Неделя 7 по Пасхе, святых отцов I Вселенского Собора, глас 6. Попразднство Вознесения. ОБЕДНИЦА
16 iюня 2024 гóда. Недéля седьмáя по Пáсхе, святых 318 богонóсных отéц Пéрвaго Вселéнского Собóра, úже в Нiкéи. Попрáзднство Вознесéнiя. Глас 6. Воскрéсная прáздничная слýжба для домáшнего (келéйнаго) совершéнiя. Слýжба совершáется по Трióди. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля ю́ность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познà создáнїе нáше,/ помянý, яко персть есмы̀./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Чтец (стiхúры воскрéсные, глас 6): Помянѝ мя, Бóже Спáсе мой,/ егдà прiи́деши во Цáрствiи Твоéм,// и спасѝ мя, я́ко Еди́н Человеколю́бец.
Хор: Блажéни плáчущiи,/ я́ко тíи утéшатся.
Чтец: Дрéвом Адáма прельсти́вшагося,/ дрéвом крéстным пáки спасл есѝ и разбóйника, вопiю́ща:// помянѝ мя, Гóсподи, во Цáрствiи Твоéм.
На 10. Хор: Блажéни крóтцыи,/ я́ко тíи наслéдят зéмлю.
Чтец: Áдова вратà и вереѝ сокруши́вый, Жизнодáвче,/ воскреси́л есѝ вся, Спáсе, вопiю́щыя:// слáва востáнiю Твоемý.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Помянѝ мя, и҆́же смерть плени́вый погребéнiем Твои́м,// и воскресéнiем Твои́м рáдости вся испóлнивый, я́ко Благоутрóбен.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры Вознесéнiя, глас 5): Вознéслся еси́ во слáве, Áнгелов Царю́,/ Утéшителя нам от Отцá послáв./ Тéмже вопiéм:// слáва Хрїстé Вознесéнiю Твоемý.
Хор: Блажéни чúстiи сéрдцем,/ я́ко тíи Бóга ýзрят.
Чтец: Я́ко взы́де Спас ко Отцý с плóтiю,/ удиви́шася Емý Áнгельская вóинства, и возопи́ша:// слáва Хрїстé Вознесéнiю Твоемý.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Áнгельскiя си́лы гóрнейшим вопiя́ху:/ вратá возми́те, Хрїстý нáшему Царю́,// Егóже воспевáем вкýпе со Отцéм и Дýхом.
Хор: Блажéни изгнáни прáвды рáди,/ я́ко тех есть Цáрство Небéсное.
Богорóдичен: Дéва роди́, и мáтерняя не познá,/ но Мáти ýбо есть, Дéвою же пребы́сть,// Ю́же воспевáюще, рáдуйся Богорóдице, взывáем.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
Чтец (стiхúры св. отцéв, глас 6): Утаи́тися не возмóже плéвелов сéятель, прóмысла неизречéннаго, неи́стовству тезоимени́т наречéнный, Iýде бо поревновáв, я́коже он разсéдеся вселукáвый.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Божéственное собрáнiе отéц честнóе, единорóдное озарéнiе,/ от существá возсiя́вшее Ѻ́тча, проповéдует Тя, Влады́ко,// и прéжде всех век рождéнна Сы́на.
Хор: Слáва Ѻтцý и Сы́ну и Святóму Дýху.
Чтец: Чрéво растерзáется по словеси́,/ истóчник мýтный и непи́тный ересéй, источи́вший злочести́вых,// рáлом моли́твы свящéнник божéственных промы́сленнее.
Хор: И ны́не и прúсно и во вéки векóв. Амúнь.
Богорóдичен: Вели́кiй преднаписá во прорóцех Моисéй, Тебé/ ковчéг, и трапéзу, и свéщник, и рýчку,// обрáзно знáменуя воплощéнiе Вы́шняго из Тебé Мáти Дéво.
Тропари и кондаки
Тропáрь воскрéсный, глас 6: Áнгельскiя Сúлы на грóбе Твоéм,/ и стрегýщiи омертвéша;/ и стоя́ше Марíя во грóбе,/ и҆́щущи Пречúстаго Тéла Твоегò./ Пленúл есù ад, не искусúвся от негò;/ срéтил есù Дéву, дáруяй живóт.// Воскресы́й из мéртвых, Гóсподи, слáва Тебè.
Тропáрь Вознесéнiя, глас 4: Вознéслся есù во слáве, Хрїстè Бóже наш,/ рáдость сотворúвый ученикóм,/ обетовáнiем Святáго Дýха,/ извещéнным им бы́вшым благословéнiем,// я́ко Ты есù Сын Бóжiй, Избáвитель мíра.
Тропáрь отцéв, глас 8: Препрослáвлен есù, Хрїстè Бóже наш,/ светúла на землù отцы̀ нáша основáвый,/ и тéми ко úстинней вéре вся ны настáвивый,// Многоблагоутрóбне, слáва Тебè.
Слáва Ѻтцý и Сы́ну и Святóму Дýху.
