Неделя 36 по Пятидесятнице. Перенесение мощей сщмч. Игнатия Богоносца. ОБЕДНИЦА (Изобразительные)
11 февраля́ 2024 гóда. Недéля 36 по Пятидеся́тнице. Перенесéнiе мощéй священномýченика Iгнáтiя Богонóсца. Глас 3. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познà создáнїе нáше,/ помянý, яко персть есмы̀./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 3): Отвéргша, Хрїстè, зáповедь Твою́, прáотца Адáма из рая́ изгнáл есѝ: разбóйника же щéдре исповéдавша Тя на крестè, вонь всели́л есѝ, зовýща: помянѝ мя, Спáсе, во цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Согрéшших нас смéртною осуди́л есѝ кля́твою, Живодáвче и Гóсподи, тéлом же Твои́м, безгрéшне Влады́ко, пострадáв, смéртныя оживи́л есѝ зовýщiя: помяни́ и нас во цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Воскрéс из мéртвых, совоскреси́л есѝ нас от страстéй воскресéнiем Твои́м, Гóсподи: смéртную же всю си́лу погуби́л есѝ, Спáсе. Сегó рáди вéрою Ти зовéм: помяни́ и нас во цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Триднéвным Твои́м погребéнiем, и҆̀же во áде умерщвлéнныя, я́ко Бог, оживотвори́вый, совоздви́гл еси́, и нетлéнiе всем, я́ко Благ, источи́л есѝ нам, вéрою зовýщим всегдá: помяни́ и нас во цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицам женáм пéрвее яви́лся еси́,/ воскрéс из мéртвых, Спáсе,/ возопи́в: éже рáдуйтеся,/ и тéми другóм Твои́м возвещáеши востáнiе Твоé, Хрїстé./ Сегó рáди вéрою Ти зовéм:// помяни́ и нас во цáрствiи Твоéм.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: На горé Моисéй рýце распростéр,/ прообразовáше крест, Амали́ка победи́вый:/ мы же вéрою тогó на бéсы орýжiе крéпкое прiéмше, вси зовéм:// помяни́ и нас во цáрствiи Твоéм.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
Чтец (стiхúры сщмч. Iгнáтiя, глас 4): Исцелѝ ум мой, озлóбленный лю́тыми страстьмѝ плотски́ми, Iгнáтiе,// мýчениче Хрiстóв всеприснопáмятне.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Единомýдренна тя Хрїстóс апóстолов дóбре вéдый,// постáви, Божéственным свéтом сiя́юща всем Цéрквам учи́теля.
Хор: Слáва Ѻтцý и Сы́ну и Святóму Дýху.
Чтец: Умерщвля́ема тебè рáди Жизнодáвца зря,// потéкл есѝ Тогò рáди смерть любóвiю претерпéти, Iгнáтiе.
Хор: И ны́не и прúсно и во вéки векóв. Амúнь.
Богорóдичен: Слóво Óтчее, предочи́стившися, о Чи́стая, Дýхом,// словéснаго естествà на благодея́нiе родилà есѝ.
Тропари и кондаки
Тропáрь воскрéсный, глас 3: Да веселя́тся небéсная,/ да рáдуются земнáя;/ я́ко сотворѝ держáву мы́шцею Своéю Госпóдь,/ попрà смéртiю смерть,/пéрвенец мéртвых бысть;/ из чрéва áдова избáви нас,// и подадè мíрови вéлiю ми́лость.
Тропáрь сщмч. Iгнáтiя, глас 4: И нрáвом причáстник,/ и престóлом намéстник апóстолом быв,/ дея́iе обрéл есѝ, Богодохновéнне,/ в видéнiя восхóд,/ сегò рáди слóво и́стины исправля́я,/ и вéры рáди пострадáл есѝ дáже до крóве,/ священномýчениче Iгнáтiе./ Молѝ Хрїстà Бóга// спасти́ся душáм нáшим.
Слáва Ѻтцý и Сы́ну и Святóму Дýху.
Кондáк сщмч. Iгнáтiя, глас 4: От востóка днесь возсiя́вый/ и тварь всю просвети́вый учéньми,// мýченичеством украси́ся Богонóсный и Божéственный Iгнáтiй.
И ны́не и прúсно и во вéки векóв, амúнь.
Кондáк воскрéсный, глас 3: Воскрéсл есѝ днесь от грóба, Щéдре,/ и нас возвéл есѝ от врат смéртных;/ днесь Адáм ликýет, и рáдуется Éва,/ вкýпе же и прорóцы с патрiáрхи воспевáют непрестáнно// Божéственную держáву влáсти Твоея́.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 3
Чтец: Прокíмен, глас трéтiй, псалóм Давíдов: Пóйте Бóгу нáшему, пóйте, пóйте Царéви нáшему, пóйте.(Пс.46:7)
Хор: Пóйте Бóгу нáшему, пóйте,/ пóйте Царéви нáшему, пóйте.
