Як то ся гварит по лемківскы...

[macsolas]

Гідні маме ріжных, цєкавых слів в нашой бесіді - на тот темат публікуєт ся немало словників и прац. Але пришло мі на мысель так коротко оповісти о дакторых.

Но поперше то “БЕСІДА”. Ищы синонім - “ЯЗЫК”. Зрозуміло каждому, же лемкы бесідуют, а тіж ГВАРЯТ, и рідше РАДЯТ. Но же тота бесіда дакому може ся здати ґаданям - нич на то не пораджу, бо быват и так. ҐАДАТИ - то по украінскы “балакати”, або часом - “верзти казнащо”.

Замісто “так” часті повідаме “Є”, альбо “ЙО”, як гуцулы.

Кілька незрозумілых для наддніпрянского уха єст на літеру “Г”.
ГНЕСКА - то “сьогодні”. Можна повісти тіж ГНЕС. А “сьогоднішній” - то ГНЕШНИЙ.
ГЛОНИ (може ся писати ВЛОНИ, але выгварят ся глони), альбо ГЛОНІ - означат “торік”. Як лежыт на полю старый сьніг, то гварят, же то ГЛОНЬСКІЙ сьніг.
ГЛЯДАТИ - то не смотрити!!! То “шукати”.

Но и ищы такы малы словічка:
ПАК - потім, хоц тіж і саме “потім” можна повідати.
КУС - троха. Ищы гварят КУСЬЦЬОК.
А як єст чогоси дужо, то можна повісти ГІДНІ.

Но то наразі вшытко о нашой бесіді.