ОБЕДНИЦА (Изобразительные) Воскресная служба мирским чином, глас 7. Неделя 8 по Пятидесятнице.
15 áвгуста 2021 гóда. Недéля 8 по Пятидеся́тнице. Перенесение мощей св. первомученика и архидиакона Стефана. Глас 7. Служба прáздника для домáшнего (келéйного) совершéния. Служба мирским чином.
Прежде глаголи часы.
Часы и обéдницу скачать в формате doc, в формате pdf
ЧИН ОБЕДНИЦЫ
Глагóли сице: Благослови, душе моя, Гóспода,/ благословен еси Гóсподи.
Псалом 102
Благослови, душе моя, Гóспода,/ и вся внутренняя моя имя святое Егó./ Благослови, душе моя, Гóспода,/ и не забывай всех воздаяний Егó,/ очищающаго вся беззакóния твоя,/ исцеляющаго вся недуги твоя,/ избавляющаго от истления живóт твой,/ венчающаго тя милостию и щедрóтами,/ исполняющаго во благих желание твое:/ обновится яко óрля юность твоя./ Творяй милостыни Господь,/ и судьбу всем обидимым./ Сказа пути Своя Моисеови,/ сыновóм Израилевым хотения Своя:/ Щедр и Милостив Госпóдь,/ Долготерпелив и Многомилостив./ Не до конца прогневается,/ ниже во век враждует,/ не по беззаконием нашим сотворил есть нам,/ ниже по грехом нашым воздал есть нам./ Яко по высоте небесней от земли,/ утвердил есть Госпóдь милость Свою на боящихся Егó./ Елико отстоят востóцы от запад,/ удалил есть от нас беззакóния наша./ Якоже щедрит отец сыны,/ ущедри Госпóдь боящихся Егó./ Яко Той позна создание наше,/ помяну, яко персть есмы./ Человек, яко трава дние eгó,/ яко цвет сельный, тако оцветет,/ яко дух прóйде в нем,/ и не будет, и не познает ктому места своегó./ Милость же Госпóдня от века и до века на боящихся Егó,/ и правда Его на сынéх сынóв, хранящих завéт Егó, и пóмнящих заповеди Егó творити я./ Госпóдь на Небеси уготóва Престóл Свой,/ и Царство Егó всеми обладает./ Благословите Гóспода вси Ангели Егó,/ сильнии крепостию, творящии слóво Егó, услышати глас словес Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся дела Егó,/ на всяком месте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душе моя, Гóспода,/ и вся внутренняя моя имя святóе Егó./ Благословен еси, Гóсподи.
Слáва Отцу и Сыну и Святóму Духу.
Псалом 145
Хвали, душе моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажен, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Цáрствии Твоéм помяни нас, Гóсподи,/ егда приидеши, во Цáрствии Твоéм.
Хор: Блажéни нищии духом,/ яко тех есть Цáрство Небéсное.
Хор: Блажéни плáчущии,/ яко тии утéшатся.
На 10. Хор: Блажéни крóтции,/ яко тии наслéдят зéмлю.
Чтец (воскрéсные, глас 7): Красе́н бе и добр в снедь, и́же мене́ умертви́вый плод:/ Христо́с есть Дре́во живо́тное,/ от Него́же яды́й не умира́ю,/ но вопию́ с разбо́йником:// помяни́ мя Го́споди, во Ца́рствии Твое́м.
Хор: Блажéни áлчущии и жáждущии прáвды,/ яко тии насытятся.
Чтец: На Крест возне́сся Ще́дре,/ Ада́мово рукописа́ние дре́вняго греха́ загла́дил еси́,/ и спасл еси́ от пре́лести весь род челове́ческий.// Те́мже воспева́ем Тя, благоде́телю Го́споди.
На 8. Хор: Блажéни милостивии,/ яко тии помиловани будут.
Чтец: Пригвозди́л еси́ на Кресте́ Ще́дре, грехи́ на́ша Христе́,/ и Твое́ю сме́ртию смерть умертви́л еси́/ воздви́гнувый уме́ршия из ме́ртвых:// те́мже покланя́емся Твоему́ свято́му воскресе́нию.
Хор: Блажéни чистии сéрдцем,/ яко тии Бóга узрят.
Чтец: Излия́ яд змий в слу́хи Е́вины иногда́:/ Христо́с же на Дре́ве кре́стнем источи́л есть ми́рови жи́зни сла́дость./ Те́мже взыва́ем:// помяни́ нас Го́споди, во Ца́рствии Твое́м.
Хор: Блажéни миротвóрцы,/ яко тии сынове Бóжии нарекутся.
На 6. Чтец: Во гро́бе я́ко сме́ртен положе́н был еси́, Животе́ всех Христе́:/ и вереи́ а́довы сломи́л еси́:/ и воскре́с во сла́ве тридне́вен я́ко си́лен, всех просвети́л еси́:// сла́ва Твоему́ воста́нию.
Хор: Блажéни изгнáни прáвды рáди,/ яко тех есть Цáрство Небéсное.
Чтец: Госпо́дь воскре́с тридне́вен из ме́ртвых,/ дарова́ мир Свой ученико́м,/ и сих благослови́в посла́, рек:// вся приведи́те во Ца́рствие Мое́.
Хор: Блажéни естé, егда понóсят вам,/ и изженут, и рекут всяк зол глагóл на вы лжуще Менé рáди.
На 4.Чтец (Первому́ченика, глас 8): Священносло́в свяще́нный и Богосло́в показа́лся еси́,/ сплета́лся с евре́йскими собо́ры,/ облича́я кре́пко сих безбо́жие и богобо́рный нрав,/ Стефа́не, му́чениче всеизря́дне.
Хор: Рáдуйтеся и веселитеся,/ яко мзда вáша мнóга на небесéх.
Чтец:Первому́ченика Христо́ва и служи́теля пе́рваго,/ му́чеником тече́ния сте́пень показа́вша светло́,/ А́нгелов собесе́дника, прииди́те согла́сно вси, пе́сньми Боже́ственными почти́м.
Хор: Слáва Отцу и Сыну и Святóму Духу.
Чтец: Сокрове́нное сокро́вище в земли́ явля́ется,/ и мир благово́ния Боже́ственнаго и бога́тых даро́в Це́рковь испо́лни/ му́чеников пе́рвый и служи́телей первоизбра́нный.
Хор: И ныне и присно и во вéки векóв. Аминь.
Чтец (Богорóдичен): Дверь яви́лася еси́ мы́сленна восто́ка Вы́шняго, на земли́ я́вльшагося, Де́во:/ Тобо́ю бо к нам Сло́во привни́де спасти́ всех от безслове́сия, Пречи́стая.
Тропари и кондаки
Тропáрь воскрéсный, глас 7: Разруши́л еси́ Крестóм Твои́м смерть, отвéрзл еси́ разбóйнику рай; миронóсицам плач преложи́л еси́ и Апóстолом проповéдати повелéл еси́, я́ко воскрéсл еси́, Христé Бóже, дáруяй ми́рови вéлию ми́лость.
Тропáрь первому́ченика Стефáна, глас 4: Цáрским венцéм венчáся/ твой верх от страдáний,/ я́же претерпéл еси́ по Христé Бóзе,/ му́чеников первострадáльче Стефáне,/ ты бо, иудéйское обличи́вый неи́стовство,/ ви́дел еси́ Твоегó Спáса одесну́ю Отцá:// Тогó у́бо моли́ о душáх нáших.
Слáва Отцу и Сыну и Святóму Духу.
Кондáк первому́ченика Стефáна, глас 6: Пе́рвый сея́лся еси́ на земли́ Небе́сным де́лателем,/ всехва́льне Стефа́не,/ пе́рвый на земли́ за Христа́ кровь излия́л еси́, Блаже́нне,/ пе́рвый от Него́ побе́ды венце́м увя́злся еси́ на Небесе́х,/ страда́льцев нача́ло,/ вене́чниче, му́чеников первострада́льне.
И ныне и присно и во вéки векóв. Аминь.
Кондáк воскрéсный, глас 7: Не ктому́ держáва смéртная/ возмóжет держáти человéки:/ Христóс бо сни́де, сокрушáя и разоря́я си́лы ея́./ Связу́ем бывáет ад,/ прорóцы соглáсно рáдуются:/ предстá, глагóлюще, Спас су́щим в вéре,// изыди́те, вéрнии, в воскресéние.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 7
Чтец: Прокимен, глас седьмы́й: Госпóдь крéпость лю́дем Свои́м даст, Госпóдь благослови́т лю́ди Своя́ ми́ром.
Хор: Госпóдь крéпость лю́дем Своúм даст,/ Госпóдь благословúт лю́ди Своя́ мúром.
Чтец: Принеси́те Гóсподеви, сы́нове Бóжiи, принеси́те Гóсподеви сы́ны óвни.
Хор: Госпóдь крéпость лю́дем Своúм даст,/ Госпóдь благословúт лю́ди Своя́ мúром.
Прокимен первомученика, глaс 8
Чтец: Глас осьмы́й: Во всю зéмлю изы́де вещáнiе их и в концы́ вселéнныя глагóлы их.
Хор: Во всю зéмлю изы́де вещáнiе их/ и в концы́ вселéнныя глагóлы их.
АПОСТОЛ
Чтец: К Коринфяном послáнiя святáго апóстола Пáвла чтéнiе.
(Корф.зач.124): Брáтiе, молю́ вы и҆́менем Гóспода нáшего Iисýса Хрiстá, да тóжде глагóлете вси, и да не суть в вас рáспри, да естé же утверждéни в тóмже разумéнiи и в тóйже мы́сли. Возвести́ся бо ми о вас, брáтiе моя́, пóсланным от Хлóиса, я́ко рвéнiя в вас суть. Глагóлю же се я́ко кíйждо вас глагóлет: аз ýбо есмь Пáвлов, аз же Аполлóсов, аз же Ки́фин, аз же Хрiстóв. Едá раздели́ся Хрiстóс, едá Пáвел распя́тся по вас? Или́ во и҆́мя Пáвлово крести́стеся? Благодарю́ Бóга, я́ко ни еди́наго от вас крести́х, тóчiю Крíспа и Гáiа, да никтóже речéт, я́ко в моé и҆́мя крести́х. Крести́х же и Стефани́нов дом, прóчее не вем, áще когó инáго крести́х. Не послá бо менé Хрiстóс крести́ти, но благовести́ти, не в премýдрости слóва, да не испраздни́тся крест Хрiстóв. Слóво бо крéстное погибáющым ýбо юрóдство есть, а спасáемым нам си́ла Бóжiя есть.
[синодальный перевод]Умоляю вас, братия, именем Господа нашего Иисуса Христа, чтобы все вы говорили одно, и не было между вами разделений, но чтобы вы соединены были в одном духе и в одних мыслях. Ибо от домашних Хлоиных сделалось мне известным о вас, братия мои, что между вами есть споры. Я разумею то, что у вас говорят: «я Павлов»; «я Аполлосов»; «я Кифин»; «а я Христов». Разве разделился Христос? разве Павел распялся за вас? или во имя Павла вы крестились? Благодарю Бога, что я никого из вас не крестил, кроме Криспа и Гаия, дабы не сказал кто, что я крестил в мое имя. Крестил я также Стефанов дом; а крестил ли еще кого, не знаю. Ибо Христос послал меня не крестить, а благовествовать, не в премудрости слова, чтобы не упразднить креста Христова. Ибо слово о кресте для погибающих юродство есть, а для нас, спасаемых, - сила Божия(1:10-18).
(Деян.зач.17) Во дни óны, Стефáн испóлнь вéры и си́лы творя́ше знáменiя и чудесá вéлiя в лю́дех. Востáша же нéцыи от сóнма глагóлемаго Лiвертíнска и Киринéйска и Алексáндрска, и и҆́же от Кiлiкíи и Асíи, стязáющеся со Стефáном. И не можáху проти́ву стáти премýдрости и Дýху, И҆́мже глагóлаше. Тогдá подусти́ша мýжы глагóлющыя, я́ко слы́шахом егó глагóлюща глагóлы хýльныя на Моисéа и на Бóга. Сподвигóша же лю́ди и стáрцы и кни́жники, и напáдше восхи́тиша егó и приведóша на сóнмище, постáвиша же свидéтели лóжны глагóлющыя, я́ко человéк сей не престаéт глагóлы хýльныя глагóля на мéсто святóе сié и закóн. Слы́шахом бо егó глагóлюща, я́ко Iисýс Назорéй сей разори́т мéсто сié и измени́т обы́чаи, я́же предадé нам Моисéй. И воззрéвше нань вси седя́щiи в сóнмищи, ви́деша лицé егó я́ко лицé Áнгела. Речé же архiерéй: áще ýбо сiя́ тáко суть? Он же речé: мýжiе брáтiе и отцы́, послýшайте. Бог слáвы яви́ся отцý нáшему Авраáму сýщу в Месопотáмiи, прéжде дáже не всели́тися емý в Харрáнь, и речé к немý: изы́ди от земли́ твоея́ и от рóда твоегó и от дóму отцá твоегó, и прiиди́ в зéмлю, ю́же áще ти покажý. Тогдá изшéд от земли́ Халдéйскiя, всели́ся в Харрáнь, и оттýду, по умéртвiи отцá егó, пресели́ егó в зéмлю сiю́, на нéйже вы ны́не живетé, и не дадé емý наслéдiя в ней, нижé стопы́ нóгу. Соломóн же создá Емý храм. Но Вы́шнiй не в рукотворéнных цéрквах живéт, я́коже прорóк глагóлет: Нéбо Мне престóл есть, земля́ же поднóжiе ногáма Мои́ма. Кiй храм сози́ждете Ми, глагóлет Госпóдь, или́ кóе мéсто покóищу Моемý? Не рукá ли Моя́ сотвори́ сiя́ вся? Жестоковы́йнiи и необрéзаннiи сéрдцы и ушесы́, вы при́сно Дýху Святóму проти́витеся, я́коже отцы́ вáши, тáко и вы. Когó от прорóк не изгнáша отцы́ вáши? И уби́ша предвозвести́вшыя о пришéствiи Прáведнаго, Егóже вы ны́не предáтеле и убíйцы бы́сте, и҆́же прiя́сте закóн устроéнiем Áнгельским и не сохрани́сте. Слы́шаще же сiя́, распыхáхуся сердцы́ свои́ми и скрежетáху зубы́ нань. Стефáн же сый испóлнь Дýха Свя́та, воззрéв на нéбо, ви́де слáву Бóжiю и Iисýса стоя́ща одеснýю Бóга, и речé: се ви́жу небесá отвéрста и Сы́на Человéча одеснýю стоя́ща Бóга. Возопи́вше же глáсом вéлiим, затыкáху ýши свои́ и устреми́шася единодýшно нань, и извéдше вне грáда, кáменiем побивáху егó, и свидéтелiе снéмше ри́зы своя́ положи́ша при ногý ю́ноши нарицáемаго Сáвла, и кáменiем побивáху Стефáна, моля́щася и глагóлюща: Гóсподи Iисýсе прiими́ дух мой. Преклóнь же колéна, возопи́ глáсом вéлiим: Гóсподи, не постáви им грехá сегó. И сiя́ рек ýспе.
[русский синодальный перевод]А Стефан, исполненный веры и силы, совершал великие чудеса и знамения в народе. Некоторые из так называемой синагоги Либертинцев и Киринейцев и Александрийцев и некоторые из Киликии и Асии вступили в спор со Стефаном; но не могли противостоять мудрости и Духу, Которым он говорил. Тогда научили они некоторых сказать: мы слышали, как он говорил хульные слова на Моисея и на Бога. И возбудили народ и старейшин и книжников и, напав, схватили его и повели в синедрион. И представили ложных свидетелей, которые говорили: этот человек не перестает говорить хульные слова на святое место сие и на закон. Ибо мы слышали, как он говорил, что Иисус Назорей разрушит место сие и переменит обычаи, которые передал нам Моисей. И все, сидящие в синедрионе, смотря на него, видели лице его, как лице Ангела. Тогда сказал первосвященник: так ли это? Но он сказал: мужи братия и отцы! послушайте. Бог славы явился отцу нашему Аврааму в Месопотамии, прежде переселения его в Харран, и сказал ему: выйди из земли твоей и из родства твоего и из дома отца твоего, и пойди в землю, которую покажу тебе. Тогда он вышел из земли Халдейской и поселился в Харране; а оттуда, по смерти отца его, переселил его Бог в сию землю, в которой вы ныне живете. И не дал ему на ней наследства ни на стопу ноги, а обещал дать ее во владение ему и потомству его по нем, когда еще был он бездетен.Соломон же построил Ему дом. Но Всевышний не в рукотворенных храмах живет, как говорит пророк: Небо - престол Мой, и земля - подножие ног Моих. Какой дом созиждете Мне, говорит Господь, или какое место для покоя Моего? Не Моя ли рука сотворила всё сие? Жестоковыйные! люди с необрезанным сердцем и ушами! вы всегда противитесь Духу Святому, как отцы ваши, так и вы. Кого из пророков не гнали отцы ваши? Они убили предвозвестивших пришествие Праведника, Которого предателями и убийцами сделались ныне вы, - вы, которые приняли закон при служении Ангелов и не сохранили. Слушая сие, они рвались сердцами своими и скрежетали на него зубами. Стефан же, будучи исполнен Духа Святаго, воззрев на небо, увидел славу Божию и Иисуса, стоящего одесную Бога, и сказал: вот, я вижу небеса отверстые и Сына Человеческого, стоящего одесную Бога. Но они, закричав громким голосом, затыкали уши свои, и единодушно устремились на него, и, выведя за город, стали побивать его камнями. Свидетели же положили свои одежды у ног юноши, именем Савла, и побивали камнями Стефана, который молился и говорил: Господи Иисусе! приими дух мой. И, преклонив колени, воскликнул громким голосом: Господи! не вмени им греха сего. И, сказав сие, почил(6:8-7:5,47-60).
Аллилуиарий воскресный, глас 7
Чтец: Аллилýіа, аллилýіа, аллилýіа, глас седьмы́й.
Чтец: Блáго есть исповéдатися Гóсподеви, и пéти и҆́мени Твоемý Вы́шнiй.
Хор: Аллилýіа, аллилýіа, аллилýіа.
Чтец: Возвещáти заýтра ми́лость Твою́, и и҆́стину Твою́ на вся́ку нощь.
Хор: Аллилýіа, аллилýіа, аллилýіа.
Аллилуиарий первомученика, глас 1
Чтец: Глас пéрвый: Исповéдят Небесá чудесá Твоя́, Гóсподи, и҆́бо и҆́стину Твою́ в Цéркви святы́х.
Хор: Аллилýіа, аллилýіа, аллилýіа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.58): Во врéмя óно, ви́де Iисýс мног нарóд, и милосéрдова о них, и исцели́ недýжныя их. Пóзде же бы́вшу, приступи́ша к Немý ученицы́ Егó, глагóлюще: пýсто есть мéсто, и час ужé минý, отпусти́ нарóды, да шéдше в вéси кýпят брáшна себé. Iисýс же речé им: не трéбуют отити́, дади́те им вы я́сти. Они́ же глагóлаша Емý: не и҆́мамы зде тóкмо пять хлеб и две ры́бе. Он же речé: принеси́те Ми их сéмо. И повелéв нарóдом возлещи́ на травé, и прiéм пять хлеб и óбе ры́бе, воззрéв на нéбо, благослови́ и преломи́в дадé ученикóм хлéбы, ученицы́ же нарóдом. И ядóша вси и насы́тишася, и взя́ша избы́тки укрýх, дванáдесять кóшя испóлнь. Ядýщих же бе мужéй я́ко пять ты́сящ, рáзве жен и детéй. И áбiе понýди Iисýс ученики́ Своя́ влéзти в корáбль и вари́ти Егó на óном полý, дóндеже отпýстит нарóды.
