко мзда вáша мнóга на небесéх.
Чтец: Се Тебе́ вмеща́ется, учени́ку, вся́ко прорече́ние свяще́нных проро́к:/ самови́дец бо быв, Его́же дре́вле провозвести́ша,/ служи́телю Матфи́е, подо́бник же и апосто́л.
Хор: Слáва Отцу и Сыну и Святóму Духу.
Чтец: Се Тебе́ вмеща́ется, учени́ку, вся́ко прорече́ние свяще́нных проро́к:/ самови́дец бо быв, Его́же дре́вле провозвести́ша,/ служи́телю Матфи́е, подо́бник же и апосто́л.
Хор: И ныне и присно и во вéки векóв. Аминь.
Чтец (Богорóдичен): Свяще́ние у́мное и неприкоснове́нно очисти́лище,/ све́щник злат и трапе́зу одушевле́ну,/ Хлеб носи́вшую живота́, Де́во, ве́рнии, Тя и́менуем.
Тропари и кондаки
Тропáрь воскрéсный, глас 8: С высоты снизшéл еси, Благоутрóбне, погребéние приял еси триднéвное, да нас свободиши страстéй, Животé и Воскресéние наше, Гóсподи, слава Тебé!
Тропáрь Преображéния, глас 7: Преобрази́лся еси́ на горé, Христé Бóже, показáвый ученикóм Твои́м слáву Твою́, я́коже можáху, да возсия́ет и нам, грéшным, Свет Твой присносу́щный моли́твами Богорóдицы, Светодáвче, слáва Тебé.
Тропáрь апóстола Матфи́я, глас 3: Апостóле святы́й Матфи́е, моли́ Ми́лостиваго Бóга,/ да прегрешéний оставлéние// подáст душáм нáшим.
Кондáк воскрéсный, глас 8: Воскрéс из грóба, умéршыя воздви́гл еси́,/ и Адáма воскреси́л еси́,/ и Е́ва лику́ет во Твоéм Воскресéнии,/ и мирсти́и концы́ торжеству́ют// éже из мéртвых востáнием Твои́м, Многоми́лостиве.
Слáва Отцу и Сыну и Святóму Духу.
Кондáк апóстола Матфи́я, глас 4: Светозáрное, я́ко сóлнце, во весь мир изшéдшее вещáние твоé/ просвещáет язы́ческую Цéрковь благодáтию,// чудонóсче Матфи́е апóстоле.
И ныне и присно и во вéки векóв. Аминь.
Кондáк Преображéния, глас 7: На горé преобрази́лся еси́, и я́коже вмещáху ученицы́ Твои́, слáву Твою́, Христé Божé, ви́деша, да егдá Тя у́зрят распинáема, страдáние у́бо уразумéют вóльное, ми́рови же проповéдят, я́ко Ты еси́ вои́стинну О́тчее сия́ние.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 8
Чтец: Прокимен, глас осьмы́й: Помоли́теся и воздади́те Гóсподеви Бóгу нáшему.
Хор: Помоли́теся и воздади́те/ Гóсподеви Бóгу нáшему.
Чтец: Вéдом во Иудéи Бог, во Изрáили вéлие И́мя Егó.
Хор: Помоли́теся и воздади́те/ Гóсподеви Бóгу нáшему.
Прокимен ап. Матфи́я, глaс 8
Чтец: Глас осьмы́й: Во всю зéмлю изы́де вещáние их и в концы́ вселéнныя глагóлы их.
Хор: Во всю зéмлю изы́де вещáние их/ и в концы́ вселéнныя глагóлы их.
АПОСТОЛ
Чтец: К Коринфяном послáния святáго апóстола Пáвла чтéние.
