ВЕЧЕРНЯ на 7 апреля 2021 года мирским чином, Благовещение Пресвятой БОГОРОДИЦЫ (окончание)
7 апреля 2021 г. Неделя третья Великаго поста, Крестопоклонная. Последование часов и изобразительных для домашнего (келейного) совершения. Служба мирским чином.
Прежде глаголи часы: третий, шестой, девятый.
Часы и обедницу с ударениями скачать в формате doc, в формате pdf
ВЕЧЕРНЯ
Молитвами святых отéц нáших, Гóсподи Иисусе Христé, Бóже наш, помилуй нас, аминь.
Приидите, поклонимся Царéви нáшему Бóгу.
Приидите, поклонимся и припадéм Христу, Царéви нáшему Бóгу.
Приидите, поклонимся и припадéм Самому Христу, Царéви и Бóгу нáшему.
Псалом 103
Благослови, душе моя, Господа. Господи, Боже мой, возвеличился еси зело. Во исповедание и в велелепоту облеклся еси. Одеяйся светом, яко ризою, простираяй небо, яко кожу. Покрываяй водами превыспренняя Своя, полагаяй облаки на восхождение Свое, ходяй на крилу ветреню. Творяй Ангелы Своя духи и слуги Своя пламень огненный. Основаяй землю на тверди ея, не преклонится в век века. Бездна, яко риза, одеяние ея, на горах станут воды, от запрещения Твоего побегнут, от гласа грома Твоего убоятся. Восходят горы и нисходят поля в место, еже основал еси им. Предел положил еси, егоже не прейдут, ниже обратятся покрыти землю. Посылаяй источники в дебрех, посреде гор пройдут воды. Напаяют вся звери сельныя, ждут онагри в жажду свою. На тых птицы небесныя привитают, от среды камения дадят глас. Напаяяй горы от превыспренних Своих, от плода дел Твоих насытится земля. Прозябаяй траву скотом, и злак на службу человеком, извести хлеб от земли. И вино веселит сердце человека, умастити лице елеем, и хлеб сердце человека укрепит. Насытятся древа польская, кедри Ливанстии, ихже еси насадил. Тамо птицы вогнездятся, еродиево жилище предводительствует ими. Горы высокия еленем, камень прибежище заяцем. Сотворил есть луну во времена, солнце позна запад свой. Положил еси тму, и бысть нощь, в нейже пройдут вси зверие дубравнии. Скимни рыкающии, восхитити и взыскати от Бога пищу себе. Возсия солнце и собрашася и в ложах своих лягут. Изыдет человек на дело свое и на делание свое до вечера. Яко возвеличишася дела Твоя, Господи, вся премудростию сотворил еси, исполнися земля твари Твоея. Сие море великое и пространное, тамо гади, имже несть числа, животная малая с великими, тамо корабли преплавают, змий сей, егоже создал еси ругатися ему. Вся к Тебе чают, дати пищу им во благо время. Давшу Тебе им соберут, отверзшу Тебе руку всяческая исполнятся благости, отвращшу же Тебе лице, возмятутся, отъимеши дух их, и исчезнут, и в персть свою возвратятся. Послеши Духа Твоего, и созиждутся, и обновиши лице земли. Буди слава Господня во веки, возвеселится Господь о делех Своих, призираяй на землю, и творяй ю трястися, прикасаяйся горам, и дымятся. Воспою Господеви в животе моем, пою Богу моему, дондеже есмь, да усладится Ему беседа моя, аз же возвеселюся о Господе. Да исчезнут грешницы от земли, и беззаконницы, якоже не быти им. Благослови, душе моя, Господа.
Сóлнце познá зáпад свой. Положил еси тму, и бысть нощь. Яко возвеличишася делá Твоя, Гóсподи, вся премудростию сотворил еси.
Слáва Отцу и Сыну и Святóму Духу, и ныне и присно и во вéки векóв. Аминь.
Аллилуиа, аллилуиа, аллилуиа, слáва Тебé Бóже. (3 раза)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв. Аминь.
