сщмч. Филумену Святогробцу
Месяца ноября двадцать девятаго дня празднуем память
святаго священномученника
ФИЛУМЕНА СВЯТОГРОБЦА
НА МАЛЕЙ ВЕЧЕРНИ
На «Господи, воззвах», глас 4.
Подобен: Яко добля:
Ору=нды прозябе=ние,/ ото=ка Ки=прскаго удобрение/ и Це=ркве Сио=нския новоутвержде=нная огра=до,/ Филуме==не премудре,/ воспевающе тя, светло взываем:/ изря=дный священнострада=льче,/ не преста=й, Христа умоля=я,/ изба=ви твоими моли=твами\ льсти=ваго зло=бы.
Яко сокровище всечестно=е,/ нетле=нное те=ло твое, Филумене,/ в Сион принесо=ша/ благода=тию Божия Духа/ и положи=ша в Сихе=ме,/ прославленное во ограде Иа=ковля студенца=,/ яко да вы=ну сему= покланя=ющеся благогове=йно,/ благодать почерпа=ем,\ от них искипа=ющую.
Безче=стных те=слица/ немилосе=рдно тя умертви=/ в последняя лета, честны=й Филумене,/ у кла=дязя святаго,/ идеже самаряныню сре=те Христос,/ Богочеловек и Господь,/ Иже прият святую душу твою/ в Чертоги Небе=сныя радости\ и Боже=ственнаго блаженства.
Священников правило/ и мучеников похвала/ днесь да поется святыми пе=сньми/ Филумен богоно=сный,/ огнь многосве=тлый Христовы любве=,/ благоговения и благодати сия=нии/ и добродетели страстоте=рпческия луча=ми/ озаря=яй в подсо=лнечней\ православных собрания.
Слава, глас 2:
Муче=ния вкуси=вшаго чашу/ у Иа=ковля живоно=снаго студенца=,/ Филуме=на, новаго священнострада=льца,/ ве=рнии, да восхва=лим:/ сей бо, возжада=вый изде=тска/ любве= и пра=вды Господни,/ яко еле=нь, потече=/ ко исто=чником спасения,/ Ставровуни=йстей горе и Ме=стом Святым,/ и ныне Христу=, Источнику живота=,/ свеселя=ся непреста=нно,/ молит Его освяти=ти\ любовию право пра=вящих слово Истины.
И ныне, глас тойже:
Все упование мое на Тя возлагаю,/ Мати Божия,\ сохрани мя под кровом Твоим.
На стиховне, глас 2.
Подобен: Доме Евфрафов:
Кровьми= свяще=нными/ ри=зу твою очервлени=в,/ у кла=дязя, му=чениче, Иа=ковля,/ возшел еси\ к Едему, Филуме=не.
Стих: Праведник яко фи=никс процвете=т,/ яко кедр, иже в Лива=не, умножится.
Цве=тице младо=е Ору=нды,/ благоуханием твоих до=блестей/ окропил еси/ Христову Церковь,\ богокра=сный Филуме=не.
Стих: Насажде=ни в дому Господни,/ во дво=рех Бога нашего процветут.
Радуйся, страдальцев/ и иере=ев сла=во,/ честных священномученик древних/ подобноревни=тельный\ Филуме=не треблаже=нне.
Слава, глас и подобен тойже:
Силу изобильно прия=в,/ Троице Святая,/ по благодати Твоей/ просла=ви Твою державу\ страда=нием Филуме=н.
И ныне, глас и подобен тойже:
Чадо возлю=бленное/ Сына Твоего, Богородице,/ Филуме=н божественный,/ Его ради, любо=вию\ в Сихе=ме пострадал есть.
НА ВЕЛИЦЕЙ ВЕЧЕРНИ
На «Господи, воззвах», глас 1.
Подобен: Небесных чинов:
Пе=сненно соше=дшеся, да торжеству=им,/ соверша=юще па=мять/ Филуме=на боже=ственнаго,/ в на=ша бо времена=/ дея=нием очище=н,/ по=двигом страда=льчества просия=,/ от Бога достойно прия=в\ победы венец нетле=нный.
Паче солнца возсия=вшаго Филуме=на/ во Ору=нде Ки=прстей/ и озари=вшаго мир/светом благоче=стия, и доброде=тели,/ и до=блестным подвигом страда=льчества,/ вси благогове=йно да воспои=м\ яко но=ваго священному=ченика Христова.
