Приложения к работе по теме "Актуальные проблемы..."
Приложение №7
Последование молебного пения об отступивших от веры православныя.
Введите содержимое врезки
Благословившу иерею: Слава Тебе, Боже наш, слава Тебе. Царю небесный: Трисвятое по Отче наш: Господи помилуй, 12 раз, Слава, и ныне. Придите, поклонимся: трижды. И псалмы:
Псалом 58
Изми мя от враг моих, Боже, и от востающих на мя избави мя. Избави мя от делающих беззаконие и от муж кровей спаси мя. Яко се уловиша душу мою, нападоша на мя крепцыи, ниже беззаконие мое, ниже грех мой, Господи. Без беззакония текох и исправих, востани в сретение мое и виждь. И ты, Господи Боже сил, Боже Израилев, вонми посетити вся языки, да не ущедриши вся делающыя беззаконие. Возвратятся на вечер и взалчут, яко пес, и обыдут град. Се тии отвещают усты своими, и меч во устнах их, яко кто слыша? И Ты, Господи, посмеешися им, уничижиши вся языки. Державу мою к Тебе сохраню, яко Ты, Боже, Заступник мой еси. Бог мой, милость Его предварит мя, Бог мой, явит мне на вразех моих. Не убий их, да не когда забудут закон Твой, расточи я силою Твоею и низведи я, Защитниче мой, Господи. Грех уст их, слово устен их, и яти да будут в гордыни своей, и от клятвы и лжи возвестятся в кончине. Во гневе кончины, и не будут и уведят, яко Бог владычествует Иаковом и концы земли. Возвратятся на вечер, и взалчут, яко пес, и обыдут град. Тии разыдутся ясти. Аще ли же не насытятся, и поропщут. Аз же воспою силу Твою и возрадуюся заутра о милости Твоей, яко был еси Заступник мой и Прибежище мое в день скорби моея. Помощник мой еси, Тебе пою: яко Бог Заступник мой еси, Боже мой, милость моя.
Псалом 74
Исповемыся Тебе, Боже, исповемыся Тебе, и призовем имя Твое; повем вся чудеса Твоя. Егда прииму время, Аз правоты возсужду. Растаяся земля и вси живущии на ней, Аз утвердих столпы ея. Рех беззаконнующым, не беззаконнуйте: и согрешающым, не возносите рога, не воздвизайте на высоту рога вашего, и не глаголите на Бога неправду: яко ниже от исход, ниже от запад, ниже от пустых гор. Яко Бог судия есть: сего смиряет, и сего возносит. Яко чаша в руце Господни, вина нерастворена, исполнь растворения, и уклони от сея в сию: обаче дрождие его не истощися, испиют вси грешнии земли. Аз же возрадуюся и век, воспою Богу Иаковлю: и вся роги грешных сломлю, и вознесется рог праведнаго.
Псалом 26
Господь просвещение мое и Спаситель мой, кого убоюся? Господь Защититель живота моего, от кого устрашуся? Внегда приближатися на мя злобующым еже снести плоти моя, оскорбляющии мя, и врази мои, тии изнемогоша и падоша. Аще ополчится на мя полк, не убоится сердце мое, аще восстанет на мя брань, на Него аз уповаю. Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм святый Его. Яко скры мя в селении Своем в день зол моих, покры мя в тайне селения Своего, на камень вознесе мя. И ныне се вознеси главу мою, на враги моя: обыдох и пожрох в селении Его жертву хваления и воскликновения, пою и воспою Господеви. Услыши, Господи, глас мой, имже воззвах: помилуй мя и услыши мя. Тебе рече сердце мое, Господа взыщу. Взыска Тебе лице мое, лица Твоего, Господи, взыщу. Не отврати лица Твоего от мене и не уклонися гневом от раба Твоего: помощник мой буди, не отрини мене, и не остави мене, Боже Спасителю мой. Яко отец мой и мати моя остависта мя, Господь же восприят мя. Законоположи ми, Господи, в пути Твоем и настави мя на стезю правую враг моих ради. Не предаждь мене в душы стужающих ми, яко восташа на мя свидетеле неправеднии и солга неправда себе. Верую видети благая Господня на земли живых. Потерпи Господа, мужайся и да крепится сердце Твое, и потерпи Господа.
