Рождество честнаго славного Пророка, Предтечи и Крестителя Господня Иоанна.ОБЕДНИЦА(Изобразительные)
7 ию́ля 2023 гóда. Рождествó честнáго слáвного Прорóка, Предтéчи и Крестúтеля Госпóдня Iоáнна. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями
Хор: Во Цáрствiи Твоéм помянù нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Хор: Блажéни áлчущiи и жáждущiи прáвды,/ я́ко тíи насы́тятся.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры Предтéчи, глас 4): Не мýдростiю, и си́лою, и богáтством хвáлимся,/ но Тобóю, О́тчею Ипостáсною Мýдростiю, Хрїстé:// несть бо свят, пáче Тебé, Человеколю́бче.
Хор: Блажéни чúстiи сéрдцем,/ я́ко тíи Бóга ýзрят.
Чтец: Влады́чне ýбо от Дéвы совершáется рождéнiе,/ но рабá любéзна от стáрицы и неплóдныя мáтере:// в лéпоту предти́чет ýбо чýдо чудеси́.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Стáрица и неплóды Дéву Мáтерь лобзáет, познáвши нелóжно Сея́ Рождествó,// я́ко разреши́ся соýз неплóдства Божéственным хотéнiем.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Неискусобрáчно Бóга воплощéнна рóждши,/ страстéй прилóги обуревáемаго мя утверди́:// несть бо, Пречи́стая, рáзве Тебé помóщницы.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец: Днесь пусты́нный граждани́н Iоáнн раждáется,/ покая́нiя проповéдник и благодáти свидéтель и́стинен,// Предтéча Слóва и Свéту предсiя́ющая звездá.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Днесь секи́ра, исковáвшися, посечéнiе предлагáет душáм неплóдiя,/ и насаждáет плоды́ добродéтельныя,// преды́дет твéрдо в рождествé твоéм, Предтéче.
Хор: Слáва Ѻтцý и Сы́ну и Святóму Дýху.
Чтец: Возрáдовася Iордáн преслáвно и игрáет, научáяся,/ Iоáнна слы́ша, от неплóдна рождéна чрéва,// мóре же ликýет водны́ми игрáнiи.
Хор: И ны́не и прúсно и во вéки векóв. Амúнь.
Богорóдичен: Бéздну ми́лости рóждшая,/ страстéй мои́х бéздну пучи́ною щедрóт Твои́х потопи́вши,// тýчу от души́ подáждь ми слез, Богороди́тельнице Всенепорóчная.
Тропари и кондаки
Тропáрь Предтéчи, глас 4: Прорóче и Предтéче пришéствiя Хрїстóва,/ достóйно восхвали́ти тя недоумéем мы, любóвiю чтýщiи тя:/ неплóдство бо рóждшiя и ѻ҆тчее безглáсiе разреши́ся/ слáвным и честны́м твои́м рождествóм,// и воплощéнiе Сы́на Бóжiя мíрови проповéдуется.
Слáва Ѻтцý и Сы́ну и Святóму Дýху.
Кондáк Предтéчи, глас 3: Прéжде неплóды днесь Хрїстóва Предтéчу раждáет,/ и той есть исполнéнiе вся́каго прорóчества:/ Егóже бо прорóцы проповéдаша,/ на Сегó во Iордáне рýку положи́в,// яви́ся Бóжiя Слóва прорóк, проповéдник, вкýпе и Предтéча.
И ны́не и прúсно и во вéки векóв. Амúнь.
Кондáк Богорóдицы, глас 6: Предстáтельство хрїстiáн непосты́дное,/ ходáтайство ко Творцý непрелóжное,/ не прéзри грéшных молéнiй глáсы,/ но предвари́, я́ко Благáя,/ на пóмощь нас, вéрно зовýщих Ти;/ ускори́ на моли́тву и потщи́ся на умолéнiе,// предстáтельствующи при́сно, Богорóдице, чтýщих Тя.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 раза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен Предтечи, глас 7
Чтец: Прокíмен, глас седьмы́й, псалóм Давíдов: Возвесели́тся прáведник о Гóсподе и уповáет на негó. (Пс.63:11)
Хор: Возвеселúтся прáведник о Гóсподе/ и уповáет на негó.
