Богоявление
Из Великих Минеи Четьих митрополита Макария (цитирую по публикации Института русской литературы http://lib.pushkinskijdom.ru/Default.aspx?tabid=9904)
«МЕСЯЦА ГЕНВАРЯ ВЪ 6 ДЕНЬ. ВЪСПОМИНАНИЕ ТВОРИМЪ СВЯТЫХ БОГОЯВЛЕНИИ ГОСПОДА БОГА И СПАСА НАШЕГО ИСУСА ХРИСТА
Хотяй Господь Богъ нашь «исполнити всю правду» и «вся иудейская законы уставити», да никтоже от нихъ речеть, яко противенъ Богу есть, и написаному закону Моисеомъ противумудръствуетъ, видѣвъ иудеи къ Иоанну грядуща, и той крещаше я въ Иерданѣ-рецѣ, прииде же и Самъ къ Иоанну, глаголя: «Прииди и крести мя, не яко требуя оцыщениа, но яко очистити хотя миру грѣхи». Иоаннъ же, яко пророкъ Духомъ Святымъ вѣдый его Сына суща Божиа, не смѣяше крестити его. Егда увѣдѣ затояща себе и повелѣвающа крестити, тогда съ страхом и трепетомъ простре руку на святый его верхъ. И абие отверзошася небеса и прииде же небесе глас, глаголя: «Се есть Сынъ мой възлюбленый, о немъ же благоизволих!».