Слава, и ныне. Аллилуиа…(трижды)
Диакон произносит великую ектению и по прошении: О плавающих… прилагает следующие прошения:
О еже милостивым оком призрети на Святую Свою Церковь, и соблюсти ю невредйму и непреоборйму от ересей и суеверий, и миром Своим оградйти, Господу помолимся.
О еже утишйти раздирания ей и силою Святаго Духа обратйти всех отступльших к познанию истины и сопричестй ко избранному Своему стаду, Господу помолимся.
О еже просветйти мысли неверием помраченных светом Своего богоразумия, верных же Своих укрепйти и непоколебимых в правоверии соблюсти, Господу помолимся.
О избавитися нам… и прочее.
По возгласе: Бог Господь…
Тропарь, глас 4
О распенших Тя моливыйся, любодушне Господи, и рабом Твоим о вразех молитися повелевый, ненавидящих и обидящих нас прости, и от всякого зла и лукавства к добродетельному настави жительству, смиренно мольбу Тебе приносим, да в согласном единомыслии славим Тя, Единаго Человеколюбца.
Слава, глас 4
Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.
И ныне, глас 4
К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши: потщися, погибаем от множества прегрешений, не отврати Твоя рабы тщи, Тя бо и едину надежду имамы.
Прокимен, глас 4-й:
Изми мя от враг моих, Боже,// и от востающих на мя избави мя.
Стих:
Яко се уловиша душу мою, нападоша на мя крепцыи.
Апостол к Римляном, зач. 121, гл. 16, 17-20.
Братие, молю вы, блюдйтеся от творящих распри и раздоры, кроме учения, емуже вы научистеся, и уклонитеся от них. Таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых. Ваше бо послушание ко всем достиже: радуюся же еже о вас: Хощу же вас мудрых убо быти во благое, простых же в злое. Бог же мира да сокрушит сатану под ноги ваша вскоре. Благодать Господа нашего Иисуса Христа с вами, аминь.
Евангелие, от Луки зач.78, гл. 15, 3-10.
Рече Господь…
Слава: Молитвами апостолов…
И ныне: Молитвами Богородицы…
Стих: Помилуй мя Боже…
Стихира, глас 6
Отступившия от православныя веры / и погибельными ересьми ослепленныя, / светом Твоего познания просвети // и Святей Твоей Апостольстей Соборней Церкви причти.
На сугубой ектиние, прибавляем прошения:
Не хотяй смерти грешных, но ожидаяй обращения и покаяния, соедини всех во Святей Твоей Церкви, молим Ти ся, Милосердый Господи, услыши и помилуй.
Устроивый мир сей в славу Твою, сотвори, яко да истинною верою и благочестием Тебе, Бога нашего, прославят, молим Ти ся, Всесильный Творче, услыши и помилуй.
Давый заповедь Твою нам, еже любйти Тебе, Бога нашего, и блйжняго своего, сотвори, да ненависти, вражды, обиды и прочая беззакония прекратятся, истинная же любовь да царствует в сердцах наших, молим Ти ся, Спасителю наш, услыши и мйлостивно помилуй.
Иерей: Услыши ны, Боже…
Лик: Аминь.
Диакон: Со умелением сердец наших, прилежно, Господу помолимся
Лик: Господи, помилуй (Трижды).
