Кассиян Босой
11 февраля (24 февраля по новому стилю) 7040 [1532] года, преставился старец Кассиян Босой, ученик Пафнутия Боровского, сопостник Иосифа Волоцкого, один из восприемников от святыя купели царя Ивана Васильевича Грозного.
Преподобный Даниил Переяславский и старец Кассиян Босой принимают из купели царевича Иоанна (будущий царь Иван Грозный) - миниатюра Лицевого летописного свода XVI века.
В Лицевом летописном своде сказано: «Приемницы же бяху иже от святые купели сыну цареву два неленостная молитвеника, состаревшася в добродетелех; иже имяху оба едино пострижение во обители Пафнотиа чюдотворца Боровскаго. Един же от сих священства дар имея, именем Данил … Вторый же именем Касиан, зовомый Босый, и той такоже оснаваем духовною благодатию в подвизех выше естественых, постничеством же жесточайшим удруче себе от юныа версты, спостник быв преподобному Иосифу Волотцкому; сего убо дело бяше яко бесплотна человека, аще и во плоти суща: во вся бо дни жизни своея хождаше обувен просто в сандалейцо лычно, такоже и одежда ему проста, токмо едина власяница на свитке и мантиа. И егда же великими мразы воздух уясняшеся, сей же яко в раи пища пребываше, ничим же вредим бяше от зелныя студени. О нем же и сам Иосиф свидетелствоваше, яко благодать велию имяше от Бога. Старости же достиже яко лет сто, его же яко младенца привезоша, и бяше поддержим некоими избранными двема иноки тоя же обители».
Привожу житие Кассияна Босого, написанное в XVI веке келарем Иосифо-Волоколамского монастыря Вассианом Кошкой, лично знавшим Кассияна Босого (по публикации Института русской литературы http://lib.pushkinskijdom.ru/Default.aspx?tabid=10580). Кассиян Босой также неоднократно упоминается в житии Иосифа Волоцкого (смотрите сентябрьский том Великих Меней Четьих митрополита Макария):
«ЖИТИЕ И ПОДВИЗИ ВЪКРАТЦЕ СТАРЦА КАСИАНА, РЕКОМАГО БОСОГО, ИЖЕ БЫСТЬ ВО ИОСИФОВЕ МОНАСТЫРѢ, О НЕМЖЕ СЛЫШАХ ПРЕЖЕ МЕНЕ БЫВШИХ, ИНОЕ ЖЕ СВОИМА ОЧИМА ВИДЪХЪ
Сей убо честный старец родомъ града Переславля, от родителей православных, Козма бѣ имя ему. И егда дошедъ съвершена возраста, и бысть силою крѣпок и мужественъ, и съводворяяся с жывущими въ царской полате. И его ради мужества, и крѣпости, и силы позна его и самодержець, князь велики Иванъ Васильевич всея Русии, иже и научи его, самодержьца, праволучно стрѣлы пущати по знамени, и сего ради бысть от дрьжавнаго в чести и въ брежении.
И сей Козма нѣкогда разсуди суету мира сего, и честь, и славы его, и позна, яко преходна суть, и в небытие преходить, и, яко дым, въскорѣ по воздуху изчезает, и прииде в монастырь къ преподобному игумену Пафнутию, иже в Боровьскѣ. Преподобный же, видя его, яко от усердьства от мира сего отбѣгша, постриже его во иноческый образ и нарече имя ему Касианъ; и бысть у старца в послушании. Преподобный же зело любя его за его смирение, и послушание, и за великиа труды его.
Старцу же Иосифу в та времена уставъ держащу, и видя его старець Касиянъ живуща житиемъ крѣпкым, пребывая вь постѣ и въ молитвах, паче же въ велицем послушании преподобнаго игумена Пахнутиа, и прилепися к нему духовною любовью о Христѣ. Старец же Иосиф нача помышляти, дабы опщее житие устроити, еже бы в кѣлиах здравым и могущимъ не ясти, ни паки пити или что снѣдноимѣти, но все бы трапезою и равностию довлѣтися; такоже и одежа, и обуща - все бы имѣти обще, своего же никако не имѣти, но украшатися безоимѣниемъ и равностию, - якоже бысть и въ апостолѣхъ, иже во мнозѣхъ телѣсѣхъ яко едина душа, иже есть имѣние всѣмь равно и телесное требование обще всѣмъ, - еже не услажатися мира сего красотами, но имѣти в памяти, еже о души попечение и како изьбыти мукы вѣчныя. Сказа же сей помыслъ и Касиану-старцу, и отвеща Касиян: «Богъ и Пречистая Богородица твой помыслъ дѣлом соврьшитъ, а яз с тобою же».