Кондáк отцéв, глас 8: Апóстол проповéданiе и отéц догмáты/ Цéркви едúну вру запечатлéша,/ я́же и рúзу нося́щи úстины,/ исткáну от éже свы́ше богослóвiя,// исправля́ет и слáвит благочéстiя велúкое тáинство.
И ны́не и прúсно и во вéки векóв, амúнь.
Кондáк Вознесéнiя, глас 6: Éже о нас испóлнив смотрéнiе,/ и я́же на землù соедини́в Небéсным,/ вознéслся есù во слáве, Хрїстè Бóже наш,/ никáкоже отлучáяся,/ но пребывáя неотстýпный,/ и вопiя́ лю́бящым Тя:// Аз есмь с вáми, и никтóже на вы.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен, глас 4
Чтец: Прокíмен, глас четвéртый, песнь ѻтцéв. Благословéн есѝ, Гóсподи Бóже отéц нáших, и хвáльно и прослáвлено И҆́мя Твоè во вéки. (Дан.3:26)
Хор: Благословéн есù, Гóсподи Бóже отéц нáших,/ и хвáльно и прослáвлено И҆́мя Твоè во вéки.
Чтец: Я́ко прáведен есѝ о всех, я́же сотвори́л есѝ нам. (Дан.3:27А)
Хор: Благословéн есù, Гóсподи Бóже отéц нáших,/ и хвáльно и прослáвлено И҆́мя Твоè во вéки.
Чтец: Благословéн есѝ, Гóсподи Бóже отéц нáших.
Хор: И хвáльно и прослáвлено И҆́мя Твоè во вéки.
АПОСТОЛ
Чтец: Дея́нiй святы́х апóстол чтéнiе.
(Деян.зач.44): Во дни óны, суди́ Пáвел ми́мо ити́ Ефéс, я́ко да не бýдет ему закоснéти во Асíи, тщáше бо ся, áще возмóжно бýдет, в день Пятьдеся́тный бы́ти во Iерусали́ме. От Мили́та же послáв во Ефéс, призвá пресви́теры церкóвныя. И я́коже прiидóша к немý, речé к ним: внимáйте ýбо себé и всемý стáду, в нéмже вас Дух Святы́й постáви епи́скопы, пасти́ Цéрковь Гóспода и Бóга, ю́же стяжá Крóвiю Своéю. Аз бо вем сié, я́ко по отшéствiи моéм вни́дут вóлцы тя́жцы в вас, не щадя́щiи стáда: И от вас самéх востáнут мýжiе глагóлющiи развращéная, éже отторгáти ученики́ вслед себé. Сегó рáди бди́те, поминáюще, я́ко три лета нощь и день не престая́х учá со слезáми еди́наго когóждо вас. И ны́не предаю́ вас, брáтiе, Бóгови и слóву благодáти Егó, могýщему наздáти и дáти вам наслéдiе во освящéнных всех. Сребрá или́ злáта или́ риз ни еди́наго возжелáх. Сáми вéсте, я́ко трéбованiю моемý и сýщим со мнóю послужи́сте рýце мои́ сíи. Вся сказáх вам, я́ко тáко труждáющимся подобáет заступáти немощны́я, поминáти же слóво Гóспода Иисýса, я́ко Сам речé: блажéннее есть пáче дая́ти, нéжели прiимáти. И сiя́ рек, преклóнь колéна своя́, со всéми и́ми помоли́ся.
[Синодальный перевод]В те дни Павел рассудил миновать Эфес, чтобы не замедлить ему в Асии; потому что он поспешал, если можно, в день Пятидесятницы быть в Иерусалиме. Из Милита же послав в Эфес, он призвал пресвитеров церкви, и, когда они пришли к нему, он сказал им: внимайте себе и всему стаду, в котором Дух Святой поставил вас блюстителями, пасти Церковь Господа и Бога, которую Он приобрел Себе Кровию Своею. Ибо я знаю, что, по отшествии моем, войдут к вам лютые волки, не щадящие стада; и из вас самих восстанут люди, которые будут говорить превратно, дабы увлечь учеников за собою. Посему бодрствуйте, памятуя, что я три года день и ночь непрестанно со слезами учил каждого из вас. И ныне предаю вас, братия, Богу и слову благодати Его, могущему назидать вас более и дать вам наследие со всеми освященными. Ни серебра, ни золота, ни одежды я ни от кого не пожелал: сами знаете, что нуждам моим и нуждам бывших при мне послужили руки мои сии. Во всем показал я вам, что, так трудясь, надобно поддерживать слабых и памятовать слова Господа Иисуса, ибо Он Сам сказал: «блаженнее давать, нежели принимать». Сказав это, он преклонил колени свои и со всеми ими помолился. (Деян.20:16-18,28-36)
Аллилуарий святых отцов, глас 1
Чтец: Аллилýїа, аллилýїа, аллилýїа, глас пéрвый.
Хор: Аллилýїа, аллилýїа, аллилýїа.
Бог богóв Госпóдь глагóла, и призвá зéмлю от востóк сóлнца до зáпад. (Пс.49:1)
Хор: Аллилýїа, аллилýїа, аллилýїа.
