Неделя 3 по Пасхе, св. жен-мироносиц. ОБЕДНИЦА (изобразительные) Служба мирским чином, глас 2.
16 мая 2021 года. Неделя 3 по Пасхе, св. жен-мироносиц. Глас 2. Вся служба праздника (по Триоди) для домашнего (келейного) совершения. Служба мирским чином.
Прежде глаголи часы. Аще имаши произволение то чти утреню с евангелием, каноном и первым часом, аще же ни, токмо часы.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды)
Глагóли сице: Благослови, душе моя, Гóспода,/ благословен еси Гóсподи.
Псалом 102
Благослови, душе моя, Гóспода,/ и вся внутренняя моя имя святое Егó./ Благослови, душе моя, Гóспода,/ и не забывай всех воздаяний Егó,/ очищающаго вся беззакóния твоя,/ исцеляющаго вся недуги твоя,/ избавляющаго от истления живóт твой,/ венчающаго тя милостию и щедрóтами,/ исполняющаго во благих желание твое:/ обновится яко óрля юность твоя./ Творяй милостыни Господь,/ и судьбу всем обидимым./ Сказа пути Своя Моисеови,/ сыновóм Израилевым хотения Своя:/ Щедр и Милостив Госпóдь,/ Долготерпелив и Многомилостив./ Не до конца прогневается,/ ниже во век враждует,/ не по беззаконием нашим сотворил есть нам,/ ниже по грехом нашым воздал есть нам./ Яко по высоте небесней от земли,/ утвердил есть Госпóдь милость Свою на боящихся Егó./ Елико отстоят востóцы от запад,/ удалил есть от нас беззакóния наша./ Якоже щедрит отец сыны,/ ущедри Госпóдь боящихся Егó./ Яко Той позна создание наше,/ помяну, яко персть есмы./ Человек, яко трава дние eгó,/ яко цвет сельный, тако оцветет,/ яко дух прóйде в нем,/ и не будет, и не познает ктому места своегó./ Милость же Госпóдня от века и до века на боящихся Егó,/ и правда Его на сынéх сынóв, хранящих завéт Егó, и пóмнящих заповеди Егó творити я./ Госпóдь на Небеси уготóва Престóл Свой,/ и Царство Егó всеми обладает./ Благословите Гóспода вси Ангели Егó,/ сильнии крепостию, творящии слóво Егó, услышати глас словес Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся дела Егó,/ на всяком месте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душе моя, Гóспода,/ и вся внутренняя моя имя святóе Егó./ Благословен еси, Гóсподи.
Слáва Отцу и Сыну и Святóму Духу.
Псалом 145
Хвали, душе моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажен, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Царствии Твоем помяни нас, Господи,/ егда приидеши, во Царствии Твоем.
Блажени нищии духом,/ яко тех есть Царство Небесное.
Блажени плачущии,/ яко тии утешатся.
Блажени кротции,/ яко тии наследят землю.
Хор: Блажени алчущии и жаждущии правды,/ яко тии насытятся.
Хор: Блажени милостивии,/ яко тии помиловани будут.
Чтец (на 8, стихиры Триоди, глас 2): Помяни Благоутрóбне и нас, якоже помянул еси разбóйника во Цáрствии Небéснем.
Хор: Блажени чистии сердцем,/ яко тии Бога узрят.
Чтец: Дре́во изгнá Аáма, Крест введé разбóйника в Цáрство Небéсное.
Хор: Блажени миротворцы,/ яко тии сынове Божии нарекутся.
На 6. Чтец: Гроб подъят Тя Спáсе, грóбы истощившаго, и мéртвым живóт даровáвшаго, яко Бóга.
Хор: Блажени изгнани правды ради,/ яко тех есть Царство Небесное.
Чтец: Апóстоли слáвнии Христóвы, Тогó молите прилéжно, да от бед спасéт ны.
Хор: Блажени есте, егда поносят вам,/ и изженут, и рекут всяк зол глагол на вы лжуще Мене ради.
На 4.Чтец(недели мироносиц): Мертв есть ад, дерзáйте земнорóднии, Христóс бо на Дрéве висяй, вéрже оружие нань, и лежит мертв: яже бо имяше, пленися обнажився.
Хор: Радуйтеся и веселитеся,/ яко мзда ваша многа на небесех.
Чтец: Пленися ад, дерзáйте мéртвии, и грóби отверзóшася, востáните от áда, вопиéт вам Христóс, вся пришéдый избáвити от смéрти и тли.
Хор: Слáва Отцу и Сыну и Святóму Духу.
Чтец(трóичен): Трóицу во Единстве воспоим вéрнии, с Сыном Отцá слáвяще, и Духа единосущна Сыну, и суща во Отцé собезначáльнаго и присносущнаго Бóга.
