25 апреля 2021 года. Вход Господень в Иерусалим. Неделя ваий. (Вербное воскресенье) для домашнего (келейного) совершения. Служба мирским чином.
Окончание всенощного бдения. Начало
здесь (великая вечерня),
здесь (утреня) и
здесь (продолжение утрени)
ПЕСНЬ 1
КАНОН ПРАЗДНИКА, ГЛАС 4
Ирмóс: Явишася истóчницы бéздны,/ влáги непричáстны,/ и открышася мóря волнующася основáния бурею,/ мáнием бо запретил еси ему,/ изрядныя же люди спасл еси,/ поющия побéдную песнь Тебé, Гóсподи.
Хор: Слáва Тебé, Гóсподи, слáва Тебé.
Чтец (тропарь): Из уст младéнец незло́бивых и ссущих, хвалу Твоих раб совершил еси, разрушити супостáта, и отмстити стрáстию Крестá, падéние дрéвняго Адáма, дрéвом же воскресити сегó, поюща побéдную песнь Тебé, Гóсподи. (Двáжды)
Хор: Слáва Отцу и Сыну и Святóму Духу.
Чтец (тропарь): Хвалéние Цéрковь преподóбных, живущему в Сиóне, Тебé Христé принóсит: о Тебé же Изрáиль, Творцé своéм рáдуется, и гóры языцы противообрáзнии каменосердéчнии, от лицá Твоегó возвеселишася, поюще побéдную песнь Тебé Гóсподи.
Хор: И ныне и присно и во вéки векóв. Аминь.
Чтец (тропарь): Хвалéние Цéрковь преподóбных, живущему в Сиóне, Тебé Христé принóсит: о Тебé же Изрáиль, Творцé своéм рáдуется, и гóры языцы противообрáзнии каменосердéчнии, от лицá Твоегó возвеселишася, поюще побéдную песнь Тебé Гóсподи.
Катавасия: Явишася истóчницы бéздны,/ влáги непричáстны,/ и открышася мóря волнующася основáния бурею,/ мáнием бо запретил еси ему,/ изрядныя же люди спасл еси,/ поющия побéдную песнь Тебé, Гóсподи.
ПЕСНЬ 3
Ирмóс: Точáщий, краесекóмый повелéнием Твоим,/ твéрдый ссáша Кáмень изрáильтестии людие./ Кáмень же Ты еси Христé, и Жизнь,/ на Нéмже утвердися Цéрковь, зовущая:// осáнна, благословéн еси, Грядый.
Хор: Слáва Тебé, Гóсподи, слáва Тебé.
Чтец (тропарь):Мертвецá четвероднéвна повелéнием Твоим, из мéртвых с трéпетом ад испусти Лáзаря. Воскресéние бо Ты Христé и жизнь, в Нéмже утвердися Цéрковь зовущи: осáнна, благословéн еси Грядый. (Двáжды)
Хор: Слáва Отцу и Сыну и Святóму Духу.
Чтец (тропарь): Воспóйте людие боголéпно в Сиóне, и молитву воздадите Христу во Иерусалиме, Сам грядéт во слáве со óбластию: в Нéмже утвердися Цéрковь зовущи: осáнна благословéн еси Грядый.
Хор: И ныне и присно и во вéки векóв. Аминь.
Чтец (тропарь): Воспóйте людие боголéпно в Сиóне, и молитву воздадите Христу во Иерусалиме, Сам грядéт во слáве со óбластию: в Нéмже утвердися Цéрковь зовущи: осáнна благословéн еси Грядый.
Катавасия: Точáщий, краесекóмый повелéнием Твоим,/ твéрдый ссáша Кáмень изрáильтестии людие./ Кáмень же Ты еси Христé, и Жизнь,/ на Нéмже утвердися Цéрковь, зовущая:// осáнна, благословéн еси, Грядый.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Ипакои, глас 6-й
С вéтвьми воспéвше прéжде,/ с древесы последи яша Христá Бóга, неблагодáрнии иудéе./ Мы же вéрою непрелóжною присно почитáюще/ яко благодéтеля, выну вопиéм Ему:// благословéн еси, грядый Адама воззвáти.
ПЕСНЬ 4
Ирмóс: Христóс грядый - явственно Бог наш,/ приидет и не закоснит,/ от горы приосенéнныя чáщи,/ Отроковицы раждáющия Неискусомужныя,/ прорóк дрéвле глагóлет./ Тем вси вопиéм:// слáва силе Твоéй, Гóсподи.
Хор: Слáва Тебé, Гóсподи, слáва Тебé.
Чтец (тропарь): Да тóчат весéлие крéпкое мастительное, гóры, и вси хóлми, и древá дубрáвная да взыгрáют: Христá хвалите языцы, и Тому вси людие рáдующеся возопийте: слáва силе Твоéй Гóсподи. (Двáжды)
Хор: Слáва Отцу и Сыну и Святóму Духу.
Чтец (тропарь): Крéпостию цáрствуяй вéки Госпóдь, облечéн приидет, Сегó красоты же и слáвы, несравнéнно есть благолéпие в Сиóне. Тéмже вси вопиéм: слáва силе Твоéй Гóсподи.
Хор: И ныне и присно и во вéки векóв. Аминь.
Чтец (тропарь): Пядию измéривый небо, длáнию же зéмлю, Госпóдь прииде, Сиóн бо избрá, в нéмже жити и цáрствовати извóли, и возлюби люди вéрно вопиющия: слáва силе Твоéй Гóсподи.
Катавасия: Христóс грядый - явственно Бог наш,/ приидет и не закоснит,/ от горы приосенéнныя чáщи,/ Отроковицы раждáющия Неискусомужныя,/ прорóк дрéвле глагóлет./ Тем вси вопиéм:// слáва силе Твоéй, Гóсподи.
ПЕСНЬ 5
Ирмóс: На гóру Сиóн взыди, благовествуяй,/ и Иерусалиму проповéдуяй,/ в крéпости вознести глас:/ преслáвная глагóлашася о Тебé, Грáде Бóжий.// Мир на Изрáиля, и спасéние языком.
Хор: Слáва Тебé, Гóсподи, слáва Тебé.
Чтец (тропарь): В вышних седяй на херувимех Бог, и призирáяй на смирéнныя, Той грядéт во слáве со óбластию, и испóлнятся всяческая Божéственныя хвалы Егó. Мир на Изрáиля, и спасéние языком. (Двáжды)
Хор: Слáва Отцу и Сыну и Святóму Духу.
Чтец (тропарь): Сиóне Бóжий, горó святáя, и Иерусалиме, óкрест óчи твои возведи, и виждь сóбранная чáда твоя в тебé: се бо приидóша издалéча, поклонитися Царю твоему. Мир на Изрáиля, и спасéние языком.
Хор: И ныне и присно и во вéки векóв. Аминь.
Чтец (тропарь): Сиóне Бóжий, горó святáя, и Иерусалиме, óкрест óчи твои возведи, и виждь сóбранная чáда твоя в тебé: се бо приидóша издалéча, поклонитися Царю твоему. Мир на Изрáиля, и спасéние языком.
Катавасия: На гóру Сиóн взыди, благовествуяй,/ и Иерусалиму проповéдуяй,/ в крéпости вознести глас:/ преслáвная глагóлашася о Тебé, Грáде Бóжий.// Мир на Изрáиля, и спасéние языком.
ПЕСНЬ 6
Ирмóс: Возопиша с весéлием прáведных дуси:/ ныне миру Завéт Нóвый завещáется,/ и кроплéнием да обновятся людие,// Бóжия крóве.
Хор: Слáва Тебé, Гóсподи, слáва Тебé.
Чтец (тропарь): Приими Изрáилю Бóжие цáрство, и пребывáяй во тьме, свет да узрит великий, и кроплéнием да обновятся людие, Божéственныя крóве. (Двáжды)
Хор: Слáва Отцу и Сыну и Святóму Духу.
Чтец (тропарь):Разрешéны своя юзники Сиóне испусти, и от рóва невéдения безвóдна изведи, и кроплéнием да обновятся людие, Божéственныя крóве.
Хор: И ныне и присно и во вéки векóв. Аминь.
Чтец (тропарь): Разрешéны своя юзники Сиóне испусти, и от рóва невéдения безвóдна изведи, и кроплéнием да обновятся людие, Божéственныя крóве.
Катавасия: Возопиша с весéлием прáведных дуси:/ ныне миру Завéт Нóвый завещáется,/ и кроплéнием да обновятся людие,// Бóжия крóве.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
КОНДАК ПРАЗДНИКА, ГЛАС 6, САМОГЛАСЕН
На престóле на Небеси,/ на жребяти на земли носимый, Христé Бóже,/ Ангелов хвалéние/ и детéй воспевáние приял еси, зовущих Ти:// благословéн еси, Грядый Адáма воззвáти.
ПЕСНЬ 7
Ирмóс: Спасый во огни Авраáмския Твоя óтроки,/ и халдéи убив,/ яже Прáвда прáведно уловляше,/ препéтый Гóсподи,// Бóже отéц нáших, благословéн еси.
Хор: Слáва Тебé, Гóсподи, слáва Тебé.
Чтец (тропарь): Покланяющеся людие, и со ученики рáдующеся, с вáием, осáнна Сыну Давидову зовяху: препéтый Гóсподи Бóже отéц, благословéн еси. (Двáжды)
Хор: Слáва Отцу и Сыну и Святóму Духу.
Чтец (тропарь): Неискусозлóбное мнóжество, ещé младéнствующее естествó, Боголéпно Тя Царю Изрáильтеский и Ангельский воспéт: препéтый Гóсподи Бóже отéц, благословéн еси.
Хор: И ныне и присно и во вéки векóв. Аминь.
Чтец (тропарь): С вáием Тя Христé, вéтвьми похваляху мнóжества, благословéн пришéдый Царь векóв. Вопияху же: препéтый Гóсподи Бóже отéц, благословéн еси.
Катавасия: Спасый во огни Авраáмския Твоя óтроки,/ и халдéи убив,/ яже Прáвда прáведно уловляше,/ препéтый Гóсподи,// Бóже отéц нáших, благословéн еси.
ПЕСНЬ 8
Ирмóс: Веселися, Иерусалиме, торжествуйте любящии Сиóна:/ Цáрствуяй бо во вéки Госпóдь Сил прииде./ Да благоговéет вся земля от лицá Егó,/ и да вопиéт:// благословите вся делá Госпóдня, Гóспода.
Хор: Слáва Тебé, Гóсподи, слáва Тебé.
Чтец (тропарь): На жребя млáдо всед Царь твой Сиóне, предстá Христóс: безсловéсную бо идольскую прéлесть разрушити, и неудержáнное стремлéние устáвити всех язык прииде, во éже пéти: вся делá пóйте Гóспода. (Двáжды)
Хор: Слáва Отцу и Сыну и Святóму Духу.
Чтец (тропарь): Бог твой, рáдуйся Сиóне зелó, воцарися во вéки Христóс. Сей, якоже писано есть, крóткий и спасáяй, прáведный Избáвитель наш, прииде на жребяти, кóнское свирéпство убити врагóв, не вопиющих: благословите вся делá Госпóдня Гóспода.
Хор: И ныне и присно и во вéки векóв. Аминь.
Чтец (тропарь): Оскудевáет Божéственных ограждéний, законопреступное сóнмище непокоривых, понéже дом молитвы Бóжия, вертéп сотвориша разбóйническ, от сéрдца Избáвителя отринувше, Емуже вопиéм: благословите вся делá Госпóдня Гóспода.
Хор: Хвáлим, благословим, покланяемся Гóсподеви, поюще и превозносяще во вся вéки.
Катавасия: Веселися, Иерусалиме, торжествуйте любящии Сиóна:/ Цáрствуяй бо во вéки Госпóдь Сил прииде./ Да благоговéет вся земля от лицá Егó,/ и да вопиéт:// благословите вся делá Госпóдня, Гóспода.
ПЕСНЬ 9
Ирмóс: Бог Госпóдь, и явися нам./ Состáвите прáздник,/ и веселящеся приидите, возвеличим Христá,/ с вáиями и вéтвьми, пéсньми зовуще:// благословéн Грядый во имя Гóспода Спáса нáшего.
Хор: Слáва Тебé, Гóсподи, слáва Тебé.
Чтец (тропарь): Языцы вскую шатáетеся? Писменницы, и свящéнницы, почтó тщéтным поучистеся? Кто Сей, рéкше, Емуже дéти с вáием и вéтвьми, пéсньми зовут: благословéн грядый во Имя Гóспода Спáса нáшего. (Двáжды)
Хор: Слáва Отцу и Сыну и Святóму Духу.
Чтец (тропарь): Сей Бог наш, Емуже никтóже подóбен, прáведный всяк путь изобрéт, дадé возлюбленному Изрáилю. По сих же с человéки поживé явлься: благословéн грядый во Имя Гóспода Спáса нáшего.
Хор: И ныне и присно и во вéки векóв. Аминь.
Чтец (тропарь): Соблáзны стези, что близ вас положисте непокоривии? Нóги вáша скóры кровь излияти Владычню, но воскрéснет всяко спасти зовущия: благословéн грядый во Имя Гóспода Спáса нáшего.
Катавасия: Бог Госпóдь, и явися нам./ Состáвите прáздник,/ и веселящеся приидите, возвеличим Христá,/ с вáиями и вéтвьми, пéсньми зовуще:// благословéн Грядый во имя Гóспода Спáса нáшего.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Хор: Свят Госпóдь Бог наш (трижды)
ХВАЛИТНЫ
Хор: Всякое дыхáние да хвáлит Гóспода./ Хвалите Гóспода с небéс,/ хвалите Егó в вышних.// Тебé подобáет песнь Бóгу.
Хвалите Егó вси áнгели Егó,/ хвалите Егó вся силы Егó.// Тебé подобáет песнь Бóгу.
На 4. Чтец (стихиры праздника, глас 4, самогласны): Хвалите Его на силах Его, хвалите Его по множеству величествия Его.
Стихира: Мнóжество нарóда Гóсподи, постилáху по пути ризы своя: друзии же рéзаху вéтви от древéс, и ношáху. Предыдущии же и послéдующии, зовяху глагóлюще: осáнна Сыну Давидову, благословéн еси пришéдый, и пáки грядый во имя Госпóдне..
Хвалите Его во гласе трубнем, хвалите Его во псалтири и гуслех.
Хотящу Тебé внити во святый град Гóсподи,/ вéтви садóв людие ношáху,/ Тебé поюще всех Владыку:/ и зряще Тя на жребяти седяща,/ якоже на херувимех зряху./ Сегó рáди сице вопияху:/ осáнна в вышних,/ благословéн еси пришéдый,// и пáки грядый во имя Госпóдне.
Хвалите Его в тимпане и лице, хвалите Его во струнах и органе.
Изыдите языцы, изыдите и людие,/ и видите днесь Царя Небéснаго,/ яко на престóле высóце,/ на жребяти худе во Иерусалим входяща./ Рóде иудéйский невéрный и прелюбодéйный, прииди и виждь,/ Егóже виде Исáиа во плóти нас рáди приити имуща,/ кáко уневещáет Себé, яко целомудренный нóвый Сиóн,/ и отлагáет осуждéнную сóнмицу:/ яко в нетлéнном же брáце и несквéрном,/ несквéрнии стекóшася благохвáляще, неискусозлóбнии дéти./ С нимиже и мы поюще возопиéм песнь áнгельскую:/ осáнна в вышних,// Имущему вéлию милость.
Хвалите Его в кимвалех доброгласных, хвалите Его в кимвалех восклицания. Всякое дыхание да хвалит Господа.
Общее воскресéние,/ прéжде вóльныя стрáсти Твоея,/ во уверéние всех предпоказáвый Христé Боже,/ Лáзаря убо в Вифáнии, держáвною силою Твоею,/ четвероднéвна мéртва воскресил еси:/ слепцéм же éже видети яко Светодáвец даровáл еси Спáсе,/ и во святый град со ученики Твоими вшел еси,/ седя на жребяти óсли,/ прорóческая исполняяй проповéдания,/ якоже на херувимех носимый,/ и дéти еврéйстии с вéтвьми и вáиами предсретáху Тя./ Тéмже и мы вéтви мáсличныя носяще и вáиа,/ благодáрственно Тебé вопиéм:/ осáнна в вышних,// благословéн грядый во Имя Госпóдне.
Слáва Отцу и Сыну и Святóму Духу, и ныне и присно и во вéки векóв, аминь.
Глас 6: Прéжде шести дней Пáсхи, прииде Иисус в Вифáнию,/ и приступиша к Нему ученицы Егó, глагóлюще Ему:/ Гóсподи, где хóщеши уготóваем Ти ясти Пáсху?/ Он же послá их,/ идите в прéднюю весь,/ и обрящете человéка скудéль воды носяща,/ слéдуйте ему, и дóму владыце рцыте:/ Учитель глагóлет,// у тебé сотворю Пáсху со ученики Моими.
Слáва Тебé, показáвшему нам свет.
ВЕЛИКОЕ СЛАВОСЛОВИЕ
Хор: Слáва в вышних Бóгу, и на земли мир, в человéцех благоволéние. Хвáлим Тя, благословим Тя, клáняем Ти ся, славослóвим Тя, благодарим Тя великия рáди слáвы Твоея. Гóсподи, Царю Небéсный, Боже, Отче Вседержителю, Гóсподи Сыне Единорóдный, Иисусе Христé, и Святый Душе. Гóсподи Бóже, Агнче Божий, Сыне Отéчь, взéмляй грех мира, помилуй нас. Взéмляй грехи мира, приими молитву нáшу. Седяй одесную Отцá, помилуй нас. Яко Ты еси Един Свят; Ты еси Един Госпóдь, Иисус Христóс, в слáву Бóга Отцá, аминь.
На всяк день благословлю Тя и восхвалю имя Твоé во вéки, и в век вéка.
Сподóби, Гóсподи, в день сей без грехá сохранитися нам. Благословéн еси, Гóсподи Бóже отéц нáших, и хвáльно и прослáвлено имя Твоé во вéки, аминь.
Буди, Гóсподи, милость Твоя на нас, якоже уповáхом на Тя.
Благословéн еси, Гóсподи, научи мя оправдáнием Твоим. (трижды)
Гóсподи, прибéжище был еси нам в род и род. Аз рех: Гóсподи, помилуй мя, исцели душу мою, яко согреших Тебé. Гóсподи, к Тебé прибегóх, научи мя творити вóлю Твою, яко Ты еси Бог мой, яко у Тебé истóчник животá, во свéте Твоéм узрим свет. Пробáви милость Твою вéдущим Тя.
Святый Бóже,/ Святый Крéпкий,/ Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Святый Безсмéртный, помилуй нас.
Святый Бóже,/ Святый Крéпкий,/ Святый Безсмéртный, помилуй нас.
ТРОПАРЬ ПРАЗДНИКА, ГЛАС 1
Общее воскресéние/ прéжде Твоея Стрáсти уверяя,/ из мéртвых воздвигл еси Лáзаря, Христé Бóже./ Тéмже и мы, яко óтроцы побéды знáмения носяще,/ Тебé победителю смéрти вопиéм:/ осáнна в вышних,/ благословéн Грядый во имя Госпóдне.
Завершение утрени
Гóсподи, помилуй. (40 раз)
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (12 раз)
Слáва Отцу и Сыну и Святóму Духу, и ныне и присно и во вéки векóв, аминь.
Утверди, Бóже, святую правослáвную вéру, правослáвных христиáн во век вéка.
Честнéйшую Херувим и слáвнейшую без сравнéния Серафим, без истлéния Бóга Слóва рóждшую, сущую Богорóдицу, Тя величáем.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
ОТПУСТ
Иже на жребяти óсли сéсти извóливый, нáшего рáди спасéния, Христóс, Истинный Бог наш, молитвами Пречистыя Своея Мáтере и всех святых, помилует и спасéт нас, яко Благ и Человеколюбец.
МНОГОЛЕТИЕ
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!
И чти
часы