Неделя 24 по Пятидесятнице. Прп. Варлаама Хутынского, глас 7 ВСЕНОЩНОЕ БДЕНИЕ ВЕЛИКАЯ ВЕЧЕРНЯ
19 ноября́ 2023 гóда. Недéля 24 по Пятидеся́тнице. Преподóбнаго отцá нáшего Варлаáма Новгорóдскаго чудотвóрца, игýмена Хýтыня монастыря́. Глас 7. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душè моя́, Гóспода./ Благословéн есѝ, Гóсподи./ Гóсподи, Бóже мой, возвели́чился есѝ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредè гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душè моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своè, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижè обратя́тся покры́ти зéмлю. Посылáяй истóчники в дéбрех, посредè гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицè елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себè. Возсiя́ сóлнце и собрáшася и в лóжах свои́х ля́гут. Изы́дет человéк на дéло своè и на дéланiе своè до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебè чáют, дáти пи́щу им во блáго врéмя. Дáвшу Тебè им соберýт, отвéрзшу Тебè рýку вся́ческая испóлнятся блáгости, отврáщшу же Тебè лицè, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицè землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животè моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душè моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своè, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижè грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речè ко Мне: Сын Мой еси Ты, Аз днесь роди́х Тя. Просѝ от Менè, и дам Ти язы́ки достоя́нiе Твоè, и одержáнiе Твоè концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоè.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоè.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 7
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонмѝ глáсу молéнія моегó,/ внегдá воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моè в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдá исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менè.
На 10 Чтец: Изведù из темнúцы дýшу мою́,// исповéдатися úмени Твоемý.
Стiхúры воскрéсные, глас 7: Пpiиди́те, возpáдуемся Гóсподеви,/ сокpуши́вшему смépти деpжáву,/ и пpосвети́вшему человéческiй pод,/ со безплóтными зовýще:// Содéтелю и Спáсе наш, слáва Тебè.
Менè ждут прáведницы,// дóндеже воздáси мне.
Стiхúра: Кpест пpетеpпéл есѝ Спáсе,/ и погpебéнiе нас páди,/ смépтiю же я́ко Бог смеpть умеpтви́л есѝ./ Тéмже покланя́емся тpиднéвному воскpесéнiю Твоемý:// Гóсподи, слáва Тебè.
На 8. Стiх: Из глубины̀ воззвáх к Тебè, Гóсподи,// Гóсподи, услы́ши глас мой.
Стiхúра: Апóстоли ви́девше воскpесéнiе Содéтеля, чудя́хуся,/ пою́ще хвалý Áнгельскую:/ сiя́ слáва есть цеpкóвная,/ сié богáтство Цápствiя:// постpадáвый нас páди, Гóсподи, слáва Тебè.
Да бýдут ýши Твоù// внéмлюще глáсу молéнiя моегò.
И҆́ны стiхúры анатóлiевы: Áще и ят был есѝ Хpїстè, от беззакóнных мужéй,/ но Ты ми есѝ Бог, и не постыждýся;/ бiéн был есѝ по плещéма, не отметáюся;/ на Кpестè пpигвождéн был есѝ, и не таю́;/ востáнiем Твои́м хвалю́ся:/ смеpть бо Твоя́ живóт мой,// Всеси́льне и Человеколю́бче Гóсподи, слáва Тебè.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúра: Давíдское пpоpóчество исполня́я Хpїстóс,/ вели́чествiе в Сióне Своè ученикóм откpы́л есть,/ хвали́ма показýя Себè,/ и слáвима пpи́сно со Отцéм же и Дýхом Святы́м:/ пépвее ýбо безплóтна, я́ко Слóва,/ последѝ же нас páди воплощéна,/ и умеpщвлéна я́ко человéка, и воскpéсша со влáстiю,// я́ко Человеколю́бца.
И҆́мене рáди Твоегò потерпéх Тя, Гóсподи, потерпè душà моя́ в слóво Твоè,// уповà душà моя на Гóспода.
Стiхúра: Сошéл есѝ во ад Хpїстè, я́коже восхотéл есѝ:/ испpовépгл есѝ смеpть, я́ко Бог и Влады́ка:/ и воскpéсл есѝ тpиднéвен,/ совоскpеси́в Адáма от áдовых уз и тлéнiя,/ зовýща и глагóлюща:/ слáва Воскpесéнiю Твоемý,// Еди́не Человеколю́бче.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúры прп. Варлаáма Хýтынскаго, самоглáсны, глас 8: Преподóбне и Богоблажéнне óтче наш Варлаáме,/ поучи́вся в зáповедех Госпóдних день и нощь/ и в закóне Егó достóйно пожи́в,/ обрéл есѝ лéствицу Небéсную,/ по нéйже возшéд, дости́гл есѝ Гóрняго Iерусали́ма./ Болéзней и пóдвиг достóйную пóчесть прiéмля,/ и с Вы́шними рáдуешися,/ Божéственнаго зрéнiя наслаждáяся,/ от Царя́ бо цáрствующих, Хрїстá, венцéм венчáлся есѝ/ и Цáрствiя Егó снаслéдник был есѝ./ Но я́ко имéя дерзновéнiе ко Хрїстý,/ мíру мир испросѝ/ и душáм нáшим вéлiю ми́лость.
