Пра чорны піяр
Увесь дзень тусаваўся на канферэнцыі Форума грамадзянскай супольнасці, таму "Крёстного бацьку" паглядзеў толькі зараз. Ну што сказаць? Нічога новага НТВ не паказала, ані кампрамату, ані арыгінальных цікавых здымак. Нейкая мяшанка з фільмаў Хашчавацкага і інтэрвію Лукашэнкі розных гадоў. Беларусы гэта ўжо бачылі. Рускім гэты фільм можа і цікавы, але як паліттэхналагічны інструмент бессэнсоўны - калі толькі ў Крамлі не плануюць каляровую рэвалюцыю, што малаверагодна. Калі б разлік быў на сапраўды моцны медыйны эфект, дык быў бы ўкінуты кампрамат панавей і пацікавей - ён у рускіх безумоўна ёсьць (прыгадаць хіба беглага Навумава). Фільм напэўна мае толькі аднаго адрасата - самога беларускага прэзідэнта. Маўляў, вось мы тут пакуль старымі анучамі патрасем, а як будзеш сябе дрэнна паводзіць, дык выцягнем што-небудзь пасур'ёзьней. Але сам факт зьяўленьня фільма вельмі паказальны. Інфармацыйная вайна ўваходзіць у новую фазу.