ПРЕОБРАЖЕНИЕ ГОСПОДНЕ. ОБЕДНИЦА (Изобразительные) Служба мирским чином. ЯБЛОЧНЫЙ СПАС
19 áвгуста 2024 гóда. Понедéльник 9-й седмúцы по Пятидеся́тнице. Святóе Преображéнiе Гóспода нáшего Iисýса Хрїстà. Слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
ПЕРВЫЙ АНТИФОН, глас 2
Стiх 1: Воскли́кните Гóсподеви, вся земля́,/ пóйте же И҆́мени Егò, дади́те слáву хвалè Егò.(Пс.65:2)
Хор: Молúтвами Богорóдицы, Спáсе, спасù нас.
Стiх 1: Воскли́кните Гóсподеви, вся земля́,/ пóйте же И҆́мени Егò, дади́те слáву хвалè Егò.
Хор: Молúтвами Богорóдицы, Спáсе, спасù нас.
Стiх 2: Глас грóма Твоегò в колесѝ, освети́ша мóлнiя Твоя́ вселéнную,/ подви́жеся и трéпетна бысть земля́.(Пс.76:19)
Хор: Молúтвами Богорóдицы, Спáсе, спасù нас.
Стiх 3: Во исповéданiе и в велелéпоту облéклся есѝ,/ одея́йся свéтом, я́ко ри́зою.(Пс.103:1Б-2А)
Хор: Молúтвами Богорóдицы, Спáсе, спасù нас.
Чтец: Слáва Ѻтцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Молúтвами Богорóдицы, Спáсе, спасù нас.
ВТОРОЙ АНТИФОН, глас 2
Стiх 1: Гóры Сióнскiя, рéбра сéверова,/ град Царя́ Вели́каго. (Пс.47:3)
Хор: Спасù ны, Сы́не Бóжiй,/ преобразúвыйся на горè, пою́щыя Ти:// аллилýїа.
Стiх 1: Гóры Сióнскiя, рéбра сéверова,/ град Царя́ Вели́каго. (Пс.47:3)
Хор: Спасù ны, Сы́не Бóжiй,/ преобразúвыйся на горè, пою́щыя Ти:// аллилýїа.
Стiх 2: И введé я в гóру святы́ни Своея́,/ гóру сiю́, ю́же стяжà десни́ца Егò. (Пс.77:54)
Хор: Спасù ны, Сы́не Бóжiй,/ преобразúвыйся на горè, пою́щыя Ти:// аллилýїа.
Стiх 3: Гóру Сióню, ю́же возлюбѝ,/ и создà, я́ко единорóга, святи́лище Своè.(Пс.77:68Б-69А)
Хор: Спасù ны, Сы́не Бóжiй,/ преобразúвыйся на горè, пою́щыя Ти:// аллилýїа.
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
ТРЕТИЙ АНТИФОН глас 7
Cтiх 1: Надéющiися на Гóспода,/ я́ко горá Сióн, не подви́жится во век.(Пс.124:1А)
Тропáрь прáздника, глас 7: Преобразúлся есù на горè, Хрїстè Бóже,/ показáвый ученикóм Твоúм слáву Твою́,/ я́коже можáху,/ да возсiя́ет и нам, грéшным,/ Свет Твой присносýщный/ молúтвами Богорóдицы,// Светодáвче, слáва Тебè.
Стiх 2: Гóры óкрест Егò,/ и Госпóдь óкрест людéй Свои́х от ны́не и до вéка. (Пс.124:2)
Тропáрь прáздника, глас 7: Преобразúлся есù на горè, Хрїстè Бóже,/ показáвый ученикóм Твоúм слáву Твою́,/ я́коже можáху,/ да возсiя́ет и нам, грéшным,/ Свет Твой присносýщный/ молúтвами Богорóдицы,// Светодáвче, слáва Тебè.
Стiх 3: Гóсподи, кто обитáет в жили́щи Твоéм?/ Илѝ кто всели́тся во святýю гóру Твою́? (Пс.14:1)
Тропáрь прáздника, глас 7: Преобразúлся есù на горè, Хрїстè Бóже,/ показáвый ученикóм Твоúм слáву Твою́,/ я́коже можáху,/ да возсiя́ет и нам, грéшным,/ Свет Твой присносýщный/ молúтвами Богорóдицы,// Светодáвче, слáва Тебè.
Стiх 4: Кто взы́дет на гóру Госпóдню?/ Илѝ кто стáнет на мéсте святéм Егò? (Пс.23:3)
Тропáрь прáздника, глас 7: Преобразúлся есù на горè, Хрїстè Бóже,/ показáвый ученикóм Твоúм слáву Твою́,/ я́коже можáху,/ да возсiя́ет и нам, грéшным,/ Свет Твой присносýщный/ молúтвами Богорóдицы,// Светодáвче, слáва Тебè.
Тропари и кондаки
Тропáрь Преображéнiя, глас 7: Преобразúлся есù на горè, Хрїстè Бóже,/ показáвый ученикóм Твоúм слáву Твою́,/ я́коже можáху,/ да возсiя́ет и нам, грéшным,/ Свет Твой присносýщный/ молúтвами Богорóдицы,// Светодáвче, слáва Тебè.
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Кондáк Преображéнiя, глас 7: На горè преобразúлся есù,/ и я́коже вмещáху ученицы́ Твоù,/ слáву Твою́, Хрїстè Божè, вúдеша,/ да егдà Тя ýзрят распинáема,/ страдáнiе ýбо уразумéют вóльное,/ мíрови же проповéдят,// я́ко Ты есù воúстинну Ѻ́тчее сiя́нiе.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен Преображения, глас 4
Чтец: Прокíмен, глас четвéртый, псалóм Давíдов. Я́ко возвели́чишася делà Твоя́, Гóсподи, вся премýдростiю сотвори́л есѝ. (Пс.103:24А)
Хор: Я́ко возвелúчишася делà Твоя, Гóсподи,/ вся премýдростiю сотворúл есù.
Чтец: Благословѝ, душè моя́, Гóспода, Гóсподи Бóже мой, возвели́чился есѝ зелò. (Пс.103:1А-1Б)
Хор: Я́ко возвелúчишася делà Твоя, Гóсподи,/ вся премýдростiю сотворúл есù.
Чтец: Я́ко возвели́чишася делà Твоя́, Гóсподи.
Хор: Вся премýдростiю сотворúл есù.
АПОСТОЛ
Чтец: Собóрнаго послáнiя Петрóва чтéнiе.
(2Пет.зач.65): Брáтiе, потщи́теся извéстно вáше звáнiе и избрáнiе твори́ти. Сiя́ бо творя́ще, не и҆́мате согреши́ти никогдáже. Си́це бо оби́льно приподáстся вам вход в вéчное Цáрство Гóспода нáшего и Спáса Iисýса Хрїстá. Сегó рáди не обленю́ся воспоминáти при́сно вам о сих, áще и вéдите, и утверждéни естé в настоя́щей и҆́стине. Прáведно бо мню́, донéлеже есмь в сем телеси́, возставля́ти вас воспоминáнiем: вéдый, я́ко скóро есть отложéнiе телесé моегó, я́коже и Госпóдь наш Iисýс Хрїстóс сказá мне. Потщýся же и всегдá имéти вас по моéм исхóде, éже о сих пáмять твори́ти. Не ухищрéнным бо бáснем послéдовавше, сказáхом вам си́лу и пришéствiе Гóспода нáшего Iисýса Хрїстá, но самови́дцы бы́вше вели́чествiю Óнаго. Прiéм бо от Бóга Отцá честь и слáву, глáсу пришéдшу к Немý таковý от велелéпныя слáвы: Сей есть Сын Мой Возлю́бленный, о Нéмже Аз благоизвóлих. И сей глас мы слы́шахом с небесé сшедш, с Ним сýще на горé святéй. И и҆́мамы извéстнейшее прорóческое слóво, емýже внимáюще я́коже свети́лу сiя́ющу в тéмнем мéсте, дóбре творитé, дóндеже день озари́т, и денни́ца возсiя́ет в сердцáх вáших.
[Синодальный перевод]Братия, старайтесь более и более делать твердым ваше звание и избрание; так поступая, никогда не преткнетесь, ибо так откроется вам свободный вход в вечное Царство Господа нашего и Спасителя Иисуса Христа. Для того я никогда не перестану напоминать вам о сем, хотя вы то и знаете, и утверждены в настоящей истине. Справедливым же почитаю, доколе нахожусь в этой телесной храмине, возбуждать вас напоминанием, зная, что скоро должен оставить храмину мою, как и Господь наш Иисус Христос открыл мне. Буду же стараться, чтобы вы и после моего отшествия всегда приводили это на память. Ибо мы возвестили вам силу и пришествие Господа нашего Иисуса Христа, не хитросплетенным басням последуя, но быв очевидцами Его величия. Ибо Он принял от Бога Отца честь и славу, когда от величественной славы принесся к Нему такой глас: Сей есть Сын Мой возлюбленный, в Котором Мое благоволение. И этот глас, принесшийся с небес, мы слышали, будучи с Ним на святой горе. И притом мы имеем вернейшее пророческое слово; и вы хорошо делаете, что обращаетесь к нему, как к светильнику, сияющему в темном месте, доколе не начнет рассветать день и не взойдет утренняя звезда в сердцах ваших. (2Петр.1:10-19)
Аллилуиарий Преображения, глас 8
Чтец: Аллилýїа, аллилýїа, аллилýїа, глас осьмы́й, псалóм Давíдов:
Хор: Аллилýїа, аллилýїа, аллилýїа.