И егда же преподобный игуменъ Пафнутие отъиде к Господу, и понудиша на игуменъство старца Иосифа; и паки Иосиф не преста помышляя, дабы совершити свой помыслъ; и бысть их о сем в совѣте седмь. И начяша его совѣтникы понужати Иосифа, дабы прешел русскыя обители и лучша изобралъ ко спасению душам, а собя бы нигдѣ знаема не учинил. Игуменъ же Иосифъ послуша их совѣта, и взя с собою единого от совѣтник своих - старца Герасима, пореклу Черного [После смерти Пафнутия Боровского Иосиф Волоцкий «сотвори себе старцем Герасима и преда ся ему во ученикы». Герасим Черный - выдающийся переписчик книг, владевший очень красивым почерком. Несколько переписанных им книг хранятся ныне в РГБ], и проиде вся большая обители; и не познаша его ни во единомъ монастырѣ.
Поучения аввы Дорофея. Писец Герасим Черный (конец XV - начало XVI века)
Егда же прииде на Бѣло езѣро во обитель святого великаго чюдотворца Кирила, и полюби предание и закон, еже предаде преподобный, узаконоположи, и како братия пребывают по заповѣди и преданию святаго чюдотворца Кирила, и великою радостию духовною возрадовася, яко обрѣте, яже помышляше.
И егда прииде на мѣсто, идѣже нынѣ Пречистыя обитель, и бысть знамение: освѣти молниа, паче солнечнаго свѣта, солнцу же сияющу, а воздуху свѣтлу сущу; бысть же сиа яко от полудьни. И полюби игуменъ Иосифъ мѣсто, и начя тружатися с немногою братиею, и пребывая въ великих трудѣхъ, в постѣ и в молитвах.
Сей же старець Касиянъ, о немже нам слово, прииде на другой год ко Иосифу, и видя старца игумена Иосифа и с нимъ братию в великих трудѣхъ стражуща, и поревнова имъ духовною ревностию, и нача с ними тружатися. И возложи на собя пансыр, под свитку на наго тѣло, и пекий хлѣбы на братию. Правило же его бысть в кѣлье - 6000 молитов Исусовых и тысяща поклонов. И егда же разсыпася пансыр, он же возложи на собя веригы тяшки зѣло, - и тако тружаяся и постяся.
И прииде ему помыслъ, дабы четыредесят дней не ясти, ни пити, ни паки возлещи на ребрех. И сиа ему наченшу, и пребысть тако дьни 12, и изнеможе. И увѣдевшу же сиа игумену Иосифу, и, пришед, запрети ему не тако чрез силу тружатися. Он же пакы чрез день вкушая хлѣбъ и воду, овогда же и чрез два дьни, и дотолика тако тружаяся, еже от очию ему и свѣт омрачися. И в та времена бысть у него ученик - старець Иона Голова, пореклу Пушечниковъ, и той вожаше его к пѣнию. И тако пребысть 30 дьней не видя, водим учеником. Видя же сия Иосифъ-игуменъ и позна, яко от великихъ трудовъ ему и поста сиа бысть, и паки запрѣти великимъ запрещениемъ. Он же послуша Иосифа, и мало от поста ослаби, и отздраве очима.
И паки посем не во мнозѣ времени впаде в немощь, и отняшяся у него ногы, яко не мощи ему ни ступити, и тако, ползая, исполняше свою телесную нужу. И во единъ от то дьни лежащу ему и молящуся Пречистой Богородици, и начаша звонити Литоргию, он же, лежа, възрѣвъ на образ Пречистыя Богородица, держащаго на руку Създателя всего мира, Превѣчнаго Младенца, и, прослезися, нача глаголати: «О Пречистыя Госпоже Владычице, Мати Божиа, аще мидаси на ногах своих ходити, донели живъ буду, никакоже обую сапогъ на ногу мою, ни пакы шубу на грѣшное тѣло мое и до кончины живота моего». И абие в той чяс воста, и, яко лежа, тако и потече скоро въ божественую церковь, и многы слезы точя, благодаря Пречестную Богоматере. И тако нача ходити, и до кончины живота своего не измени обѣта своего, еже обѣщася Пречистой Богородици: якоже лѣте, тако и зимѣ бысть, и во единой ризѣ хождаше. Нѣкогда же зима бысть многомразна, яко и птицам зябнути, он же никакоже на собя что прибави, но тако терпя, глаголаше собѣ: «Терпи, грѣшный Касиане, терпи! Горек мраз, но сладок рай, и аще не нынѣ умремъ, умрем же всяко». И тако терпя до отпущениа божественаго пѣниа, еще бо в та времена теплыа церкви не бѣ.
