Неделя 5 по Пятидесятнице. Тихвинской иконы Божией Матери.Глас 4. Прп.Давида Солунского. ОБЕДНИЦА
9 ию́ля 2023 гóда. Недéля 5 по Пятидеся́тнице, преподóбнаго Давíда Солýнскаго. Явлéнiе iкóны Пресвяты́я Влады́чицы нáшея Богорóдицы и Приснодéвы Марíи, именýемыя «Тúхвинская». Глас 4. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Áще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями
Хор: Во Цáрствiи Твоéм помянù нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 4): Дрéвом Адáм рая́ бысть изселéн;/ дрéвом же крéстным разбóйник в рай всели́ся./ Ов ýбо вкуш, зáповедь отвéрже Сотвóршаго;/ ов же сраспинáем, Бóга исповéда Тая́щагося,// помяни́ мя, вопiя́, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Вознесы́йся на Крест, смéртную разруши́вый си́лу,/ и заглáдивый, я́ко Бог, éже на ны рукописáнiе, Гóсподи,/ разбóйниче покая́нiе и нам подáждь, Еди́не Человеколю́бче,/ вéрою служáщим, Хрїстé Бóже наш, и вопiю́щим Ти:// помяни́ и нас во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Рукописáнiе нáше на Крестé копiéм раздрáл еси́,/ и вмени́вся в мéртвых, тáмошняго мучи́теля связáл еси́,/ избáвивый всех от уз áдовых воскресéнiем Твои́м,/ и҆́мже просвети́хомся, Человеколю́бче Гóсподи, и вопiéм Ти:// помяни́ и нас во Цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Распны́йся и воскресы́й я́ко Си́лен из грóба триднéвен,/ и первоздáннаго Адáма воскреси́вый, Еди́не Безсмéртне:/ и менé на покая́нiе обрати́тися, Гóсподи, сподóби от всегó сéрдца моегó,/ и тéплою вéрою при́сно взывáти Ти:// помяни́ мя, Спáсе, во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Нас рáди, И҆́же безстрáстен, стрáстный бысть человéк,/ и вóлею на Крестé пригвождéйся, нас совоскреси́,/ тéмже и слáвим со Крестóм страсть и воскресéнiе,/ и҆́миже возсоздáхомся, и҆́миже и спасáемся, взывáюще:// помяни́ и нас во Цáрствiи Твоéм.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Воскрéсшаго из мéртвых, и áдову держáву плени́вшаго,/ и ви́дима женáми миронóсицами, рáдуйтеся, глагóлющаго,/ вéрнiи умóлим, от истлéнiя избáвити дýши нáша,/ зовýще всегдá разбóйника благоразýмнаго глáсом к Немý:// помяни́ и нас во Цáрствiи Твоéм.
На 4. Хор: Блажéни естè, егдá понóсят вам,/ и изженýт, и рекýт всяк зол глагóл на вы лжýще Менé рáди.
На 4.Чтец (Богорóдицы, глас 8): Гряди́те, вéрнiи, на преслáвное видéнiе,/ зри́те на высотé благолéпно сiя́ющу пречи́стым Свои́м óбразом Дéву Пречи́стую,/ нас благодáтно посещáющу, благовéрно пою́щих:// несть пречи́сты, пáче Тебé, Влады́чице.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Освящáется, Богорóдице, Твоéю благодáтiю всяк ум вéрных/ и возвышáется чýдным iкóны Твоея́ пришéствiем,/ ю́же благочéстно почитáющих и Тебé вéрно слáвящих,// сподóби, Влады́чице, нас, рабóв Твои́х, Вы́шняго причáстiя.
Хор: Слáва Ѻтцý и Сы́ну и Святóму Дýху.
Чтец: Даждь нам ненавéтно Небéсную шéствовати стезю́, Богоневéстная,/ на Божéственная дея́нiя нас укрепля́ющи,/ я́ко да Твои́м, Дéво, заступлéнiем// злокóзненнаго путéй уклóньшеся, присносýщныя слáвы бýдем óбщницы.
Хор: И ны́не и прúсно и во вéки векóв. Амúнь.
Богорóдичен: Áнгелов Творцá, и́стиннаго Свéта Хрїстá,/ неизречéнно из Тебé, Богомáти, возсiя́вшаго лучáми,/ омрачéнныя нáша дýши и сердцá просвети́/ и благодáтiю Твоéю, о Благодáтная, освяти́,// к Гóрняго свéта рачéнiю наставля́ющи.