Чтец: Вси язы́цы восплещи́те рукáми, воскли́кните Бóгу глáсом рáдованiя. (Пс.46:2)
Хор: Пóйте Бóгу нáшему, пóйте,/ пóйте Царéви нáшему, пóйте.
Прокимен священномученика, глас 7
Чтец: Прокíмен, глас седьмы́й, псалóм Давíдов. Возвесели́тся прáведник о Гóсподе и уповáет на негò. (Пс.63:11)
Хор: Возвеселúтся прáведник о Гóсподе/ и уповáет на негò.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(2Кор.зач.182Б(от полý): Брáтiе, вы естé Цéркви Бóга Жи́ва, я́коже речé Бог, я́ко вселю́ся в них и похождý, и бýду им Бог, и тíи бýдут Мне лю́дiе. Тéмже изыди́те от среды́ их, и отлучи́теся, глагóлет Госпóдь, и нечистотé не прикасáйтеся, и Аз прiимý вы. И бýду вам во Отцà, и вы бýдете Мне в сы́ны и дщéри, глагóлет Госпóдь Вседержи́тель. Сицевà ýбо имýще обетовáнiя, о возлю́бленнiи, очи́стим себé от вся́кiя сквéрны плóти и дýха, творя́ще святы́ню в стрáсе Бóжiи.
[Синодальный перевод]Братия, вы храм Бога живаго, как сказал Бог: вселюсь в них и буду ходить в них; и буду их Богом, и они будут Моим народом. И потому выйдите из среды их и отделитесь, говорит Господь, и не прикасайтесь к нечистому; и Я прииму вас. И буду вам Отцем, и вы будете Моими сынами и дщерями, говорит Господь Вседержитель. Итак, возлюбленные, имея такие обетования, очистим себя от всякой скверны плоти и духа, совершая святыню в страхе Божием.(2Кор.6:16-7:1)
(Евр.зач.311А): Брáтiе, имýще ýбо Архiерéа вели́ка, прошéдшаго небесà, Iисýса Сы́на Бóжiя, да держи́мся исповéданiя. Не и́мамы бо архiерéа не могýща спострадáти нéмощем нáшим, но искушéна по вся́ческим по подóбiю, рáзве грехà. Да приступáем ýбо с дерзновéнiем к престóлу благодáти, я́ко да прiи́мем ми́лость и благодáть обря́щем во благоврéменну пóмощь. Всяк бо первосвящéнник, от человéк прiéмлемь, за человéки поставля́ется на слýжбы я́же к Бóгу, да принóсит дáры же и жéртвы о гресéх. Спострадáти могíй невéжствующим и заблуждáющим: понéже и той нéмощiю обложéн eсть. И сегó рáди дóлжен eсть я́коже о лю́дех, тáкоже и о себé приноси́ти за грехѝ. И никтóже сам о себé прiéмлет честь, но звáнный от Бóга, я́коже и Аарóн. Тáко и Хрiстóс не Себе прослáви бы́ти первосвящéнника, но Глагóлавый к Немý: Сын Мой eсѝ Ты, Аз днесь роди́х Тя. Якоже и и́нде глагóлет: Ты eсѝ свящéнник во век по чи́ну Мелхiседéкову.
[Синодальный перевод]Братья, имея Первосвященника великого, прошедшего небеса, Иисуса Сына Божия, будем твердо держаться исповедания нашего. Ибо мы имеем не такого первосвященника, который не может сострадать нам в немощах наших, но Который, подобно нам, искушен во всем, кроме греха. Посему да приступаем с дерзновением к престолу благодати, чтобы получить милость и обрести благодать для благовременной помощи. Ибо всякий первосвященник, из человеков избираемый, для человеков поставляется на служение Богу, чтобы приносить дары и жертвы за грехи, могущий снисходить невежествующим и заблуждающим, потому что и сам обложен немощью, и посему он должен как за народ, так и за себя приносить жертвы о грехах. И никто сам собою не приемлет этой чести, но призываемый Богом, как и Аарон. Так и Христос не Сам Себе присвоил славу быть первосвященником, но Тот, Кто сказал Ему: Ты Сын Мой, Я ныне родил Тебя; как и в другом месте говорит: Ты священник вовек по чину Мелхиседека. (Евр.4:14-5:6)
Аллилуарий воскресный, глас 3
Чтец: Аллилýїа, аллилýїа, аллилýїа, глас трéтiй, псалóм Давíдов.
Хор: Аллилýїа, аллилýїа, аллилýїа.
На Тя, Гóсподи, уповáх, да не постыжýся во век. (Пс.30:2А)
Хор: Аллилýїа, аллилýїа, аллилýїа.
Чтец: Бýди ми в Бóга Защи́тителя и в дом прибéжища, éже спасти́ мя. (Пс.30:3Б)
Хор: Аллилýїа, аллилýїа, аллилýїа.
Аллилуиарий священномученика, глас 4
Чтец: Аллилýїа, глас четвéртый, псалóм Давíдов: Прáведник, я́ко фíнiкс, процветéт, я́ко кедр, и҆́же в Лiвáне, умнóжится. (Пс.91:13)
Хор: Аллилýїа, аллилýїа, аллилýїа.