Чтец: Услы́ши, Бóже, глас мой, внегдá моли́ти ми ся к Тебé.(Пс.63:2А)
Хор: Возвеселúтся прáведник о Гóсподе/ и уповáет на негó.
Чтец: Возвесели́тся прáведник о Гóсподе.
Хор: И уповáет на негó.
АПОСТОЛ
Чтец: К Ри́мляном послáнiя святáго апóстола Пáвла чтéнiе.
(Рим.зач.112): Брáтiе, ны́не ближáйшее нам спасéнiе, нéжели егдá вéровахом. Нощь ýбо прéйде, а день прибли́жися: отложи́м ýбо делá тéмная, и облечéмся во орýжие свéта. Я́ко во дни, благообрáзно да хóдим, не козлогласовáнiи и пiя́нствы, не любодея́нiи и студодея́нiи, не рвéнiем и зáвистiю, но облецы́теся Гóсподем нáшим Iисýс Хрiстóм, и плóти угóдiя не твори́те в пóхоти. Изнемогáющаго же в вéре прiéмлите, не в сомнéниiе помышлéнiй. Ов бо вéрует я́сти вся, а изнемогáяй зéлiя да яст. Яды́й не ядýщаго да не укоря́ет, и не яды́й ядýщаго да не осуждáет, Бог бо егó прiя́т. Ты кто еси́ судя́й чуждéму рабý? Своемý Гóсподеви стои́т, или́ пáдает, стáнет же, си́лен бо есть Бог постáвити егó.
[Русский синодальный перевод]Братия, ныне ближе к нам спасение, нежели когда мы уверовали. Ночь прошла, а день приблизился: итак отвергнем дела тьмы и облечемся в оружия света. Как днем, будем вести себя благочинно, не предаваясь ни пированиям и пьянству, ни сладострастию и распутству, ни ссорам и зависти; но облекитесь в Господа нашего Иисуса Христа, и попечения о плоти не превращайте в похоти. Немощного в вере принимайте без споров о мнениях. Ибо иной уверен, что можно есть все, а немощный ест овощи. Кто ест, не уничижай того, кто не ест; и кто не ест, не осуждай того, кто ест, потому что Бог принял его. Кто ты, осуждающий чужого раба? Перед своим Господом стоит он, или падает. И будет восставлен, ибо силен Бог восставить его.(Рим.13:11-14:4)
Аллилуиарий Предтeчи, глас 1
Чтец: Аллилýїа, аллилýїа, аллилýїа, глас пéрвый.
Хор: Аллилýїа, аллилýїа, аллилýїа.
Чтец: Благословéн Госпóдь, Бог Iзрáилев,/ я́ко посети́ и сотвори́ избавлéнiе лю́дем Свои́м. (Лк.1:68)
Хор: Аллилýїа, аллилýїа, аллилýїа.
Чтец: И ты, отрочá,/ прорóк Вы́шняго наречéшися. (Лк.1:76А)
Хор: Аллилýїа, аллилýїа, аллилýїа.
ЕВАНГЕЛИЕ
Чтец: От Луки́ Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Лк.зач.1): Понéже ýбо мнóзи начáша чини́ти пóвесть о извéствованных в нас вéщех, я́коже предáша нам, и́же испéрва самови́дцы и слуги́ бы́вшiи словеси́, извóлися и мне послéдовавшу вы́ше всех испы́тно, по ря́ду писáти тебé, держáвный Феóфiле, да разумéеши, о ни́хже научи́лся еси́ словесéх утверждéнiе. Бысть во дни И҆́рода, царя́ Iудéйска, iерéй нéкiй, и́менем Захáрiя, от дневны́я чреды́ Авiáни, и женá егó от дщéрей Аарóновех, и҆ и҆́мя ей Елiсавéт. Бéста же прáведна ѻ҆ба пред Бóгом, ходя́ща во всех зáповедех и оправдáнiих Госпóдних безпорóчна. И не бе и҆́ма чáда, понéже Елiсавéт бе неплóды, и҆ ѻ҆ба заматорéвша во днех свои́х бéста. Бысть же служáщу емý в