И егда же въ старости постиже его и немощь, - бѣ бо ему от роду 90 лѣт, - и видя его братиа уже тѣлом изнемогша, сняша с него вериги, и не хотяща ему, и сковаша в них чепи ко кресту, иже и донынѣ на церкви над колоколы. И егда же онъ устрабися от болѣзни; повелѣ паки иныя сковати, но тяшки не потолику, и паки возложи на ся, - и тако пребысть в нихъ, тружаяся, и до кончины живота своего.
О кресщении царя, великого князя Ивана Васильевичя всея Русии
И бысть егда родися дрьжавному великому князю Василию Ивановичю всея Руси сынъ - царь и великий князь Иванъ Василиевич всея Русии; дрьжавный же государь всея Руси, князь великий Василье, возрадовася великою радостию, зело бо о семъ много лѣт моляся, и постяся, и по монастырем великиа милостыня посылая. Богъ же услыша молитвы его. И егда получи желаемое, посылает старца Тихона Зворыкина во Иосифовъ монастырь с великим смирениемъ къ старцу Касияну, дабы принял от святыя купѣли сына его, великого князя Ивана. Сиа же старцу Касияну слышавшу от старца Тихона, яко родися великому князю сынъ, бяше убо уже старец въ велицей немощи и въ старости; и скоро воста от постеля своея, и ставъ предо образом Божиим, и воздаде благодарение и славу Богу, и возрадовася духовною радостию, яко государь желаемое получи, и земля Руская не опустѣ, и род православных царей рускыхъ не оскудѣ. И паки возлеже, и нача радоватися, и глаголаше: «Еще Богъ Рускиа земля не забылъ».
Тиханъ же сказа ему приказ дрьжавнаго, яко: «Велѣлъ тобѣ принять от святыя купѣли сына своего, великаго князя Ивана». Он же усумнѣся и рече: «Кто есмь аз и откуду, яко деръзнути ми на толикое дѣло великое, не мощно ми и помыслити, кто есмь аз, грѣшный?» Видя же его старець Тихонъ ни мало уклонна, возвѣщаеть игумену Нифонту и всѣмъ преимущим старцем, сказа же имъ и прещение дрьжавнаго. И слышав сиа игумен и старцы таков приказ от боголюбиваго государя и милостиваго царя, и с великим трепетом потекоша, и начаша молити старца Касияна, еже не ослушатися боголюбиваго государя. Он же послуша их и рече: «Буди Божиа воля!»
И егда приеде старець Касианъ во град Москву, и увѣдѣ государь его приѣздъ, и того часа скоро самъ дрьжавный государь всея Русии приѣде на подворие монастырьское. И егда узрѣ старца Касьана, и снемь царскый венець со главы своея и поклонися, глаголя: «Честный старче Касияне, кланяюся тобѣ на твоих великих трудех, еже в толицей старости и немощи не ослушася нашего слова и бысть ми сопричастникъ радости моей. И нынѣ тобѣ челом бию: приими от святыя купѣли во святѣмь кресщении на руки своя Богомъ дарованнаго ми сына Ивана вашихъ ради молитовъ». Старець же Касиянъ слыша сиа и рече: «Буди, царю дрьжавный, Божия воля и твоя, государя всея Русии». И посла его князь велики с великою честию и брежениемь с сыном своим, великим княземъ Иваном, в честную святую обитель Живоначалныя Троица великаго чюдотворца Сергия. Игуменъ же бысть тогда во святѣй той обители старець Иасаф, еже и бысть митрополит послѣ.