ГОСПОДИ ВОЗЗВАХ, ГЛАС 4
Хор: Гóсподи, воззвáх к Тебé, услыши мя./ Услыши мя, Гóсподи./ Гóсподи, воззвáх к Тебé, услыши мя:/ вонми глáсу молéния моегó,/ внегдá воззвáти ми к Тебé.// Услыши мя, Гóсподи.
Да испрáвится молитва моя,/ яко кадило пред Тобóю,/ воздеяние руку моéю/ - жéртва вечéрняя.// Услыши мя, Гóсподи.
И ПО ЧИНУ СТИХИ
Чтец или хор:Положи, Гóсподи, хранéние устóм моим и двéрь ограждéния о устнáх моих.
Не уклони сéрдце моé в словесá лукáвствия, непщевáти вины о гресéх
С человéки дéлающими беззакóние; и не сочтуся со избрáнными их.
Накáжет мя прáведник милостию и обличит мя, eлéй же грéшнаго да не намáстит главы моея;
Яко eщé и молитва моя во благоволéниих их, пожéрты быша при кáмени судии их;
Услышатся глагóлы мои, яко возмогóша, яко тóлща земли просéдеся на земли, расточишася кóсти их при áде.
Яко к тебé, Гóсподи, Гóсподи, óчи мои; на тя уповáх, не отими душу мою;
Сохрани мя от сéти, юже состáвиша ми, и от соблáзн дéлающих беззакóние.
Падут во мрéжу свою грéшницы; eдин éсмь аз, дóндеже прейду.
Глáсом моим ко Гóсподу воззвáх, глáсом моим ко Гóсподу помолихся.
Пролию пред ним молéние моé, печáль мою пред ним возвещу.
Внегдá изчезáти от менé духу моему, и ты познáл eси стeзи моя;
На пути сем, по немуже хождáх, скрыша сеть мне.
Сматрях одесную и возглядах, и не бе знáяй менé;
Погибе бéгство от менé, и нéсть взыскáяй душу мою.
Воззвáх к тебе, Гóсподи, рех; ты eси уповáние мое, часть моя eси на земли живых.
Вонми молéнию моему, яко смирихся зелó;
Избáви мя от гонящих мя, яко укрепишася пáче менé.
Стихиры Триоди: На 10. Стих: Изведи из темницы душу мою,// исповедатися имени Твоему.
Глас 4, самоглáсен: Пост благих ходáтай, своé преполовéние ныне введé, прешéдшими дéньми благоугодив, и прóчими пóльзование предложив: ибо благих напряжéние, мнóжайшее благодеяние творит. Тéмже всех благих дáтелю Христу благоугождáюще, вопиéм: постивыйся нас рáди, и распятие претерпéвый, неосуждéны нас сподóби, причаститися и Божéственныя Пáсхи Твоея, в мире пожившыя, и достóйно со Отцéм Тебé и Духом слáвящыя.
Мене ждут праведницы,// дондеже воздаси мне.
Стихира, Глас 5: В тáйне добродéтели дéлающии, духóвная воздаяния чáющии, не посредé тóржищ и распутий являют сия, но внутрь сéрдца нóсят пáче: и всех видяй бывáемая в тáйне, мзду воздержáния подаéт нам. Пост совершáим, не сéтующе лицы, но в клéтех душ нáших молящеся, непрестáнно возопиим: Отче наш, Иже еси на Небесéх, не введи нас во искушéние, мóлимся, но избáви нас от лукáваго.
На 8. Стих: Из глубины воззвах к Тебе, Господи,// Господи, услыши глас мой.
Глас 1: Постá водóю, душы вси омыим, и приступивше к честнóму и животворящему Кресту Госпóдню, вéрою поклонимся, Божéственное просвещéние почерпáюще, и вéчное спасéние ныне приобретáюще, мир и вéлию милость.
Да будут уши Твои// внемлюще гласу моления моего.
Апóстолов похвалó крéсте, егóже окружáют начáла, силы, архáнгели, покланяющыяся тебé от всякаго врéда спасáй, и божéственное пóприще воздержáния нас сподóби дóбре совершáющыя, день спасительный достигнути, имже и спасáемся.
На 6. Стих: Аще беззакония назриши, Господи, Господи, кто постоит?// Яко у Тебе очищение есть.
Глас 7, подобен: «Днесь бдит…» Днесь Кресту Госпóдню покланяющеся возопиим:/ рáдуйся Дрéво жизни, áда разорителю./ Рáдуйся рáдосте мира, и тлéния потребителю./ Рáдуйся, бéсы прогоняяй силою твоéю,/ вéрных утверждéние, оружие нерушимое, облобызáющыя тя соблюди, освяти, мóлимся.
Имене ради Твоего потерпех Тя, Господи, потерпе душа моя в слово Твое,// упова душа моя на Господа.
Стихиры Благовещения, глас 4: В шестый мéсяц пóслан бысть Архáнгел к Дéве Чистей и, рáдоватися Ей прирéк, благовести из Нея Избáвителю проити. Тéмже, приéмши целовáние, зачáт Тя, Превéчнаго Бóга, несказáнно благоволившаго вочеловéчитися во спасéние душ нáших..
На 4. Стих: От стражи утренния до нощи, от стражи утренния,// да уповает Израиль на Господа.
Языка, егóже не вéдяше, услыша Богорóдица, глагóлаше бо к Ней Архáнгел благовéщения глагóлы, отонудуже вéрно, приимши целовáние, зачáт Тя, Превéчнаго Бóга. Тéмже и мы, рáдующеся, вопиéм Ти: из Нея воплотивыйся непрелóжно Бóже, мир мирови дáруй и душáм нáшим вéлию милость.
Яко у Господа милость, и многое у Него избавление,// и Той избавит Израиля от всех беззаконий eго.
Се воззвáние ныне явися нам, пáче Слóва Бог человéком соединяется, Архáнгеловым глáсом прéлесть отгоняется, Дéва бо приéмлет рáдость, земнáя быша Нéбо, мир разрешися пéрвыя клятвы. Да рáдуется тварь и глáсы да воспоéт: Твóрче и Избáвителю наш, Гóсподи, слáва Тебе.
На 2. Стих: Хвалите Господа вси языцы,// похвалите Его вси людие.
Стихиры Архангела, глас 1: Гавриил великий, ум Боговиднейший, светозáрный и спасительный, Свет Трисóлнечный зрит и поéт с Вышними чины Божéственное и стрáшное пéние, мóлит даровáти душáм нáшим мир и вéлию милость.
Яко утвердися милость Его на нас, и истина Господня пребывает во век.
Великое тáинство, пéрвее Ангелом невéдомое и прéжде век соблюдáемое, единому увéрися тебé, Гаврииле, и сиé единей повéдал еси Чистей, в Назарéт пришéд. С Нéюже моли даровáти душáм нáшим мир и вéлию милость.
К 11 стихире стих: Творяй Ангелы Своя духи/ и слуги Своя пламень огненный.
Свéта сый испóлнь присно,/ и творя хотéние,/ и скончавáя повелéния Вседержителя,/ начáльниче Ангелов,/ Гаврииле всеизрядне, любóвию тя чтущия спасáй, присно прося даровáти душáм нáшим мир и вéлию милость.
Слáва Отцу и Сыну и Святóму Духу.
Стихира Триоди, глас 8: Днесь неприкосновéнный существóм, прикосновéн мне бывáет, и стрáждет стрáсти, свобождáяй мя от страстéй, свет подавáяй слепым, от беззакóнных устéн оплевáется, и даéт плещы за пленéнныя на рáны. Сегó Чистая Дéва и Мáти на Крестé зрящи, болéзненно вещáше: увы Мне Чáдо Мое, что сие сотворил еси? Крáсный добрóтою пáче всех человéк, бездыхáнный, беззрáчный являешися, не имéя вида, нижé добрóты: увы Мне Мой свéте, не могу спяща зрéти Тя, утрóбою уязвляюся, и лютое оружие се́рдце Моé прохóдит. Воспевáю Твоя стрáсти, покланяюся благоутрóбию Твоему: долготерпеливе слáва Тебé.
И ныне и присно и во вéки векóв. Аминь.
