ОБЕДНИЦА (изобразительные) Неделя 4 по Пятидесятнице. Прп. Сергия, игумена Радонежского. Глас 3
18 ию́ля 2021 гóда. Недéля 4 по Пятидеся́тнице, Обрéтение честны́х мощéй прп. Сéргия, игу́мена Рáдонежского. Глас 3. Служба прáздника для домáшнего (келейного) совершения. Служба мирским чином.
Прéжде глагóли часы.
Часы и обéдницу скачать в формате doc, в формате pdf
ЧИН ОБЕДНИЦЫ
Глагóли сице: Благослови, душе моя, Гóспода,/ благословен еси Гóсподи.
Псалом 102
Благослови, душе моя, Гóспода,/ и вся внутренняя моя имя святое Егó./ Благослови, душе моя, Гóспода,/ и не забывай всех воздаяний Егó,/ очищающаго вся беззакóния твоя,/ исцеляющаго вся недуги твоя,/ избавляющаго от истления живóт твой,/ венчающаго тя милостию и щедрóтами,/ исполняющаго во благих желание твое:/ обновится яко óрля юность твоя./ Творяй милостыни Господь,/ и судьбу всем обидимым./ Сказа пути Своя Моисеови,/ сыновóм Израилевым хотения Своя:/ Щедр и Милостив Госпóдь,/ Долготерпелив и Многомилостив./ Не до конца прогневается,/ ниже во век враждует,/ не по беззаконием нашим сотворил есть нам,/ ниже по грехом нашым воздал есть нам./ Яко по высоте небесней от земли,/ утвердил есть Госпóдь милость Свою на боящихся Егó./ Елико отстоят востóцы от запад,/ удалил есть от нас беззакóния наша./ Якоже щедрит отец сыны,/ ущедри Госпóдь боящихся Егó./ Яко Той позна создание наше,/ помяну, яко персть есмы./ Человек, яко трава дние eгó,/ яко цвет сельный, тако оцветет,/ яко дух прóйде в нем,/ и не будет, и не познает ктому места своегó./ Милость же Госпóдня от века и до века на боящихся Егó,/ и правда Его на сынéх сынóв, хранящих завéт Егó, и пóмнящих заповеди Егó творити я./ Госпóдь на Небеси уготóва Престóл Свой,/ и Царство Егó всеми обладает./ Благословите Гóспода вси Ангели Егó,/ сильнии крепостию, творящии слóво Егó, услышати глас словес Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся дела Егó,/ на всяком месте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душе моя, Гóспода,/ и вся внутренняя моя имя святóе Егó./ Благословен еси, Гóсподи.
Слáва Отцу и Сыну и Святóму Духу.
Псалом 145
Хвали, душе моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажен, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Царствии Твоем помяни нас, Господи,/ егда приидеши, во Царствии Твоем.
Хор: Блажени нищии духом,/ яко тех есть Царство Небесное.
Хор: Блажени плачущии,/ яко тии утешатся.
На 10. Хор: Блажени кротции,/ яко тии наследят землю.
Чтец (на 10, стихиры воскрéсные, глас 3): Отвéргша, Христé, зáповедь Твою́, прáотца Адáма из рая́ изгнáл еси́: разбóйника же щéдре исповéдавша Тя на крестé, вонь всели́л еси́, зову́ща: помяни́ мя, Спáсе, во цáрствии Твоéм.
Хор: Блажени алчущии и жаждущии правды,/ яко тии насытятся.
Чтец: Согрéшших нас смéртною осуди́л еси́ кля́твою, Живодáвче и Гóсподи, тéлом же Твои́м, безгрéшне Влады́ко, пострадáв, смéртныя оживи́л еси́ зову́щия: помяни́ и нас во цáрствии Твоéм.
На 8. Хор: Блажени милостивии,/ яко тии помиловани будут.
