Так болить...
Эдуард Акулін
Памяці Міхала Жызнеўскага
Па сэрца ў крыві Ўкраіна.
Майдан ад гранат аглух…
Калі забіваюць сына --
тады ажывае Дух…
Па сэрца ў крыві Ўкраіна.
А Беркут ля самых воч…
Калі забіваюць сына -
тады надыходзіць ноч…
Як маці сказаць аб страце?
А Каін запомніць змог:
калі забіваюць брата -
тады памірае Бог…
Калі забіваюць сына --
не здацца сябе прымусь…
Па сэрца ў крыві Ўкраіна.
Па вочы ў слязах Беларусь…
24.01.2014.