НАЗАМ
Дунен тIа йоаккха ха ший кхоачаелча,
Iаьхарта хьалхара ди ший хьатIакхаьчача,
Ший доаца лазараш гучадувла даьлча
Ший терко Iа елахь, я АллахI Даьла.
Шийх детта ва кулгаш сеца даьлча,
Сийрдача бIаргий нур кхаьлача,
Вай терко Iа елахь, я АллахI Даьла.
Къахетаме вай Даьле вийрза ваьлча,
Цу кашамий ахIланех ше хинна ваьлча,
Вежарех дIакъаьста со цIаьккъа висача,
Iа шийна гештделахь, я АллахI Даьла.
Бартхоатта малайкаш шийна тIадаьхкача,
Ше Iаьса хилара ше бехке хилча,
Iа шийна гештделахь, я АллахI Даьла!
Ше Iаьса Iазапе хьа миска лай хилча,
Хьо везаш, хьо цаI веш ваьха хилча,
Iа вайта Мухьаммад ша бакъваь хилча,
Къиношта гештделахь, я АллахI Даьла.
Ше веза вежарий, шо марша Iайла,
Дограьза ва долаш къинтIера довла,
Iаьхартен ший фусам даькъала хийла,
Тхо даькъала делахь Iа, я АллахI Даьла.
