НЕДЕЛЯ 4-я по ПАСХЕ, O РАССЛАБЛЕННОМ. Глас 3. ЧАСЫ ТРЕТИЙ, ШЕСТЫЙ И ДЕВЯТЫЙ. Служба мирским чином: mirskim

mirskim

НЕДЕЛЯ 4-я по ПАСХЕ, O РАССЛАБЛЕННОМ. Глас 3. ЧАСЫ ТРЕТИЙ, ШЕСТЫЙ И ДЕВЯТЫЙ. Служба мирским чином

May 04, 2023 18:32

7 мáя 2023 гóда. Недéля четвéртая по Пáсхе, о расслáбленном. Глас 3. Воскрéсная прáздничная слýжба для домáшнего (келéйнаго) совершéнiя. Послéдованiе часóв.

Аще имаши произволéнiе то прéжде чти ýтреню с канóном и пéрвым чáсом.

ЧАС ТРЕТИЙ

Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.

Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трúжды)

Святы́й Бóже, Святый Крéпкiй, Святый Безсмéртный, поми́луй нас.(3 раза)

Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.

Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.

Гóсподи, поми́луй. (трúжды)

Слáва Ѻтцý и Сы́ну и Святóму Дýху, и ны́не и присно и во вéки векóв, аминь.

Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.

Гóсподи, Iисýсе Хрїстé, Сы́не Бóжiй, поми́луй нас. Ами́нь.

Гóсподи, поми́луй, (12 раз)

Слáва Ѻтцý и Сыну и Святóму Дýху, и ны́не и при́сно и во вéки векóв, аминь.

Прїиди́те, поклони́мся Царéви нáшему Бóгу.

Прїиди́те, поклони́мся и припадéм Хрїстý, Царéви нáшему Бóгу.

Прїиди́те, поклони́мся и припадéм Самомý Хрїстý, Царéви и Бóгу нáшему.

Псалом 16

Услыши, Гóсподи, прáвду мою, вонмѝ молéнiю моемý, внушѝ моли́тву мою́ не во устнáх льсти́вых. От лицá Твоегó судьбá моя изы́дет, óчи моѝ да ви́дита правоты. Искуси́л есѝ сéрдце моé, посети́л есѝ нóщiю, искуси́л мя есѝ и не обрéтеся во мне непрáвда. Яко да не возглагóлют устá моя дел человéческих, за словесá устéн Твои́х аз сохрани́х путѝ жéстоки. Совершѝ стопы́ моя во стезях Твои́х, да не подви́жутся стопы́ моя. Аз воззвáх, яко услы́шал мя есѝ, Бóже, приклонѝ ýхо Твоé мне, и услы́ши глагóлы моя́. Удивѝ ми́лости Твоя, спасáяй уповáющiя на Тя от проти́вящихся десни́це Твоéй. Сохранѝ мя, Гóсподи, яко зéницу óка, в крóве крилý Твоéю покры́еши мя. От лицá нечести́вых острáстших мя, вразѝ моѝ дýшу мою́ одержáша. Тук свой затвори́ша, устá и҆́х глагóлаше горды́ню. Изгоня́щiи мя ны́не обыдóша мя, óчи своѝ возложи́ша уклони́ти на зéмлю. Объя́ша мя яко лев готóв на лов, и яко ски́мен обитáяй в тáйных. Воскреснѝ, Гóсподи, предварѝ я́ и запнѝ им, избáви дýшу мою́ от нечести́ваго, орýжiе Твоé от враг рукѝ Твоея́. Гóсподи, от мáлых от землѝ разделѝ я́ в животé и҆́х, и сокровéнных Твоих испóлнися чрéво и҆́х, насы́тишася сынóв, и остáвиша остáнки младéнцем свои́м. Аз же прáвдою явлю́ся лицý Твоемý, насы́щуся, внегдá яви́ти ми ся слáве Твоéй.

Псалом 24

К Тебé, Гóсподи, воздвигóх дýшу мою́, Бóже мой, на Тя уповáх, да не постыжýся во век, нижé да посмею́т ми ся вразѝ моѝ; И҆́бо вси терпящiи Тя не постыдя́тся. Да постыдя́тся беззакóннующiи вотщé. Путѝ Твоя, Гóсподи, скажѝ ми, и стезя́м Твоим научѝ мя. Настáви мя на и҆́стину Твою́ и научѝ мя, яко Ты есѝ Бог Спас мой, и Тебé терпéх весь день. Помянѝ щедрóты Твоя, Гóсподи, и ми́лости Твоя, я́ко от вéка суть. Грех юности моея́ и невéденiя моегó не помянѝ, по ми́лости Твоéй помянѝ мя Ты рáди блáгости Твоея́, Гóсподи. Благ и прав Госпóдь, сегó рáди законоположи́т согрешáющим на путѝ. Настáвит крóткiя на суд, научи́т крóткiя путéм Свои́м. Вси путié Госпóдни ми́лость и и҆́стина, взыскáющым завéта Егó и свидéнiя Егó. Рáди и҆́мене Твоегó, Гóсподи, и очи́сти грех мой, мног бо есть. Кто есть человéк боя́йся Гóспода; законоположи́т емý на путѝ, егóже извóли. Душá егó во благи́х водвори́тся, и сéмя егó наслéдит зéмлю. Держáва Госпóдь боя́щихся Егó и завéт Егó яви́т и҆́м. Óчи моѝ выну ко Гóсподу, яко Той истóргнет от сéти нóзе моѝ. При́зри на мя и поми́луй мя, яко единорóд и нищ есмь аз. Скóрби сéрдца моегó умнóжишася, от нужд мои́х изведѝ мя. Виждь смирéнiе моé и труд мой, и остáви вся грехѝ моя́. Виждь враги́ моя́, я́ко умнóжишася, и ненавидéнiем непрáведным возненави́деша мя. Сохранѝ дýшу мою́ и избáви мя, да не постыжýся, я́ко уповáх на Тя. Незлóбивiи и прáвiи прилепля́хуся мне, я́ко потерпéх Тя, Гóсподи. Избáви, Бóже, Iзрáиля от всех скорбéй егó.

Псалом 50

Поми́луй мя, Бóже, по вели́цей ми́лости Твоéй, и по мнóжеству щедрóт Твои́х очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Еди́ному согреши́х, и лукáвая пред Тобóю сотвори́х; яко да оправди́шися во словесéх Твои́х и победи́ши, внегдá суди́ти Ти. Се бо в беззакóнiих зачáт есмь, и во гресéх родѝ мя мáти моя́. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менé от лицá Твоегó, и Дýха Твоегó Святáго не отымѝ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твои́м, и нечести́вiи к Тебé обратя́тся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою. Яко áще бы восхотéл есѝ жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Аллилýїа, аллилýїа, аллилýїа, слáва Тебé Бóже. (3 раза)

Гóсподи, помúлуй. (3 раза)

Слáва Ѻтцý и Сы́ну и Святóму Дýху.

Тропáрь воскрéсный, глас 3: Да веселя́тся небéсная, да рáдуются земнáя; я́ко сотворѝ держáву мы́шцею Своéю Госпóдь, попрá смéртiю смерть,пéрвенец мéртвых бысть; из чрéва áдова избáви нас, и подадé мíрови вéлiю ми́лость.

И ны́не и прúсно и во вéки векóв. Амúнь.

Богорóдичен: Богорóдице, Ты еси Лозá и҆́стинная, возрасти́вшая нам Плод Животá, Тебé мóлимся, моли́ся Влады́чице, со святы́ми Апóстолы, поми́ловати дýши нáша.

Госпóдь Бог благословéн, благословéн Госпóдь день дне, поспеши́т нам Бог спасéнiй нáших, Бог наш, Бог спасáти.(Пс.67:20-21)

Посем Трисвятое по Отче наш

Святы́й Бóже, Святый Крéпкiй, Святый Безсмéртный, поми́луй нас.(3 раза)

Слáва Отцý и Сыну и Святóму Дýху, и ныне и при́сно и во вéки векóв, ами́нь.

Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.

Гóсподи, поми́луй. (3 раза)

Слáва Отцý и Сы́ну и Святóму Дýху, и ны́не и присно и во вéки векóв, аминь.

Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.

Гóсподи, Iисýсе Хрїстé, Сы́не Бóжїй, поми́луй нас. Ами́нь.

КОНДAК

Кондáк прáздника Триóди (о расслáбленном), глас 3: Дýшу мою́, Гóсподи, во гресéх вся́ческих, и безмéстными дея́ньми лю́те разслáблену, воздви́гни Божéственным Твои́м предстáтельством, я́коже и разслáбленнаго воздви́гл еси́ дрéвле, да зовý Ти, спасáемь: Щéдрый, слáва Хрїстé, держáве Твоéй.

Гóсподи, помúлуй. (40 раз)

И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.

Гóсподи, поми́луй. (3 раза)

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.

И҆́менем Госпóдним Гóсподи, благословѝ.

Моли́твами святых отéц нáших, Гóсподи Iисýсе Хрїстé, Бóже наш, поми́луй нас, ами́нь.

Молитва святаго Мардария

Владыко Бóже Ѻ́тче Вседержи́телю, Гóсподи Сыне Единорóдный Iисýсе Хрїстé, и Святы́й Дýше, Еди́но Божествó, Еди́на Си́ла, поми́луй мя грéшнаго, и и҆́миже вéси судьбáми спасѝ мя недостóйнаго рабá Твоегó, яко благословéн есѝ во вéки векóв, ами́нь.

ЧАС ШЕСТЫЙ

Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.(Трúжды)

Псалом 53

Бóже, во и҆́мя Твоé спасѝ мя, и в силе Твоéй судѝ ми. Бóже, услы́ши молитву мою, внушѝ глагóлы уст моих. Яко чýждiи востáша на мя и крéпцыи взыскáша дýшу мою, и не предложи́ша Бóга пред собóю. Се бо Бог помогáет ми, и Госпóдь застýпник душѝ моéй. Отврати́т злáя врагóм мои́м, и҆́стиною Твоéю потребѝ их. Вóлею пожрý Тебé, исповéмся и҆́мени Твоемý, Гóсподи, яко блáго; Яко от вся́кiя печáли избáвил мя есѝ, и на врагѝ моя воззрé óко моé.

Псалом 54

Внушѝ, Бóже, молитву мою и не прéзри молéнiя моегó. Вонмѝ ми и услыши мя: возскорбéх печáлiю моéю и смятóхся. От глáса врáжiя и от стужéнiя грéшнича, яко уклони́ша на мя беззакóнiе и во гнéве враждовáху ми. Сéрдце мое смятéся во мне и боя́знь смéрти нападé на мя. Страх и трéпет прiиде на мя и покры́ мя тьма. И рех: кто даст ми крилé, яко голуби́не, и полещý, и почíю; Се удалихся бéгая и водворихся в пустыни. Чáях Бóга спасáющаго мя от малодýшiя и от бýри. Потопи Гóсподи, и разделѝ языки и҆́х: я́ко видех беззакóнiе и пререкáнiе во грáде. Днем и нóщiю обыдет и по стенáм егó: беззакóнiе и труд посредé егó и непрáвда. И не оскудé от стогн его лихва и лесть. Яко áще бы враг поносил ми, претерпéл бых ýбо, и áще бы ненавидяй мя на мя велерéчевал, укрыл бых ся от негó. Ты же человéче равнодýшне, владыко мой и знáемый мой; И҆́же кýпно наслаждáлся еси со мнóю брáшен, в дoмý Бóжiи ходихом единомышлéнiем. Да прiидет же смерть на ня, и да снидут во ад живи, яко лукáвство в жилищах и҆́х, посредé и҆́х. Аз к Бóгу воззвáх, и Госпóдь услыша мя. Вéчер и заýтра, и полýдне повéм, и возвещý, и услышит глас мой. Избáвит миром дýшу мою от приближáющихся мне, яко во мнóзе бяху со мнóю. Услышит Бог и смири́т я, Сый прéжде век. Несть бо им изменéнiя, яко не убояшася Бóга. Прострé рýку свою на воздаянiе, оскверниша завéт Егó. Разделишася от гнéва лицá Егó, и прибли́жишася сердцá их, умякнуша словесá их пáче елéа, и та суть стрéлы. Возвéрзи на Гóспода печáль твою, и Той тя препитáет, не даст в век молвы прáведнику. Ты же, Бóже, низведéши их во студенéц истлéнiя, мýжiе кровéй и льсти не преполовя́т дней свои́х. Аз же, Гóсподи, уповáю на Тя.

Псалом 90

Живы́й в пóмощи Вы́шняго, в крóве Бóга Небéснаго водвори́тся. Речéт Гóсподеви: застýпник мой есѝ и прибéжище моé, Бог мой, и уповáю на Негó. Яко Той избáвит тя от сéти лóвчи, и от словесé мятéжна; Плещмá Свои́ма осени́т тя, и под крилé Егó надéешися: орýжiем обыдет тя и҆́стина Егó. Не убои́шися от стрáха нощнáго, от стрелы летя́щiя во дни; От вéщи во тме преходя́щiя, от сря́ща и бéса полýденнаго. Падéт от страны́ твоея́ ты́сяща, и тма одеснýю тебé, к тебé же не прибли́жится; Обáче очи́ма твои́ма смóтриши, и воздаянiе грéшников ýзриши. Яко Ты, Гóсподи, уповáнiе моé, Вы́шняго положи́л есѝ прибéжище твоé. Не прiи́дет к тебé зло, и рáна не прибли́жится телесѝ твоемý; Яко Áнгелом Свои́м заповéсть о тебé, сохрани́ти тя во всех путéх твои́х. На рукáх вóзмут тя, да не когдá преткнéши о кáмень нóгу твою́; На áспiда и васiлíска настýпиши, и поперéши льва и змíя. Яко на Мя уповá, и избáвлю и҆̀: покры́ю и҆̀, я́ко познá и҆́мя Моé. Воззовéт ко Мне, и услышу егó: с ним есмь в скóрби, измý егó, и прослáвлю егó; Долготóю дней испóлню егó, и явлю́ емý спасéнiе Моé.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Аллилýїа, аллилýїа, аллилýїа, слáва Тебѣ̀ Бóже. (трúжды)

Гóсподи, помúлуй. (трúжды)

Слáва Ѻтцý и Сы́ну и Святóму Дýху.

Тропáрь воскрéсный, глас 3: Да веселя́тся небéсная, да рáдуются земнáя; я́ко сотворѝ держáву мы́шцею Своéю Госпóдь, попрá смéртiю смерть,пéрвенец мéртвых бысть; из чрéва áдова избáви нас, и подадé мíрови вéлiю ми́лость.

И ны́не и прúсно и во вéки векóв. Амúнь.

Богорóдичен: Яко не и҆́мамы дерзновéнiя за премнóгiя грехи́ нáша, Ты И҆́же от Тебé Рóждшагося молѝ, Богорóдице Дéво: мнóго бо мóжет молéнiе Мáтернее ко благосéрдiю Владыки: не прéзри грéшных мольбы, Всечи́стая, яко ми́лостив есть и спастѝ могíй, И҆́же и страдáти о нас извóливый.

Скóро да предварят ны щедрóты Твоя, Гóсподи, яко обнищáхом зелó: помозѝ нам, Бóже Спáсе наш, слáвы рáди и҆́мене Твоегó; Гóсподи, избáви нас, и очи́сти грехѝ нáша, и҆́мене рáди Твоегó.

Посем Трисвятое по Отче наш

Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 раза)

Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.

Пресвѧтáѧ Трóице, помилуй нас, Гóсподи, очисти грехѝ нáшѧ, Владыко, простѝ беззакóнiя нáшѧ, Святы́й, посетѝ и исцелѝ нéмощи нáшѧ и҆́мене Твоегó рáди.

Гóсподи, поми́луй. (трúжды)

Слáва Ѻтцý и Сыну и Святóму Дýху, и ныне и при́сно и во вéки векóв, аминь.

Ѻ́тче наш, И҆́же есѝ на небесéх. Да святи́тся И҆́мя Твоé, да прїи́дет Цáрствїе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшѧ, я́коже и мы оставля́ем должникóм нáшим. И не введѝ нас во искушéнїе, но избáви нас от лукáваго.

Гóсподи, Iисýсе Хрїстé, Сыне Бóжїй, поми́луй нас. Ами́нь.

КОНДAК

Кондáк прáздника Триóди (о расслáбленном), глас 3: Дýшу мою́, Гóсподи, во гресéх вся́ческих, и безмéстными дея́ньми лю́те разслáблену, воздви́гни Божéственным Твои́м предстáтельством, я́коже и разслáбленнаго воздви́гл еси́ дрéвле, да зовý Ти, спасáемь: Щéдрый, слáва Хрїстé, держáве Твоéй.

Гóсподи, помúлуй. (40 раз)

И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн еси́ во вéки векóв, ами́нь.

Гóсподи, поми́луй. (3 раза)

Слáва Ѻтцý и Сыну и Святóму Дýху, и ныне и прúсно и во вéки векóв. Амúнь.

Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.

И҆́менем Госпóдним Гóсподи, благословѝ.

Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.

Таже молитва святаго Великаго Василия

Бóже и Гóсподи сил и всея́ твáри Содéтелю, И҆́же за милосéрдiе безприклáдныя ми́лости Твоея́ Единорóднаго Сы́на Твоегó, Гóспода нáшего Iисýса Хрїстá, низпослáвый на спасéнiе рóда нáшего, и честны́м Егó Крестóм рукописáнiе грех нáших растерзáвый, и победи́вый тем начáла и влáсти тьмы. Сам, Влады́ко Человеколю́бче, прiимѝ и нас, грéшных, благодáрственныя сiя и молéбныя моли́твы и избáви нас от вся́каго всегуби́тельнаго и мрáчнаго прегрешéнiя и всех озлóбити нас и҆́щущих ви́димых и неви́димых враг. Пригвозди́ стрáху Твоемý плóти нáша и не уклонѝ сердéц нáших в словесá или помышлéнiя лукáвствiя, но любóвiю Твоéю уязвѝ дýши нáша, да, к Тебé всегдá взирáюще и éже от Тебé свéтом наставля́еми, Тебé, непристýпнаго и присносýщнаго зря́ще Свéта, непрестáнное Тебé исповéданiе и благодарéнiе возсылáем, Безначáльному Отцý со Единорóдным Твоим Сы́ном и Всесвяты́м, и Благи́м, и Животворя́щим Твои́м Дýхом ны́не, и при́сно, и во вéки векóв, ами́нь.

И глагóлем зде изобразительные. Аще кто хóщет глагóлет прéжде и девятый час.

ЧАС ДЕВЯТЫЙ

Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трúжды)

Псалом 83

Коль возлюбленна селéнiя Твоя́, Гóсподи сил! Желáет и скончавáется душá моя́ во дворы́ Госпóдни, сéрдце моé и плоть моя́ возрáдовастася о Бóзе живе. И҆́бо птица обрéте себé хрáмину, и гóрлица гнездó себé, идéже положи́т птенцы своя́, олтарѝ Твоя, Гóсподи сил, Царю мой и Бóже мой. Блажéни живýщiи в домý Твоéм, в вéки векóв восхвáлят Тя. Блажéн муж, eмýже есть заступлéнiе eго у Тебé; восхождéнiя в сéрдце своéм положѝ, во юдóль плачéвную, в мéсто éже положѝ, и҆́бо благословéнiе даст законополагáяй. Пóйдут от си́лы в си́лу: яви́тся Бог богóв в Сióне. Гóсподи Бóже сил, услыши моли́тву мою, внушѝ, Бóже Iáковль. Защи́тниче наш, виждь, Бóже, и при́зри на лицé хрiстá Твоегó. Яко лýчше день еди́н во двóрех Твои́х пáче тысящ: извóлих приметáтися в домý Бóга моегó пáче, нéже жи́ти ми в селéнiих грéшничих. Яко ми́лость и и҆́стину любит Госпóдь, Бог благодáть и слáву даст, Госпóдь не лиши́т благих ходящих незлóбiем. Гóсподи Бóже сил, Блажéн человéк уповáяй на Тя.

Псалом 84

Благоволил есѝ, Гóсподи, зéмлю Твою, возврати́л есѝ плен Iáковль: остáвил есѝ беззакóнiя людéй Твоих, покрыл есѝ вся грехи и҆́х. Укротил есѝ весь гнев Твой, возвратился есѝ от гнéва я́рости Твоея́. Возвратѝ нас, Бóже спасéнiй нáших, и отвратѝ я́рость Твою от нас. Едá во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживи́ши ны, и людiе Твои возвеселя́тся о Тебé. Явѝ нам, Гóсподи, ми́лость Твою, и спасéнiе Твоé даждь нам. Услышу, что речéт о мне Госпóдь Бог: яко речéт мир на люди Своя́, и на преподóбныя Своя́, и на обращáющыя сердцá к Немý. Обáче близ боя́щихся Егó спасéнiе Егó, всели́ти слáву в зéмлю нáшу. Ми́лость и и҆́стина сретóстеся, прáвда и мир облобызáстася. И҆́стина от земли возсiя́, и прáвда с Небесé прини́че, и҆́бо Госпóдь даст блáгость, и земля́ нáша даст плод свой. Прáвда пред Ним предъи́дет, и положи́т в путь стопы своя́.

Псалом 85

Приклонѝ, Господи, ýхо Твоé, и услыши мя, яко нищ и убóг есмь аз. Сохранѝ дýшу мою, яко преподóбен есмь: спаси́ рабá Твоегó, Бóже мой, уповáющаго на Тя. Поми́луй мя, Гóсподи, яко к Тебé воззовý весь день. Возвесели дýшу рабá Твоегó, яко к Тебé взях дýшу мою. Яко Ты, Гóсподи, Благ и Крóток, и Многомилостив всем призывáющым Тя. Внуши, Гóсподи, молитву мою, и вонми гласу молéнiя моегó. В день скóрби моея воззвáх к Тебé, яко услышал мя есѝ. Несть подóбен Тебé в бозéх, Гóсподи, и несть по делóм Твоим. Вси языцы, елики сотворил есѝ, прiидут и поклóнятся пред Тобóю, Гóсподи, и прослáвят имя Твоé, яко Вéлiй есѝ Ты, и творяй чудесá, Ты есѝ Бог един. Настáви мя, Гóсподи, на путь Твой, и пойдý во и҆́стине Твоéй; да возвеселится сéрдце моé боятися и҆́мене Твоегó. Исповéмся Тебé, Гóсподи Бóже мой, всем сéрдцем моим, и прослáвлю и҆́мя Твоé в век: яко милость Твоя вéлiя на мне, и избáвил еси дýшу мою от áда преиспóднейшаго. Бóже, законопрестýпницы востáша на мя, и сонм держáвных взыскáша дýшу мою, и не предложиша Тебé пред собóю. И Ты, Гóсподи Бóже мой, Щéдрый и Милостивый, Долготерпеливый, и Многомилостивый и и҆́стинный, призри на мя и помилуй мя, даждь держáву Твою óтроку Твоемý, и спасѝ сына рабы Твоея. Сотворѝ со мнóю знáменiе во блáго, и да видят ненавидящiи мя, и постыдятся, яко Ты, Гóсподи, помóгл ми и утéшил мя есѝ.

И паки: Сотворѝ со мнóю знáменїе во блáго, и да ви́дят ненави́дящїи мя, и постыдятся, яко Ты, Гóсподи, помóгл ми и утéшил мя есѝ.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Аллилýїа, аллилýїа, аллилýїа, слáва Тебѣ̀ Бóже. (трúжды)

Гóсподи, помúлуй. (трúжды)

Слáва Ѻтцý и Сы́ну и Святóму Дýху.

Тропáрь воскрéсный, глас 3: Да веселя́тся небéсная, да рáдуются земнáя; я́ко сотворѝ держáву мы́шцею Своéю Госпóдь, попрá смéртiю смерть,пéрвенец мéртвых бысть; из чрéва áдова избáви нас, и подадé мíрови вéлiю ми́лость.

И ны́не и прúсно и во вéки векóв. Амúнь.

Богорóдичен: И҆́же нас рáди рождéйся от Дéвы и распя́тiе претерпéв, Благíй, испровéргiй смéртiю смерть и воскресéнiе явлéй я́ко Бог, не прéзри, я́же создáл еси рукóю Твоéю. Яви́ человеколю́бiе Твоé, Ми́лостиве. Прiимѝ рóждшую Тя Богорóдицу, моля́щуюся за ны. И спасѝ, Спáсе наш, лю́ди отчáянныя.

Не предáждь нас до концá И҆́мене Твоегó рáди, и не разорѝ завéта Твоегó, и не отстáви ми́лости Твоея́ от нас Авраáма рáди, возлю́бленнаго от Тебé, и за Iсаáка, рабá Твоегó, и Iзрáиля, святáго Твоегó.

Посем Трисвятое по Отче наш

Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 раза)

Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.

Пресвѧтаѧ Трóице, помилуй нас, Гóсподи, очи́сти грехѝ нáшѧ, Владыко, простѝ беззакóния нáшѧ, Святы́й, посетѝ и исцелѝ нéмощи нáшѧ и҆́мене Твоегó рáди.

Гóсподи, поми́луй. (трúжды)

Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.

Ѻ́тче нашъ, И҆́же есѝ на небесѣ́хъ. Да святи́тся И҆́мя Твоé, да прїи́детъ Цáрствїе Твоé, да бýдет вóля Твоѧ̀, ꙗ҆́ко на небесѝ и на землѝ. Хлѣбъ нашъ насýщный даждь намъ днесь, и остáви нам дóлги нáшѧ, я́коже и мы оставлѧ́емъ должникóмъ нáшимъ. И не введѝ нас во искушéнїе, но избáви нас от лукáваго.

Гóсподи, Iисýсе Хрїстé, Сыне Бóжїй, поми́луй нас. Ами́нь.

КОНДAК

Кондáк прáздника Триóди (о расслáбленном), глас 3: Дýшу мою́, Гóсподи, во гресéх вся́ческих, и безмéстными дея́ньми лю́те разслáблену, воздви́гни Божéственным Твои́м предстáтельством, я́коже и разслáбленнаго воздви́гл еси́ дрéвле, да зовý Ти, спасáемь: Щéдрый, слáва Хрїстé, держáве Твоéй.

Гóсподи, помúлуй. (40 раз)

И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем и҆́х соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.

Гóсподи, поми́луй. (трúжды)

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.

И҆́менем Госпóдним Гóсподи, благословᴎ́.

Моли́твами святых отéц нáших, Гóсподи Iисýсе Хрїстé, Бóже наш, поми́луй нас, ами́нь.

И молитву сию Великаго Василия

Влады́ко Гóсподи, Iисýсе Хрїстé, Бóже наш, долготерпéвый о нáших согрешéнiих и дáже до ны́нешняго часá привeды́й нас, вóньже, на Животворя́щем Дрéве ви́ся, благоразýмному разбóйнику и҆́же в рай путесотвори́л есѝ вход и смéртiю смерть разруши́л есѝ: очи́сти нас, грéшных и недостóйных раб Твои́х, согреши́хом бо и беззакóнновахом и нéсмы достóйни возвестѝ очесá нáша и воззрéти на высотý Небéсную, занé остáвихом путь прáвды Твоея́ и ходи́хом в вóлях сердéц нáших. Но мóлим Твою́ безмéрную блáгость: пощади́ нас, Гóсподи, по мнóжеству ми́лости Твоея́, и спасѝ нас И҆́мене Твоегó рáди святáго, яко исчезóша в суетé днíе нáши, изми́ нас из рукѝ сопроти́внаго, и остáви нам грехѝ нáша, и умертви́ плотскóе нáше мудровáнiе, да, вéтхаго отложи́вше человéка, в нóваго облецéмся и Тебé поживéм, нáшему Влады́це и Благодéтелю. И тáко, Твои́м послéдующе повелéнiем, в вéчный покóй дости́гнем, идéже есть всех веселя́щихся жили́ще. Ты бо есѝ вои́стинну и҆́стинное весéлiе и рáдость лю́бящих Тя, Хрїстé Бóже наш, и Тебé слáву возсылáем со Безначáльным Твои́м Отцéм, и Пресвяты́м, и Благи́м, и Животворя́щим Твои́м Дýхом, ны́не, и при́сно и во вéки векóв, ами́нь.

И глагóли обéдницу

о расслабленном, православие, часы третий шестый и девятый, Неделя 4 по Пасхе, глас 3, мирским чином, 7 мая, неделя о расслабленном, христианство, 3 глас, служба мирским чином