Иерей читает молитву:
Всевышний Боже, Владыко и Содетелю всея твари, наполняли вся величеством Твоим и содержай силою Твоею! Тебе, Вседаровйтому Господу нашему, мы, недо-стойнии, благодарение приносим, яко не отвращаешися нас беззаконий ради наших, но паче предваряеши ны щедротами Твоими. Ты ко избавлению нашему послал есй Единороднаго Твоего Сына и благовестил безмерное Твое к роду человеческому снизхождение, яко хотением хощеши и ожидаеши, еже обратйтися нам к Тебе и спасенным бьгги. Ты, снизходя к немощи нашего естества, укрепляеши нас всесильною Святаго Твоего Духа благодатию, утешаеши спасительною верою и совершенною надеждою вечных благ и, руководствуя избранных Твоих в горний Сион, соблюдавши, яко зеницу ока. Исповедуем, Господи, великое Твое и безприкладное человеколюбие и милосердие. Но видяще многих поползновения, прилежно Тя, Всеблагйй Господи, молим: призри на Церковь Твою и виждь, яко Твое спасительное благовесте, аще и радостно прияхом, но терние суеты и страстей творит оное в некиих малоплодно, в некиих же и безгоюдно, и по умножению беззаконий овии ересьмй, овии расколом протйвящеся евангельской Твоей истине, отступают от достояния Твоего, отревают Твою благодать и повергают себе суду Твоего Пресвятаго Слова. Премилосердый и Всесильный, не до конца гневаяйся, Господи! Буди милостив, молит Тя Твоя Церковь, представляющи Тебе Начальника и Совершителя спасения нашего, Иисуса Христа, буди милостив нам, укрепи нас в правоверии силою Твоею, заблуждающим же просвети разумныя очи светом Твоим Божественным, да уразумеют Твою истину; умягчи их ожесточение и отверзи слух, да познают глас Твой и обратятся к Тебе, Спасителю нашему. Исправи, Господи, иных развращение и жизнь, несогласную христианскому благочестию; сотвори, да вси свято и непорочно поживем, и тако спасительная вера укоренится и плодоносна в сердцах наших пребудет. Не отврати Лица Твоего от нас, Господи, воздаждь нам радость спасения Твоего; подаждь, Господи, и пастырем Церкве Твоея святую ревность, и о спасении и обращении заблуждающих попечение их духом евангельским раствори, да Тобою вси руководйми, достигнем, идёже совершение веры, исполнение надежды и истинная любовь, и тамо с лики чистейших Небесных Сил прославим Тебе, Господа нашего, Отца и Сына и Святаго Духа, во веки веков.
Лик: Аминь.
Иерей: Мир всем.
Лик: И духови твоему.
Диакон: Возлюбим друг друга, да единомыслием исповемы.
Лик: Отца и Сына и Святаго Духа, Троицу Единосущную и Нераздельную.
Диакон: Премудростию вонмем.
Народ поет Символ веры
Верую во Единаго Бога Отца Вседержителя, Творца небу и земли, видимим же всем и невидимым. И во Единаго Господа Иисуса Христа, Сына Божия, Единароднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, Единосущна Отцу, Имже вся быша. Нас ради, человек, и нашего ради спасения сшедшаго с Небес, и воплотившагося от Духа Свята и Марии Девы, И вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И восшедшаго на Небеса, и седяща одесную Отца. И паки грядущаго со славою судити живым и мертвым, Его же Царствию не будет конца. И в Духа Святаго, Господа Животворящаго, Иже от Отца исходящаго, Иже со Отцем и Сыном спокланяема исславима, глаголавшаго пророки. Во едину Святую Соборную и Апостольскую Церковь. Исповедую едино Крещение во оставление грехов. Чаю воскресения мертвых, и жизни будущаго века. Аминь.
Таже диакон стих сей поет:
Сия вера апостольская,
сия вера отеческая,
сия вера православная,
сия вера вселенную утверди.
По символе веры иерей абие чтет сию молитву св. прав. Иоанн Кронштадского:
Утвeрди в вере сей и верою сею сердце мое и сердца всех православных христиан; сея веры и сего чаяния жити достойно вразуми; соедини в вере сей все великия христианския общества, бедственно отпавшия от единства Святыя Православныя Кафолическия и Апостольския Церкви, яже есть тело Твое и ея же Глава еси Ты и Спаситель тела, низложи гордыню и противление учителей их и последующих им, даруй им сердцем уразуметь истину и, спасительность Церкви Твоея и неленостно ей соединитися; совокупи Твоей Святей Церкви и недугующих невежеством, заблуждением и упорством раскола, сломив силою благодати Святаго Духа Твоего упорство их и противление истине Твоей, да не погибнут люты в своем противлении, якоже Kopeй, Дафан и Авирон, противившееся Моисею и Аарону, рабом Твоим. К сей вере привлеци вся языки, населяющие землю, да единым сердцем и едиными усты вся языци прославляют Тебя Единого всех Бога и Благодетеля; в сей вере и нас всех соедини духом кротости, смирения, незлобия, простоты, безстрастия, терпения и долготерпения, милосердия, соболезнования, сорадования.
