18-19 жніўня - у Любчы сярэднявечны фэст

[magnus108]

Дабрачынная акцыя ў падтрымку аднаўлення Любчанскага замку

18-19 жнiўня 2007 года ў г.п. Любча (Навагарадскi р-н, Гродзенская вобл.) ў рамках валанцёрcкага лецiшча адбудзецца дабрачынная акцыя ў падтрымку аднаўлення Любчанскага замку.

Паказальная праграма (тут) «Прыдворныя забавы Любчанскага замку» падрыхтаваная Народным тэатрам гістарычнага строю “Полацкі зьвяз”. Яна ўключае:
- рыцарскі турнір;
- танцы ў перапынках паміж двубоямі;
- уганараванне пераможцаў турніру;
- мініятура “Пір”.
Рыцары “Полацкага зьвязу” таксама прадэманструюць магiю агня ў фаер-шоў. Акрамя таго, кожны раз пасля дэманстрацыі праграмы «Прыдворныя забавы Любчанскага замку» адбудуца канцэртныя выступы гурта старадаўняй музыкі “Гальярда” (магчымы ўдзел яшчэ некалькіх гуртоў).

http://historyka.org
Калі ёсьць пытаньні - запытвайцеся, паспрабую на ўсе адказаць.