Неделя 26 по Пятидесятнице. Прмч Стефана Нового, глас 1. ОБЕДНИЦА (Изобразительные)
11 декабря́ 2022 гóда. Недéля 26 по Пятидеся́тнице. Преподобномýченика Стефáна Нóваго. Глас 1. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глаголи часы. Аще имаши произволенiе то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 1): Снéдiю изведé из рая́ враг Адáма:/ Крестóм же разбóйника введé Хрiстóс вонь,/ помяни́ мя, зовýща,// егдá прiи́деши во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Покланя́юся страстéм Твои́м,/ славослóвлю и Воскресéнiе со Адáмом и разбóйником,/ со глáсом свéтлым вопiю́ Ти:/ помянѝ мя Гóсподи,// егдá прiи́деши во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Распя́лся еси безгрéшне,/ и во грóбе положи́лся есѝ волею,/ но воскрéсл есѝ яко Бог,/ совоздви́гнувый Себé Адáма,/ помянѝ мя, зовýща,// егдá прiи́деши во Цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Храм Твой телéсный триднéвным Воскреси́вый погребéнiем,/ со Адáмом, и и҆́же от Адáма, воскреси́л есѝ Хрiстé Бóже:/ помяни́ нас зовýщих,// егдá прiи́деши во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицы прiидóша плáчуща,/ на гроб Твой Хрiстé Бóже, зелó рáно:/ и в бéлых ризах обретóша Áнгела седя́ща,/ что и҆́щете; зовýща.// Воскрéсе Хрiстóс, не рыдáйте прóчее.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Апóстоли Твои Гóсподи/ на гóру, áможе повелéл еси им, пришéдше Спáсе,/ и Тя ви́девше поклони́шася.// И҆́хже и послáл еси во язы́ки учи́ти и крести́ти я.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры прмч. Стефáна, глас 6): Ум твой, зрéнiем к Бóгу удобря́емь, óтче, краснéйшiй яви́ся,/ и благодáти вся́кiя испóлнен вои́стинну,// и Божéственныя свéтлости причáстник.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Честнéй iкóне Хрiстóве/ и Тогó Рóждшiя покланя́яся, блажéнне,// царя́ злочести́ваго повелéнiе мéрзское возненави́де си́лою Божéственнаго Дýха.
Хор: Слáва Отцý и Сы́ну и Святóму Дýху.
Чтец: Твоя́ крáсныя я́вственно имéл есѝ, преподóбне, нóги,/ мучéнiя к стезя́м ступáющiя свéтло// и главы́ врáжiя сокрушáющiя, Стефáне многострадáльне.
Хор: И ны́не и прúсно и во вéки векóв. Амúнь.
Чтец (Богорóдичен): Из Тебé, еди́ныя Чи́стыя, Пребожéственное Слóво воплоти́ся, я́ко весть,/ и спасé ны от тли,// покланя́ющiяся за милосéрдiе Божéственному Егó снизхождéнiю.
Тропари и кондаки
Тропáрь воскрéсный, глас 1: Кáмени запечáтану от iудéй/ и вóином стрегýщим Пречи́стое Тéло Твоé,/ воскрéсл еси триднéвный, Спáсе,/ дáруяй мíрови жизнь./ Сегó рáди си́лы небéсныя вопiя́ху Ти, Жизнодáвче:/ слáва Воскресéнiю Твоемý, Хрiстé,/ слáва Цáрствiю Твоемý,// слáва смотрéнiю Твоемý, еди́не Человеколю́бче.
Тропáрь прмч. Стефáна, глас 4: Пóстнически предподвизáвся на горé,/ ýмная врагóв ополчéнiя/ всеорýжiем Крестá погуби́л еси́, всеблажéнне,/ пáки же ко страдáльчеству мýжески вооружи́лся еси́,/ уби́в Копрони́ма мечéм вéры,/ и обои́х рáди венчáлся еси́ от Бóга,// преподобномýчениче Стефáне приснопáмятне.
Кондáк прмч. Стефáна, глас 3: Из неплóдна, преподóбне, кóрене/ возрастé ветвь/ первострадáльцу тезоимени́те,/ монáхов настáвник вели́к, óтче, яви́лся еси́/ и, я́рости не убоя́вся царя́,/ не хотя́ща Хрiстóв чествовáти óбраз,/ сегó рáди скончáвся,// мýченическiй венéц прiя́л еси́, Стефáне.