Стихира Благовещения, глас 6: Пóслан бысть с Небесé Гавриил Архáнгел благовестити Дéве зачáтие и, пришéд в Назарéт, помышляше в себé, чудеси удивляяся: о, кáко, в Вышних непостижим Сый от Дéвы раждáется! Имéяй престóл Нéбо и поднóжие зéмлю во утрóбу вмещáется Девичу! На Негóже шестокрилáтии и многоочитии зрéти не мóгут, слóвом единем от Сея воплотитися благоизвóли. Бóжие есть слóво настоящее. Что убо стою и не глагóлю Дéве: рáдуйся, Благодáтная, Госпóдь с Тобóю; рáдуйся, Чистая Дéво; рáдуйся, Невéсто Неневéстная; рáдуйся, Мáти Животá, благословéн Плод чрéва Твоегó!
СВЕТЕ ТИХИЙ
Хор: Свéте Тихий святыя слáвы Безсмéртнаго Отцá Небéснаго, Святáго, Блажéннаго, Иисусе Христé! Пришéдше на зáпад сóлнца, видевше свет вечéрний, поéм Отцá, Сына и Святáго Духа, Бóга. Достóин еси во вся временá пет быти глáсы преподóбными, Сыне Бóжий, живóт даяй; тéмже мир Тя слáвит.
Прокимен Триоди, глас 4, пс. 71
Чтец: Прокимен, глас четвéртый. Благословéн Госпóдь Бог Изрáилев, творяй чудесá един.
Хор: Благословéн Госпóдь Бог Изрáилев,/ творяй чудесá един.
Чтец: Бóже, суд Твой царéви даждь, и прáвду Твою сыну царéву.
Хор: Благословéн Госпóдь Бог Изрáилев,/ творяй чудесá един.
Чтец: Благословéн Госпóдь Бог Изрáилев.
Хор: Творяй чудесá един.
ПАРИМИИ ТРИОДИ
Чтец: Бытия чтéние.
(Из глав 9, 10) Быша сынове Нóевы изшéдшии из ковчéга, Сим, Хам, Иáфеф: Хам же бяше отéц Ханаáнь. Триé сии суть сынове Нóевы, от сих разсéяшася по всей земли. И начáт Нóе человéк дéлатель [быти] земли, и насади виногрáд: И испи от винá, и упися, и обнажися в дому своéм. И виде Хам отéц Ханаáнь, наготу отцá своегó, и изшéд вон повéда обéма брáтома своима. И взéмше Сим и Иáфеф ризу, возложиша [ю] на óбе рáме свои, и идóша вспять зряще, и покрыша наготу отцá своегó, и лицé их вспять зря, и наготы отцá своегó не видеша. Истрезвися же Нóе от винá, и разумé елика сотвори ему сын егó юнéйший. И речé: прóклят [буди] Ханаáн óтрок: раб будет брáтиям своим. И речé: благословéн Госпóдь Бог Симов: и будет Ханаáн óтрок раб ему. Да распространит Бог Иáфефа, и да вселится в селéниих Симовых, и да будет Ханаáн раб ему. Поживé же Нóе по потóпе лет триста пятьдесят: И быша вси дние Нóевы, лет дéвять сот пятьдесят, и умре. Сия же [суть] бытия сынóв Нóевых, Сима, Хáма, Иáфефа: и родишася им сынове по потóпе.
(Сыновья Ноя, вышедшие из ковчега, были: Сим, Хам и Иафет. Хам же был отец Ханаана. Сии трое были сыновья Ноевы, и от них населилась вся земля. Ной начал возделывать землю и насадил виноградник; и выпил он вина, и опьянел, и лежал обнаженным в шатре своем. И увидел Хам, отец Ханаана, наготу отца своего, и выйдя рассказал двум братьям своим. Сим же и Иафет взяли одежду и, положив ее на плечи свои, пошли задом и покрыли наготу отца своего; лица их были обращены назад, и они не видали наготы отца своего. Ной проспался от вина своего и узнал, что сделал над ним меньший сын его, и сказал: проклят Ханаан; раб рабов будет он у братьев своих. Потом сказал: благословен Господь Бог Симов; Ханаан же будет рабом ему; да распространит Бог Иафета, и да вселится он в шатрах Симовых; Ханаан же будет рабом ему. И жил Ной после потопа триста пятьдесят лет. Всех же дней Ноевых было девятьсот пятьдесят лет, и он умер. Вот родословие сынов Ноевых: Сима, Хама и Иафета. После потопа родились у них дети. Бт.9:18-10:1)
Прокимен Триоди, глас 4, пс. 72
Чтец: Прокимен, глас четвéртый. Мне же прилеплятися Бóгови блáго есть.