Яко у Гóспода мúлость, и мнóгое у Негò избавлéнiе,// и Той избáвит Iзрáиля от всех беззакóнiй eгò.
Стiхúра: Я́ко чи́стое и несквéрное зерцáло,/ яви́лся есѝ в Вы́шних ликостоя́нiих,/ тéмже и чи́стаго рáди житiя́ твоегó/ Трóицы жили́ще показáлся есѝ./ И, я́ко светонóсное сóлнце,/ в твоéй оби́тели сiя́я, Варлаáме, яви́лся есѝ,/ и всю поднебéсную просвещáя./ И, я́коже вторы́й Моисéй,/ крестá жезлóм мóре страстнóе пресéкл есѝ,/ мы́сленнаго же Амали́ка победи́в,/ безврéдно Небéсный восхóд обрéл есѝ,/ и со Безплóтными Трóице предстоя́,/ молѝ спасти́ся душáм нáшим.
На 2. Стiх: Хвалúте Гóспода вси язы́цы, похвалúте Егò вси лю́дiе.
Стiхúра: Преподóбре óтче и Богонóсе Варлаáме,/ си́лою крестá утверди́вся,/ страстны́я потóки изсуши́л есѝ/ и рáдостiю и весéлiем душѝ дости́гл есѝ,/ идéже глас прáзднующих слы́шашеся,/ и крáснаго и неизречéннаго óнаго весéлiя насыщáешися./ Тем и свéтлыми тя венцы́ Хрїстóс обогатѝ./ Всечестны́я же мóщи исцелéнiй неоскýдный истóчник/ источáют вéрою приходя́щим./ Тем, со стрáхом и любóвiю предстоя́ще, мóлимся:/ моли́ся, преподóбне óтче наш,/ спасти́ся душáм нáшим.
Яко утвердúся мúлость Егò на нас,// и и҆́стина Госпóдня пребывáет во век.
Стiхúра: Чи́стое и пречестнóе прiя́телище яви́лся есѝ Дýха Пресвятáго,/ Варлаáме преподóбне,/ Безплóтным бо во плóти подóбяся,/ и тех житiю́ подражáл есѝ./ Сегó рáди от вседéтельныя венчáлся есѝ Десни́цы/ и чудéс исцелéнiй от Негó сподóбился есѝ,/ áще бо и престáвился еси́ от землѝ,/ но Бóгу жив предстои́ши со Áнгелы/ и мóлишися о душáх нáших.
Слáва Отцý и Сыну и Святóму Дýху.
Стiхúра прп. Варлаáма Хýтынскаго, глас тóйже: Всечестны́я и чудотвóрныя мóщи твоя́, Варлаáме óтче наш,/ исцелéнiя неоскýдно подаю́т притекáющим с вéрою/ и душетлéнныя стрáсти исцеля́ют,/ мнóжества же дéмонов отревáют./ Тéмже и стадá монáхов, твои́ми чудесы́ удивля́еми,/ рáдостно от душѝ вопiéм:/ Богоблажéнне и преподóбне óтче наш Варлаáме,/ молѝ Хрїстá Бóга/ ущéдрити мiр и спастѝ дýши нáша.
И ны́не и прúсно и во вéки векóв, амúнь.
Догмáтик. Глас 7: Мáти ýбо познáлася есѝ,/ пáче естествá, Богоpóдице,/ пpебылá же есѝ Дéва,/ пáче слóва и páзума:/ и чудесè Рождествá Твоегó сказáти язы́к не мóжет./ Пpеслáвну бо сýщу зачáтiю Чи́стая,/ непости́жен есть óбpаз pождéнiя:/ идéже бо хóщет Бог, побеждáется естествá чин./ Тéмже Тя вси, Мáтеpь Бóжiю вéдуще,/ мóлим Ти ся пpилéжно,// молѝ спасти́ся душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утвердѝ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоè во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебè подобáет хвалá. Тебè подобáет пéнiе,/ Тебè слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры прп. Варлаáма, глас 2: Дýха Святáго теплотóю, мýдре,/ желáнiе сéрдца твоегó éже ко Гóсподу согрéяв/ и зи́му страстéй умертви́в,/ многокóзненную же си́лу и дéмонскую низложи́л есѝ/ и в конéц нéмощны ты́я показáл есѝ,/ Небéсная же вóинства удиви́в терпéнiем свои́м,/ но я́ко пóстников подражáтель/ и преподóбных сожи́тель,/ молѝ спасти́ся душáм нáшим.