Яко всепло=дие, страда=льче,/ и закла=ние боже=ственное/ Христу= Жизнода=вцу Иису=су принесе=н,/Филуме=не треблаже=нне,/ от Того= и сподо=бися сла=вы,/ яже па=че ума=,/ в Небе=сных ски=ниях,\ священномучениче красне=йший.
Оста=вив кров свой,/ горы= кре=стныя Ставровуни=йския[1]/ с бра=том вкупе дости=же,/ в нейже бе искуше=н/ послуша=ния яко скрижаль, Филумене,/ и яко твердыня/ богоугоднаго нрава,\ благочестия и чистоты.
Госпо=дня стада а=гнче новозакла=нный,/ чу=дно Це=ркве укрепле=ние и неруши=мо,/ отче Филуме=не треблаже=нне,/ и новозда=нное утвержде=ние благоче=стия,/ тя благоговейно да почтим,\ православных собрания.
У честна=го студенца=[2] Самаряны=ни,/ я=ростию убие=нный,/и кровопроли=тно изсече=нный,/ в ле=та после=дняя,/ му=чениче и свиде=телю Христо=в,/ богоно=се Филуме=не,/ лико=м непобежде=нных/ и доброору=жных страда=лец\ соприче=лся еси.
Слава, глас 6:
По=стничеством предугото=вився/ и сподо=бився свяще=нства,/ его=же Господь Своими Ангелы утверди=,/ равноа=нгельно пожил еси/ в Ме=стех Святых, богопрохо=дных,/ Филуме=не всеблаже=нне,/ па=че бо себе сама=го,/ и всех зна=емых, и мимотеку=щих/ Владыку любя=,/ светлость внутрь души прия=л еси благода=ти/ и свет соде=лался еси всем/ доброде=тели и до=блести твоея явле=нием:/ и ны=не Царствия Небе=снаго по=чести прияв,/ свяще=нником преподо=бным/ и мучеником свесели=шися/ и Го=сподеви мо=лишися/ е=же поми=ловатися душа=м,\ чту=щим в пе=снех страда=ния твоя.
И ныне, глас тойже. Богородичен Догматик: Кто Тебе не ублажит:
Притчей Соломоновых чтение:
Аз прему=дрость всели=х сове=т, и ра=зум и смы=сл а=з призва=х. Стра=х Госпо=день ненави=дит непра=вды, досажде=ния же и горды=ни, и пути= лука=вых: возненави=дех же а=з развраще=нныя пути= злы=х. Мо=й сове=т и утвержде=ние, мо=й ра=зум, моя= же кре=пость. Мно=ю ца=рие ца=рствуют, и си=льнии пи=шут пра=вду: мно=ю вельмо=жи велича=ются, и власти=тилие мно=ю держа=т зе=млю. А=з лю=бящия мя= люблю=, и=щущии же мене= обря=щут благода=ть. Бога=тство и сла=ва моя= е=сть, и стяжа=ние мно=гих и пра=вда. Лу=чше е=сть плоди=ти мене=, па=че зла=та и ка=мения дра=га: мои= же плоды= лу=чше сребра= избра=нна. В путе=х пра=вды хожду= и посреде= сте=зь оправда=ния живу=, да разделю= лю=бящым мя= име=ние, и сокро=вища и=х испо=лню благи=х. А=ще возвещу= ва=м быва=ющая на вся=к де=нь, помяну=, я=же от ве=ка, исчести=.
Премудрости Соломоновы чтение:
Пра=ведных ду=ши в руце Бо=жией, и не прико=снется их му=ка. Непщева=ни бы=ша во о=чiю безу=мных умре=ти, и вмени=ся озлобле=ние исхо=д и=х, и е=же от на=с ше=ствiе сокруше=нiе: они= же су=ть въ ми=ре. И=бо пред лице=м человеческим а=ще и му=ку прии=мут, упова=ние и=хъ безсме=ртия испо=лнено: и вма=ле нака=зани бы=вше, вели=кими благоде=телствовани бу=дут, я=ко Бо=г искуси= и=х и обре=те и=х досто=йны себе: я=ко зла=то в горни=л искуси= и=х, и я=ко всепло=дие же=ртвенное прия=т я=. И во вре=мя посеще=ния и=х возсия=ют, и я=ко и=скры по сте=блию потеку=тъ: су=дят язы=ком и облада=ют людьми=, и воцари=тся въ ни=х Госпо=дь во ве=ки. Наде=ющиися На=нь уразуме=ют и=стину, и ве=рнии въ любви= пребу=дут ему=, я=ко благода=ть и ми=лость в преподо=бных его= и посеще=ние во избра=нных его=.