Хор:Мне же прилеплятися Бóгови/ блáго есть.
Чтец: Коль благ Бог Изрáилев, прáвым сéрдцем.
Хор: Мне же прилеплятися Бóгови/ блáго есть.
Чтец: Мне же прилеплятися Бóгови.
Хор: Блáго есть.
Чтец: Притчей чтéние.
(Из глав 12, 13): Муж разумивый престóл чувствия: сéрдце же безумных срящет клятвы. Рукá избрáнных одержит удóбь: льстивии же будут в пленéнии. Стрáшное слóво сéрдце мужа прáведна смущáет: весть же благáя веселит егó. Разумив прáведник себé друг будет: мысли же нечестивых некрóтки: согрешáющих постигнут злáя: путь же нечестивых прельстит я. Не улучит льстивый ловитвы: стяжáние же честнóе муж чистый. В путéх прáвды живóт: путиé же злопóмнящих в смерть. Сын благоразумный послушлив отцу: сын же непокорливый в погибель. От плодóв прáвды снесть благий: душы же беззакóнных погибáют безврéменно. Иже хранит своя устá, соблюдáет свою душу: продéрзивый же устнáма, устрашит себé. В пóхотех есть всяк прáздный: руки же мужественных в прилежáнии. Словесé непрáведна ненавидит прáведник: нечестивый же стыдится, и не возъимéет дерзновéния. Прáвда хранит незлóбивыя: нечестивыя же злы творит грех. Суть богатяще себé, ничесóже имуще: и суть смиряющеся во мнóзе богáтстве. Избавлéние мужа души свое ему богáтство: нищий же не терпит прещéния. Свет прáведным всегдá: свет же нечестивых угасáет, душы льстивыя заблуждáют во гресéх: прáведнии же щéдрят и милуют.
(Человек рассудительный скрывает знание, а сердце глупых высказывает глупость. Рука прилежных будет господствовать, а ленивая будет под данью. Тоска на сердце человека подавляет его, а доброе слово развеселяет его. Праведник указывает ближнему своему путь, а путь нечестивых вводит их в заблуждение. Ленивый не жарит своей дичи; а имущество человека прилежного многоценно. На пути правды - жизнь, и на стезе ее нет смерти. Мудрый сын слушает наставление отца, а буйный не слушает обличения. От плода уст своих человек вкусит добро, душа же законопреступников - зло. Кто хранит уста свои, тот бережет душу свою; а кто широко раскрывает свой рот, тому беда. Душа ленивого желает, но тщетно; а душа прилежных насытится . Праведник ненавидит ложное слово, а нечестивый срамит и бесчестит себя. Правда хранит непорочного в пути, а нечестие губит грешника. Иной выдает себя за богатого, а у него ничего нет; другой выдает себя за бедного, а у него богатства много. Богатством своим человек выкупает жизнь свою, а бедный и угрозы не слышит. Свет праведных весело горит, светильник же нечестивых угасает. [Души коварные блуждают в грехах, а праведники сострадают и милуют.](Прч.12:23-13:9)
ПАРИМИИ БЛАГОВЕЩЕНИЯ
Чтец: Исхóда чтéние.