И даждь нам едиными усты и единым сердцем славити и воспевати Пречестное и Великолепое Имя Твое, Отца и Сына и Святаго Духа, ныне и присно и во веки веков
Лик: Аминь.
Абие диакон чтет сии прошения:
Помяни, Господи Иисусе Христе, Боже наш, милости и щедроты Твоя от века сущия, ихже ради и вочеловечился еси, и распятие и смерть, спасения ради право в Тя верующих, претерпети изволил еси; и воскрес из мертвых, вознеслся еси на небеса и седиши одесную Бога Отца, и призираеши на смиренныя мольбы всем сердцем призывающих Тя: приклони ухо Твое, и услыши смиренное моление наше, непотребных раб Твоих, в воню благоухания духовнаго, Тебе за вся люди Твоя приносящия.
И в первых помяни Церковь Твою Святую, Соборную и Апостольскую, юже снабдел еси честною Твоею Кровию, и утверди, и укрепи, и разшири, умножи, умири, и непреобориму адовыми враты во веки сохрани; раздирания Церквей утиши, шатания языческая угаси, и ересей востания скоро разори и искорени, и в ничтоже силою Святаго Твоего Духа обрати.
Спаси, Господи, и помилуй Великаго Господина и Отца нашего Святейшего Патриарха Алексия, и Господина нашего преосвященнейшаго епископа (имярек), преосвященныя митрополиты, архиепископы и епископы православныя, иереи же и диаконы, и весь причет церковный, яже поставил еси пасти словесное Твое стадо, и молитвами их помилуй и спаси мя грешнаго.
Спаси, Господи, и помилуй Богохранимую страну нашу, власти и воинство ея, да тихое и безмолвное житие поживем во всяком благочестии и чистоте.
Спаси, Господи, и помилуй старцы и юныя, нищия и сироты и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих, Тебе ради и веры православныя, от язык безбожных, от отступник и от еретиков, сущия рабы Твоя, и помяни я, посети, укрепи, утеши, и вскоре силою Твоею ослабу, свободу и избаву им подаждь.
Спаси, Господи, и помилуй ненавидящия и обидящия нас, и творящия нам напасти, и не остави их погибнути нас ради, грешных.
Иерей чтет молитву:
Святая Троице, сих прослави и утверди даже до конца в правоверии, отступивших же ся святыя и спасительныя веры и Христовы Церкви обрати и сотвори, да вси придут в познание вечныя Твоея истины, молитвами Пресвятыя Владычицы нашея Богородицы и Приснодевы Марии и всех святых.
Лик: Аминь.
Диакон: Ко Пресвятей, Пречистей, Преблагословенней, Славней Владычице нашей Богородице, со умелением сердец наших помолимся.
Лик: Пресвятая Богородице, спаси нас.
Иерей чтет молитву, святителя Гавриила Новгородского, к Божией Матери об обращении заблудших.,
О, Всемилостивая Госпоже, Дево Владычице Богородице, Царица Небесная! Ты рождеством Своим спасла род человеческий от вечного мучительства диавола: ибо от Тебя родился Христос, Спаситель наш. Призри Своим милосердием и на сих (имя), лишенных милости Божией и благодати, исходатайствуй Матерним Своим дерзновением и Твоими молитвами у Сына Твоего, Христа Бога нашего, дабы ниспослал благодать Свою свыше на сих погибающих. О, Преблагословенная! Ты надежда ненадежных, Ты отчаянных спасение, да не возрадуется враг о душах их!
Лик: Аминь.
Диакон: Премудрость
Иерей: Пресвятая Богородице, спаси нас.
Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей: Слава Тебе, Христе Боже, Упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (Трижды). Благослови.
Иерей произносит отпуст.
(Молитва после Символа Веры перепечатана со статьи: «Особенности в чинопоследовании литургии, совершавшейся о. И.Кронштадским» Извлечено из "Миссионерского Обозрения" за окт. 1903 г. стр. 811-814)