Егда же крестиша царя, великого князя Ивана Василиевичя всея Русии, и прияста его от святыя купѣли архимандрит Данила Переславьский и старец Касиян, и даста на руки отцу его, великому князю Василью Ивановичу, всея Русии самодерзцу; боголюбивый же великий князь приим сына своего у старца Касияна с великою радостию, что желаемое у Бога получил. И егда же приѣхаша во град Москву, что же боголюбивый и милостивый отець его, князь великий Василие Иванович всея Русии, от великиа радости на многых побѣдных милость показа: овѣх от казни смертныя свободи, а инѣхъ ис темницы пусти; и во вся монастыри посла милостыню. И во всем граде Москвѣ бысть благоденьство и радость неизреченная; и не токмо же сиа бысть на Москвѣ, но и во всей Русской земли. Архимандрита же и старца же Касияна великому чрежению и чести сподоби, и великими дарованми одари, и отпущаеть ихъ во своя.
И послѣ того поживе старець Касиянъ полтретя года, и отоиде с миромъ к Господу. Бысть же всѣхъ лѣт от рожениа его 90 и 3. Богу нашему слава нынѣ и в бесконечныя вѣки вѣком. Аминь.
И бысть нѣкогда загорѣся кровля, иже на трапѣзѣ древяный верхъ
И егда зѣло разгорѣся, и воста великий вѣтръ и начя пламень клонити на кѣлиа, иже близ трапезы стоят. И бысть толикъ жаръ, яко вмалѣ не заняшася кѣлии пламенем. Мнѣ же в та времена лучися быти в келарехъ, и зрящу ми толику бѣду, и не домышляхся, како пособити. И текох скоро к старцу Касияну, и падох пред нимъ, и начяхъ молити его со слезами, дабы помолился Господу Богу и Пречистой его Богоматери. А ему стоящу у дверей в кельи своей, и обратився ко образу Пречистыя Богородица, держащаго на руку своею Прѣвѣчнаго Младенца, иже стоит в кѣлии его, и рече: «Пречистая, Пречистая! Возлюбила еси мѣсто сие, попусти же наказание с милостию». И сотвори «Достойно», и прослезися, и, обратився ко мнѣ, рече: «Не бойся, не оскорбит нас Пречистая выше нашия мѣры». И абие в той час обратися пламень на другую страну, и паки начя пламянь вихромъ витися вверхъ, инаго ничего не повреди, и тако паки и пагасе от собѣ.
О преставлении старца Касияна Босово
Благородному и христолюбивому государю, великому князю Василию Ивановичю, всея Русии самодержцу, Пречистыя обители Иосифова монастыря грѣшный чернець, игумен Нифонтъ со священники и зъ братиею челом биет. Прислал еси, государь, ко мнѣ, к своему нищему, велелъ отписать, коим обычаем старца Касияна не стало. И дал Богъ, государь, по житие его и конец хрестияньской. День за десять и болши до преставлении его мало понемог, а в суботу мясопустную по меня прислал: велѣл себѣ покаяния проговорити; а сам старец Касиян за мною говорил слово в слово и прочее извещение в совершенне разуме; и все правило ему отправили причастьное. И егда прииде священник и зъ Божественым таинством, и Касианъ стрѣтил святая в сѣнех и Божественых Таин причастился со страхом и радостию. И потом с пятка на суботу сырные нѣдели паки причастися Божественых Тайнъ, и после того устрабися; и нѣции от братии начаша к нему приходити, желающе получити от него благословения и прощения; и он с ними бесѣдоваше кротко, обрадованным образомъ когождо нас от скорбий утѣшая. И во время вечерняго собрания в нѣделю повелѣ у собя говорити вечерню, и потом повелѣ начати правило на исход души. И на втором кануне третей пѣсни и духъ Богу предаде. И язъ тебѣ, государю, священники и з братиею - всѣ соборнѣ челом бием, и должне Бога молити о твоем здравии и о спасении,и о твоей благовѣрной великой княгине Еленѣ, и о вашем сыне и нашемъ государе, благовѣрном князе Иване Васильевиче.
В лѣто 7040 (1532), мѣсяца февраля 11, на паметь святого священномученика Власья, в нѣделю сыропусную, в десятый час дьни преставися старець Касьянъ Босой, восъприемник от святыя купели въ святѣмъ крещении царя, государя, великого князя Ивана Васильевича, всея Русии самодержца».
