НЕДЕЛЯ МЯСОПУСТНАЯ, О СТРАШНОМ СУДЕ. Глас 7. ВСЕНОЩНОЕ БДЕНИЕ. УТРЕНЯ (окончание) ЧАС ПЕРВЫЙ
10 мáрта 2024 гóда. Недéля мясопýстная, o Cтрáшнoм Cудè. Глас 7. Воскрéсная прáздничная слýжба для домáшнего (келéйнаго) совершéнiя. Вся слýжба прáздника по Октóиху и Трióди. Слýжба мiрскúм чúном. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( великая вечéрня), здесь ( ýтреня) здесь ( продолжéнiе ýтрени с канóном)
ПЕСНЬ 8
Iрмóс: Неопáльная огню́ в Сiнáи причáщшаяся Купинà,/ Бóга явù медленоязы́чному и гугнúвому Моисéови,/ и óтроки рéвность Бóжiя/ три непреборúмыя во огнù певцы̀ показà:/ вся делà Госпóдня Гóспода пóйте,// и превозносúте во вся вéки.
Хор: Слáва, Гóсподи, Святóму Воскресéнiю Твоемý.
Чтец: Пречи́стый Áгнец словéсный за мiр заклáн быв,/ престáви я́же по закóну приноси́мая,/ очи́стив сегó кромè прегрешéнiй я́ко Бог, при́сно зовýща:// вся делà Госпóдня, Гóспода пóйте, и превозноси́те во вся вéки.
Хор: Слáва, Гóсподи, Святóму Воскресéнiю Твоемý.
Чтец: Нетлéнна не сýщи прéжде стрáсти,/ воспрiя́тая от Создáтеля плоть нáша,/ по стрáсти и воскресéнiи неприкосновéнна тлéнiю устрóися,/ и смéртныя обновля́ет, зовýщiя:/ вся делà Госпóдня Гóспода пóйте,// и превозноси́те во вся вéки.
Хор: Пресвятáя Богорóдице, спасù нас.
Богорóдичен: Твоé чистóтное и всенепорóчное, Дéво,/ сквéрное и мéрзское вселéнныя очи́сти,/ и былà еси́ нáшего примирéнiя к Бóгу винà, Пречи́стая:/ тéмже Тя, Дéво, вся делà благослови́м,// и превознóсим во вся вéки.
Глас 7
Хор: Пресвятáя Богорóдице, спасù нас.
Чтец: Свéтом рождествà Твоегò,/ страннолéпно вселéнную просвети́ла еси́, Богороди́тельнице,/ сýща бо вои́стинну Бóга на объя́тiях нóсиши Твои́х,/ просвещáюща вéрныя при́сно зовýщiя:/ вся делà Госпóдня Гóспода пóйте,// и превозноси́те во вся вéки.
Хор: Пресвятáя Богорóдице, спасù нас.
Чтец: Поéм, Чи́стая, благочéстно Твоè чрéво,/ Бóга вмести́вшее несказáнно воплощáема,/ дáвшаго всем вéрным богоразýмiя просвещéнiе, при́сно зовýщим:/ вся делà Госпóдня Гóспода пóйте,// и превозноси́те во вся вéки.
Глас 6
Хор: Помúлуй мя, Бóже, помúлуй мя.
Чтец: Cтрáшнaгo втoрáгo Твoегò, Гócпoди, пришécтвiя пoмышля́я cрéтенiе,/ трепéщу прещéнiя Твoегò,/ бoю́cя гнéвa Твoегò,// oт cегò мя чacà зoвý, cпacи́ вo вéки.
Хор: Помúлуй мя, Бóже, помúлуй мя.
Чтец: Тебé, Бóгу cудя́щу вcя́чеcкaя,/ ктo cтерпи́т земнoрóден, cый cтрácтен?/ Негacи́мый бo óгнь тoгдà, и червь cкрежéщущiй вельми́,// ocуждéнныя прiи́мет вo вéки.
Хор: Помúлуй мя, Бóже, помúлуй мя.
Чтец: Вcя́кoе дыхáнiе егдà призoвéши, éже рaзcуди́ти Хрicтé вкýпе:/ вели́кiй cтрaх тoгдà, вéлiя нýждa,// тóкмo пoмoгáющим дея́нiем вo вéки.
Хор: Помúлуй мя, Бóже, помúлуй мя.