Премудрости Сира=ховы чтение:
Ча=до, въ кро=тости дела= твоя= препровожда=й, и челове=ком прия=тным возлю=блен бу=деши. Ели=ко вели=к еси=, толи=ко смиря=йся, и предъ Го=сподем обря=щеши благода=ть. Мно=зи су=ть высо=цы и сла=вни: но кро=тким открыва=ются та=йны, я=ко ве=лия си=ла Госпо=дня, и смире=нными сла=вится. Вы=шших себе= не ищи= и кре=пльших себе= не испыту=й. Я=же ти= повеле=нна, сия= разумева=й: не=сть бо ти= потре=ба та=йных. Во избы=тцехъ де=л твои=х не любопы=тствуй: вя=щшая бо ра=зума челове=ческаго пока=зана ти= су=ть: мно=ги бо прельсти= мне=ние и=х, и мне=ние лука=вно погуби= мы=сль и=х. И любя=й бе=дство впаде=т в не=: се=рдце же=стоко озло=бится на после=док: се=рдце же=стоко отяготи=тся боле=зньми, и гре=шник приложи=тъ грехи= на грехи=. В наведе=нiи велича=ваго не=сть изцеле=нiя: са=д бо лука=вствия вкорени=ся в не=м. Се=рдце разуми=ваго уразуме=етъ при=тчу, и у=хо слы=шателя вожделе=ние прему=драго.
На литии самогласны
Глас 1-й
Весели=ся о Господе, празднолю=бцев со=нме,/ зря преди=вно прославля=емаго/ в Боже=ственных Ски=ниях Филуме=на,/ но=ваго священнострада=льца:/ друг бо бли=жний Госпо=день нарече=ся/ и добродетели спу=тник и совсе=льник,/ му=ченичес-кую кончи=ну сре=те/ и сугу=бых сподо=бися венце=в,/ сего ради ныне де=моны си=лен отгоня=ти/ и неисце=льныя боле=зни врачева=ти/ его призыва=ющих\ и чтущих в песнех память его.
Глас 2-й
Оде=явся кре=постию Небе=сною/ и дерзнове=нием Ангельским,/ преще=ния и свире=пствие злонача=льника/ небрег, Филуме=не, му=чениче крепкоду=шный:/ закла==н убо/ между= студенце=м Иа=ковлим и Же=ртвенником,/ якоже дре=вле Заха=рия,/ себе= заколе=ние священное/ Христу прине=сл еси,/ и ны=не, древа животнаго наслаждаяся/ во граде Христа Всецаря=,/ немолчно предста=тельствуеши о исцеле=нии ми=ра\ и спасении душ наших.
Глас 3-й
Нетле=ния Владыка/ му=ченическое тело твое/целе=б показа вои=стинну/ пото=к присностру=йный/и де=монов губи=теля скоре=йшаго:/ тем вси тя почита=юще, Филуме=не,/ и всеблагогове=йно в Сихе=ме мо=щи твоя лобыза=юще,/ моле=ний ко Влады=це твоих про=сим\ к жи=тельству лу=чшему.
Глас 4-й
Му=ченическими боле=зньми/ дре=вним му=чеником поревнова=в, Филуме=не,/ ра=вных тем венце=в приобщи=лся еси,/ до=бре сверши=в свое по=прище / в после=дняя ле=та,/ же=стоко бо усе=чен/ в час молитвы вече=рния,/ яко победоно=сец возше=л еси/ пострада=вшаго Христа сре=тити/ в Вышних До=мех:/ и ны=не, священному=ченик спребыва=я со=нму/ и блаженныя радости наслажда=яся,/ вся=каго злоумышле=ния вра=жия изба=ви\ пра=зднующих па=мять твою.
Слава, глас 6:
В
о иере=ех новаго страстоте=рпца/ и в му=ченицех святейшаго побе=дника,/ Филуме=на, новопоже=нный Це=ркве крин,/ ве=рнии, достосла=вно да ублажи=м:/ сей бо изде=тска/ Божественныя любве исполнен сый,/ се=чивом[3] беззако=нных/ до=блественне потща=ся/ боре=ние сконча=ти/ и кровьми своими обагри=ти/ ризы свяще=нныя;/ и ныне к Вышнему Жертвеннику теки=й/ яко иерей/ и мученик красе=н и че=стен,/ всем православным просит у Господа/ оставле=ния грехов\ и жизни ве=чныя.