[P.S. К огромному сожалению, Кассияну Босому, нет ни тропаря, ни кондака, ни службы (по крайней мере, мне они не известны)!]
Преподобный Даниил Переяславский и старец Кассиян Босой принимают из купели царевича Иоанна (будущий царь Иван Грозный) - миниатюра Лицевого летописного свода XVI века.
В Лицевом летописном своде сказано: «Приемницы же бяху иже от святые купели сыну цареву два неленостная молитвеника, состаревшася в добродетелех; иже имяху оба едино пострижение во обители Пафнотиа чюдотворца Боровскаго. Един же от сих священства дар имея, именем Данил … Вторый же именем Касиан, зовомый Босый, и той такоже оснаваем духовною благодатию в подвизех выше естественых, постничеством же жесточайшим удруче себе от юныа версты, спостник быв преподобному Иосифу Волотцкому; сего убо дело бяше яко бесплотна человека, аще и во плоти суща: во вся бо дни жизни своея хождаше обувен просто в сандалейцо лычно, такоже и одежда ему проста, токмо едина власяница на свитке и мантиа. И егда же великими мразы воздух уясняшеся, сей же яко в раи пища пребываше, ничим же вредим бяше от зелныя студени. О нем же и сам Иосиф свидетелствоваше, яко благодать велию имяше от Бога. Старости же достиже яко лет сто, его же яко младенца привезоша, и бяше поддержим некоими избранными двема иноки тоя же обители».
Привожу житие Кассияна Босого, написанное в XVI веке келарем Иосифо-Волоколамского монастыря Вассианом Кошкой, лично знавшим Кассияна Босого (по публикации Института русской литературы http://lib.pushkinskijdom.ru/Default.aspx?tabid=10580). Кассиян Босой также неоднократно упоминается в житии Иосифа Волоцкого (смотрите сентябрьский том Великих Меней Четьих митрополита Макария):
«ЖИТИЕ И ПОДВИЗИ ВЪКРАТЦЕ СТАРЦА КАСИАНА, РЕКОМАГО БОСОГО, ИЖЕ БЫСТЬ ВО ИОСИФОВЕ МОНАСТЫРѢ, О НЕМЖЕ СЛЫШАХ ПРЕЖЕ МЕНЕ БЫВШИХ, ИНОЕ ЖЕ СВОИМА ОЧИМА ВИДЪХЪ
Сей убо честный старец родомъ града Переславля, от родителей православных, Козма бѣ имя ему. И егда дошедъ съвершена возраста, и бысть силою крѣпок и мужественъ, и съводворяяся с жывущими въ царской полате. И его ради мужества, и крѣпости, и силы позна его и самодержець, князь велики Иванъ Васильевич всея Русии, иже и научи его, самодержьца, праволучно стрѣлы пущати по знамени, и сего ради бысть от дрьжавнаго в чести и въ брежении.
И сей Козма нѣкогда разсуди суету мира сего, и честь, и славы его, и позна, яко преходна суть, и в небытие преходить, и, яко дым, въскорѣ по воздуху изчезает, и прииде в монастырь къ преподобному игумену Пафнутию, иже в Боровьскѣ. Преподобный же, видя его, яко от усердьства от мира сего отбѣгша, постриже его во иноческый образ и нарече имя ему Касианъ; и бысть у старца в послушании. Преподобный же зело любя его за его смирение, и послушание, и за великиа труды его.
Старцу же Иосифу в та времена уставъ держащу, и видя его старець Касиянъ живуща житиемъ крѣпкым, пребывая вь постѣ и въ молитвах, паче же въ велицем послушании преподобнаго игумена Пахнутиа, и прилепися к нему духовною любовью о Христѣ. Старец же Иосиф нача помышляти, дабы опщее житие устроити, еже бы в кѣлиах здравым и могущимъ не ясти, ни паки пити или что снѣдноимѣти, но все бы трапезою и равностию довлѣтися; такоже и одежа, и обуща - все бы имѣти обще, своего же никако не имѣти, но украшатися безоимѣниемъ и равностию, - якоже бысть и въ апостолѣхъ, иже во мнозѣхъ телѣсѣхъ яко едина душа, иже есть имѣние всѣмь равно и телесное требование обще всѣмъ, - еже не услажатися мира сего красотами, но имѣти в памяти, еже о души попечение и како изьбыти мукы вѣчныя. Сказа же сей помыслъ и Касиану-старцу, и отвеща Касиян: «Богъ и Пречистая Богородица твой помыслъ дѣлом соврьшитъ, а яз с тобою же».