Чтец: Вcех Cудié, Бóже мoй и Гócпoди,/ дa уcлы́шу тoгдà глáca Твoегò вoжделéннaгo,/ дa уви́жду cвет Твoй вели́кiй,/ дa узрю́ вcелéнiя Твoя́,/ дa узрю́ cлáву Твoю́,// рáдуяcя вo вéки.
Хор: Помúлуй мя, Бóже, помúлуй мя.
Чтец: Прaвocýде Cпácе пoми́луй,/ и избáви мя oгня́ и прещéнiя,/ егóже мне нa cудé прáведнo пoдъя́ти,// ocлáби ми прéжде кoнцà, дoбрoдéтелiю и пoкaя́нiем.
Хор: Помúлуй мя, Бóже, помúлуй мя.
Чтец: Егдà cя́деши, Cудié, я́кo блaгoутрóбен,/ и пoкáжеши cтрáшную cлáву Твoю́, Хрicтé,/ o кiй cтрaх тoгдà, пéщи гoря́щей,// и вcем бoя́щимcя неcтерпи́мaгo cуди́щa Твoегò!
Хор: Благословúм Отцà, и Сы́на, и Святáго Дýха, Гóспода.
Трóичен: Еди́наго Бóга по Существý чту,/ Три Ипостáси пою́ определи́тельне, и́ныя, но не и́наковыя,/ понéже Божествò еди́но в трiéх Ли́цех,// и́бо Отéц, и Сын, и Божéственный Дух.
Хор: И ны́не и прúсно и во вéки векóв. Амúнь.
Богорóдичен: Из светлéйшаго чрéва Твоегò прошéд,/ я́ко Жени́х из чертóга возсiя́ Хрiстóс,/ Свет вéлiй сýщим во тьме,// ибо прáвды Сóлнце облистáв, просвети́, Чи́стая, мiр.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Трióди (глас 6): Егóже вóинства небéсная слáвят,/ и трепéщут херувíми и серафíми,/ вся́ко дыхáнiе и тварь,/ пóйте, благословúте и превозносúте во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душà Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На кáждый стiх)
Я́ко призрè на смирéнiе рабы̀ Своея́,/ се бо от ны́не ублажáт Мя вси рóди.
Я́ко сотворѝ Мне вели́чiе Си́льный,/ и свя́то И҆́мя Егò, и ми́лость Егò в рóды родóв боя́щимся Егò.
Сотворѝ держáву мы́шцею Своéю,/ расточѝ гóрдыя мы́слiю сéрдца их.
Низложѝ си́льныя со престóл, и вознесè смирéнныя;/ áлчущiя испóлни благ, и богатя́щiяся отпустѝ тщи.
Воспрiя́т Iзрáиля óтрока Своегò, помянýти ми́лости,/ я́коже глагóла ко отцéм нáшим, Авраáму и сéмени егò, дáже до вéка.
ПЕСНЬ 9
Iрмóс: Нетлéнiя искушéнiем рóждшая,/ и всехитрецý Слóву плоть взаимодáвшая,/ Мáти неискусомýжная Дéво Богорóдице,/ Прiя́телище Нестерпúмаго,/ Селò Невместúмаго Зиждúтеля Твоегò,// Тя величáем.
Хор: Слáва, Гóсподи, Святóму Воскресéнiю Твоемý.
Чтец: И҆́же божествý страсть прилагáющiи,/ заусти́теся вси чуждемýдреннiи:/ Гóспода бо слáвы плóтiю распя́та,/ не распя́та же естествóм божéственным,// я́ко во двою́ естествý Еди́наго величáем.
Хор: Слáва, Гóсподи, Святóму Воскресéнiю Твоемý.
Чтец: И҆́же телесéм востáнiю невéрующiи,/ ко Хрїстóву шéдше грóбу, научи́теся:/ я́ко умерщвлéна бысть, и воскрéсе пáки плоть Жизнодáвца,// во уверéнiе послéдняго воскресéнiя, на нéже уповáем.
Хор: Пресвятáя Богорóдице, спасù нас.
Богорóдичен: Не божéств Трóицу, но Ипостáсей,/ нижè еди́ницу Лиц, но Божествá чтýще,/ ссецáем же Сiю́ деля́щих:// сливáем же пáки, слiя́нiе дерзáющих на Сiю́, Ю́же величáем.