Тропари и кондаки
Тропáрь воскрéсный, глас 4: Свéтлую Воскресéнiя прóповедь/ от Áнгела увéдевша Госпóдни учени́цы/ и прáдеднее осуждéнiе отвéргша,/ апóстолом хвáлящася глагóлаху:/ испровéржеся смерть,/ воскрéсе Хрїстóс Бог,// дáруяй мíрови вéлiю ми́лость.
Тропáрь iкóны Бóжiей Мáтери «Тúхвинская», глас 4: Днесь, я́ко сóлнце пресвéтлое,/ возсiя́ нам на воздýсе всечестнáя iкóна Твоя́, Влады́чице,/ лучáми ми́лости мiр просвещáющи,/ ю́же вели́кая Россíа,/ я́ко нéкiй дар Божéственный свы́ше благоговéйне воспрiéмши,/ прославля́ет Тя, Богомáти, всех Влады́чицу,/ и от Тебé рóждшагося Хрїстá Бóга нáшего величáет рáдостно./ Емýже моли́ся, о Госпожé Цари́це Богорóдице,/ да сохрани́т вся грáды и страны́ хрїстiáнскiя/ невреди́мы от всех навéт врáжiих/ и спасéт вéрою покланя́ющихся Егó Божéственному/ и Твоемý пречи́стому óбразу,// Дéво Неискусобрáчная.
Тропáрь прп. Давíда Солýнскаго, глас 8: В тебé, óтче, извéстно спасéся, éже по óбразу:/ прiи́м бо крест, послéдовал еси́ Хрїстý/ и, дéя, учи́л еси́ презирáти ýбо плоть, прехóдит бо,/ прилежáти же о души́, вéщи безсмéртней.// Тéмже и со Áнгелы срáдуется, преподóбне Давíде, дух твой.
Кондáк воскрéсный, глас 4: Спас и Избáвитель мой/ из грóба, я́ко Бог, воскресѝ от уз земнорóдныя,/ и вратá áдова сокрушѝ,/ и я́ко Влады́ка// воскрéсе триднéвен.
Слáва Ѻтцý и Сы́ну и Святóму Дýху.
Кондáк прп. Давíда Солýнскаго, глас 1: Сад присноцветýщ, добродéтелей плоды́ принося́й,/ яви́лся еси́ на садóвне дрéве, я́ко благопéснивая пти́ца;/ рай же пáче, жи́зни дрéво, Гóспода, в сéрдцы твоéм прiéм,/ я́ко воздéлав, Богомýдре,/ и́мже питáеши нас благодáтiю;// при́сно моли́ о нас, Давíде всеблажéнне.
И ны́не и прúсно и во вéки векóв, амúнь.
Кондáк Тúхвинской iкóны Бóжiей Мáтери, глас 8: Притецéм, лю́дiе, к Дéвей Богорóдице Цари́це,/ благодаря́ще Хрїстá Бóга,/ и, к Тоя́ чудотвóрней iкóне, уми́льно взирáющи, припадéм и возопiéм Ей:/ о Влады́чице Марíе,/ присети́вше странý сiю́ Твоегó честнáго óбраза явлéнiем чудéсно,/ спасáй в ми́ре и благоврéменстве отéчество нáше и вся хрїстiаны,/ наслéдники показýющи Небéсныя жи́зни,/ Тебé бо вéрно зовéм:// рáдуйся, Дéво, мíра спасéнiе.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 4
Чтец: Прокíмен, глас четвéртый, псалóм Давíдов: Я́ко возвели́чишася делá Твоя́, Гóсподи, вся премýдростiю сотвори́л еси́. (Пс.103:24А)
Хор: Я́ко возвелúчишася делá Твоя, Гóсподи,/ вся премýдростiю сотворúл есú.
Чтец: Вси язы́цы восплещи́те рукáми, воскли́кните Бóгу глáсом рáдованiя. (Пс.103:1А-1Б)
Хор: Я́ко возвелúчишася делá Твоя, Гóсподи,/ вся премýдростiю сотворúл есú.
Прокимен Богородицы, глaс 3
Чтец: Прокíмен, глас трéтiй, песнь Богорóдицы: Вели́чит душá Моя́ Гóспода, и возрáдовася дух Мой о Бóзе Спáсе Моéм. (Лк.1:46Б-47)
Хор: Велúчит душá Моя́ Гóспода,/ и возрáдовася дух Мой о Бóзе Спáсе Моéм.
АПОСТОЛ
Чтец: К Ри́мляном послáнiя святáго апóстола Пáвла чтéнiе.