Хор: И ныне и присно и во вéки векóв. Аминь.
Чтец (Богорóдичен): Во чрéве невоздéланно зачалá еси, Чистая, нетлéния грозд, яко лозá: из неяже безсмéртия тóки, якоже винó нам источáют вéчную жизнь.
Тропари и кондаки
Тропáрь воскрéсный, глас 2: Егдá снизшéл еси к смéрти, Животé Безсмéртный,/ тогдá ад умертвил еси блистáнием Божествá./ Егдá же и умéршыя от преиспóдних воскресил еси,/ вся Силы Небéсныя взывáху:// Жизнодáвче, Христé Бóже наш, слáва Тебé.
Тропáрь Триóди (недели мироносиц), глас 2: Благообрáзный Иóсиф,/ с Дрéва снем Пречистое Тéло Твоé,/ плащаницею чистою обвив, и благоухáньми,/ во грóбе нóве, закрыв, положи,/ но триднéвен воскрéсл еси, Гóсподи,// подаяй мирови вéлию милость.
Слáва Отцу и Сыну и Святóму Духу.
Кондáк Триóди (недели мироносиц) Рáдоватися миронóсицам повелéл еси,/ плачь прамáтере Евы утолил еси/ воскресéнием Твоим, Христé Бóже,/ апóстолом же Твоим проповéдати повелéл еси:// Спас воскрéсе от грóба.
И ныне и присно и во вéки векóв. Аминь.
Кондáк Пáсхи: Аще и во гроб снизшéл еси, Безсмéртне,/ но áдову разрушил еси силу,/ и воскрéсл еси, яко победитель, Христé Бóже,/ женáм миронóсицам вещáвый: рáдуйтеся,/ и Твоим апóстолом мир дáруяй,// пáдшим подаяй воскресéние.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен Триоди, глас 6
Чтец: Прокимен, глас шестый. Спаси Гóсподи люди Твоя,/ и благослови достояние Твоé.
Хор: Спаси Гóсподи люди Твоя,/ и благослови достояние Твоé.
Чтец: Хвалите Гóспода яко благ псалóм: Бóгови нáшему да усладится хвалéние.
Хор: Спаси Гóсподи люди Твоя,/ и благослови достояние Твоé.
Чтец: Спаси Гóсподи люди Твоя.
Хор: И благослови достояние Твоé.
АПОСТОЛ
Чтец: Деяний святых апóстол чтéние.
(Деян.зач.16): Во дни óны, умнóжившимся ученикóм, бысть роптáние éллином ко еврéем, яко презирáеми бывáху во вседнéвнем служéнии вдовицы их. Призвáвше же дванáдесять мнóжество ученик, рéша: не угóдно есть нам, остáвльшим слóво Бóжие, служити трапéзам. Усмотрите убо, брáтие, мужи от вас свидéтелствованы седмь, испóлнены Духа Свята и премудрости, ихже постáвим над службою сéю. Мы же в молитве и служéнии слóва пребудем. И угóдно бысть слóво сиé пред всем нарóдом. И избрáша Стефáна, мужа испóлнена вéры и Духа Свята, и Филиппа, и Прóхора и Никанóра, и Тимона, и Пармéна, и Николáа пришéльца Антиохийскаго. Иже постáвиша пред апóстолы, и помолившеся положиша на ня руки. И слóво Бóжие растяше, и мнóжашеся числó ученик во Иерусалиме зелó: мног же нарóд свящéнников послушаху вéры.
[Русский перевод (синодальный)]В эти дни, когда умножились ученики, произошел у Еллинистов ропот на Евреев за то, что вдовицы их пренебрегаемы были в ежедневном раздаянии потребностей. Тогда двенадцать Апостолов, созвав множество учеников, сказали: нехорошо нам, оставив слово Божие, пещись о столах. Итак, братия, выберите из среды себя семь человек изведанных, исполненных Святого Духа и мудрости: их поставим на эту службу; а мы постоянно пребудем в молитве и служении слова. И угодно было это предложение всему собранию; и избрали Стефана, мужа, исполненного веры и Духа Святого, и Филиппа, и Прохора, и Никанора, и Тимона, и Пармена, и Николая Антиохийца, обращенного из язычников; их поставили перед Апостолами, и сии, помолившись, возложили на них руки. И слово Божие росло, и число учеников весьма умножалось в Иерусалиме; и из священников очень многие покорились вере. (Деян.16.6:1-7)
Аллилуиарий Триоди (недели мироносиц), глас 8
Чтец: Аллилуиа, аллилуиа, аллилуиа, глас осьмый.
Хор: Аллилуиа, аллилуиа, аллилуиа.
Чтец: Благоволил еси Гóсподи зéмлю Твою, возвратил еси плен Иáковль.
Хор: Аллилуиа, аллилуиа, аллилуиа.