На стиховне, глас 5.
Подобен: Радуйся:
Ра=дуйся, священному=чениче Христов,/ Ангелом сограждани=не и совсе=льниче,/ Ору=нды, ве=си Кипрския, цве=те,/ облагоуха=яй ны/ воня=ми доблестных борений твоих;/ предобрый арома=те безмолвия,/ оста=ви оте=ческий кров/во о=троческия годы, святе,/ с честным единокро=вником твоим,/ и ублажая вся священно безмо=лвствующия,/ в Ставровуни=йскую обитель богопокровенную всели=ся,/в нейже послушанию и трезве=нию,\науче=н бе, мудре Филуме=не.
Стих: Праведник яко финикс процветет,/ яко кедр, иже в Ливане, умножится.
Ра=дуйся, паче всех возлюби=вый/ Жизнода=вца и Богочелове=ка Христа,/ Филуме=не, иереев богобоязненных сия=ние/ и мученик новых божественное свети=ло:/ яко бо агнец непоро=чный/и Бо=жие заколе=ние,/ у студенца= Иа=ковля всесвята=го/ претерпе=вый усечения я=зву,/ в последняя лета,/ радостно прие=мля страсть/ в подражание Распятому беззакоными руками/ Христу Всецарю,/ Егоже моли\ спасти=ся благохва=лящим тя.
Стих: Насаждени в дому Господни,/ во дворех Бога нашего процветут.
Ра=дуйся, благоче=стия пла=меню,/Церкве новый опло=те,/Православия све=тлая похвало=,/по=стниче, священному=ченик удобре=ние,/ Филуме=не святе;/ темже, память твою почита=юще светоно=сную,/ и нетле=нное тело твое/лобыза=юще в Сихе=ме, взыва=ем:/ овча= новозва=нное Христа,/ Того умоли в час стра=шный Суда/тя пою=щих с тобою предста=ти\ и мирови дарова=тися ве=лией милости.
Слава, глас 8:
Боголюби=вое жи=тельство твое/ страдальческими напечатлев боле=зньми,/ священному=чениче Филумене всече=стне,/ благоугоди=в всем челове=ком и Влады=це всех,/ побе=днаго венца/ от Того сподо=бися на Небеси=,/ тем яко дерзновение име=яй/ к Милостивому Господу,\ не преста=й моля=ся о чту=щих тя.
Тропарь, глас 5-й:
Подобен: Собезначальное Слово:
Всевы=шняго друга и=скреннейшаго,/ при студенце= Иа=ковле ныне умерщвле=ннаго/ окровавле=нными супоста=т рука=ми,/ Филумена, вернии, да восхва=лим,/ светло вопиюще:/ Христу не престай, священномучениче, моляся,\ наших страстей отгна=ти омраче=ние.
Ин, глас 3:
Демонов победи=телю,/ те=мныя силы разори=телю,/ смире=нием унасле=довавый зе=млю,/ на Небесех ца=рствуеши;/ священному=чениче Филуме=не,/ моли Милосе=рдаго Бога на=шего\ спасти души наша.
Ин, глас 1-й:
Подобен: Пустынный житель:
Ору=нды чадо,/ ото=ка Ки=прскаго о=трасль/ и священномученика но=ваго/ Иа=ковля боже=ственнаго студенца=,/ Филуме=на да почтим, ве=рнии,/ яко защи=тителя веры на=шея/ и непобеди=маго ору=жника Христовы и=стины,/ любовию вопиюще:/ слава просла=вльшему тя Христу,/ слава к безсмертию Упра=вльшему тя,\ слава нам наста=вника к Небе=сным тя Показавшему.
НА УТРЕНИ
По первом стихосло=вии седа=лен, глас 1.
Подобен: Гроб Твой, Спасе:
Яко иерей Боже=ствен/ и страстоте=рпец све=тел,/ Филумене мудре,/ испи=вый муче=ния ныне чашу,/ усердно Всецаря моли/ даровати спасения воду,/ теку=щую к Животу Нестаре=емому,\ нам, почитающим тя.
Слава, тойже. И ныне: Богородичен:
Живоносный Исто=чниче, Пресвятая Дево,/ Воду Живо=тную источи=вшая миру,/ единаго Богочеловека, Иисуса,/ даждь рабом Твоим испи=ти/ нетленнейших и славы непрестающия Божественных во=д,\ от человеколю=бнаго сердца Твоего источа=емых.
По втором стихословии седален, глас 4.
