НЕДЕЛЯ О БЛУДНОМ СЫНЕ, глас 6. ОБЕДНИЦА (Изобразительные). Служба мирским чином
3 мáрта 2024 гóда. Недéля о блýдном сы́не. Глас 6. Воскрéсная прáздничная слýжба для домáшнего (келéйнаго) совершéнiя. Вся слýжба прáздника по Октóиху и Трióди. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля ю́ность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познà создáнїе нáше,/ помянý, яко персть есмы̀./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 6): Помянѝ мя, Бóже Спáсе мой,/ егдà прiи́деши во Цáрствiи Твоéм,// и спасѝ мя, я́ко Еди́н Человеколю́бец.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Дрéвом Адáма прельсти́вшагося,/ дрéвом крéстным пáки спасл есѝ и разбóйника, вопiю́ща:// помянѝ мя, Гóсподи, во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Áдова вратà и вереѝ сокруши́вый, Жизнодáвче,/ воскреси́л есѝ вся, Спáсе, вопiю́щыя:// слáва востáнiю Твоемý.
Хор: Блажéни чúстiи сéрдцем,/ я́ко тíи Бóга ýзрят.
Чтец: Помянѝ мя, и҆́же смерть плени́вый погребéнiем Твои́м,// и воскресéнiем Твои́м рáдости вся испóлнивый, я́ко Благоутрóбен.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицы ко грóбу пришéдша,/ Áнгела зовýща слы́шаху:// Хрїстóс воскрéсе, просвети́вый вся́ческая.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: На дрéве крéстнем пригвозди́вшагося,/ и мiр от прéлести избáвльшаго,// соглáсно вси Хрїстà воспои́м.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
Чтец (стiхúры Трióди, глас 2): Глубинà согрешéнiй содержи́т мя при́сно,/ и треволнéнiе грехóв погружáет мя:/ окорми́ мя ко пристáнищу жи́зни, Хрiстè Бóже,// и спаси́ мя Царю́ слáвы.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Богáтство Отéческое расточи́х лю́те,/ и обнищáв студà испóлнихся,/ порабощéн неплóдными помышлéньми./ Тéмже Ти вопiю́:// Человеколю́бче ущéдри, и спаси́ мя.
Хор: Слáва Ѻтцý и Сы́ну и Святóму Дýху.
Чтец: Глáдом истáявша вся́ких благ,/ и устрани́вшася от Тебé Всеблагíй,/ ущéдри обращáющася мя ны́не,// и спаси́ Хрiстè, пою́ща Твоè человеколю́бiе.
Хор: И ны́не и прúсно и во вéки векóв. Амúнь.
Богорóдичен: Спáса и Влады́ку рóждшая Хрiстà,/ спасéнiя мя Отрокови́це сподóби,/ обнищáвша от вся́ких благ, Дéво Чи́стая,// да пою́ Твоя́ вели́чiя.
Тропари и кондаки
Тропáрь воскрéсный, глас 6: Áнгельскiя Сúлы на грóбе Твоéм,/ и стрегýщiи омертвéша;/ и стоя́ше Марíя во грóбе,/ и҆́щущи Пречúстаго Тéла Твоегò./ Пленúл есù ад, не искусúвся от негò;/ срéтил есù Дéву, дáруяй живóт.// Воскресы́й из мéртвых, Гóсподи, слáва Тебè.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Кондáк Трióди, глас 3: Отéческiя слáвы Твоея́ удалúхся безýмно,/ в злых расточúв éже ми прéдал есù богáтство./ Тéмже Ти блýднаго глас приношý:/ согрешúх пред Тобóю Ѻ́тче щéдрый,/ прiимù мя кáющася,// и сотворù мя я́ко едúнаго от наéмник Твоúх.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 6
Чтец: Прокíмен, глас шесты́й, псалóм Давíдов. Спасѝ, Гóсподи, лю́ди Твоя́, и благословѝ достоя́нiе Твоè. (Пс.27:9А)
Хор: Спасù, Гóсподи, лю́ди Твоя́, и благословù достоя́нiе Твоè.
Чтец: К Тебè, Гóсподи, воззовý, Бóже мой, да не премолчи́ши от менè. (Пс.27:1А)
Хор: Спасù, Гóсподи, лю́ди Твоя́, и благословù достоя́нiе Твоè.
Чтец: Спасѝ, Гóсподи, лю́ди Твоя́.
