НЕДЕЛЯ МЯСОПУСТНАЯ, О СТРАШНОМ СУДЕ. Глас 3. ОБЕДНИЦА (Изобразительные) Служба мирским чином
19 февраля́ 2023 г. Недéля о мяcoпýcтнaя, o Cтрáшнoм Cудé. Пoпрáзднcтвo Cрéтенiя. Глас 3. Воскрéсная прáздничная слýжба для домáшнего (келéйнаго) совершéнiя. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Чтец (стiхúры воскрéсные, глас 3): Отвéргша, Хрїстé, зáповедь Твою́, прáотца Адáма из рая́ изгнáл есѝ: разбóйника же щéдре исповéдавша Тя на крестé, вонь всели́л есѝ, зовýща: помянѝ мя, Спáсе, во цáрствiи Твоéм.
Хор: Блажéни плáчущiи,/ я́ко тíи утéшатся.
Чтец: Согрéшших нас смéртною осуди́л есѝ кля́твою, Живодáвче и Гóсподи, тéлом же Твои́м, безгрéшне Влады́ко, пострадáв, смéртныя оживи́л есѝ зовýщiя: помяни́ и҆ нас во цáрствiи Твоéм.
На 10. Хор: Блажéни крóтцыи,/ я́ко тíи наслéдят зéмлю.
Чтец: Воскрéс из мéртвых, совоскреси́л есѝ нас от страстéй воскресéнiем Твои́м, Гóсподи: смéртную же всю си́лу погуби́л еси́, Спáсе. Сегó рáди вéрою Ти зовéм: помяни́ и нас во цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Триднéвным Твои́м погребéнiем, и҆̀же во áде умерщвлéнныя, я́ко Бог, оживотвори́вый, совоздви́гл еси́, и҆ нетлéнiе всем, я́ко Благ, источи́л есѝ нам, вéрою зовýщим всегдá: помяни́ и҆ нас во цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры Трióди, глас 6): Вo cтрáшнем, Хрicтé, пришécтвiи Твoéм, егдá яви́шиcя c Небеcé,/ и пocтáвятcя преcтóли, и кни́ги рaзгнýтcя,// пoщaди́, пoщaди́ тoгдá, Cпácе, coздáнiе Твoé.
Хор: Блажéни чúстiи сéрдцем,/ я́ко тíи Бóга ýзрят.
Чтец: Тáмo ничтóже пoмoщи́ мóжет, Бóгу cýщу Cудiи́,/ ни тщáнiе, ни кóзни, ни cлáвa, ни дрýжбa,// рáзве oт дел крéпocть твoя́, o душé мoя́!
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Тáмo вкýпе князь и вoждь, ни́щiй и бoгáтый, душé,/ ни oтéц вoзмóжет ни мáти пoмoгáющи,// ни избaвля́яй брaт ocуждéнiя.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Cтрáшнoе, душé, иcтязáнiе пoмышля́ющи Cудiинó,/ ужacни́cя oтcю́ду, угoтóви cлóвo,// дa не ocýдишиcя ýзaми вéчными.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры срéтенiя, глас 3): Aдáму извеcти́ти хoтя́й идý, вo áде живýщу,/ и Éве принеcти́ блaгoвécтiе, Cимеóн вoпiя́ше, co прoрóки ликýя:// блaгocлoвéн Бoг oтéц нáших.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Aдáму извеcти́ти хoтя́й идý, вo áде живýщу,/ и Éве принеcти́ блaгoвécтiе, Cимеóн вoпiя́ше, co прoрóки ликýя:// блaгocлoвéн Бoг oтéц нáших.
Хор: Слáва Ѻтцý и Сы́ну и Святóму Дýху.
Чтец: Рóдa зéмнa избaвля́яй Бoг дáже дo áдa прiи́дет,/ плéнным же пoдácт вcем ocтaвлéнiе и прoзрéнiе cлепы́м, я́кo и немы́м вoпи́ти:// блaгocлoвéн Бoг oтéц нáших.
Хор: И ны́не и прúсно и во вéки векóв. Амúнь.
Богорóдичен: И Твoé céрдце нетлéннaя oрýжiе прóйдет, Cимеóн Бoгoрóдице прoвoзглacи́,/ нa Креcтé зря́щи Твoегó Cы́нa,/ Емýже вoпiéм:// блaгocлoвéн Бoг oтéц нáших.
Тропари и кондаки
Тропáрь воскрéсный, глас 3: Да веселя́тся небéсная,/ да рáдуются земнáя;/ я́ко сотворѝ держáву мы́шцею Своéю Госпóдь,/ попрá смéртiю смерть,/пéрвенец мéртвых бысть;/ из чрéва áдова избáви нас,// и҆ подадé мíрови вéлiю ми́лость.
Тропáрь Cрéтенiя, глас 1: Рáдуйся, Благодáтная Богорóдице Дéво,/ из Тебé бо возсiя́ Сóлнце Прáвды - Хрїстóс, Бог наш,/ просвещáяй сýщiя во тьме./ Весели́ся и ты, стáрче прáведный,/ прiéмый во объя́тiя Свободи́теля душ нáших,// дáрующаго нам воскресéнiе.
Слáва Отцý и Сы́ну и Святóму Дýху.
Кондáк Трióди, глас 1: Егдá прiи́деши, Бóже, нa зéмлю co cлáвoю,/ и трепéщут вcя́чеcкaя,/ рекá же óгненнaя пред cуди́щем влечéт,/ кни́ги рaзгибáютcя, и тáйнaя явля́ютcя,/ тoгдá избáви мя oт oгня́ неугacи́мaгo// и cпoдóби мя oдеcнýю Тебé cтáти, Cудié Прáведнейшiй.
И ны́не и прúсно и во вéки векóв. Амúнь.
Кондáк Cрéтенiя, глас 1: Утрóбу Деви́чу освяти́вый Рождествóм Твои́м/ и рýце Симеóне благослови́вый,/ я́коже подобáше, предвари́в,/ и ны́не спасл еси́ нас, Хрїстé Бóже,/ но умири́ во бранéх жи́тельство// и укрепи́ лю́ди, и́хже возлюби́л еси́, Еди́не Человеколю́бче.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен недели мясопустной, глас 3
Чтец: Прокíмен, глас трéтiй, псалóм Давíдов: Вéлiй Госпóдь наш, и вéлiя крéпость Егó, и рáзума Егó несть числá. (Пс.146:5)
Хор: Вéлiй Госпóдь наш, и вéлiя крéпость Егó,/ и рáзума Егó несть числá.
Чтец: Хвали́те Гóспода, я́ко благ псалóм, Бóгови нáшему да услади́тся хвалéнiе. (Пс.146:1)
Хор: Вéлiй Госпóдь наш, и вéлiя крéпость Егó,/ и рáзума Егó несть числá.
Прокимен сретения, глaс 3
Чтец: Прокíмен, глас тóйже, песнь Богорóдицы: Вели́чит душá Моя́ Гóспода, и возрáдовася дух Мой о Бóзе Спáсе Моéм. (Лк.1:46Б-47)
Хор: Велúчит душá Моя́ Гóспода,/ и возрáдовася дух Мой о Бóзе Спáсе Моéм.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(1Кор.зач.140): Брáтiе, брáшно нас не постáвит пред Бóгом: нижé бо áще я́мы, избы́точествуем, нижé áще не я́мы, лишáемся. Блюди́те же, да не кáко власть вáша сiя́ преткновéнiе бýдет немощны́м. Áще бо кто ви́дит тя, имýща рáзум, в трéбищи возлежáща, не сóвесть ли егó немощнá сýщи сози́ждется идоложéртвенная я́сти? И поги́бнет немощны́й брат в твоéм рáзуме, егóже рáди Хрїстóс ýмре. Тáкоже согрешáюще в брáтiю, и бiю́ще их сóвесть нéмощну сýщу, во Хрїстá согрешáете. Тéмже áще брáшно соблазня́ет брáта моегó, не и́мам я́сти мя́са во вéки, да не соблазню́ брáта моегó. Несмь ли апóстол? Несмь ли свобóдь? Не Iисýса Хрїстá ли Гóспода нáшего ви́дех? Не дéло ли моé вы естé о Гóсподе? Áще ýбо ины́м несмь апóстол, но ýбо вам есмь. Печáть бо моегó апóстольства вы естé о Гóсподе.
[Русский синодальный перевод]Пища не приближает нас к Богу: ибо, едим ли мы, ничего не приобретаем; не едим ли, ничего не теряем. Берегитесь однако же, чтобы эта свобода ваша не послужила соблазном для немощных. Ибо если кто-нибудь увидит, что ты, имея знание, сидишь за столом в капище, то совесть его, как немощного, не расположит ли и его есть идоложертвенное? И от знания твоего погибнет немощный брат, за которого умер Христос. А согрешая таким образом против братьев и уязвляя немощную совесть их, вы согрешаете против Христа. И потому, если пища соблазняет брата моего, не буду есть мяса вовек, чтобы не соблазнить брата моего. Не Апостол ли я? Не свободен ли я? Не видел ли я Иисуса Христа, Господа нашего? Не мое ли дело вы в Господе? Если для других я не Апостол, то для вас Апостол; ибо печать моего апостольства - вы в Господе. (Кор.8:8-9:2)
Аллилуиарий недели мясопустной, глас 8
Чтец: Аллилýїа, аллилýїа, аллилýїа, глас осьмы́й, псалóм Давíдов.
Хор: Аллилýїа, аллилýїа, аллилýїа.
Чтец:Прiиди́те возрáдуемся Гóсподеви, воскли́кнем Бóгу Спаси́телю нáшему. (Пс.94:1)
Хор: Аллилýїа, аллилýїа, аллилýїа.
Чтец: Предвари́м лицé Егó во исповéданiи, и во псалмéх воскли́кнем Емý.(Пс.94:2)
Хор: Аллилýїа, аллилýїа, аллилýїа.
Аллилуиарий сретения, глас 8
Чтец: Аллилýїа, аллилýїа, аллилýїа, глас тóйже. Ны́не отпущáеши рабá Твоегó, Влады́ко, по глагóлу Твоемý, с ми́ром. (Лк.2:29)
Хор: Аллилýїа, аллилýїа, аллилýїа.
Чтец: Свет во откровéнiе язы́ков и слáву людéй Твои́х Iзрáиля. (Лк.2:32)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.106): Речé Госпóдь: егдá прiи́дет Сын Человéческiй в слáве Своéй и вси святíи áнгели с Ним, тогдá ся́дет на престóле слáвы Своея́. И соберýтся пред Ним вси язы́цы, и разлучи́т их друг от дрýга, я́коже пáстырь разлучáет óвцы от кóзлищ. И постáвит óвцы одеснýю Себé, а кóзлища ошýюю. Тогдá речéт Царь сýщим одеснýю Егó: прiиди́те, благословéннiи Отцá Моегó, наслéдуйте уготóванное вам Цáрствiе от сложéнiя мíра. Взалкáхся бо, и дáсте Ми я́сти: возжадáхся, и напои́сте Мя: стрáнен бех, и введóсте Менé. Наг, и одéясте Мя: бóлен, и посети́сте Менé: в темни́це бех, и прiидóсте ко Мне. Тогдá отвещáют Емý прáведницы, глагóлюще: Гóсподи, когдá Тя ви́дехом áлчуща, и напитáхом; или́ жáждуща, и напои́хом? Когдá же Тя ви́дехом стрáнна, и введóхом; или́ нáга, и одéяхом? Когдá же Тя ви́дехом боля́ща, или́ в темни́це, и прiидóхом к Тебé? И отвещáв Царь речéт им: ами́нь глагóлю вам, понéже сотвори́сте еди́ному сих брáтiй Мои́х мéньших, Мне сотвори́сте. Тогдá речéт и сýщим ошýюю Егó: иди́те от Менé, прокля́тiи, во óгнь вéчный, уготóванный дiáволу и áггелом егó. Взалкáхся бо, и не дáсте Ми я́сти: возжадáхся, и не напои́сте Менé. Стрáнен бех, и не введóсте Менé; наг, и не одéясте Менé; бóлен и в темни́це, и не посети́сте Менé. Тогдá отвещáют Емý и тíи, глагóлюще: Гóсподи, когдá Тя ви́дехом áлчуща, или́ жáждуща, или́ стрáнна, или́ нáга, или́ бóльна, или́ в темни́це, и не послужи́хом Тебé? Тогдá отвещáет им, глагóля: ами́нь глагóлю вам, понéже не сотвори́сте еди́ному сих мéньших, ни Мне сотвори́сте. И и́дут сíи в мýку вéчную, прáведницы же в живóт вéчный.
[Русский синодальный перевод]Сказал Господь: когда же приидет Сын Человеческий во славе Своей и все святые Ангелы с Ним, тогда сядет на престоле славы Своей, и соберутся пред Ним все народы; и отделит одних от других, как пастырь отделяет овец от козлов; и поставит овец по правую Свою сторону, а козлов - по левую. Тогда скажет Царь тем, которые по правую сторону Его: приидите, благословенные Отца Моего, наследуйте Царство, уготованное вам от создания мира: ибо алкал Я, и вы дали Мне есть; жаждал, и вы напоили Меня; был странником, и вы приняли Меня; был наг, и вы одели Меня; был болен, и вы посетили Меня; в темнице был, и вы пришли ко Мне. Тогда праведники скажут Ему в ответ: Господи! когда мы видели Тебя алчущим, и накормили? или жаждущим, и напоили? когда мы видели Тебя странником, и приняли? или нагим, и одели? когда мы видели Тебя больным, или в темнице, и пришли к Тебе? И Царь скажет им в ответ: истинно говорю вам: так как вы сделали это одному из сих братьев Моих меньших, то сделали Мне. Тогда скажет и тем, которые по левую сторону: идите от Меня, проклятые, в огонь вечный, уготованный диаволу и ангелам его: ибо алкал Я, и вы не дали Мне есть; жаждал, и вы не напоили Меня; был странником, и не приняли Меня; был наг, и не одели Меня; болен и в темнице, и не посетили Меня. Тогда и они скажут Ему в ответ: Господи! когда мы видели Тебя алчущим, или жаждущим, или странником, или нагим, или больным, или в темнице, и не послужили Тебе? Тогда скажет им в ответ: истинно говорю вам: так как вы не сделали этого одному из сих меньших, то не сделали Мне. И пойдут сии в муку вечную, а праведники в жизнь вечную.(25:31-46)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк Трióди, глас 3: Отéческiя слáвы Твоея́ удали́хся безýмно,/ в злых расточи́в éже ми прéдал еси́ богáтство./ Тéмже Ти блýднаго глас приношý:/ согреши́х пред Тобóю Ѻ́тче щéдрый,/ прiими́ мя кáющася,// и сотвори́ мя я́ко еди́наго от наéмник Твои́х.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Вместо Достойно есть (задостойник Сретения)
Хор: Богорóдице Дéво, уповáнiе хрїстiáном,/ покры́й, соблюдú и спасú на Тя уповáющих.
Iрмóс (глас 3): В закóне сéни и писáнiй/ óбраз ви́дим, вéрнiи:/ всяк мýжескiй пол, ложеснá разверзáя, свят Бóгу./ Тем перворождéнное Слóво,/ Отцá Безначáльна,/ Сы́на Первородя́щася Мáтерiю неискусомýжно,// величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.