Подобен: Скоро предвари:
От лет юностных/ любве= Боже=ственныя огнь/ от прама=тере твоея благочести=выя богатно восприя=л еси, Филуме=не,/ по=слежде от беззако=нных в Сихеме свяще=нном/ му=ченический венец/ радостию восприи=м, всеблаже=нне:/ тем и молитвами твоими\ спасай почита=ющия тя.
Слава, тойже. И ныне: Богородичен:
Те=пле молим Тя,/ Дево Ма=ти Чистая,/ непрестанно моли/ от Тебе произше=дшаго Милостиваго Господа,/ страсти лю=тыя укротити, ны борю=щия,/ и вся чувствия огради=ти\ ве=рою вы=ну велича=ющих мно=жество чудес Твоих.
По полиелеи седален, глас 3.
Подобен: Красоте девства:
В бла=гости возсия=л еси жития твоего/ яко звезда пресветлая, честны=й Филуме=не,/ мученически о Христове славе побора=л еси,/ ныне, священнострада=льче, убие=нный,/ я=коже заколе=ние между= студенцем Иа=ковлим/и подножием Божия храма, отче,\ дла=ньми убийц прескве=рными.
Слава: тойже. И ныне: Богородичен:
Умерщвле=нную мою душу озари/ све=том благодати Боже=ственнаго Рождества= Твоего,/ Чистая Дево Марие,/ Надеждо ненаде=янных,/ и мрак расточи= многих прегрешений моих,/ яко да обря=щу милость в час Суда,/ и любовию немолчно вопию Ти:\ радуйся, Обра=дованная.
По 50-м псалме стихра, глас 6:
Яко кадило благово=нное,/ и дар Христу святый/ принесо=шася честны=х твоих крове=й то=ки,/ священному=чениче но=вый, Филуме=не,/ нестаре=ющаго убо насле=дия прича=стник быв,/ то стяжа=в, прие=млеши обоже=ние\ и Господу мо=лишися о душах наших.
Канон, глас 4,
егоже краегранесие: Филумена, священномученника новаго пою. Х.М.
Песнь 1
Ирмос: Отверзу уста моя,/ и наполнятся Духа,/ и слово отрыгну Царице Матери,/ и явлюся светло торжествуя,\ и воспою, радуяся, Тоя чудеса.
Яко свяще=ннейшее заколе=ние,/ у студенца= Иа=ковля/ поже=ршагося, ве=рнии,/ боже=ственными пе=сньми/ Филуме=на му=ченика воспои=м,/ и=же но=вая яви=ся\ в=еры слава и похвала.
Направил еси= стопы твоя,/ священному=чениче Филуме=не,/ ко обители Ставровуни=йстей Честна=го Креста=/ вкупе с братом твоим,/ от благоча=дныя веси,/ Ору=нда имену=емей,\ и уедине=ннаго жи=тельства образ соделался еси.
Чисте=йшее светило/ и ярча=йшее, Филуме=не,/ семе=йства многоча=днаго пито=мче,/ от юности ты верою утвержде=н бе\ и возсия=л еси= всем благочестием своим.
Богородичен: Наста=ви, Владычице,/ к па=житем радостным благода=ти,/ всех, воспева=ющих светло Твоя чудеса/ и боже=ственнаго Филуме=на\ заколе=ние велича=ющих сла=вное.
Песнь 3
Ирмос: Твоя песнословцы, Богородице,/ живый и независтный Источниче,/ лик себе совоку=пльшия духовно утверди,/ в божественней Твоей славе\ венцев славы сподоби.
От ю=ных лет/ впери=в Христо=ви сердце твое,/ тем и после=довал еси,/ Филуме=не преподо=бнейше,\ ра=достне Украси=вшему тя нетле=ния венце=м.
Му=чеников лико=м/ причте=н быв, Филуме=не,/ и му=ченическаго добросла=вия сподо=бився,/ весе=лие и ра=дование насле=довал еси,\ и=хже и нас сподоби.
Всечестное прозябение Кипрское,/ раче=нием ко Господу/ от младе=нства напита=нный,/ оте=ческий кров оста=ви, Филуме=не,/ и ско=ро во свяще=ннейшую/ обитель Ставровуни=йскую\ всели=лся еси.
Богородичен: Ума моего темни=цы озари=/ и очеса= душе=вная/ раба= Твоего просвети=,/ очерне=нная страстьми=,/ Мати Божия,/ Яже Светода=вца Го=спода,\ Еди=наго Богочеловека ро=ждши.