(Из главы 3): Вниде Моисéй в гóру Бóжию Хорив, явися же ему Ангел Госпóдень в плáмени óгненне из купины, и виде, яко купинá горяше огнéм и купинá не сгарáше. Речé же Моисéй: прешéд, узрю видéние великое сиé, что яко не сгарáет купинá? Якоже виде Госпóдь, яко приступáет видети, призвá егó Госпóдь, из купины глагóля: Моисéе, Моисéе. Он же речé: что есть? И речé: не приближися сéмо. Иззуй сапóг от ногу твоéю: мéсто бо, на нéмже ты стоиши, земля святá есть. И речé ему: Аз есмь Бог отцá твоегó, Бог Авраáмов, и Бог Исаáков, и Бог Иáковль. Отврати же Моисéй лицé своé, стыдяше бо ся зрéти пред Бóгом. Речé же Госпóдь к Моисéю: видя, видех озлоблéние людéй Моих, иже во Египте, и вопль их услышах от насильствующих в дéлех. Вем бо болéзнь их, и снидóх, éже изъяти их от руки египтян, и извести их от земли óныя, и ввести их в зéмлю блáгу и мнóгу, в зéмлю, точáщу мед и млекó.
(И пришел Моисей к горе Божией, Хориву. И явился ему Ангел Господень в пламени огня из среды тернового куста. И увидел он, что терновый куст горит огнем, но куст не сгорает. Моисей сказал: пойду и посмотрю на сие великое явление, отчего куст не сгорает. Господь увидел, что он идет смотреть, и воззвал к нему Бог из среды куста, и сказал: Моисей! Моисей! Он сказал: вот я, [Господи]! И сказал Бог: не подходи сюда; сними обувь твою с ног твоих, ибо место, на котором ты стоишь, есть земля святая. И сказал [ему]: Я Бог отца твоего, Бог Авраама, Бог Исаака и Бог Иакова. Моисей закрыл лице свое, потому что боялся воззреть на Бога. И сказал Господь [Моисею]: Я увидел страдание народа Моего в Египте и услышал вопль его от приставников его; Я знаю скорби его и иду избавить его от руки Египтян и вывести его из земли сей [и ввести его] в землю хорошую и пространную, где течет молоко и мед.(Исх.3:1-8)
Чтец: Притчей чтéние.
(Из главы 8): Госпóдь создá мя начáло путéй Своих в делá Своя. Прéжде век основá мя в начáле, прéжде нéже зéмлю сотворити, и прéжде нéже бéздны содéлати, прéжде нéже произыти истóчником вод, прéжде, нéже горáм водрузитися, прéжде же всех холмóв раждáет мя. Госпóдь сотвори страны, и пустыни, и концы, населéны под Небесéм. Егдá готóвяше нéбо, с Ним бех, и егдá отлучáше Себé престóл на вéтрех, егдá крéпки творяше вышния óблаки и яко твéрды полагáше истóчники поднебéсныя. Внегдá полагáти мóрю предéл егó, и вóды не мимо идут уст Егó, и крéпки творяше основáния земли, бех при Нем устрояя подóбна. Аз бех, о нéйже рáдовашеся: по вся же дни веселяхся пред лицéм Егó на всяко врéмя.
(Господь имел меня началом пути Своего, прежде созданий Своих, искони; от века я помазана, от начала, прежде бытия земли. Я родилась, когда еще не существовали бездны, когда еще не было источников, обильных водою. Я родилась прежде, нежели водружены были горы, прежде холмов, когда еще Он не сотворил ни земли, ни полей, ни начальных пылинок вселенной. Когда Он уготовлял небеса, я была там. Когда Он проводил круговую черту по лицу бездны, когда утверждал вверху облака, когда укреплял источники бездны, когда давал морю устав, чтобы воды не переступали пределов его, когда полагал основания земли: тогда я была при Нем художницею, и была радостью всякий день, веселясь пред лицем Его во все время(Прч.8:1-8)
Трисвятое
Хор: Святый Бóже,/ Святый Крéпкий,/ Святый Безсмéртный, помилуй нас. (3 раза)
Хор: Слáва Отцу и Сыну и Святóму Духу, и ныне и присно и во вéки векóв, аминь.
Хор: Святый Безсмéртный, помилуй нас.
Хор: Святый Бóже,/ Святый Крéпкий,/ Святый Безсмéртный, помилуй нас.