[Русский синодальный перевод]И, выйдя, Иисус увидел множество людей и сжалился над ними, и исцелил больных их. Когда же настал вечер, приступили к Нему ученики Его и сказали: место здесь пустынное и время уже позднее; отпусти народ, чтобы они пошли в селения и купили себе пищи. Но Иисус сказал им: не нужно им идти, вы дайте им есть. Они же говорят Ему: у нас здесь только пять хлебов и две рыбы. Он сказал: принесите их Мне сюда. И велел народу возлечь на траву и, взяв пять хлебов и две рыбы, воззрел на небо, благословил и, преломив, дал хлебы ученикам, а ученики народу. И ели все и насытились; и набрали оставшихся кусков двенадцать коробов полных; а евших было около пяти тысяч человек, кроме женщин и детей. И тотчас понудил Иисус учеников Своих войти в лодку и отправиться прежде Его на другую сторону, пока Он отпустит народ(14:14-22).
(Мф.зач.87) Речé Госпо́дь при́тчу сiю́: человéк нéкiй бе домови́т, и҆́же насади́ виногра́д, и опло́том огради́ его́, и ископа́ в нем точи́ло, и созда́ столп, и вдаст и дéлателем, и оты́де. Егда́ же прибли́жися врéмя плодо́в, посла́ рабы́ своя́ к де́лателем прiя́ти плоды́ его́, и е́мше де́лателе рабы́ его́, о́ваго у́бо би́ша, о́ваго же уби́ша, о́ваго же ка́менiем поби́ша. Па́ки посла́ и҆́ны рабы́ мно́жайшя пе́рвых, и сотвори́ша им та́коже. Последи́ же посла́ к ним сы́на своего́, глаго́ля: усрамя́тся сы́на моего́. Де́лателе же ви́девше сы́на, ре́ша в себе́: сей есть насле́дник, прiиди́те, убiе́м его́ и удержи́м достоя́нiе его́. И е́мше его́ изведо́ша вон из виногра́да и уби́ша. Егда́ у́бо прiи́дет господи́н виногра́да, что сотвори́т де́лателем тем? Глаго́лаша Ему́: злых зле погуби́т их, и виногра́д преда́ст ины́м де́лателем, и҆́же воздадя́т ему́ плоды́ во времена́ своя́. Глаго́ла им Iису́с: не́сте ли чли николи́же в Писа́нiих, ка́мень, его́же не в ряду́ сотвори́ша зи́ждущии, сей бысть во главу́ у́гла? От Го́спода бысть сiе́, и есть ди́вно во о́чiю ва́шею.
[Русский синодальный перевод]Выслушайте другую притчу: был некоторый хозяин дома, который насадил виноградник, обнес его оградою, выкопал в нем точило, построил башню и, отдав его виноградарям, отлучился. Когда же приблизилось время плодов, он послал своих слуг к виноградарям взять свои плоды; виноградари, схватив слуг его, иного прибили, иного убили, а иного побили камнями. Опять послал он других слуг, больше прежнего; и с ними поступили так же. Наконец, послал он к ним своего сына, говоря: постыдятся сына моего. Но виноградари, увидев сына, сказали друг другу: это наследник; пойдем, убьем его и завладеем наследством его. И, схватив его, вывели вон из виноградника и убили. Итак, когда придет хозяин виноградника, что сделает он с этими виноградарями? Говорят Ему: злодеев сих предаст злой смерти, а виноградник отдаст другим виноградарям, которые будут отдавать ему плоды во времена свои. Иисус говорит им: неужели вы никогда не читали в Писании: камень, который отвергли строители, тот самый сделался главою угла? Это от Господа, и есть дивно в очах наших?(21:33-42)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилáте, и страдáвша и погребенна. И воскресшаго в третий день по Писáнием, и возшедшаго на небесá и седяща одесную Отцá. И пáки грядущаго со слáвою судити живым и мертвым, Егоже Цáрствию не будет концá. И в Духа Святáго, Господа, Животворящаго, Иже от Отцá исходящаго, Иже со Отцем и Сыном спокланяема и сслáвима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чáю воскресения мертвых, и жизни будущаго века. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк воскрéсный, глас 7: Не ктому́ держáва смéртная/ возмóжет держáти человéки:/ Христóс бо сни́де, сокрушáя и разоря́я си́лы ея́./ Связу́ем бывáет ад,/ прорóцы соглáсно рáдуются:/ предстá, глагóлюще, Спас су́щим в вéре,// изыди́те, вéрнии, в воскресéние.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Воскресый из мéртвых, Христé, истинный Бог наш, молитвами Пречистыя Своея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!