И егда же преподобный игуменъ Пафнутие отъиде к Господу, и понудиша на игуменъство старца Иосифа; и паки Иосиф не преста помышляя, дабы совершити свой помыслъ; и бысть их о сем в совѣте седмь. И начяша его совѣтникы понужати Иосифа, дабы прешел русскыя обители и лучша изобралъ ко спасению душам, а собя бы нигдѣ знаема не учинил. Игуменъ же Иосифъ послуша их совѣта, и взя с собою единого от совѣтник своих - старца Герасима, пореклу Черного [После смерти Пафнутия Боровского Иосиф Волоцкий «сотвори себе старцем Герасима и преда ся ему во ученикы». Герасим Черный - выдающийся переписчик книг, владевший очень красивым почерком. Несколько переписанных им книг хранятся ныне в РГБ], и проиде вся большая обители; и не познаша его ни во единомъ монастырѣ.
Поучения аввы Дорофея. Писец Герасим Черный (конец XV - начало XVI века)
Егда же прииде на Бѣло езѣро во обитель святого великаго чюдотворца Кирила, и полюби предание и закон, еже предаде преподобный, узаконоположи, и како братия пребывают по заповѣди и преданию святаго чюдотворца Кирила, и великою радостию духовною возрадовася, яко обрѣте, яже помышляше.
И егда прииде на мѣсто, идѣже нынѣ Пречистыя обитель, и бысть знамение: освѣти молниа, паче солнечнаго свѣта, солнцу же сияющу, а воздуху свѣтлу сущу; бысть же сиа яко от полудьни. И полюби игуменъ Иосифъ мѣсто, и начя тружатися с немногою братиею, и пребывая въ великих трудѣхъ, в постѣ и в молитвах.
Сей же старець Касиянъ, о немже нам слово, прииде на другой год ко Иосифу, и видя старца игумена Иосифа и с нимъ братию в великих трудѣхъ стражуща, и поревнова имъ духовною ревностию, и нача с ними тружатися. И возложи на собя пансыр, под свитку на наго тѣло, и пекий хлѣбы на братию. Правило же его бысть в кѣлье - 6000 молитов Исусовых и тысяща поклонов. И егда же разсыпася пансыр, он же возложи на собя веригы тяшки зѣло, - и тако тружаяся и постяся.
И прииде ему помыслъ, дабы четыредесят дней не ясти, ни пити, ни паки возлещи на ребрех. И сиа ему наченшу, и пребысть тако дьни 12, и изнеможе. И увѣдевшу же сиа игумену Иосифу, и, пришед, запрети ему не тако чрез силу тружатися. Он же пакы чрез день вкушая хлѣбъ и воду, овогда же и чрез два дьни, и дотолика тако тружаяся, еже от очию ему и свѣт омрачися. И в та времена бысть у него ученик - старець Иона Голова, пореклу Пушечниковъ, и той вожаше его к пѣнию. И тако пребысть 30 дьней не видя, водим учеником. Видя же сия Иосифъ-игуменъ и позна, яко от великихъ трудовъ ему и поста сиа бысть, и паки запрѣти великимъ запрещениемъ. Он же послуша Иосифа, и мало от поста ослаби, и отздраве очима.
И паки посем не во мнозѣ времени впаде в немощь, и отняшяся у него ногы, яко не мощи ему ни ступити, и тако, ползая, исполняше свою телесную нужу. И во единъ от то дьни лежащу ему и молящуся Пречистой Богородици, и начаша звонити Литоргию, он же, лежа, възрѣвъ на образ Пречистыя Богородица, держащаго на руку Създателя всего мира, Превѣчнаго Младенца, и, прослезися, нача глаголати: «О Пречистыя Госпоже Владычице, Мати Божиа, аще мидаси на ногах своих ходити, донели живъ буду, никакоже обую сапогъ на ногу мою, ни пакы шубу на грѣшное тѣло мое и до кончины живота моего». И абие в той чяс воста, и, яко лежа, тако и потече скоро въ божественую церковь, и многы слезы точя, благодаря Пречестную Богоматере. И тако нача ходити, и до кончины живота своего не измени обѣта своего, еже обѣщася Пречистой Богородици: якоже лѣте, тако и зимѣ бысть, и во единой ризѣ хождаше. Нѣкогда же зима бысть многомразна, яко и птицам зябнути, он же никакоже на собя что прибави, но тако терпя, глаголаше собѣ: «Терпи, грѣшный Касиане, терпи! Горек мраз, но сладок рай, и аще не нынѣ умремъ, умрем же всяко». И тако терпя до отпущениа божественаго пѣниа, еще бо в та времена теплыа церкви не бѣ.