Чтец: Воскрéс из мéртвых, совоскреси́л еси́ нас от страстéй воскресéнием Твои́м, Гóсподи: смéртную же всю си́лу погуби́л еси́, Спáсе. Сегó рáди вéрою Ти зовéм: помяни́ и нас во цáрствии Твоéм.
Хор: Блажени чистии сердцем,/ яко тии Бога узрят.
Чтец: Триднéвным Твои́м погребéнием, и́же во áде умерщвлéнныя, я́ко Бог, оживотвори́вый, совоздви́гл еси́, и нетлéние всем, я́ко Благ, источи́л еси́ нам, вéрою зову́щим всегдá: помяни́ и нас во цáрствии Твоéм.
Хор: Блажени миротворцы,/ яко тии сынове Божии нарекутся.
На 6. Чтец: Миронóсицам женáм пéрвее яви́лся еси́,/ воскрéс из мéртвых, Спáсе,/ возопи́в: éже рáдуйтеся,/ и тéми другóм Твои́м возвещáеши востáние Твоé, Христé./ Сегó рáди вéрою Ти зовéм:// помяни́ и нас во цáрствии Твоéм.
Хор: Блажени изгнани правды ради,/ яко тех есть Царство Небесное.
Чтец: На горé Моисéй ру́це распростéр, прообразовáше крест, Амали́ка победи́вый: мы же вéрою тогó на бéсы ору́жие крéпкое приéмше, вси зовéм: помяни́ и нас во цáрствии Твоéм.
Хор: Блажени есте, егда поносят вам,/ и изженут, и рекут всяк зол глагол на вы лжуще Мене ради.
На 4.Чтец (прп. Сéргия, глас 8): Крестá Госпóдня си́лою укрепля́яся, стрáсти душéвныя и плотскóе мудровáние ду́ху покори́л еси́, и сегó рáди Ду́ху Пресвятóму прекрáсная оби́тель быв// и нераздéльныя Трóицы избрáнно покóище.
Хор: Радуйтеся и веселитеся,/ яко мзда ваша многа на небесех.
Чтец: Житиéм твои́м, éже в ми́ре сем, óбраз быв всем, от души́ Христу́ порабóтившимся, чистотóю же, я́ко сóлнце, просия́л еси́ и сегó рáди стокрáтное воздáние от руку́ Вседержи́теля прия́л еси́, Богому́дре Сéргие. Тéмже тя рáдостно ублажáем.
Хор: Слáва Отцу и Сыну и Святóму Духу.
Чтец: Прииди́те, сни́демся в настоя́щее ны́не торжествó, у́зрим, и рáдости испóлнимся, и Христá да прослáвим, тáко прославля́юща Егó прославля́ющих, и нам стéну необори́му и чудéс подáтеля даровáвшаго, Богоблажéннаго Сéргия.
Хор: И ныне и присно и во вéки векóв. Аминь.
Чтец: Благодарéние, вку́пе же и пéние, Богомáти, рáдуйся, принóсим Ти, я́ко родилá еси́ плóтию Бóга Вседержи́теля, твéрдую Предстáтельницу Тебé христиáном даровáвшаго.
Тропари и кондаки
Тропáрь воскрéсный, глас 3: Да веселя́тся небéсная,/ да рáдуются земнáя;/ я́ко сотвори́ держáву мы́шцею Своéю Госпóдь,/ попрá смéртию смерть,/пéрвенец мéртвых бысть;/ из чрéва áдова избáви нас,// и подадé ми́рови вéлию ми́лость.
Тропáрь прп. Сéргия, глас 8: От ю́ности восприя́л еси́ Христá в души́ твоéй, преподóбне,/ и пáче всегó вожделéл еси́ мирскáго мятéжа уклони́тися:/ му́жески в пусты́ню всели́лся еси́/ и чáда послушáния в ней, плоды́ смирéния, возрасти́л еси./ Тем, быв Трóице вселéние,/ чудесы́ твои́ми всех просвети́л еси́, приходя́щих к тебé вéрою,/ и исцелéния всем подая́ оби́льно.// О́тче наш Сéргие, моли́ Христá Бóга, да спасéт ду́ши нáша.
