Неделя 27 по Пятидесятнице. Иконы Божией Матери "Знамение", вмч. Иакова. ОБЕДНИЦА (Изобразительные)
10 декабря́ 2023 гóда. Недéля 27 по Пятидеся́тнице. Iкóны Бóжiей Мáтери, именýемой «Знáменiе». Вмч. Iáкова Пéрсянина. Глас 2. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познá создáнїе нáше,/ помянý, яко персть есмы́./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 2): Глас Ти принóсим разбóйничь, и мóлимся: помянѝ нас, Спáсе, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Крест Тебè принóсим в прощéнiе прегрешéнiй: егóже нас рáди прiя́л есѝ, Человеколю́бче.
На 8. Хор: Блажéни мúлостивiи,/ я́ко тíи помúловани бýдут.
Чтец: Покланя́емся Твоемý, Влады́ко, погребéнiю и востáнiю: и́миже от тлéнiя избáвил есѝ мiр, Человеколю́бче.
Хор: Блажéни чúстiи сéрдцем,/ я́ко тíи Бóга ýзрят.
Чтец: Смéртiю Твоéю, Гóсподи, пожéрта бысть смерть: и Воскресéнiем Твои́м, Спáсе, мiр спасл есѝ.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицы срéтил есѝ, воскрéс от грóба, и ученикóм возвести́л есѝ, рещѝ Твоè востáнiе.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: И҆́же во тьме спя́щiи Тя, свет, ви́девше, в преиспóднейших áдовых, Хрїстè, воскресóша.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
Чтец (стiхúры Богорóдицы «Знáменiе», глас 6): Тобóю, Хрїстè, Небесà утверждáема вся,/ Слóво Бóжiе и си́ла,/ исповéдают слáву неизречéнну/ и вседéтельныя рукѝ Твоея́ сотворéнiе,// несть бо пресвя́т, рáзве Тебè, Гóсподи.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Я́ко звéри, устреми́вшеся на стáдо Твоè, Пречи́стая,/ но Ты тех чéлюсти сокрушѝ// и сих нéмощны до концà показà.
Хор: Слáва Ѻтцý и Сы́ну и Святóму Дýху.
Чтец: Óбщаго пáстыря, Влады́ку Хрїстà рóждши, Дéво неискусобрáчная,/ Томý моли́ся настоя́щего гнéва избáвити нас// и проти́вных обстоя́нiя, Влады́чице.
Хор: И ны́не и прúсно и во вéки векóв. Амúнь.
Богорóдичен: Ми́лостивая, Ми́лостиваго рóждши Спáса,/ виждь озлоблéнiе и воздыхáнiе людéй Твои́х,// ускорѝ, Пречи́стая, и ущéдри ны.
Тропари и кондаки
Тропáрь воскрéсный, глас 2: Егдà снизшéл есѝ к смéрти, Животè Безсмéртный,/ тогдà ад умертви́л есѝ блистáнiем Божествà./ Егдà же и умéршыя от преиспóдних воскреси́л есѝ,/ вся Си́лы Небéсныя взывáху:// Жизнодáвче, Хрїстè Бóже наш, слáва Тебè.
Тропáрь Богорóдицы «Знáменiе», глас 4: Я́ко необори́мую стéну и истóчник чудéс/ стяжáвше Тя рабѝ Твоѝ,/ Богорóдице пречи́стая,/ сопроти́вных ополчéнiя низлагáем./ Тéмже мóлим Тя:/ мир грáду Твоемý дáруй// и душáм нáшим вéлiю ми́лость.
Тропáрь вмч. Iáкова Пéрсянина, глас 4: Мучéнiи странноужáсными и дóблестiю терпéнiя/ всех преудиви́л есѝ, многострадáльне,/ над кóимждо состáвом удесѝ рéзанiя,/ благодáрны мольбы̀ преди́вне изрéкл есѝ Гóсподу./ Тем, во страдáнiи твоéм венéц прiéм,/ к Престóлу возшéл есѝ Небéснаго Царя́ Хрїстà Бóга, Iáкове,// Тогò молѝ спастѝ дýши нáша.
Кондáк воскрéсный, глас 2: Воскрéсл есѝ от грóба, Всеси́льне Спáсе,/ и ад, ви́дев чýдо, ужасéся,/ и мéртвiи востáша;/ тварь же ви́дящи срáдуется Тебè,/ и Адáм свесели́тся,// и мiр, Спáсе мой, воспевáет Тя при́сно.
Слáва Ѻтцý и Сы́ну и Святóму Дýху.
Кондáк вмч. Iáкова Пéрсянина, глас 2: Увéрився дóброю сопрýжницею, терпеливодýшне,/ и стрáшнаго Суди́ща убоя́вся,/ Пéрсское повелéнiе и страх, Iáкове, поплевáл есѝ/ и яви́лся есѝ мýченик честны́й,// тéлом, я́ко розгà, рéжемь.
И ны́не и прúсно и во вéки векóв. Амúнь.
Кондáк Iкóны Бóжiей Мáтери (Знáменiе), глас 4: Честнáго óбраза Твоегò знáменiе/ прáзднующе лю́дiе Твоѝ, Богороди́тельнице,/ и́мже ди́вную побéду на сопроти́вныя грáду Твоемý даровáла есѝ./ Тéмже Тебè вéрою взывáем:// рáдуйся, Дéво, хрїстiáн похвалò.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 2
Чтец: Прокíмен, глас вторы́й, псалóм Давíдов: Крéпость моя́ и пéнiе моè Госпóдь, и бысть мне во Спасéнiе. (Пс.117:14)
Хор: Крéпость моя́ и пéнiе моè Госпóдь,/ и бысть мне во Спасéнiе.
Чтец: Наказýя наказà мя Госпóдь, смéрти же не предадè мя. (Пс.117:18)
Хор: Крéпость моя́ и пéнiе моè Госпóдь,/ и бысть мне во Спасéнiе.
Прокимен Богородицы, глaс 3
Чтец: Прокíмен, глас трéтiй, песнь Богорóдицы: Вели́чит душà Моя́ Гóспода, и возрáдовася дух Мой о Бóзе Спáсе Моéм. (Лк.1:46Б-47)
Хор: Велúчит душà Моя́ Гóспода,/ и возрáдовася дух Мой о Бóзе Спáсе Моéм.
АПОСТОЛ
Чтец: Ко Ефесéем послáнiя святáго апóстола Пáвла чтéнiе.
(Еф.зач.233): Брáтiе, возмогáйте о Гóсподе и в держáве крéпости Егò, облецы́теся во вся орýжiя Бóжiя, я́ко возмощѝ вам стáти проти́ву кóзнем дiáвольским, я́ко несть нáша брань к крóви и плóти, но к начáлом и ко властéм и к мiродержи́телем тмы вéка сегò, к духовóм злóбы поднебéсным. Сегò рáди прiими́те вся орýжiя Бóжiя, да возмóжете проти́витися в день лют и вся содéявше стáти. Стáните ýбо препоя́сани чреслà вáша и́стиною, и обóлкшеся в броня́ прáвды, и обýвше нóзе во уготóванiе благовествовáнiя ми́ра, над всéми же воспрiи́мше щит вéры, в нéмже возмóжете вся стрéлы лукáваго разжжéнныя угаси́ти. И шлем спасéнiя воспрiими́те, и мечь духóвный, и́же есть глагóл Бóжiй.
[Синодальный перевод]Наконец, братия мои, укрепляйтесь Господом и могуществом силы Его. Облекитесь во всеоружие Божие, чтобы вам можно было стать против козней диавольских, потому что наша брань не против крови и плоти, но против начальств, против властей, против мироправителей тьмы века сего, против духов злобы поднебесных. Для сего приимите всеоружие Божие, дабы вы могли противостать в день злой и, все преодолев, устоять. Итак станьте, препоясав чресла ваши истиною и облекшись в броню праведности, и обув ноги в готовность благовествовать мир; а паче всего возьмите щит веры, которым возможете угасить все раскаленные стрелы лукавого; и шлем спасения возьмите, и меч духовный, который есть Слово Божие. (Еф.6:10-17)
(Евр.зач.320): Брáтiе, имéяше пéрвая ски́нiа оправдáнiя слýжбы, святóе же людскóе. Ски́нiа бо сооруженà бысть пéрвая, в нéйже свети́льник, и трапéза, и предложéнiе хлéбов, я́же глагóлется Святáя. По вторéй же завéсе ски́нiа глагóлемая, Святáя святы́х. Злáту имýщи кади́льницу, и ковчéг завéта оковáн всю́ду злáтом, в нéмже стáмна златà имýщая мáнну, и жезл Аарóнов прозя́бшiй, и скрижáли завéта. Превы́шше же eгò херувíми слáвы, осеня́ющiи oлтáрь: о ни́хже несть ны́не глагóлати подрóбну. Сим же тáко устрóeным, в пéрвую ýбо ски́нiю вы́ну вхождáху свящéнницы, слýжбы совершáюще. Во вторýю же eди́ною в лéто eди́н архiерéй, не без крóве, ю́же принóсит за себè, и о людски́х невéжествiих.
[Синодальный перевод]Братья, имел и первый завет постановления о служении и святилище, принадлежащее этому миру. Ибо устроена была скиния первая, в которой был и светильник, и трапеза, и предложение хлебов: она называется “Святое”. За второй же завесой - скиния, называемая “Святое Святых”, имеющая золотую кадильницу, и ковчег завета, со всех сторон покрытый золотом, в котором - сосуд золотой с манной, и жезл Аарона расцветший, и скрижали завета; а над ним - Херувимы славы, осеняющие очистилище, о чем не стоит ныне говорить подробно. И при таком устройстве в первую скинию постоянно входят священники, совершая служение, но во вторую - однажды в год один только первосвященник, не без крови, которую он приносит за себя и за грехи неведения народа. (Евр.9:1-7)
Аллилуарий воскресный, глас 2
Чтец: Аллилýїа, аллилýїа, аллилýїа, глас вторы́й, псалóм Давíдов:
Хор: Аллилýїа, аллилýїа, аллилýїа.
Чтец: Услы́шит тя Госпóдь в день печáли, защи́тит тя И҆́мя Бóга Iáковля. (Пс.19:2)
Хор: Аллилýїа, аллилýїа, аллилýїа.
Чтец: Гóсподи, спасѝ царя́, и услы́ши ны, вóньже áще день призовéм Тя. (Пс.19:10)
Хор: Аллилýїа, аллилýїа, аллилýїа.
Аллилуарий Богородицы, глас 8
Чтец: Аллилýїа, аллилýїа, аллилýїа, глас осьмы́й. Слы́ши, Дщи, и виждь, и приклонѝ ýхо Твоè. (Пс.44:11А)
Хор: Аллилýїа, аллилýїа, аллилýїа.
Чтец: Лицý Твоемý помóлятся богáтiи лю́дстiи. (Пс.44:13Б)
Хор: Аллилýїа, аллилýїа, аллилýїа.
ЕВАНГЕЛИЕ
От Лукѝ Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Лк.зач.71): Во врéмя óно, бе учя́ Iисýс на еди́ном от сóнмищ в суббóту. И се женà бе имýщи дух недýжен лет осмьнáдесять, и бе сля́ка и не могýщи восклони́тися отню́д. Ви́дев же ю́ Iисýс, пригласѝ и речè ей: жéно, отпущенà есѝ от недýга твоегò. И возложѝ на ню рýце, и áбiе прострéся и слáвляше Бóга. Отвещáв же старéйшина собóру, негодýя, занè в суббóту исцелѝ ю́ Iисýс, глагóлаше нарóду: шесть днíй есть, в ня́же достóит дéлати, в ты́я ýбо приходя́ще цели́теся, а не в день суббóтный. Отвещáв же ýбо емý Госпóдь и речè: лицемéре, кóждо вас в суббóту не отрешáет ли своегò волà илѝ ослà от я́слiй, и вед напая́ет? Сiю́ же дщерь Авраáмлю сýщу, ю́же связà сатанà, се осмоенáдесяте лéто, не достóяше ли разреши́тися ей от ю́зы сея́ в день суббóтный? И сiя́ Емý глагóлющу, стыдя́хуся вси противля́ющiися Емý, и вси лю́дiе рáдовахуся о всех слáвных бывáющих от Негò.
[Синодальный перевод]В одной из синагог учил Он в субботу. Там была женщина, восемнадцать лет имевшая духа немощи: она была скорчена и не могла выпрямиться. Иисус, увидев ее, подозвал и сказал ей: женщина! ты освобождаешься от недуга твоего. И возложил на нее руки, и она тотчас выпрямилась и стала славить Бога. При этом начальник синагоги, негодуя, что Иисус исцелил в субботу, сказал народу: есть шесть дней, в которые должно делать; в те и приходи́те исцеляться, а не в день субботний. Господь сказал ему в ответ: лицемер! не отвязывает ли каждый из вас вола своего или осла от яслей в субботу и не ведет ли поить? сию же дочь Авраамову, которую связал сатана вот уже восемнадцать лет, не надлежало ли освободить от уз сих в день субботний? И когда говорил Он это, все противившиеся Ему стыдились; и весь народ радовался о всех славных делах Его.(Лк.13:10-17)
(Лк.зач.54): Во врéмя óно, вни́де Iисýс в весь нéкую: женà же нéкая и҆́менем Мáрфа прiя́т Егó в дом свой. И сестрà ей бе нарицáемая Марíа, я́же и сéдши при ногý Iисýсову, слы́шаше слóво Егò. Мáрфа же мóлвяше о мнóзе слýжбе, стáвши же речè: Гóсподи, не брежéши ли, я́ко сестрà моя́ еди́ну мя остáви служи́ти; рцы ýбо ей, да ми помóжет. Отвещáв же Iисýс, речè ей: Мáрфо, Мáрфо, печéшися и мóлвиши о мнóзе. Еди́но же есть на потрéбу. Марíа же благýю часть избрà, я́же не оты́мется от нея́. Бысть же егдà глагóлаше сiя́, воздви́гши нéкая женà глас от нарóда, речè Емý: блажéно чрéво носи́вшее Тя, и сосцà, яже есѝ ссал. Он же речè: тéмже ýбо блажéни слы́шащiи слóво Бóжiе, и храня́щiи è.
[Синодальный перевод]В те дни пришел Иисус в одно селение; здесь женщина, именем Марфа, приняла Его в дом свой; у неё была сестра, именем Мария, которая села у ног Иисуса и слушала слово Его. Марфа же заботилась о большом угощении и, подойдя, сказала: Господи! или Тебе нужды нет, что сестра моя одну меня оставила служить? скажи ей, чтобы помогла мне. Иисус же сказал ей в ответ: Марфа! Марфа! ты заботишься и суетишься о многом, а одно только нужно; Мария же избрала благую часть, которая не отнимется у неё. Когда же Он говорил это, одна женщина, возвысив голос из народа, сказала Ему: блаженно чрево, носившее Тебя, и сосцы, Тебя питавшие! А Он сказал: блаженны слышащие слово Божие и соблюдающие его.(Лк.10:38-42,11:27-28)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 2: Воскрéсл есѝ от грóба, Всеси́льне Спáсе,/ и ад, ви́дев чýдо, ужасéся,/ и мéртвiи востáша;/ тварь же ви́дящи срáдуется Тебè,/ и Адáм свесели́тся,// и мiр, Спáсе мой, воспевáет Тя при́сно.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Достойно есть
Хор: Достóйно есть я́ко воúстинну блажúти Тя, Богорóдицу,/ Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сы́не Бóжiй, моли́твами пречи́стыя Своея́ Мáтере, святы́х слáвных и всехвáльных Апóстол, преподóбных и богонóсных отéц наших и всех святы́х, поми́лует и спасéт нас, я́ко Благ и Человеколю́бец.