И егда же въ старости постиже его и немощь, - бѣ бо ему от роду 90 лѣт, - и видя его братиа уже тѣлом изнемогша, сняша с него вериги, и не хотяща ему, и сковаша в них чепи ко кресту, иже и донынѣ на церкви над колоколы. И егда же онъ устрабися от болѣзни; повелѣ паки иныя сковати, но тяшки не потолику, и паки возложи на ся, - и тако пребысть в нихъ, тружаяся, и до кончины живота своего.
О кресщении царя, великого князя Ивана Васильевичя всея Русии
И бысть егда родися дрьжавному великому князю Василию Ивановичю всея Руси сынъ - царь и великий князь Иванъ Василиевич всея Русии; дрьжавный же государь всея Руси, князь великий Василье, возрадовася великою радостию, зело бо о семъ много лѣт моляся, и постяся, и по монастырем великиа милостыня посылая. Богъ же услыша молитвы его. И егда получи желаемое, посылает старца Тихона Зворыкина во Иосифовъ монастырь с великим смирениемъ къ старцу Касияну, дабы принял от святыя купѣли сына его, великого князя Ивана. Сиа же старцу Касияну слышавшу от старца Тихона, яко родися великому князю сынъ, бяше убо уже старец въ велицей немощи и въ старости; и скоро воста от постеля своея, и ставъ предо образом Божиим, и воздаде благодарение и славу Богу, и возрадовася духовною радостию, яко государь желаемое получи, и земля Руская не опустѣ, и род православных царей рускыхъ не оскудѣ. И паки возлеже, и нача радоватися, и глаголаше: «Еще Богъ Рускиа земля не забылъ».
Тиханъ же сказа ему приказ дрьжавнаго, яко: «Велѣлъ тобѣ принять от святыя купѣли сына своего, великаго князя Ивана». Он же усумнѣся и рече: «Кто есмь аз и откуду, яко деръзнути ми на толикое дѣло великое, не мощно ми и помыслити, кто есмь аз, грѣшный?» Видя же его старець Тихонъ ни мало уклонна, возвѣщаеть игумену Нифонту и всѣмъ преимущим старцем, сказа же имъ и прещение дрьжавнаго. И слышав сиа игумен и старцы таков приказ от боголюбиваго государя и милостиваго царя, и с великим трепетом потекоша, и начаша молити старца Касияна, еже не ослушатися боголюбиваго государя. Он же послуша их и рече: «Буди Божиа воля!»
И егда приеде старець Касианъ во град Москву, и увѣдѣ государь его приѣздъ, и того часа скоро самъ дрьжавный государь всея Русии приѣде на подворие монастырьское. И егда узрѣ старца Касьана, и снемь царскый венець со главы своея и поклонися, глаголя: «Честный старче Касияне, кланяюся тобѣ на твоих великих трудех, еже в толицей старости и немощи не ослушася нашего слова и бысть ми сопричастникъ радости моей. И нынѣ тобѣ челом бию: приими от святыя купѣли во святѣмь кресщении на руки своя Богомъ дарованнаго ми сына Ивана вашихъ ради молитовъ». Старець же Касиянъ слыша сиа и рече: «Буди, царю дрьжавный, Божия воля и твоя, государя всея Русии». И посла его князь велики с великою честию и брежениемь с сыном своим, великим княземъ Иваном, в честную святую обитель Живоначалныя Троица великаго чюдотворца Сергия. Игуменъ же бысть тогда во святѣй той обители старець Иасаф, еже и бысть митрополит послѣ.