Слáва Отцу и Сыну и Святóму Духу.
Кондáк прп. Сéргия, глас 8: Днесь, я́ко сóлнце пресвéтло,/ возсия́вше от земли́, честны́я мóщи твоя́ нетлéнны обретóшася,/ я́ко благоухáнный цвет, мнóжеством чудéс сия́юще,/ и всем вéрным источáюще разли́чная исцелéния,/ и веселя́ще избрáнное твоé стáдо,/ éже му́дре собрáв, дóбре пáствил еси́./ О ни́хже и ны́не Трóице предстои́ши, моля́ся,/ и вóинству победи́тельная на враги́ даровáти, да вси вопиéм ти:// рáдуйся, Сéргие Богому́дре.
И ныне и присно и во вéки векóв. Аминь.
Кондáк воскрéсный, глас 3: Воскрéсл еси́ днесь от грóба, Щéдре,/ и нас возвéл еси́ от врат смéртных;/ днесь Адáм лику́ет, и рáдуется Е́ва,/ вку́пе же и прорóцы с патриáрхи воспевáют непрестáнно// Божéственную держáву влáсти Твоея́.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресный, глас 3
Чтец: Проки́мен, глас трéтий. Пóйте Бóгу нáшему, пóйте, пóйте Царéви нáшему, пóйте.
Хор: Пóйте Бóгу нáшему, пóйте,/ пóйте Царéви нáшему, пóйте.
Чтец: Вси язы́цы восплещи́те рукáми, воскли́кните Бóгу глáсом рáдования.
Хор: Пóйте Бóгу нáшему, пóйте,/ пóйте Царéви нáшему, пóйте.
Прокимен, глaс 6,
Чтец: Глас седьмы́й. Честнá пред Гóсподем смерть преподóбных Егó.
Хор: Честнá пред Гóсподем/ смерть преподóбных Егó.
АПОСТОЛ
Чтец: К Ри́мляном послáния святáго апóстола Пáвла чте́ние.
(Рим.зач.93): Брáтие, свобо́ждшеся от грехá, порабо́тистеся прáвде. Челове́ческо глаго́лю, за не́мощь пло́ти вáшея. Я́коже у́бо предстáвисте у́ды вáша рабы́ нечистоте́ и беззако́нию в беззако́ние, тáко ны́не предстáвите у́ды вáша рабы́ прáвде во святы́ню. Егдá бо раби́ бе́сте грехá, свобо́дни бе́сте от прáвды. Кий у́бо тогдá име́сте плод? О ни́хже ны́не стыдите́ся, кончи́на бо о́нех, смерть. Ны́не же свобо́ждшеся от грехá, порабо́щшеся же Бо́гови, и́мате плод ваш во святы́ню, кончи́ну же жизнь ве́чную. Обро́цы бо грехá смерть: даровáние же Бо́жие живо́т ве́чный о Христе́ Иису́се Го́споде нáшем.
[русский перевод](Освободившись же от греха, вы стали рабами праведности. Говорю по рассуждению человеческому, ради немощи плоти вашей. Как предавали вы члены ваши в рабы нечистоте и беззаконию на дела беззаконные, так ныне представьте члены ваши в рабы праведности на дела святые. Ибо, когда вы были рабами греха, тогда были свободны от праведности. Какой же плод вы имели тогда? Такие дела, каких ныне сами стыдитесь, потому что конец их - смерть. Но ныне, когда вы освободились от греха и стали рабами Богу, плод ваш есть святость, а конец - жизнь вечная. Ибо возмездие за грех - смерть, а дар Божий - жизнь вечная во Христе Иисусе, Господе нашем.(6:18-23)
(Гал.зач.213): Бра́тие, плод духо́вный есть любы́, ра́дость, мир, долготерпе́ние, бла́гость, милосе́рдие, ве́ра, кро́тость, воздержа́ние: на таковы́х несть зако́на. А и́же Христо́вы суть, плоть распя́ша со страстьми́ и похотьми́. А́ще живе́м ду́хом, ду́хом и да хо́дим. Не быва́им тщесла́вни, друг дру́га раздража́юще, друг дру́гу зави́дяще. Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости: блюды́й себе́, да не и ты искуше́н бу́деши. Друг дру́га тяготы́ носи́те, и та́ко испо́лните зако́н Христо́в.
[Русский синодальный перевод](Плод же духа: любовь, радость, мир, долготерпение, благость, милосердие, вера, кротость, воздержание. На таковых нет закона. Но те, которые Христовы, распяли плоть со страстями и похотями. Если мы живем духом, то по духу и поступать должны. Не будем тщеславиться, друг друга раздражать, друг другу завидовать. Братия! если и впадет человек в какое согрешение, вы, духовные, исправляйте такового в духе кротости, наблюдая каждый за собою, чтобы не быть искушенным. Носи́те бремена друг друга, и таким образом исполните закон Христов(5:22-6:2)
Аллилуа́рий воскре́сный, глас 3
Чтец: Аллилу́иа, аллилу́иа, аллилу́иа, Глас трéтий.
Хор: Аллилу́иа, аллилу́иа, аллилу́иа.
Чтец:На Тя, Го́споди, упова́х, да не постыжу́ся во век.
Хор: Аллилу́иа, аллилу́иа, аллилу́иа.
Чтец: Бу́ди ми в Бо́га Защи́тителя и в дом прибе́жища, е́же спасти́ мя.
Хор: Аллилу́иа, аллилу́иа, аллилу́иа.
Аллилуа́рий , глас 6
Чтец: Глас шесты́й: Блаже́н муж боя́йся Го́спода, в за́поведех Его́ восхо́щет зело́.
Хор: Аллилу́иа, аллилу́иа, аллилу́иа.
Чтец: Что возда́м Го́сподеви о всех, я́же воздаде́ ми?
Хор: Аллилу́иа, аллилу́иа, аллилу́иа.
ЕВАНГЕЛИЕ
От Матфéя Святáго Евáнгелия чтéние.
Хор: Слáва Тебé, Гóсподи, слáва Тебé.
(Мф.зач.25): Во врéмя óно, вше́дшу Иису́су в Капернау́м, приступи́ к Нему́ сóтник, моля́ Егó и глагóля: Гóсподи, óтрок мой лежи́т в дому́ ослáблен, лю́те страждá. И глагóла ему́ Иису́с: Аз пришéд изцелю́ егó. И отвещáв сóтник, речé Ему́: Гóсподи, несмь достóин, да под кров мой вни́деши, но тóкмо рцы слóво, и изцелéет óтрок мой. И́бо аз человéк есмь под влáстию, имы́й под собóю вóины, и глагóлю сему́: иди́, и и́дет. И другóму: прииди́, и прии́дит. И рабу́ моему́: сотвори́ сиé, и сотвори́т. Слы́шав же Иису́с, удиви́ся, и речé гряду́щим по Нем: ами́нь глагóлю вам, ни во Изрáили толи́ки вéры обретóх. Глагóлю же вам, я́ко мнóзи от востóк и зáпад прии́дут и возля́гут со Авраáмом и Исаáком и Иáковом во Цáрствии Небéснем. Сы́нове же цáрствия изгнáни бу́дут во тму кромéшнюю, ту бу́дет плачь и скрéжет зубóм. И речé Иису́с сóтнику: иди́, и я́коже вéровал еси́, бу́ди тебé. И изцелé óтрок егó в той час.