Седален, глас 3.
Подобен: Божественныя веры:
Яко всесвяще=нный а=гнец/ поже=рлся еси в Самарии, у Иа=ковля студенца=,/ егоже воды= Богочеловек испи=/ от рук поче=рпшей Самаряныни,/ священномучение Филуме=не всечестне,/ и обагри=л еси одежду священную\ кровей своих Божественными то=ки.
Слава, той же. И ныне, Богородичен, глас и подобен тойже:
Якоже Чи=стая, Дево Мати,/ и Нескверная Богородительница,/ нечистых мя страстей свободи,/ Сына Твоего на всякий день прославля=юща Пренепоро=чнаго/ и величающа Тя, Нескверная, мира Владычице,\ молитвами Твоими очисти=тельными ко Всецарю.
Песнь 4
Ирмос: Седя=й в славе на престоле Божества=,/ во облаце легце,/ прииде Иисус Пребожественный,/ нетленною дланию и спасе= зовущия:\ слава, Христе, силе Твоей.
Весь боже=ствен/ и богоприя=тен яви=ся, святе,/ ныне в Сио=не/ Ме=стом Святы=м послужи=вый/ и дла=ньми убийц/ святейшую кровь твою\ в Самари=и изли=в, Филуме=не.
Закон Божественный/ возвеща=я неве=рным,/ свя=те Филуме=не,/ и посреде= волко=в/ богоприя=тно, отче, подвиза=яйся,/ не возмогл еси= избежа=ти челюсте=й их,\ жа=ждущих растерзати тя.
Во иере=ех/ украси=тель сла=вен еси,/ Филумене святе,/ студенца= Божественнаго,/ у него=же Фоти=ну Самаряны=ню/ сре=те иногда= Мессия Христос,\ да=рующий нам воду жизнопода=тельную.
Богородичен: От утро=бы Твоея, Богородице,/ па=че слова и па=че ума/ Христос произы=де,/ мирови да=руяй бытие=/ и спаса=яй от бед и печалей/ выну Твоя чудеса\ велича=ющия.
Песнь 5
Ирмос: Ужасошася всяческая/ о божественней славе Твоей:/ Ты бо, Неискусобрачная Дево,/ имела еси= во утробе над всеми Бога,/ и родила еси= безлетнаго Сына,/ всем воспевающим Тя\ мир подавающая.
Ка=плями честны=х крове=й твоих/ ны=не запечатле=л еси=/ кла=дезь свяще=нный Самаряны=ни,/ у него же беззако=нных руками/ бе убие=н,/ я=ко непоро=чно овча=, Филуме=не,\ новых подви=жников ве=ры хвало=.
Изба=вителя и=скреннейший люби=мче,/ Того= паче всех любя=й/ и Того ра=ди любве=/во огра=де студенца= Иа=ковля/ же=стоко умерщвле=нный,/ моли=, Филуме=не, Господа\ о пою=щих тя.
Му=чеников заре= новосия==нных,/ веры свиде=телей,/ Филуме=не сла=вне,/ тяжкоу=мия мрак/ на тя вражду=ющих разсе=явый,/ светом Небеснаго Царствия блиста=ющим\ в Вы=шних наслади=ся Кро=вех.
Богородичен: Просим себе, Влады=чице,/ молитв непреста=нных/ к Жизнодателю Твоему Сыну,/ и=же в сме=ртней/ темнотле=нней се=ни спя=щии,/ яко да радости неумолка=емыя\ прича=стницы в Небе=сных будем.
Песнь 6
Ирмос: Боже=ственное сие и всечестно=е/ совершающе празднество,/ богомудрии, Богоматере,/ прииди=те руками воспле=щим,\ от Нея рождшагося Бога славим.
Укрепля=емь, Филумене,/ си=лою Господа,/ ве=рным подающаго/ токи живо=тныя,/ врагов ве=ры, грозящих ти,/ крепкодушне отче,\ не устраши=лся еси.
Тело твое многострада=льное/ и по успе=нии/ м=ягко и удобоподви=жно/ Господь соблюде=,/яко да во одеяния служебная/ облачат отцы= его,\ о Филуме=не.
Тебе поем, священному=чениче Филуме=не,/ в горе= Афо=нстей/ бра=ту[4] своему яви=вшемуся/ и муче=ние свяще=нное свое=\ тому а=бие пове=давшему.
Богородичен: Скверна=вую, Богороди=тельнице,/ и нечистоты исполненную/ рабов Твоих волю/ омый иссопом дерзновения\ к Сыну Единородному Твоему и Господу.