Егда же крестиша царя, великого князя Ивана Василиевичя всея Русии, и прияста его от святыя купѣли архимандрит Данила Переславьский и старец Касиян, и даста на руки отцу его, великому князю Василью Ивановичу, всея Русии самодерзцу; боголюбивый же великий князь приим сына своего у старца Касияна с великою радостию, что желаемое у Бога получил. И егда же приѣхаша во град Москву, что же боголюбивый и милостивый отець его, князь великий Василие Иванович всея Русии, от великиа радости на многых побѣдных милость показа: овѣх от казни смертныя свободи, а инѣхъ ис темницы пусти; и во вся монастыри посла милостыню. И во всем граде Москвѣ бысть благоденьство и радость неизреченная; и не токмо же сиа бысть на Москвѣ, но и во всей Русской земли. Архимандрита же и старца же Касияна великому чрежению и чести сподоби, и великими дарованми одари, и отпущаеть ихъ во своя.
И послѣ того поживе старець Касиянъ полтретя года, и отоиде с миромъ к Господу. Бысть же всѣхъ лѣт от рожениа его 90 и 3. Богу нашему слава нынѣ и в бесконечныя вѣки вѣком. Аминь.
И бысть нѣкогда загорѣся кровля, иже на трапѣзѣ древяный верхъ
И егда зѣло разгорѣся, и воста великий вѣтръ и начя пламень клонити на кѣлиа, иже близ трапезы стоят. И бысть толикъ жаръ, яко вмалѣ не заняшася кѣлии пламенем. Мнѣ же в та времена лучися быти в келарехъ, и зрящу ми толику бѣду, и не домышляхся, како пособити. И текох скоро к старцу Касияну, и падох пред нимъ, и начяхъ молити его со слезами, дабы помолился Господу Богу и Пречистой его Богоматери. А ему стоящу у дверей в кельи своей, и обратився ко образу Пречистыя Богородица, держащаго на руку своею Прѣвѣчнаго Младенца, иже стоит в кѣлии его, и рече: «Пречистая, Пречистая! Возлюбила еси мѣсто сие, попусти же наказание с милостию». И сотвори «Достойно», и прослезися, и, обратився ко мнѣ, рече: «Не бойся, не оскорбит нас Пречистая выше нашия мѣры». И абие в той час обратися пламень на другую страну, и паки начя пламянь вихромъ витися вверхъ, инаго ничего не повреди, и тако паки и пагасе от собѣ.
О преставлении старца Касияна Босово
Благородному и христолюбивому государю, великому князю Василию Ивановичю, всея Русии самодержцу, Пречистыя обители Иосифова монастыря грѣшный чернець, игумен Нифонтъ со священники и зъ братиею челом биет. Прислал еси, государь, ко мнѣ, к своему нищему, велелъ отписать, коим обычаем старца Касияна не стало. И дал Богъ, государь, по житие его и конец хрестияньской. День за десять и болши до преставлении его мало понемог, а в суботу мясопустную по меня прислал: велѣл себѣ покаяния проговорити; а сам старец Касиян за мною говорил слово в слово и прочее извещение в совершенне разуме; и все правило ему отправили причастьное. И егда прииде священник и зъ Божественым таинством, и Касианъ стрѣтил святая в сѣнех и Божественых Таин причастился со страхом и радостию. И потом с пятка на суботу сырные нѣдели паки причастися Божественых Тайнъ, и после того устрабися; и нѣции от братии начаша к нему приходити, желающе получити от него благословения и прощения; и он с ними бесѣдоваше кротко, обрадованным образомъ когождо нас от скорбий утѣшая. И во время вечерняго собрания в нѣделю повелѣ у собя говорити вечерню, и потом повелѣ начати правило на исход души. И на втором кануне третей пѣсни и духъ Богу предаде. И язъ тебѣ, государю, священники и з братиею - всѣ соборнѣ челом бием, и должне Бога молити о твоем здравии и о спасении,и о твоей благовѣрной великой княгине Еленѣ, и о вашем сыне и нашемъ государе, благовѣрном князе Иване Васильевиче.
В лѣто 7040 (1532), мѣсяца февраля 11, на паметь святого священномученика Власья, в нѣделю сыропусную, в десятый час дьни преставися старець Касьянъ Босой, восъприемник от святыя купели въ святѣмъ крещении царя, государя, великого князя Ивана Васильевича, всея Русии самодержца».
[P.S. К огромному сожалению, Кассияну Босому, нет ни тропаря, ни кондака, ни службы (по крайней мере, мне они не известны)!]