Проки́мен Благовещения, глас 4
Чтец: Прокимен, глас четвéртый. Благовестите день от дне спасéние Бóга нáшего.
Хор: Благовестите день от дне спасéние Бóга нáшего.
Чтец: Воспóйте Гóсподеви песнь нóву, воспóйте Гóсподеви вся земля.
Хор: Благовестите день от дне спасéние Бóга нáшего.
Чтец: Благовестите день от дне
Хор: Спасéние Бóга нáшего.
Апостол
Ко Еврéем послáния святáго апóстола Пáвла чтéние.
(Евр.зач.306): Брáтие, святяй и освящáемии, от Единаго вси, еяже рáди вины не стыдится брáтию нарицáти их, глагóля: возвещу Имя Твоé брáтии Моéй, посредé Цéркве воспою Тя. И пáки: Аз буду надéяся Нань. И пáки: се Аз и дéти, яже Ми дал есть Бог. Понéже убо дéти приобщишася плóти и крóви, и Той приискренне приобщися тéхже, да смéртию упразднит имущаго держáву смéрти, сиречь диáвола, и избáвит сих, елицы стрáхом смéрти чрез все житиé повинни бéша рабóте. Не от Ангел убо когдá приéмлет, но от сéмене Авраáмова приéмлет; отнюдуже дóлжен бе по всему подóбитися брáтии, да милостив будет и вéрен первосвящéнник в тех, яже к Бóгу, во еже очистити грехи людския. В нéмже бо пострадá, Сам искушéн быв, мóжет и искушáемым помощи.
(Братия, освящающий и освящаемые, все - от Единого; поэтому Он не стыдится называть их братиями, говоря: возвещу имя Твое братиям Моим, посреди церкви воспою Тебя. И еще: Я буду уповать на Него. И еще: вот Я и дети, которых дал Мне Бог. А как дети причастны плоти и крови, то и Он также воспринял оные, дабы смертью лишить силы имеющего державу смерти, то есть диавола, и избавить тех, которые от страха смерти через всю жизнь были подвержены рабству. Ибо не Ангелов восприемлет Он, но восприемлет семя Авраамово. Посему Он должен был во всем уподобиться братиям, чтобы быть милостивым и верным первосвященником пред Богом, для умилостивления за грехи народа. Ибо, как Сам Он претерпел, быв искушен, то может и искушаемым помочь.(2:11-18)
Аллилуиарий
Чтец: Аллилуиа, аллилуиа, аллилуиа, глас пéрвый .
Хор: Аллилуиа, аллилуиа, аллилуиа.
Чтец: Снидет, яко дождь на рунó, и, яко кáпля, кáплющая на зéмлю.
Хор: Аллилуиа, аллилуиа, аллилуиа.
Чтец: Будет имя Егó благословéнно во вéки, прéжде сóлнца пребывáет имя Его.
Хор: Аллилуиа, аллилуиа, аллилуиа.
Евангелие
От Луки Святáго Евáнгелия чтéние
Хор: Слáва Тебé, Гóсподи, слáва Тебé.
(Лк.зач.3): Во днéх óнех зачáт Eлисавéт, женó Захáриина, и таяшеся мéсяц пять, глагóлющи: яко тáко мне сотвори Госпóдь во дни, в няже призрé отъяти поношéние моé в человéцех. В мéсяц же шестый пóслан бысть Ангел Гавриил от Бóга во град Галилéйский, eмуже имя Назарéт, к Дéве обручéнней мужеви, eмуже имя Иóсиф, от дóму Давидова, и имя Дéве, Мариáм. И вшед к Ней Ангел, речé: рáдуйся Благодáтная, Госпóдь с Тобóю, благословéна Ты в женáх. Oнá же видевши смутися о словеси eгó, и помышляше, каковó будет целовáние сиé. И речé Ангел Eй: не бóйся Мариáм, обрéте бо благодáть от Бóга. И се зачнéши во чрéве, и родиши Сына, и наречéши имя Eму Иисус. Сей будет вéлий, и Сын Вышняго наречéтся, и даст Eму Госпóдь Бог престóл Давида oтцá Eгó, и воцарится в дому Иáковли во вéки, и Цáрствию Eгó не будет концá. Речé же Мариáм ко Ангелу: кáко будет сиé, идéже мужа не знáю? И отвещáв Ангел, речé Eй: Дух Святый нáйдет на Тя, и сила Вышняго осенит Тя, тéмже и раждáемое Свято, наречéтся Сын Бóжий. И се Eлисавéт, южика Твоя, и та зачáт сына в стáрости своéй, и сей мéсяц шестый eсть eй, нарицáемей неплóды. Яко не изнемóжет от Бóга всяк глагóл. Речé же Мариáм: се рабá Госпóдня, буди Мне по глагóлу твоему. И отыде от Нея Ангел.
