Молитва о Украине
Оригинал взят у agafangel_z в Молитва о Украине
Боже, призри милостивным оком Твоим на люте страждущую страну нашу, в нейже за беззакония наша зело умножишася нестроения и раздоры, междоусобия и противления властем. Ты пощадил еси Ниневию, град великий, исполнен беззакония, ради покаяния его и ради младенец, иже не познаша десницы своея и шуйцы своея; пощади и нас грешных, умилосердися над отечеством нашим, пощади ради младенец наших, сирых и вдовиц, пред Тобою, о Милосердый, слезы своя проливающих! Вся возможна Тебе суть, о, Всемогущий Владыко! Якоже убо единым cловом Твоим не точию слепых, глухих и немых исцеляеши, но и мертвых воскресаeши: тако возглаголи и ныне всесильным Словом Твоим в сердцах сих сеятелей раздора: просвети разум их, гордынею омраченный, пробуди совесть их, суетными мудрованьми, завистию и страстьми пагубными усыпленную, обрати волю их ко исполнению животворящих Твоих Заповедей, да и тии познают, коль сладка суть Словеса Твоя сердцу человеческому, и коль иго Твое благо и бремя Твое легко есть. Да прославится убо Имя Твое, Господи Спасителю наш, и в помраченных умах братий наших, и да посрамится лукавый супостат наш диавол, сеяй плевелы на ниве Твоей, яже есть Церковь Твоя Святая! О Господи, Боже Милосердый, Боже Премудрый, Боже Всемогущий! Паки и паки припадаем Тебе и слезно в покаянии и умилении сердца вопием: согрешихом, беззаконновахом, неправдовахом пред Тобою, и воистинну праведно по делом нашим наказуеми есмы. Помяни убо веру и смирение отец наших, услыши теплая моления святых угодников Твоих, в земли нашей просиявших: помилуй землю нашу, утоли вся крамолы, раздоры и нестроения, умири сердца, страстьми обуреваемая, возглаголи в сердцах власть имущих и о людех Твоих, посли им советников, мудростию исполненных и волю его свято исполняющих, соблюди суды их немздоимны и нелицеприятны, вдохни мужество в сердца стоящих на страже благоустроения государственнаго: а имже судил еси за веру и Oтечество во дни скорби сея душу свою положити, и тем прости вся согрешения их, венцы мученическими венчай во Царствии Твоем. Всех же нас озари светом Закона Твоего евангельскаго, возгрей сердца наша теплотою благодати Твоея, утверди волю нашу в воле Твоей, да якоже древле, тако и ныне на земли нашей, и в нас, и чрез нас прославится Всесвятое Имя Твое, Отца и Сына и Святаго Духа. Аминь.
Боже, призри милостивным оком Твоим на люте страждущую страну нашу, в нейже за беззакония наша зело умножишася нестроения и раздоры, междоусобия и противления властем. Ты пощадил еси Ниневию, град великий, исполнен беззакония, ради покаяния его и ради младенец, иже не познаша десницы своея и шуйцы своея; пощади и нас грешных, умилосердися над отечеством нашим, пощади ради младенец наших, сирых и вдовиц, пред Тобою, о Милосердый, слезы своя проливающих! Вся возможна Тебе суть, о, Всемогущий Владыко! Якоже убо единым cловом Твоим не точию слепых, глухих и немых исцеляеши, но и мертвых воскресаeши: тако возглаголи и ныне всесильным Словом Твоим в сердцах сих сеятелей раздора: просвети разум их, гордынею омраченный, пробуди совесть их, суетными мудрованьми, завистию и страстьми пагубными усыпленную, обрати волю их ко исполнению животворящих Твоих Заповедей, да и тии познают, коль сладка суть Словеса Твоя сердцу человеческому, и коль иго Твое благо и бремя Твое легко есть. Да прославится убо Имя Твое, Господи Спасителю наш, и в помраченных умах братий наших, и да посрамится лукавый супостат наш диавол, сеяй плевелы на ниве Твоей, яже есть Церковь Твоя Святая! О Господи, Боже Милосердый, Боже Премудрый, Боже Всемогущий! Паки и паки припадаем Тебе и слезно в покаянии и умилении сердца вопием: согрешихом, беззаконновахом, неправдовахом пред Тобою, и воистинну праведно по делом нашим наказуеми есмы. Помяни убо веру и смирение отец наших, услыши теплая моления святых угодников Твоих, в земли нашей просиявших: помилуй землю нашу, утоли вся крамолы, раздоры и нестроения, умири сердца, страстьми обуреваемая, возглаголи в сердцах власть имущих и о людех Твоих, посли им советников, мудростию исполненных и волю его свято исполняющих, соблюди суды их немздоимны и нелицеприятны, вдохни мужество в сердца стоящих на страже благоустроения государственнаго: а имже судил еси за веру и Oтечество во дни скорби сея душу свою положити, и тем прости вся согрешения их, венцы мученическими венчай во Царствии Твоем. Всех же нас озари светом Закона Твоего евангельскаго, возгрей сердца наша теплотою благодати Твоея, утверди волю нашу в воле Твоей, да якоже древле, тако и ныне на земли нашей, и в нас, и чрез нас прославится Всесвятое Имя Твое, Отца и Сына и Святаго Духа. Аминь.