(Корф.зач.128): Брáтие, Бóгу есмы́ поспéшницы: Бóжие тяжáние, Бóжие здáние естé. По благодáти Бóжией дáнней мне, я́ко прему́др архитéктон основáние положи́х, ин же назидáет, ки́йждо же да блюдéт, кáко назидáет. Основáния бо инáго никтóже мóжет положи́ти пáче лежáщаго, éже есть Иису́с Христóс. А́ще ли кто назидáет на основáнии сем злáто, сребрó, кáмение честнóе, дровá, сéно, трóстие, когóждо дéло явлéно бу́дет, день бо яви́т, занé огнéм открывáется, и когóждо дéло, яковóже есть, огнь иску́сит. И егóже áще дéло пребу́дет, егóже наздá, мзду прии́мет. А егóже дéло сгори́т, отщети́тся: сам же спасéтся, тáкожде я́коже огнéм. Не вéсте ли, я́ко храм Бóжий естé, и Дух Бóжий живéт в вас? А́ще кто Бóжий храм растли́т, растли́т сегó Бог, храм бо Бóжий свят есть, и́же естé вы.
[Русский синодальный перевод]Ибо мы соработники у Бога, а вы Божия нива, Божие строение. Я, по данной мне от Бога благодати, как мудрый строитель, положил основание, а другой строит на нем; но каждый смотри, ка́к строит. Ибо никто не может положить другого основания, кроме положенного, которое есть Иисус Христос. Строит ли кто на этом основании из золота, серебра, драгоценных камней, дерева, сена, соломы, - каждого дело обнаружится; ибо день покажет, потому что в огне открывается, и огонь испытает дело каждого, каково оно есть. У кого дело, которое он строил, устоит, тот получит награду. А у кого дело сгорит, тот потерпит урон; впрочем сам спасется, но та́к, как бы из огня. Разве не знаете, что вы храм Божий, и Дух Божий живет в вас? Если кто разорит храм Божий, того покарает Бог: ибо храм Божий свят; а этот храм - вы (3:9-17).
(Деян.зач.2) Во дни óны, возврати́шася апóстоли во Иерусали́м от горы́ нарицáемыя Елеóн, я́же есть близ Иерусали́ма, суббóты иму́щия путь. И егдá внидóша, взыдóша на гóрницу, идéже бя́ху пребывáюще, Петр же и Иáков, и Иоáнн и Андрéй, Фили́пп и Фомá, Варфоломéй и Матфéй, Иáков Алфéов и Си́мон Зилóт и Иу́да Иáковль. Си́и вси бя́ху терпя́ще единоду́шно в моли́тве и молéнии, с женáми и Мари́ею Мáтерию Иису́совою и с брáтиею Егó. И во дни ты́я востáв Петр посредé учени́к, речé, бе же имéн нарóда вку́пе я́ко сто и двáдесять: му́жие брáтие, подобáше скончáтися Писáнию сему́, éже предречé Дух Святы́й усты́ Дави́довыми о Иу́де, бы́вшем вожди́ éмшим Иису́са, я́ко причтéн бе с нáми и прия́л бя́ше жрéбий слу́жбы сея́, подобáет у́бо от сходи́вшихся с нáми мужéй во вся́ко лéто, в нéже вни́де и изы́де в нас Госпóдь Иису́с, начéн от крещéния Иоáннова дáже до дне, вóньже вознесéся на нéбо от нас, свидéтелю воскресéния Егó бы́ти с нáми еди́ному от сих. И постáвиша два, Иóсифа нарицáемаго Варсáву, и́же наречéн бысть Иу́ст, и Матфи́а, и помоли́вшеся рéша: Ты, Гóсподи, Сердцевéдче всех, покажи́, егóже избрáл еси́ от сею́ двою́ еди́наго, прия́ти жрéбий служéния сегó и апóстольства, из негóже испадé Иу́да, ити́ в мéсто своé. И дáша жрéбия и́ма, и падé жрéбий на Матфи́а, и причтéн бысть ко единонáдесяти апóстолом.