Слáва Отцý и Сы́ну и Святóму Дýху.
Ин кондáк прмч. Стефáна, глас 8: Трóицы рачи́теля и Божéственнаго Стефáна/ восхвáлим вéрно пéсньми, празднолю́бцы, от сéрдца,/ я́ко почествовáвша начертáнiе крáсное Влады́ки и Мáтере Егó,/ и соглáсно ны́не от любвé возопiи́м емý, рáдующеся:// рáдуйся, óтче приснослáвне.
И ны́не и прúсно и во вéки векóв. Амúнь.
Кондáк воскрéсный, глас 1: Воскрéсл есѝ, я́ко Бог, из грóба во слáве,/ и мiр совоскреси́л есѝ;/ и естествó человéческое я́ко Бóга воспевáет Тя, и смерть исчезé;/ Адáм же ликýет, Влады́ко;/ Éва ны́не от уз избавля́ема рáдуется, зовýщи:// Ты есѝ, И҆́же всем подая́, Хрiстé, воскресéнiе.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 1
Чтец: Прокíмен, глас пéрвый, псалóм Давíдов: Бýди, Гóсподи, ми́лость Твоя́ на нас, я́коже уповáхом на Тя. (Пс.32:22)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Чтец:Рáдуйтеся, прáведнiи, о Гóсподе, прáвым подобáет похвалá. (Пс.32:1)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Прокимен прмч. Стефана нового, глaс 8
Чтец: Прокíмен, глас осьмы́й, псалóм Давíдов: Восхвáлятся преподóбнiи во слáве и возрáдуются на лóжах свои́х. (Пс.149:5)
Хор: Восхвáлятся преподóбнiи во слáве/ и возрáдуются на лóжах свои́х.
АПОСТОЛ
Чтец: Ко Ефесéем послáнiя святáго апóстола Пáвла чтéнiе.
(Еф.зач.229): Брáтiе, я́ко чáда свéта ходи́те, плод бо Духóвный eсть во вся́цей благосты́ни и прáвде и и҆́стине, искушáюще, что eсть благоугóдно Бóгови. И не приoбщáйтеся к делóм неплóдным тьмы, пáче же и обличáйте. Бывáeмая бо óтай от них, срáмно eсть и глагóлати. Вся же обличáeмая, от свéта явля́ются: все бо явля́емое свет eсть. Сегó рáди глагóлет: востáни, спяй, и воскреснѝ от мéртвых, и освети́т тя Хрiстóс. Блюди́те ýбо, кáко опáсно хóдите, не я́коже немýдри, но я́коже премýдри, искупýюще врéмя, я́ко днíе лукáви суть. Сегó рáди не бывáйте несмы́сленни, но разумевáйте, что eсть вóля Бóжiя. И не упивáйтеся винóм, в нéмже eсть блуд, но пáче исполня́йтеся Дýхом, глагóлюще себé во псалмéх и пéнiих, и пéснех духóвных, воспевáюще и пою́ще в сердцáх вáших Гóсподеви.
[Русский синодальный перевод]Братья, поступайте, как чада света, потому что плод Духа состоит во всякой благости, праведности и истине. Испытывайте, чтó благоугодно Богу, и не участвуйте в бесплодных делах тьмы, но и обличайте. Ибо о том, чтó они делают тайно, стыдно и говорить. Все же обнаруживаемое делается явным от света, ибо все, делающееся явным, свет есть. Посему сказано: «встань, спящий, и воскресни из мертвых, и осветит тебя Христос». Итак, смотри́те, поступайте осторожно, не как неразумные, но как мудрые, дорожа временем, потому что дни лукавы. Итак, не будьте нерассудительны, но познавайте, чтó есть воля Божия. И не упивайтесь вином, от которого бывает распутство; но исполняйтесь Духом, назидая самих себя псалмами и славословиями и песнопениями духовными, поя и воспевая в сердцах ваших Господу.(5:8-19)
(2Тим.зач.191): Чáдо Тимофéе, не постыди́ся стрáстiю Гóспода нáшего Iисýса Хрiстá, ни мнóю ю́зником Егó, но спостражди́ благовествовáнiю Хрiстóву по си́ле Бóга, спáсшаго нас и призвáвшаго звáнiем святы́м, не по делóм нáшим, но по Своемý благоволéнiю и благодáти дáнней нам о Хрiстé Iисýсе прéжде лет вéчных, я́вльшися же ны́не просвещéнiем Спаси́теля нáшего Iисýса Хрiстá, разруши́вшаго ýбо смерть и возсiя́вшаго жизнь и нетлéнiе благовествовáнiем, в нéже постáвлен бых аз проповéдник и Апóстол и учи́тель язы́ков. Ея́же рáди вины́ и сiя́ страждý, но не стыждýся. Вем бо, Емýже вéровах, и извести́хся, я́ко си́лен есть предáнiе моé сохрани́ти в день он. Óбраз имéй здрáвых словéс, и҆́хже от менé слы́шал еси́ в вéре и любви́, я́же о Хрiстé Iисýсе. Дóброе завещáнiе соблюди́ Дýхом Святы́м живýщим в нас. Вéси ли сié, я́ко отврати́шася от менé вси, и҆́же от Асíи, от ни́хже есть Фигéлл и Ермогéн. Да даст же ми́лость Госпóдь Онисíфорову домý, я́ко мнóгажды мя упокóи и вери́г мои́х не постыдéся, но пришéд в Рим, тóщнее взыскá мя и обрéте. Да даст емý Госпóдь обрести́ ми́лость от Гóспода в день он, и ели́ко во Ефéсе послужи́ ми, дóбрее ты вéси.
