БЛАГОВЕЩЕНИЕ ПРЕСВЯТОЙ БОГОРОДИЦЫ. ВЕЧЕРНЯ и ОБЕДНИЦА Служба мирским чином.

[mirskim]

7 апрéля 2023 гóда. Пя́тница 6-й седмúцы, вáiй. Благовéщенiе Пресвятóй Богорóдицы. Воскрéсная прáздничная слýжба для домáшнего (келéйнаго) совершéнiя. Послéдованiе вечéрни в соединéнiи с обéдницей.

Прежде глаголи часы: третiй, шестый и девятый.

ВЕЧЕРНЯ

Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.

Пріиди́те, поклони́мся Царéви нáшему Бóгу.

Пріиди́те, поклони́мся и припадéм Хрїстý, Царéви нáшему Бóгу.

Пріиди́те, поклони́мся и припадéм Самомý Хрїстý, Царéви и Бóгу нáшему.

Псалом 103, предначинaтельный



Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода.

Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Аллилýїа, аллилýїа, аллилýїа, слáва Тебé Бóже. (3 раза)

Гóсподи, поми́луй. (12 раз)

Слáва Отцý и Сы́ну и Святóму Дýху, и ны́не и присно и во вéки векóв, аминь.

ГОСПОДИ ВОЗЗВАХ, ГЛАС 5

Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.

Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.

Чтец или хор: Положѝ, Гóсподи, хранéнiе устóм мои́м, и дверь ограждéнiя о устнáх мои́х.

Не уклонѝ сéрдце моé в словесá лукáвствiя, непщевáти вины́ о гресéх.

С человéки дéлающими беззакóнiе, и не сочтýся со избрáнными их.

Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́.

Я́ко ещé и моли́тва моя́ во благоволéнiих их. Пожéрты бы́ша при кáмени судiѝ их.

Услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде.

Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́.

Сохранѝ мя от сéти, ю́же состáвиша ми, и от соблáзн дéлающих беззакóнiе.

Падýт во мрéжу свою́ грéшницы: еди́н есмь аз, дóндеже прейдý.

Глáсом мои́м ко Гóсподу воззвáх, глáсом мои́м ко Гóсподу помоли́хся.

Пролiю́ пред Ним молéнiе моé, печáль мою́ пред Ним возвещý.

Внегдá исчезáти от менé дýху моемý: и Ты познáл есѝ стезѝ моя́:

На путѝ сем, по немýже хождáх, скры́ша сеть мне.

Смотря́х одеснýю и возгля́дах, и не бе знáяй менé:

Поги́бе бéгство от менé, и несть взыскáяй дýшу мою́.

Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х.

Вонмѝ молéнiю моемý, я́ко смири́хся зелó,

Избáви мя от гоня́щих мя, я́ко укрепи́шася пáче менé.

На 10 Чтец: Изведú из темнúцы дýшу мою́,// исповéдатися и҆́мени Твоемý.

Стiхúры, самоглáсны Трióди, глас 8: Душеполéзную соверши́вше Четыредеся́тницу,/ и Святýю седми́цу стрáсти Твоея́,/ прóсим ви́дети Человеколю́бче,/ éже прослáвити в ней вели́чiя Твоя́,/ и неизречéнное нас рáди смотрéнiе Твоé,/ единомýдренно воспевáюще:// Гóсподи слáва Тебé.

Менé ждут прáведницы,// дóндеже воздáси мне.

Стiхúра: Душеполéзную соверши́вше Четыредеся́тницу,/ и Святýю седми́цу стрáсти Твоея́,/ прóсим ви́дети Человеколю́бче,/ éже прослáвити в ней вели́чiя Твоя́,/ и неизречéнное нас рáди смотрéнiе Твоé,/ единомýдренно воспевáюще:// Гóсподи слáва Тебé.

На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.

Стiхúры Благовéщенiя (самоглáсны) глас 4: В шесты́й мéсяц пóслан бысть Архáнгел/ к Дéве Чи́стей/ и, рáдоватися Ей прирéк,/ благовести́ из Нея́ Избáвителю проити́./ Тéмже, прiéмши целовáнiе,/ зачáт Тя, Превéчнаго Бóга,/ несказáнно благоволи́вшаго вочеловéчитися// во спасéнiе душ нáших.

Да бýдут ýши Твоú// внéмлюще глáсу молéнiя моегó.