(Рим.зач.103): Брáтiе, благоволéнiе моегó сéрдца и моли́тва, я́же к Бóгу по Iзрáили, есть во спасéнiе. Свидéтельствую бо им, я́ко рéвность Бóжiю и́мут, но не по рáзуму. Не разумéюще бо Бóжiя прáвды и свою́ прáвду и́щуще постáвити, прáвде Бóжiей не повинýшася. Кончи́на бо закóна Хрїстóс, в прáвду вся́кому вéрующему. Моисéй бо пи́шет прáвду ю́же от закóна, я́ко сотвори́вый та человéк жив бýдет в них. А я́же от вéры прáвда си́це глагóлет: да не речéши в сéрдцы твоéм, кто взы́дет на нéбо, си́речь Хрїстá свести́. Или́ кто сни́дет в бéздну, си́речь Хрїстá от мéртвых возвести́. Но что глагóлет Писáнiе? Близ ти глагóл есть, во устéх твои́х и в сéрдце твоéм, си́речь глагóл вéры, егóже проповéдаем. Я́ко áще исповéси усты́ твои́ми Гóспода Iисýса, и вéруеши в сéрдце твоéм, я́ко Бог Тогó воздви́же из мéртвых, спасéшися. Сéрдцем бо вéруется в прáвду, усты́ же исповéдуется во спасéнiе.
[Русский синодальный перевод]Братия, желание моего сердца и молитва к Богу об Израиле во спасение. Ибо свидетельствую им, что имеют ревность по Боге, но не по рассуждению. Ибо, не разумея праведности Божией и усиливаясь поставить собственную праведность, они не покорились праведности Божией, потому что конец закона - Христос, к праведности всякого верующего. Моисей пишет о праведности от закона: исполнивший его человек жив будет им. А праведность от веры так говорит: не говори в сердце твоем: кто взойдет на небо? то есть Христа свести. Или кто сойдет в бездну? то есть Христа из мертвых возвести. Но что говорит Писание? Близко к тебе слово, в устах твоих и в сердце твоем, то есть слово веры, которое проповедуем. Ибо если устами твоими будешь исповедовать Иисуса Господом и сердцем твоим веровать, что Бог воскресил Его из мертвых, то спасешься, потому что сердцем веруют к праведности, а устами исповедуют ко спасению.(10:1-10)
(Флп.зач.240): Брáтiе, сié да мýдрствуется в вас, éже и во Хрїстé Iисýсе. И҆́же во óбразе Бóжiи сый, не восхищéнiем непщевá бы́ти рáвен Бóгу. Но Себé умáлил, зрак рабá прiи́м, в подóбiи человéчестем быв, и óбразом обрéтеся я́коже человéк. Смири́л Себé, послушли́в быв дáже до смéрти, смéрти же крéстныя. Тéмже и Бог Егó превознесé, и даровá Емý и҆́мя, éже пáче вся́каго и҆́мене. Да о и҆́мени Iисýсове вся́ко колéно поклони́тся Небéсных, и земны́х, и преиспóдних. И всяк язы́к исповéсть, я́ко Госпóдь Iисýс Хрїстóс, в слáву Бóга Отцá.
[Русский синодальный перевод]Братия, в вас должны быть те же чувствования, какие и во Христе Иисусе: Он, будучи образом Божиим, не почитал хищением быть равным Богу; но уничижил Себя Самого, приняв образ раба, сделавшись подобным человекам и по виду став как человек; смирил Себя, быв послушным даже до смерти, и смерти крестной. Посему и Бог превознес Его и дал Ему имя выше всякого имени, дабы пред именем Иисуса преклонилось всякое колено небесных, земных и преисподних, и всякий язык исповедал, что Господь Иисус Христос в славу Бога Отца.(2:5-11)
Аллилуиарий воскресный, глас 4
Чтец: Аллилýїа, аллилýїа, аллилýїа, глас четвéртый псалóм Давíдов.
Хор: Аллилýїа, аллилýїа, аллилýїа.
Чтец: Наляцы́, и успевáй, и цáрствуй и҆́стины рáди, и крóтости, и прáвды. (Пс.44:5Б)
Хор: Аллилýїа, аллилýїа, аллилýїа.
Чтец: Возлюби́л еси́ прáвду, и возненави́дел еси́ беззакóнiе. (Пс.44:8А)
Хор: Аллилýїа, аллилýїа, аллилýїа.
Аллилуарий Богородицы, глас 8
Чтец: Аллилýїа, аллилýїа, аллилýїа, глас осьмы́й. Слы́ши, Дщи, и виждь, и приклони́ ýхо Твоé. (Пс.44:11А)
Хор: Аллилýїа, аллилýїа, аллилýїа.
