Дружба народов

[macsolas]

«Дружбы народов надьожный оплот», кєдиси сьпівано в краіні, в якой зме ся народили. А чым лем єст тота «дружба народов»? Сенс гевсого выразу натівкы заник (ци того одпочатку не было), же юж го хоснуют в быле якых ситуациях.

Крымчане «дружбу народов» розуміют по свойому, бо там то значыт торгову марку мнясных выробів. А продаєт ся тото мнясо в кійосках під назвом «Мир дружбы народов». Перше, кєд то увиділем, а вез єм ся ровером, та мало-м ся не перевернул. Перекладаючы на нашу бесіду, то бы могло звучати як «мир приязьні народів» ай «сьвіт приязьні народів». Лем што бы то значыло?

Перенесеме ся кусьцьок на пілніч, до заснованого выдуренима з Крыму греками Маріюполя. Там тіж розуміют ся на дружбє народов. Лем на инчой. Народы - то сут не украінці и грекы, як мож бы ся было сподівати. Грекы взагалі ту сут ні до чого. Дружба народов - то Україна, Росйя, Білорусь, о чым сьвідчат поставлены перед двірцьом прапоры, што ся так красьні одбивают гво великій баюрі.

Бо то правда «дружба народов» - то велика баюра.