Хор: И благословù достоя́нiе Твоè.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(1Кор.зач.135): Брáтiе, вся ми леть суть, но не вся на пóльзу: вся ми леть суть, но не аз обладáн бýду от когò. Брáшна чрéву, и чрéво брáшном, Бог же и сiè и сiя́ да упраздни́т. Тéло же не блужéнiю, но Гóсподеви, и Госпóдь тéлу. Бог же и Гóспода воздви́же, и нас воздви́гнет си́лою Своéю. Не вéсте ли, я́ко телесà вáша ýдове Хрїстóвы суть? Взем ли ýбо ýды Хрїстóвы, сотворю́ ýды блудни́чи? Да не бýдет. Или́ не вéсте, я́ко прилепля́яйся сквернодéйце, еди́но тéло есть с блудодéйцею? Бýдета бо, речè, óба в плоть еди́ну. Прилепля́яйся же Гóсподеви, еди́н дух есть с Гóсподем. Бéгайте блудодея́нiя: всяк бо грех, егóже áще сотвори́т человéк, кромè тéла есть, а блудя́й, во своè тéло согрешáет. Или́ не вéсте, я́ко телесà вáша храм живýщаго в вас Святáго Дýха суть, Егóже и́мате от Бóга, и нéсте свои́? Кýплени бо естè ценóю. Прослáвите ýбо Бóга в телесéх вáших и в душáх вáших, я́же суть Бóжiя.
[Синодальный перевод]Братия, все мне позволительно, но не все полезно; все мне позволительно, но ничто не должно обладать мною. Пища для чрева, и чрево для пищи; но Бог уничтожит и то и другое. Тело же не для блуда, но для Господа, и Господь для тела. Бог воскресил Господа, воскресит и нас силою Своею. Разве не знаете, что тела ваши суть члены Христовы? Итак отниму ли члены у Христа, чтобы сделать их членами блудницы? Да не будет! Или не знаете, что совокупляющийся с блудницею становится одно тело с нею? ибо сказано: два будут одна плоть. А соединяющийся с Господом есть один дух с Господом. Бегайте блуда; всякий грех, какой делает человек, есть вне тела, а блудник грешит против собственного тела. Не знаете ли, что тела ваши суть храм живущего в вас Святаго Духа, Которого имеете вы от Бога, и вы не свои? Ибо вы куплены дорогою ценою. Посему прославляйте Бога и в телах ваших и в душах ваших, которые суть Божии.(1Кор.6:12-20)
Аллилуарий воскресный, глас 6
Чтец: Аллилýїа, аллилýїа, аллилýїа, глас шесты́й, псалóм Давíдов:
Хор: Аллилýїа, аллилýїа, аллилýїа.
Чтец: Живы́й в пóмощи Вы́шняго, в крóве Бóга Небéснаго водвори́тся. (Пс.90:1)
Хор: Аллилýїа, аллилýїа, аллилýїа.
Чтец: Речéт Гóсподеви: застýпник мой есѝ, и прибéжище моè, Бог мой, и уповáю на Негò. (Пс.90:2)
Хор: Аллилýїа, аллилýїа, аллилýїа.
ЕВАНГЕЛИЕ
От Лукѝ Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Лк.зач.79): Речè Госпóдь при́тчу сiю́: человéк нéкiй имè два сы́на. И речè юнéйшiй ею́ отцý: óтче, даждь ми достóйную часть имéнiя. И разделѝ и́ма имéнiе. И не по мнóзех днех собрáв все мнiй сын, оты́де на странý далéче, и ту расточи́ имéнiе своè, живы́й блýдно. Изжи́вшу же емý все бысть глад крéпок на странè той, и той начáт лишáтися. И шед прилепи́ся еди́ному от жи́тель тоя́ страны́, и послà егó на сéла своя́ пастѝ свинiя́. И желáше насы́тити чрéво своè от рожéц, я́же ядя́ху свинiя́, и никтóже дая́ше емý. В себè же пришéд, речè: коли́ко наéмником отцà моегò избывáют хлéбы, аз же глáдом ги́блю? Востáв идý ко отцý моемý, и рекý емý: óтче, согреши́х на нéбо и пред тобóю, и ужè несмь достóин нарещи́ся сын твой, сотвори́ мя я́ко еди́наго от наéмник твои́х. И востáв и́де ко отцý своемý. Ещè же емý далéче сýщу, узрè егò отéц егò, и мил емý бысть, и тек нападè на вы́ю егò, и облобызà егò. Речè же емý сын: óтче, согреши́х на нéбо и пред тобóю, и ужè несмь достóин нарещи́ся сын твой. Речè же отéц к рабóм свои́м: изнеси́те одéжду пéрвую и облецы́те егò, и дади́те пéрстень на рýку егò и сапоги́ на нóзе, и привéдше телéц упитéнный заколи́те, и я́дше весели́мся. Я́ко сын мой сей мертв бе, и оживè, и изги́бл бе, и обрéтеся. И начáша весели́тися. Бе же сын егò стáрей на селè, и я́ко гряды́й прибли́жися к дóму, слы́ша пéнiе и ли́ки. И призвáв еди́наго от óтрок, вопрошáше: что ýбо сiя́ суть? Он же речè емý, я́ко брат твой прiи́де, и заклà отéц твой телéц упитéнный, я́ко здрáва егó прiя́т. Разгнéвався же, и не хотя́ше вни́ти. Отéц же егò изшéд моля́ше егò. Он же отвещáв речè отцý: се толи́ко лет рабóтаю тебè и николи́же зáповеди твоя́ преступи́х, и мне николи́же дал есѝ козля́те, да со дрýги свои́ми возвесели́лся бых. Егдà же сын твой сей, изъеды́й твоè имéнiе с любодéйцами, прiи́де, заклà емý телéц питóмый. Он же речè емý: чáдо, ты всегдà со мнóю есѝ, и вся моя́ твоя́ суть. Возвесели́ти же ся и возрáдовати подобáше, я́ко брат твой сей мертв бе, и оживè, и изги́бл бе, и обрéтеся.
[Синодальный перевод]Сказал Господь притчу сию: у некоторого человека было два сына; и сказал младший из них отцу: отче! дай мне следующую мне часть имения. И отец разделил им имение. По прошествии немногих дней младший сын, собрав всё, пошел в дальнюю сторону и там расточил имение свое, живя распутно. Когда же он прожил всё, настал великий голод в той стране, и он начал нуждаться; и пошел, пристал к одному из жителей страны той, а тот послал его на поля свои пасти свиней; и он рад был наполнить чрево свое рожками, которые ели свиньи, но никто не давал ему. Придя же в себя, сказал: сколько наемников у отца моего избыточествуют хлебом, а я умираю от голода; встану, пойду к отцу моему и скажу ему: отче! я согрешил против неба и пред тобою и уже недостоин называться сыном твоим; прими меня в число наемников твоих. Встал и пошел к отцу своему. И когда он был еще далеко, увидел его отец его и сжалился; и, побежав, пал ему на шею и целовал его. Сын же сказал ему: отче! я согрешил против неба и пред тобою и уже недостоин называться сыном твоим. А отец сказал рабам своим: принесите лучшую одежду и оденьте его, и дайте перстень на руку его и обувь на ноги; и приведите откормленного теленка, и заколите; станем есть и веселиться! Ибо этот сын мой был мертв и ожил, пропадал и нашелся. И начали веселиться. Старший же сын его был на поле; и возвращаясь, когда приблизился к дому, услышал пение и ликование; и, призвав одного из слуг, спросил: что это такое? Он сказал ему: брат твой пришел, и отец твой заколол откормленного теленка, потому что принял его здоровым. Он осердился и не хотел войти. Отец же его, выйдя, звал его. Но он сказал в ответ отцу: вот, я столько лет служу тебе и никогда не преступал приказания твоего, но ты никогда не дал мне и козлёнка, чтобы мне повеселиться с друзьями моими; а когда этот сын твой, расточивший имение своё с блудницами, пришел, ты заколол для него откормленного теленка. Он же сказал ему: сын мой! ты всегда со мною, и всё мое твое, а о том надобно было радоваться и веселиться, что брат твой сей был мертв и ожил, пропадал и нашелся. (Лк.15:11-32)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк Трióди, глас 3: Отéческiя слáвы Твоея́ удалúхся безýмно,/ в злых расточúв éже ми прéдал есù богáтство./ Тéмже Ти блýднаго глас приношý:/ согрешúх пред Тобóю Ѻ́тче щéдрый,/ прiимù мя кáющася,// и сотворù мя я́ко едúнаго от наéмник Твоúх.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Достойно есть
Хор: Достóйно есть я́ко воúстинну блажúти Тя, Богорóдицу,/ Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.