РОЖДЕСТВО ХРИСТОВО. Обедница (изобразительные) Служба мирским чином. 7 января 2023 года.
7 января́ 2023 гóда. Рождествó Гóспода и Бóга и Спáса нáшего Iисýса Хрїстá. Прáздничная слýжба для домáшнего (келéйнаго) совершéнiя. Послéдованiе изобразúтельных.
Прéжде глагóли часы. Áще имаши произволение то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
ПЕРВЫЙ АНТИФОН, глас 2
Чтец: Исповéмся Тебé, Гóсподи, всем сéрдцем мои́м, повéм вся чудесá Твоя́.(Пс.9:2)
Хор: Молúтвами Богорóдицы, Спáсе, спасú нас.
Чтец: В совéте прáвых и сóнме, вéлiя делá Госпóдня.(Пс.110:1Б-2А)
Хор: Молúтвами Богорóдицы, Спáсе, спасú нас.
Чтец: Изы́скана во всех вóлях Егó.(Пс.110:2Б)
Хор: Молúтвами Богорóдицы, Спáсе, спасú нас.
Чтец: Исповéданiе и великолéпiе дéло Егó, и прáвда Егó пребывáет в век вéка.(Пс.110:3)
Хор: Молúтвами Богорóдицы, Спáсе, спасú нас.
Чтец: Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь
Хор: Молúтвами Богорóдицы, Спáсе, спасú нас.
ВТОРОЙ АНТИФОН, глас 2
Чтец: Блажéн муж боя́йся Гóспода, в зáповедех Егó восхóщет зелó.(Пс.111:1)
Хор: Спасú ны, Сы́не Бóжiй,/ рождéйся от Дéвы, пою́щiя Ти:// аллилýїа.
Чтец: Си́льно на земли́ бýдет сéмя Егó, род прáвых благослови́тся.(Пс.111:2)
Хор: Спасú ны, Сы́не Бóжiй,/ рождéйся от Дéвы, пою́щiя Ти:// аллилýїа.
Чтец: Слáва и богáтство в домý Егó, и прáвда Егó пребывáет в век вéка.(Пс.111:3)
Хор: Спасú ны, Сы́не Бóжiй,/ рождéйся от Дéвы, пою́щiя Ти:// аллилýїа.
Чтец: Возсiя во тьме свет прáвым, ми́лостив и щедр, и прáведен.(Пс.111:4)
Хор: Спасú ны, Сы́не Бóжiй,/ рождéйся от Дéвы, пою́щiя Ти:// аллилýїа.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Единорóдный Сы́не и Слóве Бóжїй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
ТРЕТИЙ АНТИФОН глас 4 (Пс.109)
Чтец: Речé Госпóдь Гóсподеви моемý: седи́ одеснýю Менé.(Пс.109:1А)
Хор (тропáрь прáздника, глас 4): Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Чтец: Дóндеже положý враги́ Твоя́ поднóжiе ног Твои́х. (Пс.109:1Б)
Хор: Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Чтец: Жезл си́лы пóслет Ти Госпóдь от Сióна, и госпóдьствуй посредé врагóв Твои́х. (Пс.109:2)
Хор: Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Чтец: С Тобóю начáло в день си́лы Твоея́ во свéтлостех святы́х Твои́х.(Пс.109:3А)
Хор: Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Тропари и кондаки
Тропáрь прáздника, глас 4: Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Кондáк прáздника, глас 3: Дéва днесь Пресýщественнаго раждáет,/ и земля́ вертéп Непристýпному принóсит./ Áнгели с пáстырьми славослóвят,/ волсви́ же со звездóю путешéствуют:// нас бо рáди роди́ся Oтрочá Млáдо, Превéчный Бог.
Вместо Трисвятого
Хор: Ели́цы во Хрїстá крестúстеся,/ во Хрїстá облекóстеся.// Аллилýїа. (Трúжды)
Хор: Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Хор: Во Хрїстá облекóстеся.// Аллилýїа.
Хор: Елицы во Хрїстá крестúстеся,/ во Хрїстá облекóстеся.// Аллилýїа.(Гал.3:27)
Прокимен, глас 8
Чтец: Прокíмен, глас осьмы́й, псалóм Давíдов: Вся земля́ да поклóнится Тебé и поéт Тебé, да поéт же И҆́мени Твоемý Вы́шнiй. (Пс.65:4)
Хор: Вся земля́ да поклóнится Тебé и поéт Тебé,/ да поéт же И҆́мени Твоемý Вы́шнiй.
Чтец: Воскли́кните Гóсподеви, вся земля́, пóйте же И҆́мени Егó, дади́те слáву хвалé Егó.(Пс.65:2)
Хор: Вся земля́ да поклóнится Тебé и поéт Тебé,/ да поéт же И҆́мени Твоемý Вы́шнiй.
Чтец: Вся земля́ да поклóнится Тебé и поéт Тебé.
Хор: Да поéт же И҆́мени Твоемý Вы́шнiй.
Апостол
Чтец: К Галáтом послáнiя святáго апóстола Пáвла чтéнiе.
(Гал.зач.209): Брáтiе, егдá прiи́де кончи́на лéта, послá Бог Сы́на Своегó Eдинорóднаго, раждáемаго от жены́, бывáема под закóном, да подзакóнныя искýпит, да всыновлéнiе воспрiи́мем. Да я́ко eстé сы́нове, послá Бог Дýха Сы́на Своегó в сердцá вáша, вопiю́ща: Áвва, Óтче. Тéмже ужé нéси раб, но сын: áще ли же сын, и наслéдник Бóжїй Iисýс Хрїстóм.
[Русский синодальный перевод]Братья, когда пришла полнота времени, Бог послал Сына Своего Единородного, Который родился от жены, подчинился закону, чтобы искупить подзаконных, дабы нам получить усыновление. А как вы - сыны, то Бог послал в сердца ваши Духа Сына Своего, вопиющего: «Авва, Отче!» Посему ты уже не раб, но сын; а если сын, то и наследник Божий через Иисуса Христа. (Гал. 4:4-7)
Аллилуиарий
Чтец: Аллилýїа, аллилýїа, аллилýїа, глас пéрвый, псалóм Давíдов:
Хор: Аллилýїа, аллилýїа, аллилýїа.
Чтец: Небесá повéдают слáву Бóжiю, творéнiе же рукý Егó возвещáет твердь. (Пс.18:2)
Хор: Аллилýїа, аллилýїа, аллилýїа.
Чтец: День дни отрыгáет глагóл, и нощь нóщи возвещáет рáзум. (Пс.18:3)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.3): Iисýсу рóждшуся в Вифлеéме Iудéйстем во дни И́рода царя́, се волсви́ от востóк прiидóша во Iерусали́м, глагóлюще: где есть рождéйся Царь Iудéйскiй? Ви́дехом бо звездý Егó на востóце и прiидóхом поклони́тися Емý. Слы́шав же, И́род царь смути́ся, и весь Iерусали́м с ним. И собрáв вся первосвящéнники и кни́жники людскíя, вопрошáше от них: где Хрiстóс раждáется? Они́ же рекóша емý: в Вифлеéме Iудéйстем; тáко бо пи́сано есть прорóком: и ты, Вифлеéме, землé Iýдова, ничи́мже мéньши еси́ во влады́ках Iýдовых, из тебé бо изы́дет Вождь, и́же упасéт лю́ди Моя́ Iзрáиля. Тогдá И́род тай призвá волхвы́ и испы́товаше от них врéмя я́вльшияся звезды́. И, послáв их в Вифлеéм, речé: шéдше, испытáйте извéстно о Отрочáти; егдá же обря́щете, возвести́те ми, я́ко да и аз, шед, поклоню́ся Емý. Они́ же, послýшавше царя́, идóша. И сé звездá, ю́же ви́деша на востóце, идя́ше пред ни́ми, дóндеже, пришéдше, ста верхý, идéже бе Отрочá. Ви́девше же звездý, возрáдовашася рáдостiю вéлiею зелó. И, пришéдше в хрáмину, ви́деша Отрочá с Марíею, Мáтерiю Егó, и, пáдше, поклони́шася Емý, и, отвéрзше сокрóвища своя́, принесóша Емý дáры, злáто, и лiвáн, и сми́рну. И, весть прiéмше во сне, не возврати́тися ко И́роду, ины́м путéм отыдóша во странý свою́.
[Русский синодальный перевод]Когда Иисус родился в Вифлееме Иудейском во дни Ирода царя, вот, волхвы от восточных стран прибыли в Иерусалим и говорят: «Где родившийся Царь Иудейский? Ибо мы видели звезду Его на востоке и пришли поклониться Ему». Услышав же это, царь Ирод встревожился, и весь Иерусалим с ним. И собрав всех первосвященников и книжников народных, спрашивал у них: «Где родится Христос?» Они же сказали ему: в Вифлееме Иудейском, ибо так написано чрез пророка: «И ты, Вифлеем, земля Иудина, ничуть не меньший среди правителей Иудиных; ибо из тебя произойдет Вождь, Который будет пасти народ Мой, Израиля». Тогда Ирод, тайно призвав волхвов, точно выведал от них время появления звезды. И послав их в Вифлеем, сказал: «Пойдите, точно разведайте о Младенце, а когда найдете, возвестите мне, чтобы и я пришел поклониться Ему». Они же, выслушав царя, пошли. И вот, звезда, которую видели они на востоке, шла перед ними, пока не пришла и не стала над местом, где был Младенец. Увидев же звезду, они возрадовались радостью весьма великою. И войдя в дом, увидели Младенца с Марией, Матерью Его, и пав ниц, поклонились Ему; и открыв сокровища свои, принесли Ему дары: золото, ладан и смирну. И получив во сне откровение не возвращаться к Ироду, иным путем удалились в страну свою. (Мф 2:1-12)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжїй, поми́луй нас. Ами́нь.
КОНДАК
Кондáк прáздника, глас 3: Дéва днесь Пресýщественнаго раждáет,/ и земля́ вертéп Непристýпному принóсит./ Áнгели с пáстырьми славослóвят,/ волсви́ же со звездóю путешéствуют:// нас бо рáди роди́ся Oтрочá Млáдо, Превéчный Бог.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Вместо Достойно есть (задостóйник прáздника)
Хор: Величáй, душé моя́,// Честнéйшую и Слáвнейшую Гóрних вóинств, Дéву Пречúстую, Богорóдицу.
Iрмóс (глас 1): Люби́ти ýбо нам, я́ко безбéдное стрáхом/ удóбее молчáнiе,/ любóвiю же, Дéво,/ пéсни ткáти, спротяжéнно сложéнныя, неудóбно есть;// но и, Мáти, си́лу, ели́ко есть произволéнiе, даждь.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
И҆́же в вертéпе Роди́выйся и в я́слех возлегíй, нáшего рáди спасéнiя, Хрїстóс, И҆́стинный Бог наш, моли́твами Пречи́стыя Своея́ Мáтере и всех святы́х, поми́лует и спасéт нас, я́ко Благ и Человеколю́бец.
(По традиции, по отпусте на середине храма перед праздничной иконой поют)
Хор (тропáрь прáздника, глас 4): Рождествó Твоé, Хрїстé Бóже наш,/ возсiя́ мíрови свет рáзума,/ в нем бо звездáм служáщiи/ звездóю учáхуся/ Тебé клáнятися, Сóлнцу Прáвды,/ и Тебé вéдети с высоты́ востóка.// Гóсподи, слáва Тебé!
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Кондáк прáздника, глас 3: Дéва днесь Пресýщественнаго раждáет,/ и земля́ вертéп Непристýпному принóсит./ Áнгели с пáстырьми славослóвят,/ волсвú же со звездóю путешéствуют:// нас бо рáди родúся Oтрочá Млáдо, Превéчный Бог.
ВЕЛИЧАНИЕ ПРАЗДНИКА
Хор: Величáем Тя,/ Живодáвче Хрїстé,/ нас рáди ныне плóтiю рóждшагося// от Безневéстныя и Пречúстыя Дéвы Марíи.