Стiхúра: Язы́ка, егóже не вéдяше, услы́ша Богорóдица,/ глагóлаше бо к Ней Архáнгел благовéщенiя глагóлы,/ отонýдуже вéрно, прiи́мши целовáнiе,/ зачáт Тя, Превéчнаго Бóга./ Тéмже и мы, рáдующеся, вопiéм Ти:/ из Нея́ воплоти́выйся непрелóжно Бóже,/ мир мíрови дáруй// и душáм нáшим вéлiю ми́лость.

На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.

Стiхúра: Се воззвáнiе ны́не яви́ся нам,/ пáче Слóва Бог человéком соединя́ется,/ Архáнгеловым глáсом прéлесть отгоня́ется,/ Дéва бо прiéмлет рáдость,/ земнáя бы́ша Нéбо,/ мир разреши́ся пéрвыя кля́твы./ Да рáдуется тварь и глáсы да воспоéт:/ Твóрче и Избáвителю наш,/ Гóсподи, слáва Тебé.

И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.

Стiхúры, самоглáсны Трióди (прав. Лазаря) глас 6: Гóсподи, Лáзарев хотя́ гроб ви́дети,/ вóлею хотя́й во гроб всели́тися вопрошáл еси́: где положи́сте егó?/ Увéдев же, éже не невéдал еси́, и возглашáл, егóже люби́л еси́:/ Лáзаре гряди́ вон./ И послýша бездыхáнный, дыхáнiе даю́щаго емý,// Тебé Спáса душáм нáшим.

На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.

Стiхúра: Гóсподи, на гроб четвероднéвнаго пришéл еси́ Лáзаря,/ и над грóбом слéзы пролiя́в, мертвецá четвероднéвна возстáвил еси́, клáсе животá./ Тéмже смерть свя́зана бысть глáсом:/ пелены́ разреши́шася рукáми./ Тогдá рáдости испóлнися мнóжество учени́к,/ и еди́но от всех служáшеся соглáсiе:// благословéн еси́ Спáсе, поми́луй нас.

Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.

Стiхúра: Гóсподи, глас твой разруши́ áдово цáрствiе,/ и слóво влáсти Твоея́ возстáви из грóба четвероднéвнаго,/ и бысть Лáзарь пакибытiя́ проображéнiе спаси́тельное./ Вся возмóжна Тебé Влады́ко всех Царю́,// дáруй рабóм Твои́м очищéнiе, и вéлiю ми́лость.

На 2. Стiх: Хвалúте Гóспода вси язы́цы, похвалúте Егó вси лю́дiе.

Стiхúра: Гóсподи, увéрити хотя́ ученикóм Твои́м из мéртвых Твоé Воскресéнiе,/ на гроб Лáзарев пришéл еси́:/ и возгласи́вшу ти сегó,/ ад плени́ся, и отпусти́ четвероднéвна,// вопiю́ща Тебé: благословéнный Гóсподи слáва Тебé.

Яко утвердúся мúлость Егó на нас,// и и҆́стина Госпóдня пребывáет во век.

Стiхúра: Гóсподи, поéмь ученики́ Твоя́, в Вифáнiю пришéл еси́,/ да возстáвиши Лáзаря:/ и прослези́вся над ним закóном естествá человéча,/ я́ко Бог тогó четвероднéвна воздви́гл еси́,/ и вопiя́ше Ти Спáсе:// благословéнный Гóсподи слáва Тебé.

Слáва Ѻтцý и Сы́ну и Святóму Дýху.

Стiхúра Трióди(прав. Лазаря)глас 8: Душеполéзную соверши́вше четыредеся́тницу, возопiи́м:/ рáдуйся грáде Вифáнiе, отéчество Лáзарево./ Рáдуйтеся Мáрфа и Марíа, тогó сестры́,/ заýтра бо Хрiстóс прихóдит, оживи́ти глагóлом умéршаго брáта:/ Егóже глас услы́шав, гóрькiй и несы́тый ад,/ стрáхом вострепетáв, и вельми́ возстенáв, отпýстит Лáзаря укрóйми обя́зана:/ Егóже чудеси́ собóр Еврéйскiй удиви́вся,/ с вáiем и вéтвьми тогó сря́щут,/ и явя́тся похваля́ющiи дéти,/ Емýже зави́дят отцы́.// благословéн Гряды́й во и́мя Госпóдне Царь Iзрáилев.

И ны́не и прúсно и во вéки векóв, амúнь.

Стiхúра Благовéщенiя, Iоáнна монáха (самоглáсна) глас 6: Пóслан бысть с Небесé Гаврiи́л Архáнгел/ благовести́ти Дéве зачáтiе/ и, пришéд в Назарéт,/ помышля́ше в себé, чудеси́ удивля́яся:/ о, кáко, в Вы́шних непостижи́м Сый от Дéвы раждáется!/ Имéяй престóл Нéбо и поднóжiе зéмлю/ во утрóбу вмещáется Деви́чу!/ На Негóже шестокрилáтiи и многоочи́тiи зрéти не мóгут,/ слóвом еди́нем от Сея́ воплоти́тися благоизвóли./ Бóжiе есть слóво настоя́щее./ Что ýбо стою́ и не глагóлю Дéве:/ рáдуйся, Благодáтная, Госпóдь с Тобóю;/ рáдуйся, Чи́стая Дéво;/ рáдуйся, Невéсто Неневéстная;/ рáдуйся, Мáти Животá,// благословéн Плод чрéва Твоегó!

СВЕТЕ ТИХИЙ

Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.

ПРОКИМЕН ТРИОДИ

Чтец: Прокíмен, глас шесты́й. Пóмощь нáша во и́мя Гóспода, сотвóршаго нéбо и зéмлю. (Пс.123:8)

Хор: Пóмощь нáша во úмя Гóспода,/ сотвóршаго нéбо и зéмлю.

Чтец: Я́ко áще не Госпóдь бы был в нас, да речéт ýбо Iзрáиль. (Пс.123:1)

Хор: Пóмощь нáша во úмя Гóспода,/ сотвóршаго нéбо и зéмлю.

Чтец: Пóмощь нáша во и́мя Гóспода.

Хор: Сотвóршаго нéбо и зéмлю.

ПАРИМИИ ТРИОДИ

Чтец: Бытiя чтéнiе.

(Из глав 49,50): Престá Iáков завещáя сынóм свои́м: и возложи́в Iáков нóзе свои́ на одр, ýмре, и приложи́ся к лю́дем свои́м. И припáд Ióсиф на лицé отцá своегó, плáкася (гóрько) о нем, и облобызá егó. И повелé Ióсиф рабóм свои́м погребáтелем погребсти́ отцá своегó: и погребóша погребáтели Iзрáиля. И испóлнишася емý четы́редесять дней, тáко бо исчисля́ются днíе погребéнiя: и плáкася егó Еги́пет сéдмьдесят дней. Егдá же преидóша днíе плáча, глагóла Ióсиф к вельмóжам фараóновым, глагóля: áще обретóх благодáть пред вáми, рцы́те о мне во ýши фараóну, глагóлюще: Отéц мой закля́ мя прéжде скончáнiя (своегó), глагóля: во грóбе, егóже ископáх себé в земли́ Ханаáни, тáмо мя́ погреби́ ны́не ýбо возшéд погребý отцá моегó, и возвращýся. И рекóша фараóну по словеси́ Ióсифову. И речé фараóн к Ióсифу: взы́ди, погреби́ отцá твоегó, я́коже закля́ тя. И взы́де Ióсиф погребсти́ отцá своегó: и совзыдóша с ним вси́ раби́ фараóни, и старéйшины дóму егó, и вси старéйшины земли́ Еги́петскiя. И весь дом Ióсифов, и брáтiя егó, и весь дом отцá егó, и срóдницы егó: óвцы же и волы́ остáвиша в земли́ Гесéм. И совзыдóша с ним и колесни́цы и кóнницы, и бысть полк вели́к зелó. И прiидóша на Гумнó Атáдово, éже есть об он пол Iордáна, и рыдáша егó рыдáнiем вéлiим и крéпким зелó: и сотвори́ плачь отцý своемý седмь дней. И ви́деша жи́тели земли́ Ханаáнскiя плачь на Гумнé Атáдове, и рéша: плачь вели́к сей есть Еги́птяном: сегó рáди наречéся и́мя мéсту томý, плачь Еги́петск, éже есть об он пол Iордáна. И сотвори́ша емý тáко сы́нове егó, я́коже заповéда им. И взя́ша егó сы́нове егó, в зéмлю Ханаáню: и погребóша егó в пещéре сугýбей, ю́же стяжá Авраáм, пещéру в стяжáнiе грóба от Ефрóна Хеттеáнина, пря́мо Мамврíи. И возврати́ся Ióсиф во Еги́пет, сам и брáтiя егó, и вси совозшéдшiи погребсти́ отцá егó. Ви́девше же брáтiя Ióсифовы, я́ко ýмре отéц их, рéша: да не когдá воспомянéт злóбу нáшу Ióсиф, и воздая́нiем воздáст нам за вся злáя, я́же показáхом емý. И пришéдше ко Ióсифу, рекóша: отéц твой закля́ прéжде кончи́ны своея́, глагóля: Тáко рцы́те Ióсифу: остáви им непрáвду и грех их, я́ко лукáвая тебé показáша, и ны́не прiими́ непрáвду рабóв Бóга отцá твоегó. И плáкася Ióсиф, глагóлющим им к нему́. И пришéдше к немý рекóша: се мы тебé раби́. И речé к ним Ióсиф: не бóйтеся, Бóжiй бо есмь аз. Вы совещáсте на мя злáя, Бог же совещá о мне во благáя, дабы́ бы́ло я́коже днесь, и препитáлися бы лю́дiе мнóзи. И речé им: не бóйтеся, аз препитáю вас, и дóмы вáши. И утéши их, и глагóла им по сéрдцу их. И всели́ся Ióсиф во Еги́пте сам и брáтiя егó, и весь дом отцá егó: и поживé Ióсиф лет сто дéсять. И ви́де Ióсиф Ефрéмли дéти до трéтiяго рóда: и сы́нове Махíра сы́на Манассíина роди́шася при бéдрех Ióсифовых. И речé Ióсиф брáтiи своéй, глагóля: аз умирáю: посещéнiем же посети́т вас Бог, и изведéт вас от земли́ сея́ в зéмлю, о нéйже кля́тся Бог отцéм нáшим, Авраáму, Iсаáку, и Iáкову. И закля́ Ióсиф сы́ны Iзрáилевы, глагóля: в посещéнiи, и́мже посети́т вас Бог, совознеси́те и кóсти моя́ отсю́ду с вáми. И скончáся Ióсиф сый лет ста десяти́: и погребóша егó, и положи́ша в рáце во Еги́пте.

Окончил Иаков завещание сыновьям своим, и положил ноги свои на постель, и скончался, и приложился к народу своему. Иосиф пал на лицо отца своего, и плакал над ним, и целовал его. И повелел Иосиф слугам своим - врачам, бальзамировать отца его; и врачи набальзамировали Израиля. И исполнилось ему сорок дней, ибо столько дней употребляется на бальзамирование, и оплакивали его Египтяне семьдесят дней. Когда же прошли дни плача по нём, Иосиф сказал придворным фараона, говоря: если я обрел благоволение в очах ваших, то скажите фараону так: отец мой заклял меня, сказав: вот, я умираю; во гробе моем, который я выкопал себе в земле Ханаанской, там похорони меня. И теперь хотел бы я пойти и похоронить отца моего и возвратиться. Слова Иосифа пересказали фараону. И сказал фараон: пойди и похорони отца твоего, как он заклял тебя. И пошел Иосиф хоронить отца своего. И пошли с ним все слуги фараона, старейшины дома его и все старейшины земли Египетской, и весь дом Иосифа, и братья его, и дом отца его. Только детей своих и мелкий и крупный скот свой оставили в земле Гесем. С ним отправились также колесницы и всадники, так что сонм был весьма велик. И дошли они до Горен-гаатада при Иордане и плакали там плачем великим и весьма сильным; и сделал Иосиф плач по отце своем семь дней. И видели жители земли той, Хананеи, плач в Горен-гаатаде, и сказали: велик плач этот у Египтян! Посему наречено имя месту тому: плач Египтян, что при Иордане. И сделали сыновья Иакова с ним, как он заповедал им; и отнесли его сыновья его в землю Ханаанскую и похоронили его в пещере на поле Махпела, которую купил Авраам с полем в собственность для погребения у Ефрона Хеттеянина, пред Мамре. И возвратился Иосиф в Египет, сам и братья его и все ходившие с ним хоронить отца его, после погребения им отца своего. И увидели братья Иосифовы, что умер отец их, и сказали: что, если Иосиф возненавидит нас и захочет отмстить нам за всё зло, которое мы ему сделали? И послали они сказать Иосифу: отец твой пред смертью своею завещал, говоря: так скажите Иосифу: прости братьям твоим вину и грех их, так как они сделали тебе зло. И ныне прости вины рабов Бога отца твоего. Иосиф плакал, когда ему говорили это. Пришли и сами братья его, и пали пред лицом его, и сказали: вот, мы рабы тебе. И сказал Иосиф: не бойтесь, ибо я боюсь Бога; вот, вы умышляли против меня зло; но Бог обратил это в добро, чтобы сделать то, что теперь есть: сохранить жизнь великому числу людей; итак не бойтесь: я буду питать вас и детей ваших. И успокоил их и говорил по сердцу их. И жил Иосиф в Египте сам и дом отца его; жил же Иосиф всего сто десять лет. И видел Иосиф детей у Ефрема до третьего рода, также и сыновья Махира, сына Манассиина, родились на колени Иосифа. И сказал Иосиф братьям своим: я умираю, но Бог посетит вас и выведет вас из земли сей в землю, о которой клялся Аврааму, Исааку и Иакову. И заклял Иосиф сынов Израилевых, говоря: Бог посетит вас, и вынесите кости мои отсюда. И умер Иосиф ста десяти лет. И набальзамировали его и положили в ковчег в Египте. (Быт.49:33-50:26)

Прокимен Триоди

Чтец: Прокíмен, глас четвéртый, псалóм Давíдов: Надéющiися на Гóспода, я́ко горá Сióн, не подви́жится во век. (Пс.124:1А)

Хор: Надéющiися на Гóспода, я́ко горá Сióн,/ не подвúжится во век.

Чтец: Я́ко не остáвит Госпóдь жезлá грѣ́шных на жрéбiй прáведных.(Пс.124:3А)

Хор: Надéющiися на Гóспода, я́ко горá Сióн,/ не подвúжится во век.

Чтец: Надéющiися на Гóспода, я́ко горá Сióн.

Хор: Не подвúжится во век.

Чтец: При́тчей чтéнiе.

(Из главы 31): Сы́не, отверзáй устá твоя́ слóву Бóжiю, и суди́ вся здрáво. Отверзáй устá твоя́, и суди́ прáведно, разсуждáй же убóга и нéмощна. Женý дóблю кто обря́щет, дражáйши есть кáменiя многоцéннаго таковáя. Дерзáет на ню сéрдце мýжа ея́: таковáя дóбрых коры́стей не лиши́тся. Дéлает бо мýжу своемý благáя во все житié. Обрéтши вóлну и лен, сотвори́ благопотрéбное рукáма свои́ма. Бысть я́ко корáбль кýплю дéющiй, издалéча собирáет себé богáтство. И востаéт из нóщи, и дадé брáшна дóму, и делá рабы́ням. узрéвши селó купи́: от плодóв же рук свои́х насади́ стяжáнiе. Препоя́савши крéпко чрéсла своя́, утверди́т мы́шцы своя́ на дéло. И вкуси́, я́ко добрó есть дéлати, и не угасáет свети́льник ея́ всю нощь. Лáкти своя́ простирáет на полéзная, рýце же свои́ утверждáет на вретенó. И рýце свои́ отверзáет убóгому, длань же прострé ни́щу. Не печéтся о сýщих в домý муж ея́, егдá где замéдлит: вси бо у нея́ одéяни суть. Сугýба одея́нiя сотвори́ мýжу своемý, от виссóна же и порфи́ры себé одея́нiя. Слáвен бывáет во вратéх муж ея́, внегдá áще ся́дет в сóнмищи со старéйшины жи́тельми земли́. Плащани́цы сотвори́, и продадé Фiнiкíаном, опоя́санiя же Хананéом. Устá своя́ отвéрзе внимáтельно и закóнно, и чин заповéда язы́ку своемý. Крéпостiю и лéпотою облечéся, и возвесели́ся во дни послéднiя. Тéсны стези́ дóму ея́: брáшна же лéностнаго не ядé. Устá своя́ отвéрзе мýдро и закóнно: Ми́лостыня же ея́ возстáви чáда ея́, и обогати́шася: и муж ея́ похвали́ ю́. Мнóги дщéри стяжáша богáтство, мнóги сотвори́ша си́лу: ты же предуспéла и превознеслáся еси́ над всéми. Лóжнаго угождéнiя, и сýетныя добрóты жéнскiя несть в тебé: женá бо разýмная благословéна есть. Страх же Госпóдень сiя́ да хвали́т. Дади́те ей от плодóв устéн ея́, и да хвали́мь бýдет во вратéх муж ея́.

Сын мой, открывай уста твои за безгласного и для защиты всех сирот. Открывай уста твои для правосудия и для дела бедного и нищего. Кто найдет добродетельную жену? цена её выше жемчугов; уверено в ней сердце мужа её, и он не останется без прибытка; она воздает ему добром, а не злом, во все дни жизни своей. Добывает шерсть и лен, и с охотою работает своими руками. Она, как купеческие корабли, издалека добывает хлеб свой. Она встает еще ночью и раздает пищу в доме своем и урочное служанкам своим. Задумает она о поле, и приобретает его; от плодов рук своих насаждает виноградник. Препоясывает силою чресла свои и укрепляет мышцы свои. Она чувствует, что занятие её хорошо, и - светильник её не гаснет и ночью. Протягивает руки свои к прялке, и персты её берутся за веретено. Длань свою она открывает бедному, и руку свою подает нуждающемуся. Не боится стужи для семьи своей, потому что вся семья её одета в двойные одежды. Она делает себе ковры; виссон и пурпур - одежда её. Муж её известен у ворот, когда сидит со старейшинами земли. Она делает покрывала и продает, и поясы доставляет купцам Финикийским. Крепость и красота - одежда её, и весело смотрит она на будущее. Уста свои открывает с мудростью, и кроткое наставление на языке её. Она наблюдает за хозяйством в доме своем и не ест хлеба праздности. Встают дети и ублажают её, - муж, и хвалит её: "много было жен добродетельных, но ты превзошла всех их". Миловидность обманчива и красота суетна; но жена, боящаяся Господа, достойна хвалы. Дайте ей от плода рук её, и да прославят её у ворот дела её! (Притч.31:8-31)

ПАРИМИИ БЛАГОВЕЩЕНИЯ

Чтец: Исхóда чтéнiе.

(Из главы 3): Вни́де Моисéй в гóру Бóжiю Хори́в, яви́ся же емý Áнгел Госпóдень в плáмени óгненне из купины́, и ви́де, яко купинá горя́ше огнéм и купинá не сгарáше. Речé же Моисéй: прешéд, узрю́ видéнiе вели́кое сié, что яко не сгарáет купинá? Якоже ви́де Госпóдь, яко приступáет ви́дети, призвá егó Госпóдь, из купины́ глагóля: Моисéе, Моисéе. Он же речé: что есть? И речé: не прибли́жися сéмо. Иззýй сапóг от ногý твоéю: мéсто бо, на нéмже ты стои́ши, земля́ святá есть. И речé емý: Аз есмь Бог отцá твоегó, Бог Авраáмов, и Бог Iсаáков, и Бог Iáковль. Отвратѝ же Моисéй лицé своé, стыдя́ше бо ся зрéти пред Бóгом. Речé же Госпóдь к Моисéю: ви́дя, ви́дех озлоблéнiе людéй Мои́х, иже во Еги́пте, и вопль их услы́шах от наси́льствующих в дéлех. Вем бо болéзнь их, и снидóх, éже изъя́ти их от рукѝ еги́птян, и известѝ их от землѝ óныя, и ввестѝ их в зéмлю блáгу и мнóгу, в зéмлю, точáщу мед и млекó.

И пришел Моисей к горе Божией, Хориву. И явился ему Ангел Господень в пламени огня из среды тернового куста. И увидел он, что терновый куст горит огнем, но куст не сгорает. Моисей сказал: пойду и посмотрю на сие великое явление, отчего куст не сгорает. Господь увидел, что он идет смотреть, и воззвал к нему Бог из среды куста, и сказал: Моисей! Моисей! Он сказал: вот я, [Господи]! И сказал Бог: не подходи сюда; сними обувь твою с ног твоих, ибо место, на котором ты стоишь, есть земля святая. И сказал [ему]: Я Бог отца твоего, Бог Авраама, Бог Исаака и Бог Иакова. Моисей закрыл лице свое, потому что боялся воззреть на Бога. И сказал Господь [Моисею]: Я увидел страдание народа Моего в Египте и услышал вопль его от приставников его; Я знаю скорби его и иду избавить его от руки Египтян и вывести его из земли сей [и ввести его] в землю хорошую и пространную, где течет молоко и мед.(Исх.3:1-8)

Чтец: При́тчей чтéнiе.

(Из главы 8): Госпóдь создá мя начáло путéй Свои́х в делá Своя. Прéжде век основá мя в начáле, прéжде нéже зéмлю сотвори́ти, и прéжде нéже бéздны содéлати, прéжде нéже произы́ти истóчником вод, прéжде, нéже горáм водрузитися, прéжде же всех холмóв раждáет мя. Госпóдь сотворѝ страны́, и пусты́ни, и концы́, населéны под Небесéм. Егдá готóвяше нéбо, с Ним бех, и егдá отлучáше Себé престóл на вéтрех, егдá крéпки творяше вы́шнiя óблаки и яко твéрды полагáше истóчники поднебéсныя. Внегдá полагáти мóрю предéл егó, и вóды не ми́мо и́дут уст Егó, и крéпки творя́ше основáнiя землѝ, бех при Нем устроя́я подóбна. Аз бех, о нéйже рáдовашеся: по вся же дни веселя́хся пред лицéм Егó на всяко врéмя.

Господь имел меня началом пути Своего, прежде созданий Своих, искони; от века я помазана, от начала, прежде бытия земли. Я родилась, когда еще не существовали бездны, когда еще не было источников, обильных водою. Я родилась прежде, нежели водружены были горы, прежде холмов, когда еще Он не сотворил ни земли, ни полей, ни начальных пылинок вселенной. Когда Он уготовлял небеса, я была там. Когда Он проводил круговую черту по лицу бездны, когда утверждал вверху облака, когда укреплял источники бездны, когда давал морю устав, чтобы воды не переступали пределов его, когда полагал основания земли: тогда я была при Нем художницею, и была радостью всякий день, веселясь пред лицем Его во все время(Прч.8:1-8)

Трисвятое

Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)

Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.

Хор: Святы́й Безсмéртный, поми́луй нас.

Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.

Прокимен Благовещения

Чтец: Прокíмен, глас четвéртый, псалóм Давíдов: Благовести́те день от дне спасéнiе Бóга нáшего.(Пс.95:2Б)

Хор: Благовестúте день от дне/ спасéнiе Бóга нáшего.

Чтец: Воспóйте Гóсподеви песнь нóву, воспóйте Гóсподеви вся земля́.(Пс.95:1)

Хор: Благовестúте день от дне/ спасéнiе Бóга нáшего.

Чтец: Благовести́те день от дне.

Хор: Спасéнiе Бóга нáшего.

АПОСТОЛ

Чтец: Ко Еврéем послáнiя святáго апóстола Пáвла чтéнiе.

(Евр.зач.306): Брáтiе, святя́й и освящáемiи, от Еди́наго вси, ея́же рáди вины́ не стыди́тся брáтiю нарицáти их, глагóля: возвещý Имя Твоé брáтiи Моéй, посредé Цéркве воспою́ Тя. И пáки: Аз буду надéяся Нань. И пáки: се Аз и дéти, яже Ми дал есть Бог. Понéже ýбо дéти приобщи́шася плóти и крóви, и Той прiи́скренне приобщи́ся тéхже, да смéртiю упраздни́т имýщаго держáву смéрти, си́речь дiáвола, и избáвит сих, ели́цы стрáхом смéрти чрез все житié пови́нни бéша рабóте. Не от Áнгел ýбо когдá прiéмлет, но от сéмене Авраáмова прiéмлет; отню́дуже дóлжен бе по всемý подóбитися брáтiи, да ми́лостив бýдет и вéрен первосвящéнник в тех, яже к Бóгу, во еже очи́стити грехѝ людскiя. В нéмже бо пострадá, Сам искушéн быв, мóжет и искушáемым помощѝ.

Аллилуарий

Чтец: Аллилýїа, аллилýїа, аллилýїа, глас пéрвый, псалóм Давíдов.

Хор: Аллилýїа, аллилýїа, аллилýїа.

Чтец: Сни́дет, яко дождь на рунó, и, яко кáпля, кáплющая на зéмлю. (Пс.71:6)

Хор: Аллилýїа, аллилýїа, аллилýїа.

Чтец: Бýдет и́мя Егó благословéнно во вéки, прéжде сóлнца пребывáет и́мя Его. (Пс.71:17)

Хор: Аллилýїа, аллилýїа, аллилýїа.

ЕВАНГЕЛИЕ

От Лукѝ Святáго Евáнгелiя чтéнiе.

Хор: Слáва Тебé, Гóсподи, слáва Тебé.

(Лк.зач.3А): Во днéх óнех зачáт Eлiсавéт, женó Захáрiина, и тая́шеся мéсяц пять, глагóлющи: яко тáко мне сотворѝ Госпóдь во дни, в ня́же призрé отъя́ти поношéнiе моé в человéцех. В мéсяц же шесты́й пóслан бысть Áнгел Гаврiи́л от Бóга во град Галiлéйскiй, eмýже имя Назарéт, к Дéве обручéнней мýжеви, eмýже и́мя Ióсиф, от дóму Давíдова, и имя Дéве, Марiáм. И вшед к Ней Áнгел, речé: рáдуйся Благодáтная, Госпóдь с Тобóю, благословéна Ты в женáх. Oнá же ви́девши смути́ся о словесѝ eгó, и помышля́ше, каковó бýдет целовáнiе сié. И речé Áнгел Eй: не бóйся Марiáм, обрéте бо благодáть от Бóга. И се зачнéши во чрéве, и роди́ши Сына, и наречéши имя Eмý Iисýс. Сей бýдет вéлiй, и Сын Вы́шняго наречéтся, и даст Eму Госпóдь Бог престóл Давíда oтцá Eгó, и воцари́тся в домý Iáковли во вéки, и Цáрствiю Eгó не бýдет концá. Речé же Марiáм ко Áнгелу: кáко бýдет сié, идéже мýжа не знáю? И отвещáв Áнгел, речé Eй: Дух Святы́й нáйдет на Тя, и си́ла Вы́шняго осени́т Тя, тéмже и раждáемое Свя́то, наречéтся Сын Бóжiй. И се Eлiсавéт, ю́жика Твоя́, и та зачáт сына в стáрости своéй, и сей мéсяц шесты́й eсть eй, нарицáемей неплóды. Яко не изнемóжет от Бóга всяк глагóл. Речé же Марiáм: се рабá Госпóдня, бýди Мне по глагóлу твоемý. И оты́де от Нея́ Áнгел.

В те дни зачала Елисавета, жена Захарии, и таилась пять месяцев и говорила: так сотворил мне Господь во дни сии, в которые призрел на меня, чтобы снять с меня поношение между людьми. В шестой же месяц послан был Ангел Гавриил от Бога в город Галилейский, называемый Назарет, к Деве, обрученной мужу, именем Иосифу, из дома Давидова; имя же Деве: Мария. Ангел, войдя к Ней, сказал: радуйся, Благодатная! Господь с Тобою; благословенна Ты между женами. Она же, увидев его, смутилась от слов его и размышляла, что бы это было за приветствие. И сказал Ей Ангел: не бойся, Мария, ибо Ты обрела благодать у Бога; и вот, зачнешь во чреве, и родишь Сына, и наречешь Ему имя: Иисус. Он будет велик и наречется Сыном Всевышнего, и даст Ему Господь Бог престол Давида, отца Его; и будет царствовать над домом Иакова во веки, и Царству Его не будет конца. Мария же сказала Ангелу: как будет это, когда Я мужа не знаю? Ангел сказал Ей в ответ: Дух Святой найдет на Тебя, и сила Всевышнего осенит Тебя; посему и рождаемое Святое наречется Сыном Божиим. Вот и Елисавета, родственница Твоя, называемая неплодною, и она зачала сына в старости своей, и ей уже шестой месяц, ибо у Бога не останется бессильным никакое слово. Тогда Мария сказала: се, Раба Господня; да будет Мне по слову твоему. И отошел от Нее Ангел.(1:24-38)

Хор: Слáва Тебé, Гóсподи, слáва Тебé.

Помяни́ нас, Гóсподи, егдá прїи́деши во Цáрствiи Твоéм.

Помяни́ нас, Влады́ко, егдá прїи́деши во Цáрствiи Твоéм.

Помяни́ нас, Святы́й, егдá прїи́деши во Цáрствiи Твоéм.

Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.

Стiх: Приступи́те к Немý и просвети́теся, и лицá вáша не постыдя́тся.

Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.

Слáва Ѻтцý и Сы́ну и Святóму Дýху.

Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.

И ны́не и прúсно и во вéки векóв. Амúнь.

Символ веры

Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.

Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.

Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.

Гóсподи, Iисýсе Хрїстé, Сы́не Бóжiй, поми́луй нас. Ами́нь.

КОНДАК

Кондáк Благовéщенiя, глас 8: Взбрáнной Воевóде победи́тельная,/ я́ко избáвльшеся от злы́х,/ благодáрственная восписýем Ти́ раби́ Твои́, Богорóдице;/ но я́ко имýщая держáву непобеди́мую,/ от вся́ких нас бед свободи́, да зовéм Ти́:// рáдуйся, Невéсто Неневéстная.

Гóсподи, поми́луй. (12 раз)

И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.

Бýди и҆́мя Госпóдне благословéно от ны́не и до вéка. (3 раза)

Слáва Ѻтцý и Сыну и Святóму Дýху, и ны́не и при́сно и во вéки векóв, аминь.

Псалом 33

Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.

Вместо Достойно есть (задостойник)

Хор: Благовествýй, землé, рáдость вéлiю,/ хвалúте, Небесá, Бóжiю слáву.

Iрмóс, глас 4: Яко одушевлéнному Бóжiю кiвóту,/ да никáкоже кóснется рукá сквéрных./ Устнé же вéрных, Богорóдице, немóлчно,/ глас Áнгела воспевáюще,/ с рáдостiю да вопiю́т:/ рáдуйся, Благодáтная,/ Госпóдь с Тобóю.

Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.

Гóсподи, поми́луй. (3 раза)

Гóсподи, благословᴎ́.

ОТПУСТ

Хрїстé, и҆́стинный Бóже наш, моли́твами пречи́стыя Твоея́ Мáтере и всех святы́х, поми́луй и спасᴎ́ нас, я́ко Благ и Человеколю́бец.