Глас 7
Хор: Пресвятáя Богорóдице, спасù нас.
Чтец: Рáдости нам вéчныя ходáтаица и весéлiя яви́лася еси́/ Приснодéво Отрокови́це, Избáвителя рóждши,/ и҆́стиною и Дýхом божéственным Тогó чтущих,// я́ко Бóга избавля́ющаго.
Хор: Пресвятáя Богорóдице, спасù нас.
Чтец: Поя́ Давíд, Твой прáотец, Пречи́стая, Тя/ ковчéг именýет Святы́ни божéственныя,/ преестéственне Бóга вмести́вшую,/ во Отéческих Седя́щаго нéдрех,// Егóже непрестáнно вéрнiи величáем.
Глас 6
Хор: Помúлуй мя, Бóже, помúлуй мя.
Чтец: Гocпóдь грядéт грéшныя му́чити, прáведныя же cпacти́:/ вocплáчемcя, и вoзрыда́им, и прiи́мем чу́вcтвo óнaгo дне,/ вóньже безвécтнaя и тáйнaя oткры́в,// челoвéкoм oтдácт пo дocтoя́нiю.
Хор: Помúлуй мя, Бóже, помúлуй мя.
Чтец: Приcтрáшен и трéпетен быcть Мoиcéй, ви́дя Тя oт зáдних:/ кáкo же пocтoю́, лице́ Твoе́ ви́дя тoгда́ aз oкaя́нный, егда́ прiи́деши c Небеcе́?// Нo пoщaди́ мя, Щéдре, ми́лocтивным Твoи́м призрéнiем.
Хор: Помúлуй мя, Бóже, помúлуй мя.
Чтец: Дaнiи́л убoя́cя чacа́ иcтязáнiя,/ aз же oкaя́нный чтo пocтрaжду́ oт него́, гряды́й Гócпoди, cтрáшнaгo дне?/ Нo дaждь ми прéжде кoнца́ блaгoугóднo Тебе́ пocлужи́ти,// и улучи́ти Цáрcтвiе Твoе́.
Хор: Помúлуй мя, Бóже, помúлуй мя.
Чтец: Oгнь гoтóвитcя, червь уcтрoя́етcя:/ веcéлiе, cлáвa, ocлaблéнiе, cвет невечéрнiй, рáдocть прáведных:// и ктo блaжéнный избéгнути не вocхóщет мучéнiя пéрвых, нacлéдивый втoрáя?
Хор: Помúлуй мя, Бóже, помúлуй мя.
Чтец: Дa мя не oтврaти́т oт лица́ Твoего́, Гócпoди, я́рocть Твoего́ гнéвa,/ ниже́ дa уcлы́шу глáca кля́твеннaгo, вo огнь oтcылáющaгo,// нo дa вни́ду в рáдocть нетлéннaгo Твoего́ чертóгa и aз тoгда́ co cвяты́ми Твoи́ми.
Хор: Помúлуй мя, Бóже, помúлуй мя.
Чтец: Ум уязви́cя, тéлo ocтрупи́cя, бoлéзнует дух,/ cлóвo изнемóже, житiе́ умертви́cя, кoне́ц при двéрех./ Тéмже oкaя́ннaя мoя́ душе́, чтo coтвoри́ши,// егда́ прiи́дет Cудiя́ иcпытáти твoя́?
Слáва Ѻтцý и Сы́ну и Святóму Дýху.
Трóичен: Еди́наго Единороди́телю,/ единорóднаго Сы́на О́тче, и еди́не еди́наго Свéте, Свéта сiя́нiе:/ и еди́ный еди́не еди́наго Бóга, Святы́й Ду́ше, Гóспода Госпóдь, вои́стинну сый./ О Трóице Еди́нице Святáя!// Спаси́ мя, богослóвяща Тя.
И ны́не и прúсно и во вéки векóв. Амúнь.
Богорóдичен: Чу́до Рождества́ Твоего́ удивля́ет мя, Всенепорóчная,/ кáко зачинáеши безсéменно необымéннаго?/ Рцы, кáко дéвствуеши рóждши я́ко Мáти?/ Éже пáче естествá вéрою прiéм, Рождéнному поклони́ся,// ели́ка хóщет бо, и мóжет.
Катавáсiя Трióди (глас 6): Безсéменнаго зачáтiя/ Рождествò несказáнное,/ Мáтере безмýжныя нетлéнен Плод,/ Бóжiе бо рождéнiе обновля́ет естествà./ Тéмже Тя вси рóди, я́ко богоневéстную Мáтерь,// правослáвно величáем.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьмѝ Бог наш.
Хор: Свят Госпóдь Бог наш
Ексапостiлáрiй воскрéсный седьмы́й: Я́ко взя́ша Гóспода, Марíи рéкшей,/ на гроб течáста, Сíмон Петр,/ и другíй таи́нник Хрiстóв, егóже любля́ше:/ течáста же óба, и обретóста плащани́цы еди́ны внутрь лежáща,/ и главны́й же бе судáрь кромè их./ Тéмже пáки умолчáста,/ дóндеже Хрiстá ви́деста.
Светúлен Трióди: Cтра́шный день cуда́, и неизрече́нныя Твoея́ cла́вы, пoмышля́я/ трепе́щу, Го́cпoди, вcя́кo, и тряcы́йcя cтра́хoм вoпию́:/ нa зе́млю егда́ прии́деши cуди́ти, Хриcте́ Бо́же, вcя́чеcкaя co cла́вoю,/ oт вcя́кaгo изба́ви мя муче́ния,// oдеcну́ю Тебе́, Влaды́кo, cпoдо́бивый мя cта́ти.
Слáва Ѻтцý и Сы́ну и Святóму Дýху.
Ин светúлен Трióди: Cе день гряде́т Го́cпoдa Вcедержи́теля,/ и ктo cтерпи́т cтрaх прише́cтвия о́нaгo?/ День бo я́рocти еcть, и пещь гoря́щaя, во́ньже Cудия́ cя́дет,// и пo дocтoя́нию дея́ний кoму́жде oтдaя́й.
И ны́не и прúсно и во вéки векóв. Амúнь.
Богорóдичен Трióди: Час испыта́ния, и стра́шнаго прише́ствия Человеколю́бца Влады́ки помышля́я,/ весь трепе́щу, и се́туя, вопию́ Ти:/ Судие́ мой пра́веднейший, и еди́не Многоми́лостиве,// ка́ющася приими́ мя Богоро́дицы моли́твами.
ХВАЛИТНЫ
Хор, глас 7: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
Хвали́те Егò вси áнгели Егò,/ хвалите Егò вся си́лы Егò.// Тебè подобáет песнь Бóгу.
Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егò.
Стiхúры воскрéсные, глас 7: Воскрéсе Хрїстóс из мéртвых,/ разрýш смéртныя ýзы:/ благовести́ землè, рáдость вéлiю,// пóйте Небесá Бóжiю слáву.
Хвалúте Бóга во святых Егò,/ хвалúте Егò в утвержéнiи сúлы Егò.
Стiхúра: Воскресéнiе Хрїстóво ви́девше,/ поклони́мся святóму Гóсподу Iисýсу:// еди́ному безгрéшному.
На 6: Хвалúте Егò на сúлах Егò, хвалúте Егò по мнóжеству велúчествiя Егò.
Стiхúра: Хрїстóву воскресéнiю клáняющеся не престáем:/ Той бо спасл есть нас от беззакóнiй нáших,/ Святы́й Госпóдь Iисýс,// явлéй воскресéнiе.
Хвалúте Егò во глáсе трýбнем, хвалúте Егò во псалтúри и гýслех.
Стiхúра: Что воздáмы Гóсподеви о всех, я́же воздадè нам?/ Нас рáди Бог в человéцех,/ за истлéвшее естествò Слóво плоть бысть,/ и всели́ся в ны, к неблагодáрным, Благодéтель:/ к плéнником, Свободи́тель:/ ко и҆́же во тьме седя́щим, Сóлнце Прáвды:/ на Крестè, безстрáстный: во áде, свет:/ в смéрти, живóт: воскресéнiе, пáдших рáди./ К Немýже возопiи́м:// Бóже наш, слáва Тебè.
На 4. Хвалúте Егò в тимпáне и лúце, хвалúте Егò во стрýнах и оргáне.
И҆́ны стiхúры анатóлiевы: Вратà áдова сокруши́л еси́ Гóсподи,/ и смéртную держáву упраздни́л еси́ крéпкою си́лою Твоéю,/ и совоздви́гл еси́ мéртвыя,/ и́же от вéка во тьме спя́щыя,/ Божéственным и слáвным воскресéнiем Твои́м,// я́ко Царь всех и Бог всеси́лен.
