Originally published at
Home Court. Please leave any
comments there.
lahat ng tao, may hangganan
wari’y lubid na kahit anong tibay
ay mapipigtas din.
hanggang saan dadalhin
hanggang saan aabot
wala na nga bang katapusan?
- saan pang sulok susuksok?
hanggang anong klase pang
pagpapakasalimuot?
lubog na nga’t nagpapalunod pa
imbes na labanan ang agos
nagpapatianod na lang.
lahat nga ng tao, lahat
mayroong hangganan.
ngunit hanggang saan?
hanggang saan?
lahat ng bagay may kanya-
kanyang takdang katapusan.
ngunit hanggang kailan?
hanggang kailan?