Чтец: Собери́те Емý преподóбныя Егó, завещáющiя завéт Егó о жéртвах. (Пс.49:5)
Хор: Аллилýїа, аллилýїа, аллилýїа.
ЕВАНГЕЛИЕ
Чтец: От Iоáнна Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Ин.зач.56): Во врéмя óно, возведé Iисýс ѻ҆́чи Свои́ на нéбо и речé: Ѻ́тче, прiи́де час, прослáви Сы́на Твоегó, да и Сын Твой прослáвит Тя. Я́коже дал еси́ Емý власть вся́кiя плóти, да вся́ко, éже дал еси́ Емý, даст им живóт вéчный: Се же есть живóт вéчный, да знáют Тебé еди́наго и҆́стиннаго Бóга, и Егóже послáл еси́ Iисýс Хрiстá. Аз прослáвих Тя на земли́, дéло соверши́х, éже дал еси́ Мне да сотворю́. И ны́не прослáви Мя Ты, Ѻ́тче, у Тебé Самогó слáвою, ю́же имéх у Тебѣ́ прéжде мiр не бысть. Яви́х и҆́мя Твоé человéком, и҆́хже дал еси́ Мне от мíра: Твои́ бéша, и Мне их дал еси́, и слóво Твоé сохрани́ша: Ны́не разумéша, я́ко вся, ели́ка дал еси́ Мне, от Тебé суть. Я́ко глагóлы, и҆́хже дал еси́ Мне, дах им, и тíи прiя́ша, и разумéша вои́стинну, я́ко от Тебé изыдóх, и вéроваша, я́ко Ты Мя послá. Аз о сих молю́: не о всем мíре молю́, но о тех, и҆́хже дал еси́ Мне, я́ко Твои́ суть: И Моя́ вся Твоя́ суть, и Твоя́ Моя́, и прослáвихся в них: И ктомý несмь в мíре, и сíи в мíре суть, и Аз к Тебé грядý. Ѻ́тче Святы́й, соблюди́ их во и҆́мя Твоé, и҆́хже дал еси́ Мне, да бýдут еди́но, я́коже и Мы. Егдá бех с ни́ми в мíре, Аз соблюдáх их во и҆́мя Твоé: и҆́хже дал еси́ Мне, сохрани́х, и никтóже от них поги́бе, тóкмо сын поги́бельный, да сбýдется Писáнiе. Ны́не же к Тебѣ́ грядý, и сiя́ глагóлю в мíре, да и҆́мут рáдость Мою́ испóлнену в себѣ̀.
[Синодальный перевод]В то время возвел Иисус очи Свои на небо и сказал: Отче! пришел час, прославь Сына Твоего, да и Сын Твой прославит Тебя, так как Ты дал Ему власть над всякою плотью, да всему, что Ты дал Ему, даст Он жизнь вечную. Сия же есть жизнь вечная, да знают Тебя, единого истинного Бога, и посланного Тобою Иисуса Христа. Я прославил Тебя на земле, совершил дело, которое Ты поручил Мне исполнить. И ныне прославь Меня Ты, Отче, у Тебя Самого славою, которую Я имел у Тебя прежде бытия мира. Я открыл имя Твое человекам, которых Ты дал Мне от мира; они были Твои, и Ты дал их Мне, и они сохранили слово Твое. Ныне уразумели они, что все, что Ты дал Мне, от Тебя есть, ибо слова, которые Ты дал Мне, Я передал им, и они приняли, и уразумели истинно, что Я исшел от Тебя, и уверовали, что Ты послал Меня. Я о них молю: не о всем мире молю, но о тех, которых Ты дал Мне, потому что они Твои. И все Мое Твое, и Твое Мое; и Я прославился в них. Я уже не в мире, но они в мире, а Я к Тебе иду. Отче Святой! соблюди их во имя Твое, тех, которых Ты Мне дал, чтобы они были едино, как и Мы. Когда Я был с ними в мире, Я соблюдал их во имя Твое; тех, которых Ты дал Мне, Я сохранил, и никто из них не погиб, кроме сына погибели, да сбудется Писание. Ныне же к Тебе иду, и это говорю в мире, чтобы они имели в себе радость Мою совершенную. (Ин.17:1-13)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк отцéв, глас 8: Апóстол проповéданiе и отéц догмáты/ Цéркви едúну вру запечатлéша,/ я́же и рúзу нося́щи úстины,/ исткáну от éже свы́ше богослóвiя,// исправля́ет и слáвит благочéстiя велúкое тáинство.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Вместо Достойно есть (задостойник)
Хор, глас 5: Величáй душè моя́,// вознéсшагося от землù на нéбо, Хрїстà Жизнодáвца.
Iрмóс: Тя пáче умà и словесè, Мáтерь Бóжiю,/ в лéто Безлéтнаго неизречéнно рóждшую,// вéрнiи, единомýдренно величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Воскресы́й из мéртвых, Хрїстè, и҆́стинный Бог наш, моли́твами пречи́стыя Своея́ Мáтере, святы́х слáвных и всехвáльных Апóстол, святых и прáведных богоотéц Iоакíма и Áнны, и всех святых, поми́луй и спасѝ нас, яко Благ и Человеколю́бец. Ами́нь.