[Русский синодальный перевод]Тогда они возвратились в Иерусалим с горы, называемой Елеон, которая находится близ Иерусалима, в расстоянии субботнего пути. И, придя, взошли в горницу, где и пребывали, Петр и Иаков, Иоанн и Андрей, Филипп и Фома, Варфоломей и Матфей, Иаков Алфеев и Симон Зилот, и Иуда, брат Иакова. Все они единодушно пребывали в молитве и молении, с некоторыми женами и Мариею, Материю Иисуса, и с братьями Его. И в те дни Петр, став посреди учеников, сказал (было же собрание человек около ста двадцати): мужи братия! Надлежало исполниться тому, что в Писании предрек Дух Святый устами Давида об Иуде, бывшем вожде тех, которые взяли Иисуса; он был сопричислен к нам и получил жребий служения сего. Итак надобно, чтобы один из тех, которые находились с нами во всё время, когда пребывал и обращался с нами Господь Иисус, начиная от крещения Иоаннова до того дня, в который Он вознесся от нас, был вместе с нами свидетелем воскресения Его. И поставили двоих: Иосифа, называемого Варсавою, который прозван Иустом, и Матфия; и помолились и сказали: Ты, Господи, Сердцеведец всех, покажи из сих двоих одного, которого Ты избрал принять жребий сего служения и Апостольства, от которого отпал Иуда, чтобы идти в свое место. И бросили о них жребий, и выпал жребий Матфию, и он сопричислен к одиннадцати Апостолам(1:12-17,21-26).
Аллилуиарий воскресный, глас 8
Чтец: Аллилу́иа, аллилу́иа, аллилу́иа, глас осьмы́й.
Хор: Аллилу́иа, аллилу́иа, аллилу́иа.
Чтец: Прииди́те, возрáдуемся Гóсподеви, воскли́кнем Бóгу Спаси́телю нáшему.
Хор: Аллилу́иа, аллилу́иа, аллилу́иа.
Чтец: Предвари́м лице́ Егó во исповéдании, и во псалмéх воскли́кнем Ему́.
Хор: Аллилу́иа, аллилу́иа, аллилу́иа.
Аллилуиарий ап. Матфи́я, глас 1
Чтец: Глас пéрвый: Исповéдят Небесá чудесá Твоя́, Гóсподи.
Хор: Аллилу́иа, аллилу́иа, аллилу́иа.
ЕВАНГЕЛИЕ
От Матфéя Святáго Евáнгелия чтéние.
Хор: Слáва Тебé, Гóсподи, слáва Тебé.
(Мф.зач.59): Во врéмя óно, пону́ди Иису́с ученики́ Своя́ влéзти в корáбль и вари́ти Егó на óном полу́, дóндеже отпу́стит нарóды. И отпусти́в нарóды, взы́де на гору́ еди́н помоли́тися. Пóзде же бы́вшу, еди́н бе ту. Корáбль же бе посредé мóря влáяся волнáми, бе бо проти́вен ветр. В четвéртую же стрáжу нóщи и́де к ним Иису́с, ходя́ по мóрю. И ви́девше Егó ученицы́ по мóрю ходя́ща, смути́шася, глагóлюще, я́ко призрáк есть, и от стрáха возопи́ша. А́бие же рече́ им Иису́с, глагóля: дерзáйте, Аз есмь, не бóйтеся. Отвещáв же Петр речé: Гóсподи, áще Ты еси́, повели́ ми приити́ к Тебé по водáм. Он же речé: прииди́. И излéз из корабля́ Петр, хождáше по водáм, приити́ ко Иису́сови. Ви́дя же ветр крéпок, убоя́ся, и начéн утопáти, возопи́, глагóля: Гóсподи, спаси́ мя. И áбие Иису́с простéр ру́ку, ят егó и глагóла ему́: маловéре, почтó усумнéлся еси́? И влéзшема и́ма в корáбль, престá ветр. Су́щии же в корабли́ пришéдше поклони́шася Ему́, глагóлюще: вои́стинну Бóжий Сын еси́. И прешéдше приидóша в зéмлю Геннисарéфскую.