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Стiхúры Трióди, глас 6: Помышля́ю день óный и час,/ егдà и́мамы вси нáзи и я́ко осуждéни,/ неумы́тному Судiи́ предстáти,/ тогдà трубà возшуми́т вельми́,/ и основáнiя земли́ подви́жатся,/ и мéртвiи от гробóв воскрéснут,/ и вóзрастом еди́нем вси бýдут,/ и всех тáйная явлéнна предстáнут пред Тобóю,/ и возрыдáют, и восплáчутся,/ и во огнь кромéшный оты́дут, и́же никогдáже покáяшася,/ и в рáдость и весéлiе, прáведных жрéбiй// вни́дет в чертóг Небéсный.
Исповéмся Тебè Гóсподи всем сéрдцем моúм,/ повéм вся чудесà Твоя́.(Пс.9:2)
Стiхúра: О каковы́й час тогдà, и день стрáшный,/ егдà ся́дет Судiя́ на престóле стрáшном!/ Кни́ги разгибáются, и дея́нiя обличáются,/ и тáйная тьмы явлéна бывáют,/ áнгели обтекáют, собирáюще вся язы́ки./ Прiиди́те, услы́шите цáрiе и кня́зи, раби́ и свобóдни,/ грéшницы и прáведницы, богáтiи и ни́щiи,/ я́ко грядéт Судiя́, хотя́й суди́ти всей вселéнней./ И кто претерпи́т пред лицéм Егò,/ егдà áнгели предстáнут обличáюще/ дея́нiя, помышлéнiя, и мы́сли, я́же в нощи́ и во дни?/ О каковы́й час тогдà!/ Но прéжде дáже не приспéет кончи́на,/ потщи́ся зову́щи душе́:/ Бóже, обрати́в спаси́ мя,// я́ко еди́н благоутрóбен.
Возвеселю́ся и возрáдуюся о Тебè,/ пою́ úмени Твоемý, Вы́шнiй.(Пс.9:3)
Глас 8: Данiи́л прорóк, муж желáнiй быв,/ власти́тельное Бóжiе ви́дев, си́це вопiя́ше:/ Судiя́ сéде, и кни́ги разгну́шася./ Блюди́, душе́ моя́, пости́ши ли ся?/ Бли́жняго твоегò не прéзри./ От брáшен воздержи́ши ли ся?/ Брáта твоегò не осуждáй,/ да не во огнь отсылáема сгори́ши я́ко воск,/ но да без поткновéнiя// введéт тя Хрїстóс в Цáрствiе Свое́.
Воскреснù Гóсподи Бóже мой, да вознесéтся рукà Твоя́,/ не забýди убóгих Твоúх до концà.(Пс.9:33)
Глас 1: Предочи́стим себè, брáтiе, цари́цею добродéтелей,/ се бо прiи́де, богáтство нам благи́х подаю́щи,/ страстéй утоля́ет дмéнiя,/ и Влады́це примиря́ет прегреши́вшыя./ Тéмже с весéлiем сiю́ прiи́мем, вопiю́ще Хрїстý Бóгу:/ воскресы́й из мéртвых, неосуждéны нас сохрани́,// славослóвящiя Тя еди́наго Безгрéшнаго.
Слáва Отцý и Сы́ну и Святóму Дýху.
Стiхúра Трióди, глас 1: Предочи́стим себè, брáтiе, цари́цею добродéтелей,/ се бо прiи́де, богáтство нам благи́х подаю́щи,/ страстéй утоля́ет дмéнiя,/ и Влады́це примиря́ет прегреши́вшыя./ Тéмже с весéлiем сiю́ прiи́мем, вопiю́ще Хрїстý Бóгу:/ воскресы́й из мéртвых, неосуждéны нас сохрани́,// славослóвящiя Тя еди́наго Безгрéшнаго.
И ны́не и прúсно и во вéки векóв. Амúнь.
Глас 2: Преблагословéнна есѝ, Богорóдице Дéво,/ Воплóщшим бо ся из Тебè ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебè.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцà, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцà, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехà сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был есѝ нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебè. Гóсподи, к Тебè прибегóх, научѝ мя твори́ти вóлю Твою́, яко Ты есѝ Бог мой, яко у Тебè истóчник животà, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, помúлуй нас. (3 рáза)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помúлуй нас.