[Русский синодальный перевод]Итак, не стыдись свидетельства Господа нашего Иисуса Христа, ни меня, узника Его; но страдай с благовестием Христовым силою Бога, спасшего нас и призвавшего званием святым, не по делам нашим, но по Своему изволению и благодати, данной нам во Христе Иисусе прежде вековых времен, открывшейся же ныне явлением Спасителя нашего Иисуса Христа, разрушившего смерть и явившего жизнь и нетление через благовестие, для которого я поставлен проповедником и Апостолом и учителем язычников. По сей причине я и страдаю так; но не стыжусь. Ибо я знаю, в Кого уверовал, и уверен, что Он силен сохранить залог мой на оный день. Держись образца здравого учения, которое ты слышал от меня, с верою и любовью во Христе Иисусе. Храни добрый залог Духом Святым, живущим в нас. Ты знаешь, что все Асийские оставили меня; в числе их Фигелл и Ермоген. Да даст Господь милость дому Онисифора за то, что он многократно покоил меня и не стыдился уз моих, но, быв в Риме, с великим тщанием искал меня и нашел. Да даст ему Господь обрести милость у Господа в оный день; а сколько он служил мне в Ефесе, ты лучше знаешь.(1:8-18)
Аллилуарий воскресный, глас 1
Чтец: Аллилýіа, аллилýіа, аллилýіа, глас пéрвый, псалóм Давíдов:
Хор: Аллилýіа, аллилýіа, аллилýіа.
Чтец: Бог дая́й отмщéнiе мне, и покори́вый лю́ди под мя. (Пс.17:48)
Хор: Аллилýіа, аллилýіа, аллилýіа.
Чтец: Величáяй спасéнiя царéва и творя́й ми́лость хрiстý Своемý Давíду и сéмени егó до вéка. (Пс.17:51)
Хор: Аллилýіа, аллилýіа, аллилýіа.
Аллилуарий прмч. Стефана нового, глас 8
Чтец: Аллилýїа, глас осьмы́й: Блажéн муж боя́йся Гóспода, в зáповедех Егó восхóщет зелó. (Пс.111:1)
Хор: Аллилýіа, аллилýіа, аллилýіа.
Чтец: Си́льно на земли́ бýдет сéмя егó. (Пс.111:2А)
Хор: Аллилýіа, аллилýіа, аллилýіа.
ЕВАНГЕЛИЕ
От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.71): Во врéмя óно, бе учя́ Iисýс на еди́ном от сóнмищ в суббóту. И се женá бе имýщи дух недýжен лет осмьнáдесять, и бе сля́ка и не могýщи восклони́тися отню́д. Ви́дев же ю́ Iисýс, пригласи́ и речé ей: жéно, отпущенá еси́ от недýга твоегó. И возложи́ на ню рýце, и áбiе прострéся и слáвляше Бóга. Отвещáв же старéйшина собóру, негодýя, занé в суббóту исцели́ ю́ Iисýс, глагóлаше нарóду: шесть днíй есть, в ня́же достóит дéлати, в ты́я ýбо приходя́ще цели́теся, а не в день суббóтный. Отвещáв же ýбо емý Госпóдь и речé: лицемéре, кóждо вас в суббóту не отрешáет ли своегó волá или́ ослá от я́слiй, и вед напая́ет? Сiю́ же дщерь Авраáмлю сýщу, ю́же связá сатанá, се осмоенáдесяте лéто, не достóяше ли разреши́тися ей от ю́зы сея́ в день суббóтный? И сiя́ Емý глагóлющу, стыдя́хуся вси противля́ющiися Емý, и вси лю́дiе рáдовахуся о всех слáвных бывáющих от Негó.