[ Русский синодальный перевод]И тотчас понудил Иисус учеников Своих войти в лодку и отправиться прежде Его на другую сторону, пока Он отпустит народ. И, отпустив народ, Он взошел на гору помолиться наедине; и вечером оставался там один. А лодка была уже на средине моря, и ее било волнами, потому что ветер был противный. В четвертую же стражу ночи пошел к ним Иисус, идя по морю. И ученики, увидев Его идущего по морю, встревожились и говорили: это призрак; и от страха вскричали. Но Иисус тотчас заговорил с ними и сказал: ободритесь; это Я, не бойтесь. Петр сказал Ему в ответ: Господи! если это Ты, повели мне прийти к Тебе по воде. Он же сказал: иди. И, выйдя из лодки, Петр пошел по воде, чтобы подойти к Иисусу, но, видя сильный ветер, испугался и, начав утопать, закричал: Господи! спаси меня. Иисус тотчас простер руку, поддержал его и говорит ему: маловерный! зачем ты усомнился? И, когда вошли они в лодку, ветер утих. Бывшие же в лодке подошли, поклонились Ему и сказали: истинно Ты Сын Божий. И, переправившись, прибыли в землю Геннисаретскую(14:22-34).
(Лк.зач.40) Во врéмя óно, созвá Иису́с обанáдесяте ученикá Своя́, дадé им си́лу и власть на вся бéсы, и неду́ги цели́ти, и послá их проповéдати Цáрствие Бóжие и исцели́ти боля́щия. И речé к ним: ничесóже возьми́те на путь, ни жезлá, ни пи́ры, ни хлéба, ни сребрá, ни по двемá ри́зама имéти. И вóньже дом вни́дете, ту пребывáйте, и отту́ду исходи́те. И ели́цы áще не приéмлют вас, исходя́ще от грáда тогó, и прах от ног вáших оттряси́те, во свидéтельство на ня. Исходя́ще же прохождáху сквозé вéси, благовеству́юще и исцеля́юще всю́ду.
[Русский синодальный перевод]Созвав же двенадцать, дал силу и власть над всеми бесами и врачевать от болезней, и послал их проповедовать Царствие Божие и исцелять больных. И сказал им: ничего не берите на дорогу: ни посоха, ни сумы́, ни хлеба, ни серебра, и не имейте по две одежды; и в какой дом войдете, там оставайтесь и оттуда отправляйтесь в путь. А если где не примут вас, то, выходя из того города, отрясите и прах от ног ваших во свидетельство на них. Они пошли и проходили по селениям, благовествуя и исцеляя повсюду(9:1-6).
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилáте, и страдáвша и погребенна. И воскресшаго в третий день по Писáнием, и возшедшаго на небесá и седяща одесную Отцá. И пáки грядущаго со слáвою судити живым и мертвым, Егоже Цáрствию не будет концá. И в Духа Святáго, Господа, Животворящаго, Иже от Отцá исходящаго, Иже со Отцем и Сыном спокланяема и сслáвима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чáю воскресения мертвых, и жизни будущаго века. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк Преображéния, глас 7: На горé преобрази́лся еси́, и я́коже вмещáху ученицы́ Твои́, слáву Твою́, Христé Божé, ви́деша, да егдá Тя у́зрят распинáема, страдáние у́бо уразумéют вóльное, ми́рови же проповéдят, я́ко Ты еси́ вои́стинну О́тчее сия́ние.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Вместо Достойно есть
Хор: Величáй, душе́ моя́,/ на Фавóре преобрази́вшагося Гóспода.
Ирмóс (глас 4): Рождествó Твоé нетлéнно яви́ся:/ Бог из боку́ Твоéю прóйде,/ я́ко Плотонóсец яви́ся на земли́/ и с человéки поживé.// Тя, Богорóдице, тем вси величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Гóсподи, Иисусе Христé, Сыне Бóжий, молитвами Пречистыя Твоея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!