Тропáрь воскрéсный, глас 1: Днесь Спасéнiе мíру бысть,/ поéм Воскрéсшему из грóба,/ и Начáльнику жи́зни нáшея:/ разруши́в бо смéртiю смерть,// побéду дадè нам и вéлiю ми́лость.
Гóсподи поми́луй (40 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи поми́луй (12 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
Гóсподи, Iисýсе Хрїстè, Сыне Бóжій, моли́твами пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Стiхúра евáнгельская седьмáя, глас 7: Се тьма, и рáно, и что у грóба, Марíе, стои́ши,/ мнóгую тьму имéющи в рáзуме,/ в нéйже, где положéн бысть вопрошáеши, Iисýс?/ Но виждь сри́щущася ученики́,/ кáко плащани́цами и сударéм воскресéнiе обретóша,/ и помянýша я́же о сих Писáнiя./ С ни́миже и и́миже и мы вéровавше,// воспевáем Тя жизнодáвца Хрiстá.
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моè. Вонмѝ глáсу молéнiя моегò, Царю́ мой и Бóже мой, яко к Тебè помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебè лукáвнуяй, нижè пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебè лю́бящiи имя Твоè. Яко Ты благослови́ши прáведника, Гóсподи: яко орýжiем благоволéнiя венчáл есѝ нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты есѝ. Не отвратѝ человéка во смирéнiе, и рекл есѝ: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травà мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л есѝ беззакóнiя нáша пред Тобóю: век наш в просвещéнiе лицà Твоегò. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегò, и от стрáха Твоегò, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы̀ Твоя́. Испóлнихомся заýтра ми́лости Твоея́, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны есѝ, лéта в ня́же ви́дехом злáя. И при́зри на рабы̀ Твоя́, и на делà Твоя́, и настáви сы́ны их. И бýди свéтлость Гóспода Бóга нáшего на нас, и делà рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебè, Гóсподи. Пою́ и разумéю в путѝ непорóчне, когдà прiи́деши ко мне? Прехождáх в незлóбiи сéрдца моегò посредè дóму моегò. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпè мне сéрдце стропти́во, уклоня́ющагося от менè лукáваго не познáх. Оклеветáющаго тай и҆́скренняго своегò, сегò изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредè дóму моегò творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Тропáрь воскрéсный, глас 7: Разруши́л есѝ Крестóм Твои́м смерть, отвéрзл есѝ разбóйнику рай; мvронóсицам плач преложи́л есѝ и Апóстолом проповéдати повелéл есѝ, я́ко воскрéсл есѝ, Хрїстè Бóже, дáруяй мíрови вéлiю ми́лость.
И ны́не и прúсно и во вéки векóв. Амúнь.
Богорóдичен 1‑го часá: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблà есѝ цвет нетлéнiя. Дéву, я́ко пребылà есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогò молѝ спасти́ся душáм нáшим.
Стопы́ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы̀ человéческiя, и сохраню́ зáповеди Твоя́. Лицè Твоè просветѝ на рабà Твоегò и научѝ мя оправдáнiем Твои́м.
Да испóлнятся устà моя хвалéнiя Твоегò, Гóсподи, я́ко да воспою́ слáву Твою́, весь день великолéпiе Твоè.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегò рáди.
Гóсподи, поми́луй. (3 рáза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сыне Бóжїй, поми́луй нас. Ами́нь.
КОНДАК
Кондáк Трióди, глас 1: Егдà прiи́деши, Бóже, нa зéмлю co cлáвoю, и трепéщут вcя́чеcкaя, рекà же óгненнaя пред cуди́щем влечéт, кни́ги рaзгибáютcя, и тáйнaя явля́ютcя, тoгдà избáви мя oт oгня́ неугacи́мaгo и cпoдóби мя oдеcнýю Тебè cтáти, Cудiè Прáведнейшiй.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстè, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицà Твоегò, да в нем ýзрим Свет Непристýпный: и испрáви стопы̀ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победúтельная,/ я́ко избáвльшеся от злых,/ благодáрственная восписýем Ти рабù Твоù, Богорóдице;/ но я́ко имýщая держáву непобедúмую,/ от вся́ких нас бед свободù, да зовéм Ти:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 рáза)
Гóсподи, благословᴎ́.
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
И глаголи часы и обéдницу