(В те дни зачала Елисавета, жена Захарии, и таилась пять месяцев и говорила: так сотворил мне Господь во дни сии, в которые призрел на меня, чтобы снять с меня поношение между людьми. В шестой же месяц послан был Ангел Гавриил от Бога в город Галилейский, называемый Назарет, к Деве, обрученной мужу, именем Иосифу, из дома Давидова; имя же Деве: Мария. Ангел, войдя к Ней, сказал: радуйся, Благодатная! Господь с Тобою; благословенна Ты между женами. Она же, увидев его, смутилась от слов его и размышляла, что бы это было за приветствие. И сказал Ей Ангел: не бойся, Мария, ибо Ты обрела благодать у Бога; и вот, зачнешь во чреве, и родишь Сына, и наречешь Ему имя: Иисус. Он будет велик и наречется Сыном Всевышнего, и даст Ему Господь Бог престол Давида, отца Его; и будет царствовать над домом Иакова во веки, и Царству Его не будет конца. Мария же сказала Ангелу: как будет это, когда Я мужа не знаю? Ангел сказал Ей в ответ: Дух Святой найдет на Тебя, и сила Всевышнего осенит Тебя; посему и рождаемое Святое наречется Сыном Божиим. Вот и Елисавета, родственница Твоя, называемая неплодною, и она зачала сына в старости своей, и ей уже шестой месяц, ибо у Бога не останется бессильным никакое слово. Тогда Мария сказала: се, Раба Господня; да будет Мне по слову твоему. И отошел от Нее Ангел.(1:24-38)
Хор: Слáва Тебé, Гóсподи, слáва Тебé.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша и погребенна. И воскресшаго в третий день по Писанием, и возшедшаго на небеса и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святому Духу, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Тропа́рь Благове́щения, глас 4:
Днесь спасéния нáшего главизна/ и éже от вéка тáинства явлéние:/ Сын Бóжий Сын Дéвы бывáет,/ и Гавриил благодáть благовествует./ Тéмже и мы с ним Богорóдице возопиим:/ рáдуйся, Благодáтная,/ Госпóдь с Тобóю.
Буди имя Господне благословено от ныне и до века. (3 раза)
Слáва Отцу и Сыну и Святому Духу, и ныне и присно и во вéки векóв, аминь.
Псалом 33
Благословлю Гóспода на всякое время,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Вме́сто Досто́йно есть
Хор: Благовествуй, землé, рáдость вéлию,/ хвалите, Небесá, Бóжию слáву.
Ирмóс, глас 4: Яко одушевлéнному Бóжию кивóту,/ да никáкоже кóснется рукá сквéрных./ Устнé же вéрных, Богорóдице, немóлчно,/ глас Ангела воспевáюще,/ с рáдостию да вопиют:/ рáдуйся, Благодáтная,/ Госпóдь с Тобóю.
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
Гóсподи, благослови.
Гóсподи, Иисусе Христé, Сыне Бóжий, воскрéсый из мéртвых, молитвами Пречистыя Твоея Мáтере, святых слáвных и всехвáльных Апóстол, преподóбных и богонóсных отéц нáших и всех святых, спаси нас, яко благ и человеколюбец.
Хор: Аминь. Гóсподи, помилуй. (3 раза)
Таже, поем многолетие
Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лета!
Использованы материалы с сайтов Азбука веры, Последование рф, Патриархия ру, моя библия онлайн