чинý чреды́ своея́ пред Бóгом, по обы́чаю свящéнничества, ключи́ся емý покади́ти вшед в цéрковь Госпóдню, и все мнóжество людéй бе моли́тву дéя вне, в год фимiáма. Яви́ся же емý Áнгел Госпóдень, стоя́ одеснýю ѻлтаря́ кади́льнаго, и҆ смути́ся Захáрiя ви́дев, и҆ страх нападé нань. Речé же к немý Áнгел: не бóйся, Захáрiе, занé услы́шана бысть моли́тва твоя́, и҆ женá твоя́ Елiсавéт роди́т сы́на тебé, и҆ наречéши и҆́мя емý Iоáнн, и҆ бýдет тебé рáдость и҆ весéлiе, и҆ мнóзи о рождествé егó возрáдуются. Бýдет бо вéлiй пред Гóсподем, и҆ вiнá и҆ сiкéра не и҆́мать пи́ти, и Дýха Святáго испóлнится ещé из чрéва мáтере своея́. И҆ мнóги от сынóв iзрáилевых обрати́т ко Гóсподу Бóгу и҆́х. И҆ той преды́дет пред Ним дýхом и҆ си́лою И҆лiинóю, обрати́ти сердцá отцéм на чáда, и҆ проти́вныя в мýдрости прáведных, уготóвати Гóсподеви лю́ди совершéны. И҆ речé Захáрiя ко Áнгелу: по чесомý разумéю сié? Аз бо есмь стар, и҆ женá моя́ заматорéвши во днех свои́х. И҆ отвещáв Áнгел, речé емý: аз есмь Гаврiи́л предстоя́й пред Бóгом, и҆ пóслан есмь глагóлати к тебé и҆ благовести́ти тебé сiя́. И҆ се бýдеши молчя́, и҆ не могíй проглагóлати, до негóже дне бýдут сiя́, занé не вéровал еси҆́ словесéм мои́м, я́же сбýдутся во врéмя своé. И҆ бéша лю́дiе ждýще Захáрiю, и҆ чудя́хуся косня́щу емý в цéркви. И҆зшéд же не можáше глагóлати к ним, и҆ разумéша, я́ко видéнiе ви́де в цéркви, и той бе помавáя им, и҆ пребывáше нем. И҆ бысть я́ко испóлнишася днíе слýжбы егó, и҆́де в дом свой. По сих же днех зачáт Eлiсавéт, женá Захáрiина, и҆ тая́шеся мéсяц пять, глагóлющи: я́ко тáко мне сотвори́ Госпóдь во дни, в ня́же призрé отъя́ти поношéнiе моé в человéцех. Елiсавéти же испóлнися врéмя роди́ти ей, и роди́ сы́на. И҆ слы́шаша óкрест живýщiи и ýжики ея́, я́ко возвели́чил есть Госпóдь ми́лость свою́ с нéю: и рáдовахуся с нéю. И҆ бысть во ѻсмы́й день, прiидóша обрéзати ѻтрочá, и нарицáху é и҆́менем ѻтцá егó, Захáрiю. И҆ отвещáвши мáти егó, речé: ни, но да наречéтся Iоáнн. И҆ рéша к ней: я́ко никтóже есть в родствé твоéм, и҆́же нарицáется и҆́менем тем. И҆ помавáху ѻтцý егó, éже кáко бы хотéл нарещи́ é. И҆ и҆́спрóшь дщи́цу, написá, глагóля: Iоáнн бýдет и҆́мя емý. И҆ чудя́хуся вси. Отверзóшася же устá егó áбiе и язы́к егó, и глагóлаше благословя́ Бóга. И҆ бысть на всех страх живýщих óкрест и҆́х, и во всей странé iудéйстей повéдаеми бя́ху вси глагóли сíи. И҆ положи́ша вси слы́шавшiи в сéрдце своéм, глагóлюще: что ýбо отрочá сié бýдет? И҆ рукá Госпóдня бе с ним. И҆ Захáрiя отéц егó испóлнися Дýха Свя́та, и прорóчествова, глагóля: благословéн Госпóдь Бог Iзрáилев, я́ко посети́ и҆ сотвори́ и҆збавлéнiе лю́дем свои́м. И҆ ты, отрочá, прорóк Вы́шняго наречéшися, преды́деши бо пред лицéм Госпóдним, уготóвати пути́ Егó. Отрочá же растя́ше и҆ крепля́шеся дýхом, и҆ бе в пусты́нях до дне явлéнiя своегó ко Iзрáилю.
[Русский синодальный перевод]Как уже многие начали составлять повествования о совершенно известных между нами событиях, как передали нам то́ бывшие с самого начала очевидцами и служителями Слова, то рассудилось и мне, по тщательном исследовании всего сначала, по порядку описать тебе, достопочтенный Феофил, чтобы ты узнал твердое основание того учения, в котором был наставлен. Во дни Ирода, царя Иудейского, был священник из Авиевой чреды, именем Захария, и жена его из рода Ааронова, имя ей Елисавета. Оба они были праведны пред Богом, поступая по всем заповедям и уставам Господним беспорочно. У них не было детей, ибо Елисавета была неплодна, и оба были уже в летах преклонных. Однажды, когда он в порядке своей чреды служил пред Богом, по жребию, как обыкновенно было у священников, досталось ему войти в храм Господень для каждения, а всё множество народа молилось вне во время каждения, - тогда явился ему Ангел Господень, стоя по правую сторону жертвенника кадильного. Захария, увидев его, смутился, и страх напал на него. Ангел же сказал ему: не бойся, Захария, ибо услышана молитва твоя, и жена твоя Елисавета родит тебе сына, и наречешь ему имя: Иоанн; и будет тебе радость и веселие, и многие о рождении его возрадуются, ибо он будет велик пред Господом; не будет пить вина и сикера, и Духа Святого исполнится еще от чрева матери своей; и многих из сынов Израилевых обратит к Господу Богу их; и предыдет пред Ним в духе и силе Илии, чтобы возвратить сердца отцов детям, и непокоривым образ мыслей праведников, дабы представить Господу народ приготовленный. И сказал Захария Ангелу: по чему я узна́ю это? ибо я стар, и жена моя в летах преклонных. Ангел сказал ему в ответ: я Гавриил, предстоящий пред Богом, и послан говорить с тобою и благовестить тебе сие; и вот, ты будешь молчать и не будешь иметь возможности говорить до того дня, как это сбудется, за то́, что ты не поверил словам моим, которые сбудутся в свое время. Между тем народ ожидал Захарию и дивился, что он медлит в храме. Он же, выйдя, не мог говорить к ним; и они поняли, что он видел видение в храме; и он объяснялся с ними знаками, и оставался нем. А когда окончились дни службы его, возвратился в дом свой. После сих дней зачала Елисавета, жена его, и таилась пять месяцев и говорила: так сотворил мне Господь во дни сии, в которые призрел на меня, чтобы снять с меня поношение между людьми. Елисавете же настало время родить, и она родила сына. И услышали соседи и родственники ее, что возвеличил Господь милость Свою над нею, и радовались с нею. В восьмой день пришли обрезать младенца и хотели назвать его, по имени отца его, Захариею. На это мать его сказала: нет, а назвать его Иоанном. И сказали ей: никого нет в родстве твоем, кто назывался бы сим именем. И спрашивали знаками у отца его, ка́к бы он хотел назвать его. Он потребовал дощечку и написал: Иоанн имя ему. И все удивились. И тотчас разрешились уста его и язык его, и он стал говорить, благословляя Бога. И был страх на всех живущих вокруг них; и рассказывали обо всем этом по всей нагорной стране Иудейской. Все слышавшие положили это на сердце своем и говорили: что́ будет младенец сей? И рука Господня была с ним. И Захария, отец его, исполнился Святого Духа и пророчествовал, говоря: благословен Господь Бог Израилев, что посетил народ Свой и сотворил избавление ему, И ты, младенец, наречешься пророком Всевышнего, ибо предыдешь пред лицом Господа приготовить пути Ему, Младенец же возрастал и укреплялся духом, и был в пустынях до дня явления своего Израилю. (1:1-25, 57-68, 76, 80)
Хор: Слáва Тебè, Гóсподи, слáва Тебè.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк Предтéчи, глас 3: Прéжде неплóды днесь Хрїстóва Предтéчу раждáет,/ и той есть исполнéнiе вся́каго прорóчества:/ Егóже бо прорóцы проповéдаша,/ на Сегó во Iордáне рýку положи́в,// яви́ся Бóжiя Слóва прорóк, проповéдник, вкýпе и Предтéча.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко воúстинну блажúти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжiй, моли́твами пречи́стыя Своея́ Мáтере, Прорóка, Предтéчи и Крести́телѧ Госпóднѧ Iѡáнна, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.