Кондак, глас 8.
Под.: Взбранной Воеводе:
Священному=чеников новосия=нную звезду=,/ у студенца возше=дшую Самаряныни/ и облиста=вшую Це=рковь Христову/ целому=дрием и страда=нием,/ ныне воспоим,/ яко а=гнца, за веру закла=ннаго,/ любо=вию вопию=ще:\ ра=дуйся, блаже=нне Филуме=не.
Икос
Ангел, хра=брствовав в страдальческих боле==знех, Филумене всеблаженне, показался еси, сего ради ныне ангельския радости и веселия Небеснаго, свя=те, сподо=бився, моли=ся Христу о вопиющих ти: радуйся, Кипра благоуханный цвете; радуйся, Господень истинный люби=мче; радуйся, о=трасле Ору=нды богодухнове=нная; радуйся, плоде Сиона сладчайший; радуйся, человече Небесный, Ангелом о=бщниче; радуйся, Ангеле, единонра=вный мучеником иерею; радуйся, у кладезя Иа=ковля пострада=вый; радуйся, ароматный нектар добродетелей сбира=яй; радуйся, Христово просла=вивый имя; радуйся, вра=жие попра=вый велича=ние; радуйся, светило новоза=рное страстоно=сцев; радуйся, звездо= свяще=нников ныне постра=давших. Радуйся, блаже=нне Филумене.
Песнь 7
Ирмос: Не послужиша твари, богомудрии,/ паче Создавшаго,/ но огненное прещение мужески поправше,/ радовахуся поюще:\ препетый отцев Господь и Бог благословен еси.
От всякаго мя злоумышле=ния вра=жия,/ Филуме=не, изба=ви,/ якоже спасе=/ преемника в месте делания твоего,/ скоро тому предвозвестив/ еже на него убийц нашествие\ безсту=дное и слабоду=шное.
Ныне тело твое,/ его=же Господь сохрани= нетле=нно,/ сла=вне Филуме=не,/ в Сихе=ме яко источник ся являет исцеле=ний/ с верою сему приника=ющим/ и ко Христу\ твоих предста=тельств требующим.
Благосострада=тельне Филумене,/ вся отсе=ченная многострадальнаго телесе= твоего/ во Австра=лии, святе,/ лютый недуг карки=на[5] отгна=,/ всем благодать показуяй,/ ю=же обрел еси=\ на па=жити веры.
Богородичен: Пречи=стый Владыка/ мир от падения дре=вле изба=вивый,/ от пречи=стых крове=й Твоих,/ Мати Божия, воплоти=ся./ Сего ради, Владычице,/ я=ко Нача=ток спасе=ния нашего\ Тя воспева=ем.
Песнь 8
Ирмос: Отроки благочестивыя в пещи,/ рождество Богородичо спасло есть:/ тогда убо образуемое,/ ныне же действуемое,/ вселенную всю воздвизает пети Тебе:/ Господа пойте, дела,\ и превозносите Его во вся веки.
Новый Христов священному=чениче,/ се=чивом ура=нен сый,/ добродетельне Филумене,/ обагрил еси= ру=бище ни=щенское твое/ крове=й твоих то=ки,/ вскрай обитая селений веры Господни честных,\ в Земли, ю=же стопами Своими обы=де Бог.
Мученик и ратобо=рец победоно=сен яви=ся/ Христа Вседержителя,/ о Филумене ди=вне,/ яко превозшедый доблесть всяческую/ в последняя лета;/ нетленное тело твое/ священие и источник/ Той показа, отче,\ присноточа=щ чудесы.
Се=чиво тя уре=за/ непоро=чно, Филуме=не крепкоду=шне,/ убие=ние же=стоко соверша=я,/ и главу твою сокруши= всечестну=ю,/ священнострада=льче благоро=дный:/ сего ради,/ чту=ще память твою святую,/ благообра=зно взыску=ем\ е=же пред Господем заступле=ний твоих.
Богородичен: Изба=ви напа=стей, Богоро=дице,/ бед, обстояний/ и скорбей го=рестных/ просящих вы=ну, Владычице,/ я=же от Тебе помощи/ и сподо=би дости=гнути нам/ славы неумолкаемыя/ и на Небесех\ несконча=емыя радости.
Песнь 9
Ирмос: Всяк земнородный/ да взыграется Духом просвещаемь,/ да торжествует же безплотных Умов естество,/ почитающее священное торжество Богоматере,/ и да вопиет:/ радуйся, Всеблаженная,\ Богородице Чистая Приснодево.
