Як выглядае рэдакцыя газеты
Знайсці рэдакцыю "Вячэрнега Бабруйску" не проста, на будынку, дзе яна знаходзіцца ёсць толькі маленькая шыльда. Рэдацыя размяшчаецца на другім паверсе і займае там тры кабінеты: кабінет галоўнага рэдактара, кабінет журналістаў і шыхтоўшчыкаў і рэкламны аддзел. Са святлом у рэдакцыі былі невялікія праблемы, а штатыву пад рукой не было - таму некаторыя здымкі крыху размазаныя.
У кабінеце галоўнага рэдактара два сталы (з кампутарамі, паперамі і падшыўкай) , мапы Бабруйску і Бабруйскага раёна, бэйдж са стажыроўкі ў "Вашынгтон пост", кветка, вентылятар, шафа з кнігамі і малюнак на сцяне.
У суседнем кабінеце размешчаюцца журналісты і дызайнеры-шыхтоўшчыкі. У кожнага свой кампутар, усе матэрыялы захоўваюцца на сэрверы. Потым шыхтоўшчык іх выкарыстоўвае для шыхтоўкі. Там жа захоўваюцца здымкі і рэкламныя модулі. Кожны модуль мае свой код, па якім можна зразумець, хто яго рабіў і калі.
Звярстаныя палосы друкуюцца і аддаюцца на вычытку. На сталах, за якімі сядзяць вычытвальшчыкі, ляжаць дзве падшыўкі, працоўныя паперы і часопіс "Абажур".
На сценах каля журналістаў таксама вясяць мапы. Ёсць спецыяльнае месца з канвертамі. Канверты падпісаныя імёнамі журналістаў, і туды рэдактар кладзе загады для канкрэтных журналістаў.
Прысутнічаюць плакаты з аўтографамі знакамітасцяў і малюнкі бабруйскага мастака.
На кампутарах можна знайсці і важныя для кожнага супрацоўніка рэчы.
Не так даўно газета аднавіла свой сайт. Акрамя навін там цяпер можна знайсці шмат здымкаў гораду. Кожны дзень (!!!) журналісты робяць 25-30 кадраў з розных падзей і месцаў гораду і выкладаюць іх на інтэрнэт-старонку. Большасць "фатографаў" маюць свае фотаапараты, але, калі што, ёсць у рэдакцыі запасны апарат.
Шмат людзей працуе ў рэкламным аддзеле. Іх праца непасрэдна ўплывае на заробкі немаленькага (20-23 чалавекі) штату газеты.