Чтец: Твоя́ суть небесà, и Твоя́ есть земля́. (Пс.88:12А)
Хор: Аллилýїа, аллилýїа, аллилýїа.
Чтец: Блажéни лю́дiе, вéдущiи воскликновéнiе. (Пс.88:16А)
Хор: Аллилýїа, аллилýїа, аллилýїа.
ЕВАНГЕЛИЕ
Чтец: От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.70): Во врéмя óно, поя́т Iисýс Петрá и Iáкова и Iоáнна брáта егó, и возведé их на горý высокý еди́ны. И преобрази́ся пред ни́ми: и просвети́ся лицé Егó я́ко сóлнце: ри́зы же Егó бы́ша белы́ я́ко свет. И се яви́стася им Моисéй и Iлiя́, с Ним глагóлюща. Отвещáв же Петр речé ко Iисýсови: Гóсподи, добрó есть нам зде бы́ти: áще хóщеши, сотвори́м зде три сéни, Тебé еди́ну, и Моисéови еди́ну, и еди́ну Iлiи́. Ещé же емý глагóлющу, се óблак свéтел осени́ их и се глас из óблака глагóля: Сей есть Сын Мой Возлю́бленный, о Нéмже благоволи́х: Тогó послýшайте. И слы́шавше ученицы́, падóша ни́цы, и убоя́шася зелó. И пристýпль Iисýс, прикоснýся их, и речé: востáните, и не бóйтеся. Возвéдше же óчи свои́, никогóже ви́деша, тóкмо Iисýса еди́наго. И сходя́щим им с горы́, заповéда им Iисýс, глагóля: никомýже повéдите видéнiя, дóндеже Сын Человéческiй из мéртвых воскрéснет.
[Синодальный перевод]В то время взял Иисус Петра, Иакова и Иоанна, брата его, и возвел их на гору высокую одних, и преобразился пред ними: и просияло лице Его, как солнце, одежды же Его сделались белыми, как свет. И вот, явились им Моисей и Илия, с Ним беседующие. При сем Петр сказал Иисусу: Господи! хорошо нам здесь быть; если хочешь, сделаем здесь три кущи: Тебе одну, и Моисею одну, и одну Илии. Когда он еще говорил, се, облако светлое осенило их; и се, глас из облака глаголющий: Сей есть Сын Мой Возлюбленный, в Котором Мое благоволение; Его слушайте. И, услышав, ученики пали на лица свои и очень испугались. Но Иисус, приступив, коснулся их и сказал: встаньте и не бойтесь. Возведя же очи свои, они никого не увидели, кроме одного Иисуса. И когда сходили они с горы, Иисус запретил им, говоря: никому не сказывайте о сем видении, доколе Сын Человеческий не воскреснет из мертвых.(Мф.17:1-9)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà пріи́деши во Цáрствiи Твоéм.
Помянѝ нас, Влады́ко, егдà пріи́деши во Цáрствiи Твоéм.
Помянѝ нас, Святы́й, егдà пріи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк Преображéнiя, глас 7: На горè преобразúлся есù,/ и я́коже вмещáху ученицы́ Твоù,/ слáву Твою́, Хрїстè Божè, вúдеша,/ да егдà Тя ýзрят распинáема,/ страдáнiе ýбо уразумéют вóльное,/ мíрови же проповéдят,// я́ко Ты есù воúстинну Ѻ́тчее сiя́нiе.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Вместо Достойно есть (Задостóйник)
Припéв: Величáй душè моя́,// на Фавóре преобразúвшагося Гóспода.
Iрмóс: Рождествò Твоè нетлèнно яви́ся:/ Бог из бокý Твоèю прóйде,/ я́ко Плотонóсец яви́ся на землѝ/ и с человèки поживè.// Тя, Богорóдице, тем вси величáем.
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
И҆́же на горè Фавóрстей преобрази́выйся во слáве, пред святы́ми Свои́ми ученикѝ и апóстолы, Хрїстóс, и҆́стинный Бог наш, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
МНОГОЛЕТИЕ
Службы всенощного бдения не будет - не успеваем.