Մահմեդական, աթեիստ ու կաթոլիկ հայերի տարբերության մասին
Originally published at Koreolan. You can comment here or there.
Ահավոր հոգնել եմ այսօր ու դեռ լիքը գործ ունեմ, բայց այս գրառումը ուզում եմ անել անպայման, որովհետև ամենատարբեր տեղերում ու ռեգուլյար ստիպված եմ լինում այս թեմային անդրադառնալ: Ժամանակ առ ժամանակ, երբ հերթական անգամ գլուխ է բարձրացնում այսպես կոչված մահմեդական հայերի թեման, ամենատարբեր ( Read more... )
Ի դեպ, մաքուր հայկական գենետիկ կոդը բացի նրանից, որ գիտական ձևակերպում չի, նաև ոչինչ չի փոխում: Այսօրվա թուրքերը, դրանք մաքուր հայեր, հույներ, արաբներ, հրեաներ, ասորիներ են: Նախիջևանի բնակչությունը գենետիկորեն այդտեղի հայության հետնորդներն են: Եվ այլն: Կա, իհարկե, նաև աջարների վրացի ազգ վերադառնալու դեպքը, բայց դե ինչպես ասում են, եթե վրացին օրվա մեջ մի յոթ կրոն չփոխի, վրացի չի լինի:
Ինչ վերաբերում է խեմշիլների շրջանում քարոզչությանը, ապա սա հարցի ամենահետաքրքիր կողմն է: Այսօր Հայաստանը չունի և մոտ ապագայում չի ունենա Թուրքիայի ներսում ազդեցության որևէ լծակ. ոչ դպրոց կամ կրթական ծրագիր, ոչ տեղում հայանպաստ գործունեությամբ զբաղվող բջիջներ, ոչ ԶԼՄ կամ նույնիսկ մի քոռ ու փուչ պատի թերթ: Ակնհայտ է նաև, որ ցանկացած փորձ որևէ բան սկսելու, հենց սկզբից առնվազն վերահսկողության տակ է դրվելու Թուրքիայի հատուկ ծառայությունների կողմից: Եվ ստացվում է, որ "մահմեդական հայեր" և "ծպտյալ հայեր" թեմաների համար միակ աուդիտորիան դա հենց մենք ենք - Հայաստանի և Սփյուռքի հայերս: Այսինքն` փոխում են մեր պատկերացումները իրականության մասին, մինչդեռ իրականությունն ինքը այնտեղ` Թուրքիայում, չի փոխվում:
Եվ այստեղ, բնականաբար հարց է առաջանում. ավելի նպատակահարմար չի՞ մեր ջանքերն ու ռեսուրսներն ուղղել ասենք ռուսաստանահայության պահպանմանը:
Reply
Reply
Reply
Leave a comment