ՇՊԱՐԳԱԼԿԱ

[khlurd]

Փոքր շպարգալկաներ` հայերեն գրել ցանկացողների համար:Ճ

ՇՊ -1.  Օժանդակ բայերի մասին: Ինչպես հիշել, թե երբ գրել ե ու է կամ` առանձին :Ճ

Դե, հայերենը ֆրանսերեն չի այնքան էլ.

Հիմնականում բայի հիմնական ու գործողություն ցույց տվող մասը անփոփոխ է մնում: Ասենք` /դե, կինն ինչից է լավ/ Խոսում: Ըհը:   /Խոսեցի, խոսեցիր` չքննարկենք, կպած է: Հ.Գ.-Չքննակենք-ը ամբողջական է, որ չմտածեք ինչու, փորձենք մի հատ` չքննարկ ենք- չի լինի: համ արդեն հայերեն չի, համ ` չքննարկ-քննարկ բայ չկա, իմաստազուրկ է շատ  /քաղաքական իմաստով չեմ ասում//:

Ըհը, փոփոխվում է  բայի օժանդակ` հավելյալ, լրացուցիչ, օգնող… առանձին մասը:

Է -ն պատկերացրեք` ե -ն է` պոչով: Եթե ես ու դու խոսում ենք, ում պոչ կկպցնենք՞՞՞ ՆՐԱՆ իհարկե, հո ինձ ու քեզ չէ՞՞՞:  Այ, դրա համար էլ`

Ես խոսում եմ /ե/

Դու խոսում ես /ե/

Նա… անում է /պոչավոր/

Մենք խոսում ենք /ե/

Դուք խոսում եք /ե/

Նրանք… հըմմմ շատի հետ կատակ չեն անում: Եկեք սրանց էլ պոզուպոչ չկպցնենք` նրանք խոսում են /շատից խուսափեցինք` ե/

Ըհը: Կյանք է: Ու հիշենք, որ պոչեր հանգիստ ու անընտրել կարելի է կպցնել  անցյալ ժամանակին: Նույնիսկ` մեր անցյալին:

Խոսում էի / էինք

Խոսում էիր /էիք

Խոսում էր / էին


Իսկ իհարկե-ն գործողություն չի, դրա համար էլ ե -ն կպած  է`  ԻՀԱՐԿԵ:

Ի դեպ` պիտի որ փոքրերի համար էլ այս հակադաստիարակչական տարբերակը  աշխատի :ՃՃՃ Թեև` իմ  երկու առաջիններում կարդալ առանց տառաճանաչության եմ սովորեցրել` բառերով: Ու նրանք կարդում էին մի բառը նույնքան արագ, որքան մյուսները` մի տառը: Ու ուղղագրության հետ էլ են քիչ խնդիրներ ունեցել:

Հա, նաև ասեմ, մի տարի մի դասարանում առանց դասագրքերի եմ մաթեմատիկա պարապել, որովհետև գրքերն անտանելի վատ էին: Ու` քիչ տնայիններով, որովհետև դրանք գրատախտակից էին գրում: Հիմնականում` վարժություններ: Աաա, ու մի տասում ֆիզիկան ընդհանրապես առանց տնայինների /КСО մեթոդով/, որովհետև ոչ ոք ժամանակ չուներ «իրեն պետք չեկող»  ֆիզիկա սովորելու:

Մեթոդ: Ինչպես սովորել: Ինչպես հեշտ ու հավեսով սովորել: Ոչ թե` տաս տարին դարձնել տասներկու ու լիքը նյութ դուրս հանել ծրագրից ու, մեկ է` էլի չկարողանալ տեղավորվել օրվա մեջ:
Դիդակտիկան կորել է: Մի կենցաղավարական փուլում էլ ուսուցումն է, էլի: