Сказание о построении града ЯроСлавля
В тех летех, егда великий князь Киевский Володимир просвети землю русску светом христианския веры, тогда сей христолюбивый князь даде сыном своим каждому град во одержание, и град великий Ростов со областию предаде сыну своему Борису, а последи брату его Ярославу. Во области же сей не на мнозе пути от града Ростова, яко на 60 поприщ при брезе рек Волги и Которосли лежаше некое место, на нем же последи создася славный град Ярославль. И сие место бысть зело пусто: зане высокая древеса растуща, да травяны пажити точию обретахуся. Человек же обители (?) единой бысть. И се бысть селище, рекомое Медвежий угол, в нем же насельницы человецы, поганыя веры языцы, зли суще. И вельми страшно место сие бысть, зане онии человецы живяше точию по своей воли, яко мнози и грабления и кровопролития верным твориша. В делание же смысленна прилепляхуся егда на зверя или лов рыб исходише, держаше же сии людии и мнозии скотии, и сими себя насыщаху. Идол, ему же кланястася сии, бысть Волос, сиречь скотий бог. И сей Волос, в нем же бес живя, яко и страхи мнози твори, стояше осреди логовины, нарицаемой Волосовой, отселе же и скотии по обычаю на пажити изгоняше. Сему многокозненному идолу и кереметь створена бысть и волхв вдан, а сей неугасимый огнь Волосу держа и жертвенная ему кури. Тако егда прииде первый спут скотия на пажити, волхв закала ему тельца и телицу, в обычное же время от диких зверей жертвенное сожига, а в некиих зело больных днех и от человек. Сей волхв яко пестун диавола, мудрствуя силою исконнаго врага, по исходищу воскурения жертвенного разумева и вся тайная и глагола словеса приключившимся ту человеком, яко словеса сего Волоса. И вельми почтен бысть сей волхв у языцев. Но люто и истязуем бываше, егда огнь у Волоса преста: волхва по том же дне и часе реши керемети, и по жребию избра иного, и сей закла волхва и, ражже огнь, сожига в сем труп его, яко жертву точию довольну возвеселити сего грозна бога. Тако исконный враг рода человеческого омрачи сердце сих человеков, и тако сии человецы жиша мнози леты. Но в некоем лете прилучися благоверному князю Ярославу плыти на ладиях с сильною и великою ратью по реце Волге, у праваго берега оной, идеже стоя то селище, зовомое Медвежий угол. Князь узре, яко некии людии жестоци наноси гибель судом, шествовавшим с товары по Волге; купцы же на суднех сих крепко обороняшеся, но невозможе одолети силу окаянных, яко разбойницы сии и суда их предаваху запалению огненну. Согляда вся творимая, благоверный князь Ярослав повеле дружине своей устрашити и разгнати шатание сих беззаконных, да спасутся неповиннии. И дружина Князя храбро приступи на врагов, яко сии окаяннии нача от страха трепетати и в велии ужасе скоро помчеся в ладиях по Волге реце. Дружина же Князя и сам Князь Ярослав погнася за неверными, да оружием бранным погубит сих. И, о велия Божия милости, и сколь неизреченны и неисследимы судьбы его, и кто исповесть милость его к христианам! молитвами пречистыя Богородицы и святых угодников его (?) княжее воинство победи врагов на месте, идеже некое сточие водно исходи в Которосль, за ним же и селище то стояше. И Благоверный Князь поучи людей оних, како жити и обиды не творити никому же, а наипаче, дозна богомерзку веру их, моли их креститися. И людии сии клятвою у Волоса обеща князю жити в согласии и оброцы ему даяти, но точию не хотяху креститися. И тако Благоверный Князь отыде в престольный град свой Ростов.
Не по мнозем же времени Князь Ярослав умысли паки прибыти в Медвежий угол. И прибы семо со епископом, со пресвитеры, диаконы и церковники, мастеры и с воины; но егда входи в сие селище, людие сего испусти от клети некоего люта зверя и псов, да растешут Князя и сущих с ним, Но Господь сохрани Благоверного князя; сей секирою своею победи зверя, а пси, яко агнцы, не прикоснулися никомуждо от них. И виде безбожнии и злии людии вся сия, ужасеся и падоша ниц Князю и быша аки мертвы. Благоверный же Князь мощным гласом сим людем возгласи: кто убо вы, не суть ли тии людии, кои клятвою уверяше пред вашим Волосом верно служить мне, Князю вашему? Кий же он бог, яко и клятву при ним створенну сами преступи и попра? Но весте, яко аз не на потеху зверину или на пир многоценна пития испивати пришед, но победу сотворити. И слыша глаголы сия, невернии людии невозможе отвещевати ни единаго словесе. По сем Благоверный Князь опасно согляда все место пусто, на утрии же из шатра своего изнесе икону Богоматери с предвечным Ея Младенцем Господом нашим Иисусом Христом, и со епископом, и со пресвитеры, и со всем духовным чином, и с мастеры и с воины прииде на брег Волги, и тамо на острову, его же учреди реки Волга и Которосль и проточие водное, постави на месте уготованном икону Богоматери и повеле епископу сотворити пред нею молебное пение и святити воду и сею кропити землю; сам же Благоверный Князь водрузи на земле сей древян крест и ту положи основу святому храму пророка Божия Илии. A храм сей посвяти во имя сего святаго угодника, яко хищнаго и лютаго зверя победи в день его. По сем христолюбивый Князь повеле народу рубити древеса и чистити место, идеже умысли и град создати. И тако делатели нача строити церковь св. пророка Илии и град созидати. Град сей Благоверный Князь Ярослав назва во свое имя Ярославлем, насели его христианами, а в церкви постави пресвитеры, диаконы и клирики.
Но егда же и построися град Ярославль, насельницы Медвежияго угла не приобщашеся граду, живяше особь и кланяшеся Волосу. Бысть же во дни некия во области сей велия засуха, яко от люта зноя и травы и всяк злак сельный погоре, и бысть в тое время скорбь велия в людех, понеже и скотии к смерти от глада доходиша. В сицевой печали невернии сии человецы моли слезно своего Волоса, да низведет дождь на землю. В сие время, по некоему случаю, проходи у керемети Волосовой един от пресвитер церкви пророка Божия Илии, и сей, узре плачь и воздыхание многое, рече к народу: о несмысленная сердцем! Что слезите и жалостно вопите богу вашему? Или слепи есте, яко Волос крепко успе, тако возбудят ли его моления ваша и воня жертвенная? Вся сия суетно и ложно яко и сам Волос, ему же вы кланяетесь, точию есть бездушный истукан. Тако тщетно трудите себе. Но хощете ли зрети силу и славу Бога истиннаго, ему же мы кланяемся и ему же служим? Сей Бог и небо и землю сотвори, тако чесо не может сотворити и дати? Идем во град, да узрим силу и славу Его. И невернии хотяху посрамити пресвитера, яко ложь проглагола, пойде во град. И егда прииде ту, благочестный пресвитер народу неверному повеле стати особь от храма св. пр. Илии, а сам соедини весь священный духовный чин и с ним затворися во храме. Оболчшася тамо во одежды священны, и много и слезно молишися в Троице славимому Богу, пречистей Матери Господа нашего Иисуса Христа и святому славному пророку Божию Илии, да обратятся невернии сии людии ко истинной вере Христовой и просветятся светом крещения. И, сотворив молитвенная, пресвитер повеле ударяти в тяжкия била церковныя и изнести из храма св. иконы и поставити сии на аналогии у места, где стояше невернии. Вся сия устрои, благочестный пресвитер с крестом, в руце держимом, возгласи; аще предстательством пресвятыя Богородицы и святого пророка Илии, их же начертание зрите, Господь восприимет моление нас, грешных раб своих, яко в день сей дождие излиется на землю, то уверуете ли в истиннаго Бога и крестится ли кийджо от вас во имя Отца и Сына и Святаго Духа? И сии людии рекоша: уверуем и крестимся! И тако пресвитер со иными пресвитры и диаконы и клиром церковным и со всеми христианы пред иконы сотвори молебныя службы и, преклонь колена с плачем и воздыханием велиим, яко и руце свои к небу воздевающе, моли Господа и творца всяческих, да повелит дождю излиятися на землю. И той час бысть туча чревата и грозна зело, и пролияся дождь велий; видев же пресвитеры и вся христианы бывшее вкупе прослави Бога и Пречистую Матерь Господа нашего Иисуса Христа и св. пророка Божия Илию. Невернии же людии, зряще сие чудо, взываху: велий Бог христианский! И изшед из града, много пакости сотвори Волосу, яко и плююще нань и растеса его на части и кереметь сокруши и предаде огненну запалению. Последи же людии сии с радостию идяху на реку на Волгу и тамо пресвитеры, на брезе реки стояше и молитвенная возгласше, крести всяки возраст и пол мужеск и женск во имя Отца и Сына и Святаго Духа. Тако благодатию Божиею вера истинная воссия зде и жилище безбожное обителию христианскою соделася.
Но по некоем времени, егда восприя сии человецы христианскую веру, ненавистник всякаго добра диавол, не хотя зрети веры сия в людех,чини им мнозии страхования на месте, идеже некогда стояше Волос: ту и сопели и гусли и пение многажды раздавашеся и плясание некое видимо бываше; скотии же, егда на месте сем хождаху, необычно худобе и недугу предавашеся. И о сем человецы сии велие скорбя, поведа пресвитеру бывающая, и молвиша, яко вся сия напасть бысть гнев Волоса, яко сей претворися в злаго духа, да он сокрушит людии, скотие их, како сокрушиша его и кереметь. Пресвитер же уразуме ту прелесть диавола, яко сим злокозненным омрачением и страхом и недугом скотия сей исконный враг токмо хощет погубити людии Христовы. И пресвитер не мало поучи народ, а последи совет сотвори, да просят сии человецы Князя и епископа на месте, идеже стоя кереметь, построити ту храм во имя святаго Власия, епископа Севастийскаго, яко сей угодник Божий вельми силен своим ходатайством к Богу разорити наветы диавола и сохранити скотие людей христианских. И тако людии сии моли Князя, да повелит построити храм, а Князь моли епископа дати благословение построити церковь древяну во имя священномученика Власия. И, о велие чудо! Егда освяти храм, бес преста страхования творити и скотие на пажити сокрушати и за сие зримое чудо людие восхвалиша Бога, тако благодеющего, и благодариша его угодника святаго Власия ч-ца. Тако построися град Ярославль и создася сия церковь великаго угодника Божия Власия, епископа Севастийского.
(Сказание о построении града Ярославля. По А. Лебедеву. Храмы Власьевского прихода г. Ярославля. Ярославль, 1877)
Не по мнозем же времени Князь Ярослав умысли паки прибыти в Медвежий угол. И прибы семо со епископом, со пресвитеры, диаконы и церковники, мастеры и с воины; но егда входи в сие селище, людие сего испусти от клети некоего люта зверя и псов, да растешут Князя и сущих с ним, Но Господь сохрани Благоверного князя; сей секирою своею победи зверя, а пси, яко агнцы, не прикоснулися никомуждо от них. И виде безбожнии и злии людии вся сия, ужасеся и падоша ниц Князю и быша аки мертвы. Благоверный же Князь мощным гласом сим людем возгласи: кто убо вы, не суть ли тии людии, кои клятвою уверяше пред вашим Волосом верно служить мне, Князю вашему? Кий же он бог, яко и клятву при ним створенну сами преступи и попра? Но весте, яко аз не на потеху зверину или на пир многоценна пития испивати пришед, но победу сотворити. И слыша глаголы сия, невернии людии невозможе отвещевати ни единаго словесе. По сем Благоверный Князь опасно согляда все место пусто, на утрии же из шатра своего изнесе икону Богоматери с предвечным Ея Младенцем Господом нашим Иисусом Христом, и со епископом, и со пресвитеры, и со всем духовным чином, и с мастеры и с воины прииде на брег Волги, и тамо на острову, его же учреди реки Волга и Которосль и проточие водное, постави на месте уготованном икону Богоматери и повеле епископу сотворити пред нею молебное пение и святити воду и сею кропити землю; сам же Благоверный Князь водрузи на земле сей древян крест и ту положи основу святому храму пророка Божия Илии. A храм сей посвяти во имя сего святаго угодника, яко хищнаго и лютаго зверя победи в день его. По сем христолюбивый Князь повеле народу рубити древеса и чистити место, идеже умысли и град создати. И тако делатели нача строити церковь св. пророка Илии и град созидати. Град сей Благоверный Князь Ярослав назва во свое имя Ярославлем, насели его христианами, а в церкви постави пресвитеры, диаконы и клирики.
Но егда же и построися град Ярославль, насельницы Медвежияго угла не приобщашеся граду, живяше особь и кланяшеся Волосу. Бысть же во дни некия во области сей велия засуха, яко от люта зноя и травы и всяк злак сельный погоре, и бысть в тое время скорбь велия в людех, понеже и скотии к смерти от глада доходиша. В сицевой печали невернии сии человецы моли слезно своего Волоса, да низведет дождь на землю. В сие время, по некоему случаю, проходи у керемети Волосовой един от пресвитер церкви пророка Божия Илии, и сей, узре плачь и воздыхание многое, рече к народу: о несмысленная сердцем! Что слезите и жалостно вопите богу вашему? Или слепи есте, яко Волос крепко успе, тако возбудят ли его моления ваша и воня жертвенная? Вся сия суетно и ложно яко и сам Волос, ему же вы кланяетесь, точию есть бездушный истукан. Тако тщетно трудите себе. Но хощете ли зрети силу и славу Бога истиннаго, ему же мы кланяемся и ему же служим? Сей Бог и небо и землю сотвори, тако чесо не может сотворити и дати? Идем во град, да узрим силу и славу Его. И невернии хотяху посрамити пресвитера, яко ложь проглагола, пойде во град. И егда прииде ту, благочестный пресвитер народу неверному повеле стати особь от храма св. пр. Илии, а сам соедини весь священный духовный чин и с ним затворися во храме. Оболчшася тамо во одежды священны, и много и слезно молишися в Троице славимому Богу, пречистей Матери Господа нашего Иисуса Христа и святому славному пророку Божию Илии, да обратятся невернии сии людии ко истинной вере Христовой и просветятся светом крещения. И, сотворив молитвенная, пресвитер повеле ударяти в тяжкия била церковныя и изнести из храма св. иконы и поставити сии на аналогии у места, где стояше невернии. Вся сия устрои, благочестный пресвитер с крестом, в руце держимом, возгласи; аще предстательством пресвятыя Богородицы и святого пророка Илии, их же начертание зрите, Господь восприимет моление нас, грешных раб своих, яко в день сей дождие излиется на землю, то уверуете ли в истиннаго Бога и крестится ли кийджо от вас во имя Отца и Сына и Святаго Духа? И сии людии рекоша: уверуем и крестимся! И тако пресвитер со иными пресвитры и диаконы и клиром церковным и со всеми христианы пред иконы сотвори молебныя службы и, преклонь колена с плачем и воздыханием велиим, яко и руце свои к небу воздевающе, моли Господа и творца всяческих, да повелит дождю излиятися на землю. И той час бысть туча чревата и грозна зело, и пролияся дождь велий; видев же пресвитеры и вся христианы бывшее вкупе прослави Бога и Пречистую Матерь Господа нашего Иисуса Христа и св. пророка Божия Илию. Невернии же людии, зряще сие чудо, взываху: велий Бог христианский! И изшед из града, много пакости сотвори Волосу, яко и плююще нань и растеса его на части и кереметь сокруши и предаде огненну запалению. Последи же людии сии с радостию идяху на реку на Волгу и тамо пресвитеры, на брезе реки стояше и молитвенная возгласше, крести всяки возраст и пол мужеск и женск во имя Отца и Сына и Святаго Духа. Тако благодатию Божиею вера истинная воссия зде и жилище безбожное обителию христианскою соделася.
Но по некоем времени, егда восприя сии человецы христианскую веру, ненавистник всякаго добра диавол, не хотя зрети веры сия в людех,чини им мнозии страхования на месте, идеже некогда стояше Волос: ту и сопели и гусли и пение многажды раздавашеся и плясание некое видимо бываше; скотии же, егда на месте сем хождаху, необычно худобе и недугу предавашеся. И о сем человецы сии велие скорбя, поведа пресвитеру бывающая, и молвиша, яко вся сия напасть бысть гнев Волоса, яко сей претворися в злаго духа, да он сокрушит людии, скотие их, како сокрушиша его и кереметь. Пресвитер же уразуме ту прелесть диавола, яко сим злокозненным омрачением и страхом и недугом скотия сей исконный враг токмо хощет погубити людии Христовы. И пресвитер не мало поучи народ, а последи совет сотвори, да просят сии человецы Князя и епископа на месте, идеже стоя кереметь, построити ту храм во имя святаго Власия, епископа Севастийскаго, яко сей угодник Божий вельми силен своим ходатайством к Богу разорити наветы диавола и сохранити скотие людей христианских. И тако людии сии моли Князя, да повелит построити храм, а Князь моли епископа дати благословение построити церковь древяну во имя священномученика Власия. И, о велие чудо! Егда освяти храм, бес преста страхования творити и скотие на пажити сокрушати и за сие зримое чудо людие восхвалиша Бога, тако благодеющего, и благодариша его угодника святаго Власия ч-ца. Тако построися град Ярославль и создася сия церковь великаго угодника Божия Власия, епископа Севастийского.
(Сказание о построении града Ярославля. По А. Лебедеву. Храмы Власьевского прихода г. Ярославля. Ярославль, 1877)