Торт "Захер"
Выхад: 8 порцый
Інгрэдыенты:
• 150 г мукі,
• 150 г сметанковага масла,
• 150 г цукру,
• 5 яйкаў,
• 300 г цёмнага шакаладу,
• 1 ч. лыжка пекарскага парашка,
• 1 ч. лыжка ванільнай эсэнцыі,
• 150 г абрыкосавага джэма,
• 2 ст. лыжкі малака,
• 100 г цукровай пудры,
• сметанковае масла для змазвання формы,
• мука для абсыпання формы.
Спосаб прыгатавання:
Распусціць палову шакаладу на вадзяной лазні разам з малаком. Змяшаць размякчанае сметанковае масла з цукрам і ванільнай эсэнцыяй, дадаць яечныя жаўткі па адным за раз і распалены шакалад. Злучыць з прасеянай мукой і пекарскім парашком. Замясіць цеста. Узбіць яечныя бялкі ў моцную пену і дадаць у цеста. Вышмараваць сметанковым маслам і абсыпаць мукой форму дыяметрам 24 см, уліць цеста і выпякаць у духоўцы, папярэдне разагрэтай да тэмпературы 180°C, на працягу 40 хвілін.
Выняць корж і даць яму астыць, затым разрэзаць яго напалову гарызантальна. Вышмараваць разрэз першага каржа абрыкосавым джэмам і акуратна накрыць яго другім каржом.
Прыгатаванне шакаладнай глазуры: распусціць пакінуты шакалад на вадзяной лазні, злучыць з цукровай пудрай і зняць з агню. Размяшаць шакаладную сумесь, дадаючы 3 ст. лыжкі халоднай вады за раз. Калі глазура стане аднастайнай, вышмараваць ёю з дапамогай лапаткі паверхню і бакі торта. Даць глазуры застыць і падаваць.
© Святлана Калтовіч, 2012 г.