Чтец: Лицý Твоемý помóлятся богáтiи лю́дстiи. (Пс.44:13Б)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.28): Во врéмя óно, пришéдшу Iисýсу в странý Гергеси́нскую, сретóста Егó два бéсна от гроб исходя́ща, лю́та зелó, я́ко не мощи́ ни комý минýти путéм тем. И се возопи́ста глагóлюще: что нам и Тебé, Iисýсе Сы́не Бóжiй? Пришéл еси́ сéмо прéжде врéмене мýчити нас. Бя́ше же далéче от нею́ стáдо свинíй мнóго пасóмо. Бéси же моля́ху Егó, глагóлюще: áще изгóниши ны, повели́ нам ити́ в стáдо свинóе. И речé им: иди́те. Они́ же изшéдше идóша в стáдо свинóе, и се áбiе устреми́ся стáдо все по брéгу в мóре, и утопóша в водáх. Пасýщiи же бежáша, и шéдше во град, возвести́ша вся, и о беснóю. И се весь град изы́де в срéтенiе Iисýсови, и ви́девше Егó, моли́ша, я́ко дабы́ прешéл от предéл их. И влез в корáбль, прéйде и прiи́де во Свой град.
[Русский синодальный перевод]В те дни, когда Он прибыл на другой берег в страну Гергесинскую, Его встретили два бесноватые, вышедшие из гробов, весьма свирепые, так что никто не смел проходить тем путем. И вот, они закричали: что Тебе до нас, Иисус, Сын Божий? пришел Ты сюда прежде времени мучить нас. Вдали же от них паслось большое стадо свиней. И бесы просили Его: если выгонишь нас, то пошли нас в стадо свиней. И Он сказал им: идите. И они, выйдя, пошли в стадо свиное. И вот, всё стадо свиней бросилось с крутизны в море и погибло в воде. Пастухи же побежали и, придя в город, рассказали обо всем, и о том, что было с бесноватыми. И вот, весь город вышел навстречу Иисусу; и, увидев Его, просили, чтобы Он отошел от пределов их. Тогда Он, войдя в лодку, переправился обратно и прибыл в Свой город.(8:28-9:1)
(Лк.зач.54): Во врéмя óно, вни́де Iисýс в весь нéкую: женá же нéкая и҆́менем Мáрфа прiя́т Егó в дом свой. И сестрá ей бе нарицáемая Марíя, я́же и сéдши при ногý Iисýсову, слы́шаше слóво Егó. Мáрфа же мóлвяше о мнóзе слýжбе, стáвши же речé: Гóсподи, не брежéши ли, я́ко сестрá моя́ еди́ну мя остáви служи́ти; рцы ýбо ей, да ми помóжет. Отвещáв же Iисýс, речé ей: Мáрфо, Мáрфо, печéшися и мóлвиши о мнóзе. Еди́но же есть на потрéбу. Марíя же благýю часть избрá, я́же не оты́мется от нея́. Бысть же егдá глагóлаше сiя́, воздви́гши нéкая женá глас от нарóда, речé Емý: блажéно чрéво носи́вшее Тя, и сосцá, яже еси́ ссал. Он же речé: тéмже ýбо блажéни слы́шащiи слóво Бóжiе, и храня́щiи é.
[Русский синодальный перевод]В те дни пришел Иисус в одно селение; здесь женщина, именем Марфа, приняла Его в дом свой; у неё была сестра, именем Мария, которая села у ног Иисуса и слушала слово Его. Марфа же заботилась о большом угощении и, подойдя, сказала: Господи! или Тебе нужды нет, что сестра моя одну меня оставила служить? скажи ей, чтобы помогла мне. Иисус же сказал ей в ответ: Марфа! Марфа! ты заботишься и суетишься о многом, а одно только нужно; Мария же избрала благую часть, которая не отнимется у неё. Когда же Он говорил это, одна женщина, возвысив голос из народа, сказала Ему: блаженно чрево, носившее Тебя, и сосцы, Тебя питавшие! А Он сказал: блаженны слышащие слово Божие и соблюдающие его.(Лк.10:38-42,11:27-28)
Хор: Слáва Тебè, Гóсподи, слáва Тебè.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 4: Спас и Избáвитель мой/ из грóба, я́ко Бог, воскресѝ от уз земнорóдныя,/ и вратá áдова сокрушѝ,/ и я́ко Влады́ка// воскрéсе триднéвен.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко воúстинну блажúти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сыне Бóжiй, моли́твами пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.