[Русский синодальный перевод]В одной из синагог учил Он в субботу. Там была женщина, восемнадцать лет имевшая духа немощи: она была скорчена и не могла выпрямиться. Иисус, увидев ее, подозвал и сказал ей: женщина! ты освобождаешься от недуга твоего. И возложил на нее руки, и она тотчас выпрямилась и стала славить Бога. При этом начальник синагоги, негодуя, что Иисус исцелил в субботу, сказал народу: есть шесть дней, в которые должно делать; в те и приходи́те исцеляться, а не в день субботний. Господь сказал ему в ответ: лицемер! не отвязывает ли каждый из вас вола своего или осла от яслей в субботу и не ведет ли поить? сию же дочь Авраамову, которую связал сатана вот уже восемнадцать лет, не надлежало ли освободить от уз сих в день субботний? И когда говорил Он это, все противившиеся Ему стыдились; и весь народ радовался о всех славных делах Его.(13:10-17)
(Мф.зач.37): Речé Госпóдь Свои́м ученикóм: егдá гóнят вы во грáде сем, бéгайте в другíй. Ами́нь бо, глагóлю вам, не и҆́мате скончáти грáды Iзрáилевы, дóндеже прiи́дет Сын Человéческий. Несть учени́к над учи́телем свои́м, нижé раб над господи́ном свои́м. Довлéет ученикý, да бýдет я́ко учи́тель егó, и раб я́ко госпóдь егó. Áще господи́на дóму веельзевýла нарекóша, кольми́ пáче домáшнiя егó? Не убóйтеся ýбо их, ничтóже бо есть покровéно, éже не откры́ется, и тáйно, éже не увéдено бýдет. Éже глагóлю вам во тме, рцы́те во свéте: и éже во ýши слы́шите, проповéдите на крóвех. И не убóйтеся от убивáющих тéло, дýшу же не могýщих уби́ти, убóйтеся же пáче могýщаго и дýшу и тéло погуби́ти в геéнне. Не две ли пти́це цени́теся еди́ному ассáрiю? И ни еди́на от нею́ падéт на земли́ без Отцá вáшего. Вам же и влáси главнíи вси изочтéни суть. Не убóйтеся ýбо, мнóзех птиц лýчши естé вы.
[Русский синодальный перевод]Когда же будут гнать вас в одном городе, бегите в другой. Ибо истинно говорю вам: не успеете обойти городов Израилевых, как приидет Сын Человеческий. Ученик не выше учителя, и слуга не выше господина своего: довольно для ученика, чтобы он был, как учитель его, и для слуги, чтобы он был, как господин его. Если хозяина дома назвали веельзевулом, не тем ли более домашних его? Итак, не бойтесь их, ибо нет ничего сокровенного, что не открылось бы, и тайного, что не было бы узнано. Что говорю вам в темноте, говорите при свете; и что на ухо слышите, проповедуйте на кровлях. И не бойтесь убивающих тело, души́ же не могущих убить; а бойтесь более Того, Кто может и душу и тело погубить в геенне. Не две ли малые птицы продаются за ассарий*? (*Мелкая монета) И ни одна из них не упадет на землю без воли Отца вашего; у вас же и волосы на голове все сочтены; не бойтесь же: вы лучше многих малых птиц.(10:23-31)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 1: Воскрéсл еси́, я́ко Бог, из грóба во слáве,/ и мiр совоскреси́л есѝ;/ и естествó человéческое я́ко Бóга воспевáет Тя, и смерть исчезé;/ Адáм же ликýет, Влады́ко;/ Éва ны́не от уз избавля́ема рáдуется, зовýщи:// Ты есѝ, И҆́же всем подая́, Хрiстé, воскресéнiе.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, святы́х слáвных и всехвáльных Апóстол, преподóбных и Богонóсных отéц нáших и всех святы́х, поми́лует и спасéт нас, я́ко Благ и Человеколю́бец.