Чтец: Милость и истина сретóстеся, прáвда и мир облобызáстася.
Хор: Аллилуиа, аллилуиа, аллилуиа.
ЕВАНГЕЛИЕ
От Мáрка Святáго Евáнгелия чтéние.
Хор: Слáва Тебé, Гóсподи, слáва Тебé.
(Мк.зач.69) Во врéмя óно прииде Иóсиф, иже от Аримафéа, благообрáзен совéтник, иже и той бе чáя Цáрствия Бóжия, дерзнув вниде к Пилáту, и проси тéло Иисусово. Пилáт же дивися, áще ужé умре, и призвáв сóтника, вопроси егó: áще ужé умре? И увéдев от сóтника, дадé тéло Иóсифови. И купив плащаницу, и снемь Егó, обвит плащаницею, и положи Егó во гроб, иже бе изсéчен от кáмене: и привали кáмень над двéри грóба. Мария же Магдалина, и Мария Иосиева зрясте, где Егó полагáху. И минувши суббóте, Мария Магдалина и Мария Иáковля и Саломиа, купиша аромáты, да пришéдша помáжут Иисуса. И зелó заутра во едину от суббóт приидóша на гроб, возсиявшу сóлнцу, и глагóлаху к себé: кто отвалит нам кáмень от двéрий грóба? [И воззре́вша видеша, яко отвалéн бе кáмень:] бе бо вéлий зелó. И влéзше во гроб, видеша юношу седяща в десных, одéяна во одéжду белу, и ужасóшася. Он же глагóла им: не ужасáйтеся. Иисуса ищете Назарянина распятаго: востá, несть зде; се, мéсто, идéже положиша Егó. Но идите, рцыте ученикóм Егó и Петрóви, яко варяет вы в Галилéи: тáмо Егó видите, якоже речé вам. И изшéдше бежáша от грóба: имяше же их трéпет и ужас. И ни комуже ничтóже рéша, бояху бо ся.
[Русский синодальный перевод]По прошествии субботы Мария Магдалина и Мария Иаковлева и Саломия купили ароматы, чтобы идти помазать Его. По прошествии субботы Мария Магдалина и Мария Иаковлева и Саломия купили ароматы, чтобы идти помазать Его. И весьма рано, в первый день недели, приходят ко гробу, при восходе солнца, и говорят между собою: кто отвалит нам камень от двери гроба? И, взглянув, видят, что камень отвален; а он был весьма велик. И, войдя во гроб, увидели юношу, сидящего на правой стороне, облеченного в белую одежду; и ужаснулись.Он же говорит им: не ужасайтесь. Иисуса ищете Назарянина, распятого; Он воскрес, Его нет здесь. Вот место, где Он был положен. Но идите, скажите ученикам Его и Петру, что Он предваряет вас в Галилее; там Его увидите, как Он сказал вам. И, выйдя, побежали от гроба; их объял трепет и ужас, и никому ничего не сказали, потому что боялись. (Мк.15:43-16:8)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилáте, и страдáвша и погребенна. И воскресшаго в третий день по Писáнием, и возшедшаго на небесá и седяща одесную Отцá. И пáки грядущаго со слáвою судити живым и мертвым, Егоже Цáрствию не будет концá. И в Духа Святáго, Господа, Животворящаго, Иже от Отцá исходящаго, Иже со Отцем и Сыном спокланяема и сслáвима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чáю воскресения мертвых, и жизни будущаго века. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
КОНДАК АНТИПАСХИ, ГЛАС 8
Любопытною десницею/ жизноподáтельная Твоя рéбра Фомá испытá, Христé Бóже,/ созаключéнным бо двéрем яко вшел еси,/ с прóчими апóстолы вопияше Тебé:// Госпóдь еси и Бог мой.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Вместо Достойно есть
Задостóйник: Ангел вопияше Благодáтней:/ Чистая Дéво, рáдуйся!/ И пáки реку: рáдуйся!/ Твой Сын воскрéсе/ триднéвен от грóба,/ и мéртвыя воздвигнувый:// людие, веселитеся.
Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Воскресый из мéртвых, Христé, истинный Бог наш, молитвами Пречистыя Своея Мáтере, святых слáвных и всехвáльных Апóстол, Святых жен-мироносиц (Марии Магдалины, Марии Клеóповой, Саломии, Иоáнны, Мáрфы и Марии, Сусáнны и иных), праведных Иóсифа Аримафейского и Никодима, ихже и пáмять ныне совершáем, святых и прáведных богоотéц Иоакима и Анны, и всех святых, помилуй и спаси нас, яко Благ и Человеколюбец. Аминь.
Христóс воскрéсе! Воистину воскрéсе!
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (трижды)
И нам даровá живóт вéчный, покланяемся Егó триднéвному Воскресéнию.
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!