Взем крест Госпóдень, преподóбне Варлаáме,/ терпели́вно послéдовал есѝ на Крестè нас рáдѝ Распéншемуся,/ и Егó рáди любвè вся остáвил есѝ,/ и Тогó еди́наго, Хрїстá, возлюби́л есѝ./ Емýже и со Áнгелы предстоя́,/ молѝ уще́дрити мiр/ и спастѝ дýши нáша.
Слáва Ѻтцý и Сы́ну и Святóму Дýху.
Стiхúра прп. Варлаáма, глас 2: Я́ко прiéм, óтче, Небéсное сéмя,/ плод стори́чествующ добродéтелей принéсл есѝ,/ Варлаáме óтче наш,/ питáя благочéстно глáдом тáющiя добродéтелей,/ отонýдуже исцелéнiя вéрою приходя́щим подаéши./ Тéмже, я́ко имéя дерзновéнiе ко Хрїстý,/ молѝ, преподóбне óтче наш,/ спасти́ся вéрою чтýщим тя/ и прáзднующим любóвiю пáмять твою́.
И ны́не и прúсно и во вéки векóв, амúнь.
Богорóдичен воскрéсен, глас 2 (по глáсу «Слáвы»): О чудесè нóваго всех дрéвних чудéс!/ Кто бо познá мáтерь без мýжа рóждшую,/ и на рукý нося́щую,/ всю тварь Содержáщаго?/ Бóжiе есть изволéнiе, Рóждшееся./ Егóже я́ко Младéнца, Пречи́стая,/ Твои́ма рукáма носи́вшая,/ и Мáтерне дерзновéнiе к Немý имýщая,/ не престáй моля́щи о чтýщих Тя,// ущéдрити и спастѝ дýши нáша.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 7): Воскpéсл есѝ из гpóба Спáсе мípа,/ и совоздви́гл есѝ человéки с плóтiю Твоéю:// Гóсподи, слáва Тебè.
Стiх: Госпóдь воцарúся, в лéпоту облечéся.
И҆́ны по алфавúту, глас 7: Воскpéсшему из мépтвых, и пpосвети́вшему вся,/ пpiиди́те поклони́мся:/ от áдова бо мучи́тельства нас свободи́л есть,/ Свои́м тpиднéвным Воскpесéнiем живóт нам даpовáвый,// и вéлiю ми́лость.
Стiх: И҆́бо утвердù вселéнную,/ я́же не подвúжется.
Во ад сошéд Хpїстè, смеpть плени́л есѝ,/ и тpиднéвен воскpéс, нас совоскpеси́л есѝ,/ слáвящих Твоè всеси́льное востáнiе,// Гóсподи Человеколю́бче.
Стiх: Дóму Твоемý подобáет святы́ня, Гóсподи,/ в долготý днiй.
Стpáшен яви́лся есѝ Гóсподи, во гpóбе лежá я́ко спя,/ воскpéс же тpиднéвен я́ко си́лен,/ Адáма совоскpеси́л есѝ зовýща:/ слáва Воскpесéнiю Твоемý,// Еди́не Человеколю́бче.
Слáва Ѻтцý и Сы́ну и Святóму Дýху.
Стихúра прп. Варлаáма, глас 8: Монáхов мнóжества/ настáвника тя почитáем, óтче наш Варлаáме,/ твоéю бо стезéю вои́стинну прáво ходи́ти познáхом./ Блажéн есѝ, Хрїстý рабóтав,/ и врáжiю обличи́л есѝ си́лу,/ Áнгелов собесéдниче, преподóбных сопричáстниче и прáведных./ С ни́миже моли́ся Гóсподеви/ поми́ловатися душáм нáшим.
И ны́не и прúсно и во вéки векóв, амúнь.
Богорóдичен воскрéсен, глас 8 (по глáсу «Слáвы»): Безневéстная Дéво,/ Я́же Бóга неизречéнно зачéнши плóтiю,/ Мáти Бóга Вы́шняго,/ Твои́х рабóв мольбы́ прiимѝ, Всенепорóчная,/ всем подаю́щи очищéнiе прегрешéнiй:/ ны́не нáша молéнiя прiéмлющи,// молѝ спасти́ся всем нам.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасè и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню