Неде́ля пя́тая Вели́кого поста́. Прп. Мари́и Еги́петской. Глас 4. ОБЕДНИЦА (Изобразительные)
18 апреля 2021 года. Неделя пятая Великаго поста. Прп. Марии Египетской. Глас 4. Последование часов и изобразительных для домашнего (келейного) совершения. Служба мирским чином.
Прежде глаголи часы.
Часы и обе́дницу с ударе́дниями посмотреть и скачать в формате doc, в формате pdf
Глагóли сице: Благослови, душе моя, Гóспода,/ благословен еси Гóсподи.
Псалом 102
Благослови, душе моя, Гóспода,/ и вся внутренняя моя имя святое Егó./ Благослови, душе моя, Гóспода,/ и не забывай всех воздаяний Егó,/ очищающаго вся беззакóния твоя,/ исцеляющаго вся недуги твоя,/ избавляющаго от истления живóт твой,/ венчающаго тя милостию и щедрóтами,/ исполняющаго во благих желание твое:/ обновится яко óрля юность твоя./ Творяй милостыни Господь,/ и судьбу всем обидимым./ Сказа пути Своя Моисеови,/ сыновóм Израилевым хотения Своя:/ Щедр и Милостив Госпóдь,/ Долготерпелив и Многомилостив./ Не до конца прогневается,/ ниже во век враждует,/ не по беззаконием нашим сотворил есть нам,/ ниже по грехом нашым воздал есть нам./ Яко по высоте небесней от земли,/ утвердил есть Госпóдь милость Свою на боящихся Егó./ Елико отстоят востóцы от запад,/ удалил есть от нас беззакóния наша./ Якоже щедрит отец сыны,/ ущедри Госпóдь боящихся Егó./ Яко Той позна создание наше,/ помяну, яко персть есмы./ Человек, яко трава дние eгó,/ яко цвет сельный, тако оцветет,/ яко дух прóйде в нем,/ и не будет, и не познает ктому места своегó./ Милость же Госпóдня от века и до века на боящихся Егó,/ и правда Его на сынéх сынóв, хранящих завéт Егó, и пóмнящих заповеди Егó творити я./ Госпóдь на Небеси уготóва Престóл Свой,/ и Царство Егó всеми обладает./ Благословите Гóспода вси Ангели Егó,/ сильнии крепостию, творящии слóво Егó, услышати глас словес Егó./ Благословите Гóспода вся Силы Егó,/ слуги Егó, творящии вóлю Егó./ Благословите Гóспода вся дела Егó,/ на всяком месте владычества Егó.
Слáва Отцу и Сыну и Святóму Духу, и ныне и присно и во вéки векóв. Аминь.
Благослови, душе моя, Гóспода,/ и вся внутренняя моя имя святóе Егó./ Благословен еси, Гóсподи.
Слáва Отцу и Сыну и Святóму Духу.
Псалом 145
Хвали, душе моя, Гóспода./ Восхвалю Гóспода в животé моéм,/ пою Бóгу моему, дóндеже есмь./ Не надéйтеся на князи, на сыны человéческия,/ в нихже несть спасéния./ Изыдет дух eгó/ и возвратится в землю свою./ В той день погибнут вся помышлéния eгó./ Блажен, eмуже Бог Иáковль Помóщник егó,/ упование eгó на Гóспода Бóга своегó,/ сотвóршаго нéбо и зéмлю,/ мóре и вся, яже в них,/ хранящаго истину в век,/ творящаго суд обидимым,/ дающаго пищу áлчущим./ Госпóдь решит оковáнныя./ Госпóдь умудряет слепцы./ Госпóдь возвóдит низвéрженныя./ Госпóдь любит прáведники./ Госпóдь хранит пришéльцы,/ сира и вдову приимет/ и путь грéшных погубит./ Воцарится Госпóдь во век,/ Бог твой, Сиóне, в род и род.
И ныне и присно и во вéки векóв. Аминь.
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
И поем Блаженны с тропарями из Октоиха
Хор: Во Царствии Твоем помяни нас, Господи,/ егда приидеши, во Царствии Твоем.
Блажени нищии духом,/ яко тех есть Царство Небесное.
Блажени плачущии,/ яко тии утешатся.
Блажени кротции,/ яко тии наследят землю.
Хор: Блажени алчущии и жаждущии правды,/ яко тии насытятся.
Хор: Блажени милостивии,/ яко тии помиловани будут.
Чтец (на 8, стихиры воскресные, глас 4): Дрéвом Адáм рая бысть изселéн; дрéвом же крéстным разбóйник в рай вселися. Ов убо вкуш, зáповедь отвéрже Сотвóршаго; ов же сраспинáем, Бóга исповéда Таящагося, помяни мя, вопия, во Цáрствии Твоéм.
Хор: Блажени чистии сердцем,/ яко тии Бога узрят.
Чтец: Вознесыйся на Крест, смéртную разрушивый силу, и заглáдивый, яко Бог, éже на ны рукописáние, Гóсподи, разбóйниче покаяние и нам подáждь, Едóне Человеколюбче, вéрою служáщим, Христé Бóже наш, и вопиющим Ти: помяни и нас во Цáрствии Твоéм.
Хор: Блажени миротворцы,/ яко тии сынове Божии нарекутся.
На 6. Чтец: Рукописáние нáше на Крестé копиéм раздрáл еси, и вменився в мéртвых, тáмошняго мучителя связáл еси, избáвивый всех от уз áдовых воскресéнием Твоим, имже просветихомся, Человеколюбче Гóсподи, и вопиéм Ти: помяни и нас во Цáрствии Твоéм.
Хор: Блажени изгнани правды ради,/ яко тех есть Царство Небесное.
Чтец: Распныйся и воскресый яко Силен из грóба триднéвен, и первоздáннаго Адáма воскресивый, Едине Безсмéртне: и менé на покаяние обратитися, Гóсподи, сподóби от всегó сéрдца моегó, и тéплою вéрою присно взывáти Ти: помяни мя, Спáсе, во Цáрствии Твоéм.
Хор: Блажени есте, егда поносят вам,/ и изженут, и рекут всяк зол глагол на вы лжуще Мене ради.
На 4.Чтец: Нас рáди, Иже безстрáстен, стрáстный бысть человéк, и вóлею на Крестé пригвождéйся, нас совоскреси, тéмже и слáвим со Крестóм страсть и воскресéние, имиже возсоздáхомся, имиже и спасáемся, взывáюще: помяни и нас во Цáрствии Твоéм.
Хор: Радуйтеся и веселитеся,/ яко мзда ваша многа на небесех.
Чтец: Воскрéсшаго из мéртвых, и áдову держáву пленившаго, и видима женáми миронóсицами, рáдуйтеся, глагóлющаго, вéрнии умóлим, от истлéния избáвити души нáша, зовуще всегдá разбóйника благоразумнаго глáсом к Нему: помяни и нас во Цáрствии Твоéм.
Хор: Слáва Отцу и Сыну и Святóму Духу.
Чтец(трóичен): Отцá, и Сына, и Святáго Духа, вси единомудренно вéрнии славослóвити достóйно помóлимся: Единство Божествá, в Триéх сущее Ипостáсех, неслиянно пребывáющее, Прóсто, Нераздéльно и Неприступно, Имже избавляемся óгненнаго мучéния.
Хор: И ныне и присно и во вéки векóв. Аминь.
Чтец (Богорóдичен): Мáтерь Твою, Христé, плóтию без сéмене рóждшую Тя, и Дéву воистинну, и по Рождествé пребывшу Нетлéнну, Сию Ти привóдим в молитву, Владыко Многомилостиве, прегрешéний прощéние дáруй, всегдá вопиющим Ти: помяни и нас во Цáрствии Твоéм.
Тропари и кондаки
Тропáрь воскрéсный, глас 4: Свéтлую Воскресéния прóповедь от Ангела увéдевша Госпóдни ученицы и прáдеднее осуждение отвéргша, апóстолом хвáлящася глагóлаху: испровéржеся смерть, воскрéсе Христóс Бог, дáруяй мирови вéлию милость.
Тропáрь Триóди (преподóбной Марии), глас 8: В тебé, мáти, извéстно спасéся éже по óбразу,/ приимши бо крест, послéдовала еси Христу,/ и дéющи учила еси презирáти убо плоть, прехóдит бо,/ прилежáти же о души, вéщи безсмéртней.// Тéмже и со Ангелы срáдуется, преподóбная Марие, дух твой.
Слáва Отцу и Сыну и Святóму Духу.
Кондáк Триóди (прп. Марии), глaс 3: Блудáми пéрвее преиспóлнена всяческими,/ Христóва невéста днесь покаянием явися,/ Ангельское жительство подражáющи,/ дéмоны Крестá оружием погубляет./ Сегó рáди Цáрствия невéста явилася еси,/ Марие преслáвная.
И ныне и присно и во вéки векóв. Аминь.
Кондáк воскрéсный, глас 4: Спас и Избáвитель мой/ из грóба, яко Бог, воскреси от уз земнорóдныя,/ и вратá áдова сокруши,/ и яко Владыка// воскрéсе триднéвен.
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Прокимен воскресен, глас 4
Чтец: Прокимен, глас четвéртый: Яко возвеличишася делá Твоя, Гóсподи, вся премудростию сотворил еси.
Хор: Яко возвеличишася делá Твоя, Гóсподи,/ вся премудростию сотворил еси.
Чтец: Благослови душé моя, Гóспода, Гóсподи Бóже мой, возвеличился еси зелó.
Хор: Яко возвеличишася делá Твоя, Гóсподи,/ вся премудростию сотворил еси.
Прп. Марии, глaс 4
Чтец: Глас тóйже: Восхвáлятся преподóбнии во слáве,/ и возрáдуются на лóжах своих.
Хор: Дивен Бог во святых Своих, Бог Изрáилев.
АПОСТОЛ
Ко Еврéем послáния святáго апóстола Пáвла чтéние.
(Чтение недели пятой Великого поста: Евр.зач.321 (от середины): Брáтие, Христóс пришéд Архиерéй грядýщих благ, бóльшею и совершéннейшею ски́ниею, нерукотворéнною, си́речь, не сея́ твáри, ни крóвию кóзлею, ни тéльчею, но Своéю Крóвию, вни́де eди́ною во святáя, вéчное искуплéние обреты́й. Áще бо кровь кóзлия и тéльчая, и пéпел ю́нчий кропя́щий осквернéныя, освящáет к плóтней чистотé, кольми́ пáче Кровь Христóва, И́же Дýхом Святы́м Себé принесé непорóчна Бóгу, очи́стит сóвесть нáшу от мéртвых дел, во éже служи́ти нам Бóгу жи́ву и и́стинну.
[Русский синодальный перевод](Братья, Христос, Первосвященник будущих благ, придя с большею и совершеннейшею скиниею, нерукотворенною, то есть не такового устроения, и не с кровью козлов и тельцов, но со Своею Кровию, однажды вошел во святилище и приобрел вечное искупление. Ибо если кровь тельцов и козлов и пепел телицы, через окропление, освящает оскверненных, дабы чисто было тело, то кольми паче Кровь Христа, Который Духом Святым принес Себя непорочного Богу, очистит совесть нашу от мертвых дел, для служения Богу живому и истинному!(Евр.9:11-14)
(Прп. Марии Египетской Гал.зач.208): Брáтие, прéжде пришéствия вéры, под закóном стрегóми бéхом, затворéни в хотящую вéру открытися. Тéмже закóн пéстун нам бысть во Христá, да от вéры оправдимся. Пришéдши же вéре, ужé не под пéстуном eсмы. Вси бо вы сынове Бóжии eстé вéрою о Христé Иисусе: eлицы бо во Христá крестистеся, во Христá облекóстеся. Несть Иудéй, ни éллин; несть раб, ни свобóдь; несть мужеский пол, ни жéнский; вси бо вы eдино eстé о Христé Иисусе. Аще ли вы Христóвы, убо Авраáмле сéмя eстé, и по обетовáнию наслéдницы.
[Русский синодальный перевод](А до пришествия веры мы заключены были под стражею закона, до того времени, как надлежало открыться вере. Итак закон был для нас детоводителем ко Христу, дабы нам оправдаться верою; по пришествии же веры, мы уже не под руководством детоводителя. Ибо все вы сыны Божии по вере во Христа Иисуса; все вы, во Христа крестившиеся, во Христа облеклись. Нет уже Иудея, ни язычника; нет раба, ни свободного; нет мужеского пола, ни женского: ибо все вы одно во Христе Иисусе. Если же вы Христовы, то вы семя Авраамово и по обетованию наследники.(Гал.3:23-29)
Аллилуиарий воскре́сный, глас 4
Чтец: Аллилуиа, аллилуиа, аллилуиа, глас четвéртый
Хор: Аллилуиа, аллилуиа, аллилуиа.
Чтец: Наляцы, и успевáй, и цáрствуй истины рáди, и крóтости, и прáвды.
Хор: Аллилуиа, аллилуиа, аллилуиа.
Чтец: Возлюбил еси прáвду и возненавидел еси беззакóние.
Хор: Аллилуиа, аллилуиа, аллилуиа.
Прп. Марии Египетской
Чтец: Глас тóйже: Терпя, потерпéх Гóспода, и внят ми, и услыша молитву мою.
Хор: Аллилуиа, аллилуиа, аллилуиа.
ЕВАНГЕЛИЕ
От Мáрка Святáго Евáнгелiя чтéнiе
Хор: Слáва Тебé, Гóсподи, слáва Тебé.
(Чтение пятой недели Великаго поста: Мк.зач.47): Во врéмя óно, поя́т Iисýс oбанáдесять, начáт им глагóлати, я́же хотя́ху Eмý бы́ти, я́ко, се, восхóдим во Iерусали́м, и Сын Человéческiй прéдан бýдет архiерéом и книжником, и осýдят Eгó на смерть, и предадя́т Eгó язы́ком. И поругáются Eмý, и уя́звят Eгó, и оплю́ют Eгó, и убiю́т Eгó, и в трéтiй день воскрéснет. И пред Ним прiидóста Iáков и Iоáнн, сы́на Зеведéeва, глагóлюща: Учи́телю, хóщева, да éже áще прóсива, сотвори́ши нáма. Oн же речé и́ма: что хóщета, да сотворю́ вáма? Она же рéста Eмý: даждь нам, да eди́н одеснýю Тебé, и eди́н ошýюю Тебé ся́дева во слáве Твоéй. Iисýс же речé и́ма: не вéстася, чесó прóсита. Мóжета ли пи́ти чáшу, ю́же Аз пiю́, и крещéнiем, и́мже Аз крещáюся, креститися? Она же рéста Eмý: мóжева. Iисýс же речé има: чáшу ýбо, ю́же Аз пiю́, испiéта, и крещéнiем, имже Аз крещáюся, креститася. А éже сéсти одеснýю Менé и ошýюю, несть Мне дáти, но имже уготóвано eсть. И слы́шавше дéсять, начáша негодовáти о Iáкове и Iоáнне. Iисýс же призвáв их, глагóла им: вéсте, я́ко мня́щiися владéти язы́ки, соодолевáют им, и велицыи их обладáют ими. Не тáко же бýдет в вас, но иже áще хóщет в вас вя́щшiй бы́ти, да бýдет вам слугá. И иже áще хóщет в вас бы́ти стáрей, да бýдет всем раб. Ибо Сын Человéчь не прiиде, да послýжат Eмý, но да послýжит, и дáти дýшу Свою́ избавлéнiе за мнóги.
[Русский синодальный перевод]Когда были они на пути, восходя в Иерусалим, Иисус шел впереди их, а они ужасались и, следуя за Ним, были в страхе. Подозвав двенадцать, Он опять начал им говорить о том, что будет с Ним: вот, мы восходим в Иерусалим, и Сын Человеческий предан будет первосвященникам и книжникам, и осудят Его на смерть, и предадут Его язычникам, и поругаются над Ним, и будут бить Его, и оплюют Его, и убьют Его; и в третий день воскреснет. Тогда подошли к Нему сыновья Зеведеевы Иаков и Иоанн и сказали: Учитель! мы желаем, чтобы Ты сделал нам, о чем попросим. Он сказал им: что хотите, чтобы Я сделал вам? Они сказали Ему: дай нам сесть у Тебя, одному по правую сторону, а другому по левую в славе Твоей. Но Иисус сказал им: не знаете, чего просите. Можете ли пить чашу, которую Я пью, и креститься крещением, которым Я крещусь? Они отвечали: можем. Иисус же сказал им: чашу, которую Я пью, будете пить, и крещением, которым Я крещусь, будете креститься; а дать сесть у Меня по правую сторону и по левую - не от Меня зависит, но кому уготовано. И, услышав, десять начали негодовать на Иакова и Иоанна. Иисус же, подозвав их, сказал им: вы знаете, что почитающиеся князьями народов господствуют над ними, и вельможи их властвуют ими. Но между вами да не будет так: а кто хочет быть большим между вами, да будет вам слугою; и кто хочет быть первым между вами, да будет всем рабом. Ибо и Сын Человеческий не для того пришел, чтобы Ему служили, но чтобы послужить и отдать душу Свою для искупления многих.(10:32-45)
(Лк.зач.33): Во врéмя óно, моля́ше Iисýcа нéкiй от фарiсéй, да бы ял с ним: и вшед в дом фарiсéов, возлежé. И се женá во грáде, я́же бе грéшница, и увéдевши, я́ко возлежи́т во хрáмине фарiсéове, принéсши алавáстр ми́ра. И стáвши при ногý Eгó созади́, плáчущися, начáт умывáти нóзе Eгó слезáми, и власы́ главы́ своея́ отирáше, и облобызáше нóзе Eгó, и мáзаше ми́ром. Ви́дев же фарiсéй возвáвый Eгó, речé в себé, глагóля: Сей áще бы был прорóк, вéдел бы кто и каковá женá прикасáется Eмý, я́ко грéшница eсть. И отвещáв Iисýс речé к немý: Сíмоне, и҆́мам ти нéчто рещи́. Oн же речé: Учи́телю, рцы. Iисýс же речé: два должникá бéста заимодáвцу нéкоему, eди́н бе дóлжен пятiю́сот динáрiй, другíй же пятiю́десят. Не имýщема же и҆́ма воздáти, oбéма отдá. Котóрый ýбо eю́, рцы, пáче возлю́бит eгó? Отвещáв же Сíмон речé: мню, я́ко eмýже вя́щше отдá. Oн же речé eмý: прáво суди́л eси́. И обрáщься к женé, Сíмонови речé: ви́диши ли сiю́ женý? Внидóх в дом твой, воды́ на нóзе Мои́ не дадé, сiя́ же слезáми облiя́ Ми нóзе, и власы́ главы́ своея́ отрé. Лобзáнiя Ми не дадé, сiя́ же, отнéлиже внидóх, не престá облобызáющи Ми нóзе. Мáслом главы́ Моея́ не помáза: сiя́ же ми́ром помáза Ми нóзе. Егóже рáди, глагóлю ти: отпущáются греси́ eя́ мнóзи, я́ко возлюби́ мнóго, а eмýже мáло оставля́ется, мéньше лю́бит. Речé же eй: отпущáются тебé греси́. И начáша возлежáщiи с Ним глагóлати в себé: кто Сей eсть, и҆́же и грехи́ отпущáет? Речé же к женé: вéра твоя́ спасé тя, иди́ в ми́ре.
[Русский синодальный перевод]Во время оно, некто из фарисеев просил Его вкусить с ним пищи; и Он, войдя в дом фарисея, возлег. И вот, женщина того города, которая была грешница, узнав, что Он возлежит в доме фарисея, принесла алавастровый сосуд с миром и, став позади у ног Его и плача, начала обливать ноги Его слезами и отирать волосами головы своей, и целовала ноги Его, и мазала миром. Видя это, фарисей, пригласивший Его, сказал сам в себе: если бы Он был пророк, то знал бы, кто и какая женщина прикасается к Нему, ибо она грешница. Обратившись к нему, Иисус сказал: Симон! Я имею нечто сказать тебе. Он говорит: скажи, Учитель. Иисус сказал: у одного заимодавца было два должника: один должен был пятьсот динариев, а другой пятьдесят, но как они не имели чем заплатить, он простил обоим. Скажи же, который из них более возлюбит его? Симон отвечал: думаю, тот, которому более простил. Он сказал ему: правильно ты рассудил. И, обратившись к женщине, сказал Симону: видишь ли ты эту женщину? Я пришел в дом твой, и ты воды Мне на ноги не дал, а она слезами облила Мне ноги и волосами головы своей отёрла; ты целования Мне не дал, а она, с тех пор как Я пришел, не перестает целовать у Меня ноги; ты головы Мне маслом не помазал, а она миром помазала Мне ноги. А потому сказываю тебе: прощаются грехи её многие за то, что она возлюбила много, а кому мало прощается, тот мало любит. Ей же сказал: прощаются тебе грехи. И возлежавшие с Ним начали говорить про себя: кто это, что и грехи прощает? Он же сказал женщине: вера твоя спасла тебя, иди с миром. (7:36-50)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилáте, и страдáвша и погребенна. И воскресшаго в третий день по Писáнием, и возшедшаго на небесá и седяща одесную Отцá. И пáки грядущаго со слáвою судити живым и мертвым, Егоже Цáрствию не будет концá. И в Духа Святáго, Господа, Животворящаго, Иже от Отцá исходящаго, Иже со Отцем и Сыном спокланяема и сслáвима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чáю воскресения мертвых, и жизни будущаго века. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Конда́к воскре́сный, глас 4
Спас и Избáвитель мой/ из грóба, яко Бог, воскреси от уз земнорóдныя,/ и вратá áдова сокруши,/ и яко Владыка// воскрéсе триднéвен.
Гóсподи, помилуй. (12 раз)
И молитву: Всесвятая Троице, Единосущная Держáво, Нераздельное Цáрство, всех благих Винá, благоволи же и о мне грéшнем, утверди, вразуми сéрдце моé, и всю мою отыми сквéрну, просвети мою мысль, да выну слáвлю, пою, покланяюся и глаголю: Един Свят, Един Господь, Иисус Христос, во слáву Бога Отца, аминь.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Вместо Достойно есть
О Тебé рáдуется, Благодáтная всякая тварь,/ Ангельский собóр и человéческий род,/ освящéнный хрáме и раю словéсный,/ дéвственная похвалó,/ из Неяже Бог воплотися,/ и Младéнец бысть, прéжде век Сый Бог наш:/ ложеснá бо Твоя престóл сотвори/ и чрéво Твоé прострáннее Небéс содéла.// О Тебé рáдуется, Благодáтная, всякая тварь, слáва Тебé.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
Гóсподи, Иисусе Христé, Сыне Бóжий, воскрéсый из мéртвых, молитвами Пречистыя Твоея Мáтере, святых слáвных и всехвáльных Апóстол, преподóбных и богонóсных отéц нáших и всех святых, спаси нас, яко благ и человеколюбец.
Хор: Аминь. Гóсподи, помилуй. (3 раза)
Таже, поем многолетие
Благочести́вейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!
Использованы материалы с сайтов Азбука веры, Последование рф, Патриархия ру, моя библия онлайн православный молитвослов.