[русский синодальный перевод](Когда же вошел Иисус в Капернаум, к Нему подошел сотник и просил Его: Господи! слуга мой лежит дома в расслаблении и жестоко страдает. Иисус говорит ему: Я приду и исцелю его. Сотник же, отвечая, сказал: Господи! я недостоин, чтобы Ты вошел под кров мой, но скажи только слово, и выздоровеет слуга мой; ибо я и подвластный человек, но, имея у себя в подчинении воинов, говорю одному: пойди, и идет; и другому: приди, и приходит; и слуге моему: сделай то, и делает. Услышав сие, Иисус удивился и сказал идущим за Ним: истинно говорю вам, и в Израиле не нашел Я такой веры. Говорю же вам, что многие придут с востока и запада и возлягут с Авраамом, Исааком и Иаковом в Царстве Небесном; а сыны царства извержены будут во тьму внешнюю: там будет плач и скрежет зубов. И сказал Иисус сотнику: иди, и, как ты веровал, да будет тебе. И выздоровел слуга его в тот час.(5:8-13)
(Лк.зач.24): Во вре́мя óно, ста Иису́с на ме́сте ра́вне, и наро́д учени́к Его́, и мно́жество мно́го люде́й от всея́ Иуде́и и Иерусали́ма, и помо́рия Ти́рска и Сидо́нска, и́же приидо́ша послу́шати Его́ и исцели́тися от неду́г свои́х, и стра́ждущии от дух нечи́стых, и исцеля́хуся. И весь наро́д иска́ше прикаса́тися Ему́, я́ко си́ла от Него́ исхожда́ше, и исцеля́ше вся. И той возве́д о́чи свои́ на ученики́ своя́, глаго́лаше: блаже́ни ни́щии ду́хом, я́ко ва́ше есть Ца́рствие Бо́жие. Блаже́ни, а́лчущии ны́не, я́ко насы́титеся. Блаже́ни, пла́чущии ны́не, я́ко возсмее́теся. Блаже́ни бу́дете, егда́ возненави́дят вас челове́цы, и егда́ разлуча́т вы и поно́сят, и пронесу́т и́мя ва́ше я́ко зло, Сы́на Челове́ческаго ра́ди. Возра́дуйтеся в той день и взыгра́йте, се бо мзда ва́ша мно́га на небеси́.
[русский перевод](И, сойдя с ними, стал Он на ровном месте, и множество учеников Его, и много народа из всей Иудеи и Иерусалима и приморских мест Тирских и Сидонских, которые пришли послушать Его и исцелиться от болезней своих, также и страждущие от нечистых духов; и исцелялись. И весь народ искал прикасаться к Нему, потому что от Него исходила сила и исцеляла всех. И Он, возведя очи Свои на учеников Своих, говорил: Блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах. Так поступали с пророками отцы их.(6:17-23)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилáте, и страдáвша и погребенна. И воскресшаго в третий день по Писáнием, и возшедшаго на небесá и седяща одесную Отцá. И пáки грядущаго со слáвою судити живым и мертвым, Егоже Цáрствию не будет концá. И в Духа Святáго, Господа, Животворящаго, Иже от Отцá исходящаго, Иже со Отцем и Сыном спокланяема и сслáвима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чáю воскресения мертвых, и жизни будущаго века. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК
Кондáк прп. Сéргия, глас 8: Днесь, я́ко сóлнце пресвéтло,/ возсия́вше от земли́, честны́я мóщи твоя́ нетлéнны обретóшася,/ я́ко благоухáнный цвет, мнóжеством чудéс сия́юще,/ и всем вéрным источáюще разли́чная исцелéния,/ и веселя́ще избрáнное твоé стáдо,/ éже му́дре собрáв, дóбре пáствил еси́./ О ни́хже и ны́не Трóице предстои́ши, моля́ся,/ и вóинству победи́тельная на враги́ даровáти, да вси вопиéм ти:// рáдуйся, Сéргие Богому́дре.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Достойно есть
Достойно есть яко воистинну блажити Тя, Богородицу, / Присноблаженную и Пренепорочную и Матерь Бога нашего. / Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Воскресый из мéртвых, Христé, истинный Бог наш, молитвами Пречистыя Своея Мáтере, святых слáвных и всехвáльных Апóстол, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!