Благосла=вне Филуме=не,/ священному=чениче честны=й,/ ве=ры же и Сиона/ новоза=рный све=щниче,/ в ли=це вси/ твоея= кончи=ны память пра=зднующе, вопием:/ с Небесе= покрый/ и спаси= от всякия ну=жды\ к тебе притека=ющия.
Яко а=гнец Божий пожре=н быв,/ Филумене богообра=зне,/ и к Небесному стаду вознесе=н/ и к присносу=щней радости и веселию,/ да Началопастырю сликовствуеши/ и Ангельским чино=м\ во веки светло свесели=шися.
Радуйся, до=блественниче Господень, Филуме=не,/ терпели=вне и всече=стне,/ вопиюще, молимся:/ от се=тей мироде=ржца ум наш свободи=,/ и песнь сию= приими=,/ ю=же сплетае=м ти,\ хва=ляще мученическое твое светлое свиде=тельство.
Богородичен: Ма=ти Божия,/ ум наш возвы=си ко мно=жайшей любви=/ от суеты= до=льних страстей и скорбей,/ Яже Вышняго Рождеством/ древле падшее Ада=мово естество=/ любве= ради неизрече=нныя и ве=лией милости\ возвы=сившая.
Светилен.
Подобен: Жены услышите:
Священному=чениче сла=вне, и=же в после=дняя времена= у студенца= Иа=ковля пострада=вый и славы причаща=яйся ныне Зижди=телевы, треблаже=нне Филуме=не, о нас моли, соверша=ющих верою присночестну=ю память твою.
На «Хвалитех», глас 4.
Подобен: Званный свыше:
Сла=вне Филуме=не,/ Орунды ки=прския/ о=трасле цветоно=сная и преблагово=нная,/ со Елпи=дием, близнецом своим,/ хотя= Единому Господу угоди=ти и Богу,/ сла=сти вся мудро небрегл еси,/ якоже Кущник пе=рвее Иоанн,/ егоже во образ\ житию своему приял еси,\ Це=ркве кри=не новоусе=ченный.
Един у студенца= Иа=ковля/ вечерни, Филумене хвале=ния/ принося Всецарю/ благоговейно в жертву,/ безсту=дно се=чивом ура=нен бе/ и церко=вное облаче=ние/ обагри=л еси токи крове=й твоих,\ вечерни же проки=мен прочести=\ возше=л еси в Небе=сныя До=мы.
Напра=вил еси, Филумене, пе=рвее/ к горе Креста/ стопы твоя изде=тска,/ по=слежде отше=л еси/ ко бра=тству Божественнаго/ и Всесвятаго Гроба,/ хотя благоговейно послужи=ти/ святыням свяще=нным/ во времена последняя,\ отче богодухнове=нне,\ и ше=ствовати восле=д Иисуса Всецаря.
Мо=щи боже=ственныя твоя,/ священному=чениче Филуме=не,/ нетле=нны соде=лав Господь,/ нетле=нную сла=ву твою всем яви=,/ю=же свыше прия=л еси;/ сего ради благоговейно тя чтит/ Церковь Христова/ и память твою приснопе=тую/ величает, вопиющи:\ моли Господа дарова=тися верным\ ве=лией милости.
Слава, глас 5.
Благоче=стием изде=тска возгоре=вся,/ Филумене священному=чениче, сам себе всяческим тщанием/ Господу возложил еси,/ и всего человеческаго отрекся,/ лествицу добродетелей пости=же/ и мученически сподобился еси жизнь сконча=ти:/ те=мже о=бщник соде=лався славы Господни,/ о нас вы=ну моли,\ совершающих всечестну=ю память твою.
НА ЛИТУРГИИ
Блаженны, песни 3-я и 6-я. Апостол иже на память святаго Елевферия, Тим. втораго, 1, 8 - 18. Евангелие от Иоанна, гл. 15:17 - гл. 16:2. Причастен: В память вечную:
[1] Кипрская обитель Ставровуни (гора Креста), где священномученик вместе со своим братом-близнецом полагал начало монашества.
[2] Колодца.
[3] Топором.
[4] Сразу после мученической кончины сщмч. Филумен известил о ней своего брата-близнеца о. Елпидия, подвизавшегося в то время на Афоне.
[5] Раковой опухоли.Месяца ноября двадцать девятаго дня празднуем память
святаго священномученника