Чтец: Насаждéни в домý Госпóдни во двóрех дóму Бóга нáшего процветýт. (Пс.91:14)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.62): Во врéмя óно, вни́де Iисýс во страны́ Ти́рскiя и Сидóнскiя. И се женà Хананéйска, от предéл тех изшéдши, возопѝ к Немý глагóлющи: поми́луй мя, Гóсподи, сы́не Давíдов, дщи моя́ зле беснýется. Он же не отвещà ей словесè. И пристýпльше ученицы́ Егò, моля́ху Егò, глагóлюще: отпустѝ ю́, я́ко вопiéт в след нас. Он же отвещáв речè: несмь пóслан, тóкмо ко овцáм поги́бшим дóму Iзрáилева. Онà же пришéдши поклони́ся Емý, глагóлющи: Гóсподи, помозѝ ми. Он же отвещáв речè: несть добрò отя́ти хлéба чáдом и поврещѝ псом. Онà же речè: ей, Гóсподи, и́бо и пси ядя́т от крупи́ц пáдающих от трапéзы господéй свои́х. Тогдà отвещáв Iисýс речè ей: о, жéно, вéлiя вéра твоя́, бýди тебè я́коже хóщеши. И изцелè дщи ея́ от тогò часà.
[Синодальный перевод]В то время Иисус удалился в страны Тирские и Сидонские. И вот, женщина Хананеянка, выйдя из тех мест, кричала Ему: помилуй меня, Господи, сын Давидов, дочь моя жестоко беснуется. Но Он не отвечал ей ни слова. И ученики Его, приступив, просили Его: отпусти ее, потому что кричит за нами. Он же сказал в ответ: Я послан только к погибшим овцам дома Израилева. А она, подойдя, кланялась Ему и говорила: Господи! помоги мне. Он же сказал в ответ: нехорошо взять хлеб у детей и бросить псам. Она сказала: так, Господи! но и псы едят крохи, которые падают со стола господ их. Тогда Иисус сказал ей в ответ: о, женщина! велика вера твоя; да будет тебе по желанию твоему. И исцелилась дочь ее в тот час. (Мф.15:21-28)
(Мк.зач.41): Во врéмя óно, прiи́де Iисýс и ученицы́ Егò в Капернаýм, и в домý быв, вопрошáше их: что на путѝ в себè помышля́сте? Онѝ же молчáху, друг ко дрýгу бо стязáшася на путѝ, кто есть бóлiй. И сед пригласѝ обанáдесяте и глагóла им: áще кто хóщет стáрей бы́ти, да бýдет всех мéньшiй и всем слугà. И прiи́мь отрочà, постáви è посредè их, и обéм è, речè им: и́же áще еди́но таковы́х отрочáт прiи́мет во и́мя Моè, Менè прiéмлет, и и́же Менè прiéмлет, не Менè прiéмлет, но Послáвшаго Мя. Отвещà Емý Iоáнн, глагóля: Учи́телю, ви́дехом нéкоего и́менем Твои́м изгоня́ща бéсы, и́же не хóдит по нас, и возбрани́хом емý, я́ко не послéдует нам. Iисýс же речè: не брани́те емý, никтóже бо есть, и́же сотвори́т си́лу о и́мени Моéм, и возмóжет вскóре злослóвити Мя. И́же бо несть на вы, по вас есть. И́же бо áще напои́т вы чáшею воды́ во и́мя Моè, я́ко Хрiстóвы естè, ами́нь глагóлю вам, не погуби́т мзды своея́.
[Синодальный перевод]В то время пришел Иисус и ученики Его в Капернаум; и когда был в доме, спросил их: о чем дорогою вы рассуждали между собою? Они молчали; потому что дорогою рассуждали между собою, кто больше. И, сев, призвал двенадцать и сказал им: кто хочет быть первым, будь из всех последним и всем слугою. И, взяв дитя, поставил его посреди них и, обняв его, сказал им: кто примет одно из таких детей во имя Мое, тот принимает Меня; а кто Меня примет, тот не Меня принимает, но Пославшего Меня. При сем Иоанн сказал: Учитель! мы видели человека, который именем Твоим изгоняет бесов, а не ходит за нами; и запретили ему, потому что не ходит за нами. Иисус сказал: не запрещайте ему, ибо никто, сотворивший чудо именем Моим, не может вскоре злословить Меня. Ибо кто не против вас, тот за вас. И кто напоит вас чашею воды во имя Мое, потому что вы Христовы, истинно говорю вам, не потеряет награды своей. (Мк.9:33-41)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 3: Воскрéсл есѝ днесь от грóба, Щéдре,/ и нас возвéл есѝ от врат смéртных;/ днесь Адáм ликýет, и рáдуется Éва,/ вкýпе же и прорóцы с патрiáрхи воспевáют непрестáнно// Божéственную держáву влáсти Твоея́.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Достойно есть
Хор: Достóйно есть я́ко воúстинну блажúти Тя, Богорóдицу,/ Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.